भद्रकाल्यष्टकं १ Shri Bhadrakali Ashtakam

घोरे संसारवह्नौ प्रलयमुपगते या हि कृत्वा श्मशानेनृत्यत्यन्यूनशक्तिर्जगदिदमखिलं मुण्डमालाभिरामा ।भिद्यद्ब्रह्माण्डभाण्डं पटुतरनिनदैरट्टहासैरुदारैःसास्माकं वैरिवर्गं शमयतु तरसा भद्रदा भद्रकाली ॥ १॥

ghore saṃsāravahnau pralayamupagate yā hi kṛtvā śmaśānenṛtyatyanyūnaśaktirjagadidamakhilaṃ muṇḍamālābhirāmā |bhidyadbrahmāṇḍabhāṇḍaṃ paṭutaraninadairaṭṭahāsairudāraiḥsāsmākaṃ vairivargaṃ śamayatu tarasā bhadradā bhadrakālī || 1||

मग्ने लोकेऽम्बुराशौ नलिनभवनुता विष्णुना कारयित्वाचक्रोत्कृत्तोरुकण्ठं मधुमपि भयदं कैटभं चातिभीमम् ।पद्मोत्पत्तेः प्रभूतं भयमुत रिपुतोयाहरत्सानुकम्पासास्माकं वैरिवर्गं शमयतु तरसा भद्रदा भद्रकाली ॥ २॥

magne loke'mburāśau nalinabhavanutā viṣṇunā kārayitvācakrotkṛttorukaṇṭhaṃ madhumapi bhayadaṃ kaiṭabhaṃ cātibhīmam |padmotpatteḥ prabhūtaṃ bhayamuta riputoyāharatsānukampāsāsmākaṃ vairivargaṃ śamayatu tarasā bhadradā bhadrakālī || 2||

विश्वत्राणं विधातुं महिषमथ राणे याऽसुरं भीमरूपंशूलेनाहत्य वक्षस्यमरपतिनुता पातयन्ती च भूमौ ।तस्यासृग्वाहिनीभिर्जलनिधिमखिलं शोणिताभं च चक्रेसास्माकं वैरिवर्गं शमयतु तरसा भद्रदा भद्रकाली ॥ ३॥

viśvatrāṇaṃ vidhātuṃ mahiṣamatha rāṇe yā'suraṃ bhīmarūpaṃśūlenāhatya vakṣasyamarapatinutā pātayantī ca bhūmau |tasyāsṛgvāhinībhirjalanidhimakhilaṃ śoṇitābhaṃ ca cakresāsmākaṃ vairivargaṃ śamayatu tarasā bhadradā bhadrakālī || 3||

या देवी चण्डमुण्डौ त्रिभुवननलिनीवारणौ देवशत्रूदृष्ट्वा युद्धोत्सवे तौ द्रुततरमभियातासिना कृत्तकण्ठौ ।कृत्वा तद्रक्तपानोद्भवमदमुदिता साट्टहासातिभीमासास्माकं वैरिवर्गं शमयतु तरसा भद्रदा भद्रकाली ॥ ४॥

yā devī caṇḍamuṇḍau tribhuvananalinīvāraṇau devaśatrūdṛṣṭvā yuddhotsave tau drutataramabhiyātāsinā kṛttakaṇṭhau |kṛtvā tadraktapānodbhavamadamuditā sāṭṭahāsātibhīmāsāsmākaṃ vairivargaṃ śamayatu tarasā bhadradā bhadrakālī || 4||

सद्यस्तं रक्तबीजं समरभुवि नता घोररूपानसङ्ख्यान्राक्तोद्भूतैरसङ्ख्यैर्गजतुरगरथैस्सार्थमन्यांश्च दैत्यान् ।वक्त्रे निक्षिप्य दष्ट्वा गुरुतरदशनैरापपौ शोणितौघंसास्माकं वैरिवर्गं शमयतु तरसा भद्रदा भद्रकाली ॥ ५॥

sadyastaṃ raktabījaṃ samarabhuvi natā ghorarūpānasaṅkhyānrāktodbhūtairasaṅkhyairgajaturagarathaissārthamanyāṃśca daityān |vaktre nikṣipya daṣṭvā gurutaradaśanairāpapau śoṇitaughaṃsāsmākaṃ vairivargaṃ śamayatu tarasā bhadradā bhadrakālī || 5||

स्थानाद्भ्रष्टैश्च देवैस्तुहिनगिरितटे सङ्गतैस्संस्तुता यासङ्ख्याहीनैस्समेतं त्रिदशरिपुगणैस्स्यन्दनेभाश्वयुक्तैः ।युद्धे शुम्भं निशुम्भं त्रिभुवनविपदं नाशयन्ती च जघ्नेसास्माकं वैरिवर्गं शमयतु तरसा भद्रदा भद्रकाली ॥ ६॥

sthānādbhraṣṭaiśca devaistuhinagiritaṭe saṅgataissaṃstutā yāsaṅkhyāhīnaissametaṃ tridaśaripugaṇaissyandanebhāśvayuktaiḥ |yuddhe śumbhaṃ niśumbhaṃ tribhuvanavipadaṃ nāśayantī ca jaghnesāsmākaṃ vairivargaṃ śamayatu tarasā bhadradā bhadrakālī || 6||

शम्भोर्नेत्रानले या जननमपि जगत्त्राणहेतोरयासीत्भूयस्तीक्ष्णातिधाराविदलितदनुजा दारुकं चापि हत्वा ।तस्यासृक्पानतुष्टा मुहुरपि कृतवत्यट्टहासं कठोरंसास्माकं वैरिवर्गं शमयतु तरसा भद्रदा भद्रकाली ॥ ७॥

śambhornetrānale yā jananamapi jagattrāṇahetorayāsītbhūyastīkṣṇātidhārāvidalitadanujā dārukaṃ cāpi hatvā |tasyāsṛkpānatuṣṭā muhurapi kṛtavatyaṭṭahāsaṃ kaṭhoraṃsāsmākaṃ vairivargaṃ śamayatu tarasā bhadradā bhadrakālī || 7||

या देवी कालरात्री तुहिनगिरसुता लोकमाता धरित्रीवणी निद्रा च मायामनसिजदयिता घोररूपातिसौम्या ।चामुण्डा खड्गहस्ता रिपुहननपरा शोणितास्वादकामासा हन्याद्विश्ववन्द्या मम रिपुनिवहा भद्रदा भद्रकाली ॥ ८॥

yā devī kālarātrī tuhinagirasutā lokamātā dharitrīvaṇī nidrā ca māyāmanasijadayitā ghorarūpātisaumyā |cāmuṇḍā khaḍgahastā ripuhananaparā śoṇitāsvādakāmāsā hanyādviśvavandyā mama ripunivahā bhadradā bhadrakālī || 8||

भद्रकाल्यष्टकं जप्यं शत्रुसंक्षयकाङ्क्षिणा ।स्वर्गापवर्गदं पुण्यं दुष्टग्रहनिवारणम् ॥ ९॥

bhadrakālyaṣṭakaṃ japyaṃ śatrusaṃkṣayakāṅkṣiṇā |svargāpavargadaṃ puṇyaṃ duṣṭagrahanivāraṇam || 9||

इति श्रीभद्रकाल्यष्टकं सम्पूर्णम् ।

iti śrībhadrakālyaṣṭakaṃ sampūrṇam |