श्रीकृष्णदेवीमन्त्रात्मककवचम् Shrikrishnadevi Mantratmaka Kavacham

॥ विनियोगः ॥अस्य श्रीकृष्णदेवीमन्त्रात्मककवचमन्त्रस्य ।शक्ति ऋषिः ।अनुष्टुप्छन्दः ।श्रीकृष्णदेवी तारिणी देवता ।क्रीँ बीजम् ।क्लीँ शक्तिः ।ह्रीँ कीलकम् ।सर्वाभीष्टसिद्।ह्ध्यर्थे पाठे विनियोगः ॥॥ ध्यानम् ॥कृष्णां रक्ताम्बरधरां नागयज्ञोपवीतिनीम् ।त्रिनेत्रां वरदां देवीं तारिणीं प्रणमाम्यहम् ॥॥ कवचम् ॥क्रीँ बीजं मे शिरः पातु कालीरूपा सनातनी ।क्लीँ बीजं ललाटे पातु कामकल्पद्रुमप्रभा ॥ १॥

|| viniyogaḥ ||asya śrīkṛṣṇadevīmantrātmakakavacamantrasya |śakti ṛṣiḥ |anuṣṭupchandaḥ |śrīkṛṣṇadevī tāriṇī devatā |krīm̐ bījam |klīm̐ śaktiḥ |hrīm̐ kīlakam |sarvābhīṣṭasid|hdhyarthe pāṭhe viniyogaḥ |||| dhyānam ||kṛṣṇāṃ raktāmbaradharāṃ nāgayajñopavītinīm |trinetrāṃ varadāṃ devīṃ tāriṇīṃ praṇamāmyaham |||| kavacam ||krīm̐ bījaṃ me śiraḥ pātu kālīrūpā sanātanī |klīm̐ bījaṃ lalāṭe pātu kāmakalpadrumaprabhā || 1||

कृष्णदेवी दृशौ पातु त्रैलोक्यज्ञानदायिनी ।ह्रीँकाररूपिणी देवी कर्णयुग्मं सदावतु ॥ २॥

kṛṣṇadevī dṛśau pātu trailokyajñānadāyinī |hrīm̐kārarūpiṇī devī karṇayugmaṃ sadāvatu || 2||

क्रीँकारी नासिकां पातु क्लीँकारी वदनं मम ।तारिणी जिह्विकां पातु वाग्वैभवप्रदायिनी ॥ ३॥

krīm̐kārī nāsikāṃ pātu klīm̐kārī vadanaṃ mama |tāriṇī jihvikāṃ pātu vāgvaibhavapradāyinī || 3||

ह्रीँकारमयी मे दन्तान् रक्तवर्णा सदावतु ।देवी कण्ठं सदा पातु महामायाविमोहिनी ॥ ४॥

hrīm̐kāramayī me dantān raktavarṇā sadāvatu |devī kaṇṭhaṃ sadā pātu mahāmāyāvimohinī || 4||

क्रीँ क्लीँ ह्रीँ हृदयं पातु सर्वतन्त्रैकगोपितम् ।कृष्णदेवी स्तनद्वन्द्वं पराशक्तिः सदावतु ॥ ५॥

krīm̐ klīm̐ hrīm̐ hṛdayaṃ pātu sarvatantraikagopitam |kṛṣṇadevī stanadvandvaṃ parāśaktiḥ sadāvatu || 5||

नाभिं मे तारिणी पातु ब्रह्माण्डाम्भोजमध्यगा ।कटीं कालप्रिया पातु योगिनीकोटिसेविता ॥ ६॥

nābhiṃ me tāriṇī pātu brahmāṇḍāmbhojamadhyagā |kaṭīṃ kālapriyā pātu yoginīkoṭisevitā || 6||

गुह्यं मे गुह्यविद्या च पातु नित्यं परात्परा ।ऊरू मे विजयापातु जङ्घे पातु जयप्रदा ॥ ७॥

guhyaṃ me guhyavidyā ca pātu nityaṃ parātparā |ūrū me vijayāpātu jaṅghe pātu jayapradā || 7||

