बालोपनिषत् Shri Balopanishat

(अथर्ववेदीया)ऐं नमः श्रीबालायै । श्रीबालोपनिषदं व्याख्यास्यामः । शृणु प्रियेचक्र चक्रस्था । महात्मा । महागुह्या । गुह्यतरा । श्रेष्ठातिश्रेष्ठा ।भव्या । भव्यतरा । त्रिगुणगा । गुणातीता । गुणस्वरूपा । गुङ्कारमध्यस्थारेचकपूरककुम्भस्वरूपा । अष्टाङ्गरूपा चतुर्दशभुवनमालिनी ।चतुर्दशभुवनेश्वरी चतुर्वेदवेदाङ्गपारगा । साङ्ख्यासाङ्ख्यस्वरूपा ।शान्ता । शाक्तप्रिया । शाक्तधर्मपरायणा । सर्वभद्रा विभद्रा । सुभद्रा ।भद्रभद्रान्तर्गता । वीरभद्रावतारिणी । शून्या शून्यतरा शून्यप्रभवाशून्यालया शून्यज्ञानप्रदा शून्यातीता शूलहस्ता महासुन्दरीसुरासुरारिविध्वंसिनी शूकरानना सुभगा शुभदा सुशुभा शस्त्रास्त्रधारिणीपराप्रासादवामाङ्गा परमेश्वरी परापरा परमात्मा पापघ्ना पञ्चेन्द्रियालयापरब्रह्मावतारा पद्महस्ता पाञ्चजन्या पुण्डरीकाक्षा पशुपाशहारिणीपशुपपूज्या पाखण्डध्वंसिनी पवनेशी पवनस्वरूपा पद्यापद्यमयीपद्यज्ञानप्रदात्री पुस्तहस्ता पक्वबिम्बफलप्रभा प्रेतासना प्रजापालीप्रपञ्चहारिणी पृथिवीरूपा पीताम्बरा पिशाचगणसेविता पितृवनस्थाहंसस्वरूपा परमहंसी ऐङ्कारबीजा वाग्भावस्था वाग्भवबीजोद्योगिनीवाग्भावेशी वाग्भवबीजमालिनी यः एवं वेद स वेदवित् । बालोपनिषदंयः पठति यः शृणोति तस्याघं सर्वं नश्यति चतुर्वर्गफलं प्राप्नोतिलयज्ञानं भवति ज्योतिर्मये प्रलीयते षट्कर्मविद्या सिद्।ह्ध्यति मनोरथंपूरयति सर्वारिष्टं नाशयति धनं एधति आयुर्वृद्धिर्भवति निर्वाणपदंगच्छति महाजनत्वं प्राप्नोति सर्वशास्त्रं ज्ञापयति बहुतरसिद्धिंनयति डाकिन्यादि सर्वं पलायति ओङ्कारे प्रमीलति ।

(atharvavedīyā)aiṃ namaḥ śrībālāyai | śrībālopaniṣadaṃ vyākhyāsyāmaḥ | śṛṇu priyecakra cakrasthā | mahātmā | mahāguhyā | guhyatarā | śreṣṭhātiśreṣṭhā |bhavyā | bhavyatarā | triguṇagā | guṇātītā | guṇasvarūpā | guṅkāramadhyasthārecakapūrakakumbhasvarūpā | aṣṭāṅgarūpā caturdaśabhuvanamālinī |caturdaśabhuvaneśvarī caturvedavedāṅgapāragā | sāṅkhyāsāṅkhyasvarūpā |śāntā | śāktapriyā | śāktadharmaparāyaṇā | sarvabhadrā vibhadrā | subhadrā |bhadrabhadrāntargatā | vīrabhadrāvatāriṇī | śūnyā śūnyatarā śūnyaprabhavāśūnyālayā śūnyajñānapradā śūnyātītā śūlahastā mahāsundarīsurāsurārividhvaṃsinī śūkarānanā subhagā śubhadā suśubhā śastrāstradhāriṇīparāprāsādavāmāṅgā parameśvarī parāparā paramātmā pāpaghnā pañcendriyālayāparabrahmāvatārā padmahastā pāñcajanyā puṇḍarīkākṣā paśupāśahāriṇīpaśupapūjyā pākhaṇḍadhvaṃsinī pavaneśī pavanasvarūpā padyāpadyamayīpadyajñānapradātrī pustahastā pakvabimbaphalaprabhā pretāsanā prajāpālīprapañcahāriṇī pṛthivīrūpā pītāmbarā piśācagaṇasevitā pitṛvanasthāhaṃsasvarūpā paramahaṃsī aiṅkārabījā vāgbhāvasthā vāgbhavabījodyoginīvāgbhāveśī vāgbhavabījamālinī yaḥ evaṃ veda sa vedavit | bālopaniṣadaṃyaḥ paṭhati yaḥ śṛṇoti tasyāghaṃ sarvaṃ naśyati caturvargaphalaṃ prāpnotilayajñānaṃ bhavati jyotirmaye pralīyate ṣaṭkarmavidyā sid|hdhyati manorathaṃpūrayati sarvāriṣṭaṃ nāśayati dhanaṃ edhati āyurvṛddhirbhavati nirvāṇapadaṃgacchati mahājanatvaṃ prāpnoti sarvaśāstraṃ jñāpayati bahutarasiddhiṃnayati ḍākinyādi sarvaṃ palāyati oṅkāre pramīlati |

इति अथर्ववेदीया श्रीबालोपनिषत् समाप्ता ।

iti atharvavedīyā śrībālopaniṣat samāptā |