जानुनी मे महाविद्या गुल्फौ सिद्धिप्रदायिनी ।पादौ मे पातु सततं कृष्णदेवी महेश्वरी ॥ ८॥

jānunī me mahāvidyā gulphau siddhipradāyinī |pādau me pātu satataṃ kṛṣṇadevī maheśvarī || 8||

रक्ताम्बरा पूर्वतो मां दक्षिणे भीषणानना ।पश्चिमे पातु मां तारा उत्तरे ज्ञानरूपिणी ॥ ९॥

raktāmbarā pūrvato māṃ dakṣiṇe bhīṣaṇānanā |paścime pātu māṃ tārā uttare jñānarūpiṇī || 9||

आग्नेये कालिका पातु नैऋत्ये भैरवी मम ।वायव्ये पातु मे दुर्गा ऐशान्यां तारिणी स्वयम् ॥ १०॥

āgneye kālikā pātu naiṛtye bhairavī mama |vāyavye pātu me durgā aiśānyāṃ tāriṇī svayam || 10||

ऊर्ध्वे ब्रह्ममयी पात्वधस्तात् भुवनेश्वरी ।अन्तर्बहिश्च मां पातु कृष्णदेवी निरन्तरम् ॥ ११॥

ūrdhve brahmamayī pātvadhastāt bhuvaneśvarī |antarbahiśca māṃ pātu kṛṣṇadevī nirantaram || 11||

क्रीँकारः पातु मे प्राणान् क्लीँकारः पात्वपानकम् ।ह्रीँकार उदानरूपश्च समानं व्यानमेव च ॥ १२॥

krīm̐kāraḥ pātu me prāṇān klīm̐kāraḥ pātvapānakam |hrīm̐kāra udānarūpaśca samānaṃ vyānameva ca || 12||

मनो बुद्धिं तथा चित्तमहङ्कारं च सर्वदा ।कृष्णदेवी सदा पातु महाघोरापि सुन्दरी ॥ १३॥

mano buddhiṃ tathā cittamahaṅkāraṃ ca sarvadā |kṛṣṇadevī sadā pātu mahāghorāpi sundarī || 13||

विद्यायां पातु मां नित्यं वादे पातु सरस्वती ।युद्धे पातु महाकाली सभायां विजयप्रदा ॥ १४॥

vidyāyāṃ pātu māṃ nityaṃ vāde pātu sarasvatī |yuddhe pātu mahākālī sabhāyāṃ vijayapradā || 14||

राजद्वारे महादेवी सङ्ग्रामे शत्रुमर्दिनी ।अरण्ये निर्जने घोरे तारिणी मां सदावतु ॥ १५॥

rājadvāre mahādevī saṅgrāme śatrumardinī |araṇye nirjane ghore tāriṇī māṃ sadāvatu || 15||

जले स्थले च गगने स्वप्ने जागरणे तथा ।क्रीँ क्लीँ ह्रीँ त्रयं पातु कृष्णदेव्याः परं वपुः ॥ १६॥

jale sthale ca gagane svapne jāgaraṇe tathā |krīm̐ klīm̐ hrīm̐ trayaṃ pātu kṛṣṇadevyāḥ paraṃ vapuḥ || 16||

इदं मन्त्रात्मकं दिव्यं कवचं मन्त्रविग्रहम् ।क्रीँ क्लीँ कृष्णदेवी ह्रीँ क्रीँ ऐँ इति स्वरूपकम् ॥ १७॥

idaṃ mantrātmakaṃ divyaṃ kavacaṃ mantravigraham |krīm̐ klīm̐ kṛṣṇadevī hrīm̐ krīm̐ aim̐ iti svarūpakam || 17||

॥ इति श्रीकृष्णदेवीमन्त्रात्मककवचं सम्पूर्णम् ॥

|| iti śrīkṛṣṇadevīmantrātmakakavacaṃ sampūrṇam ||