बालापटलम् Shri Bala Patalam

कैलासशिखरासीनं भगवन्तमुमापतिम् ।चन्द्रार्धमुकुटं देवं सोमसूर्याग्निलोचनम् ॥ १॥

kailāsaśikharāsīnaṃ bhagavantamumāpatim |candrārdhamukuṭaṃ devaṃ somasūryāgnilocanam || 1||

गजचर्मपरीधानं विरूपाक्षं सुरार्चितम् ।गणगन्धर्वयक्षेन्द्रदेवासुरनमस्कृतम् ॥ २॥

gajacarmaparīdhānaṃ virūpākṣaṃ surārcitam |gaṇagandharvayakṣendradevāsuranamaskṛtam || 2||

विहसन्तं जपन्तं च पठन्तं च मुहुर्मुहुः ।उत्थाय प्रणता भूत्वा चेदं पृच्छति भैरवी ॥ ३॥

vihasantaṃ japantaṃ ca paṭhantaṃ ca muhurmuhuḥ |utthāya praṇatā bhūtvā cedaṃ pṛcchati bhairavī || 3||

श्रीभैरवीभगवन् करुणाम्बोधे सर्वागमविशारद ।त्वत्प्रसादान्मया सर्वाः श्रुता विद्याः सुरेश्वर ॥ ४॥

śrībhairavībhagavan karuṇāmbodhe sarvāgamaviśārada |tvatprasādānmayā sarvāḥ śrutā vidyāḥ sureśvara || 4||

इदानीं श्रोतुमिच्छामि बालां त्रिपुरसुन्दरीम् ।दयास्ति यदि मे देव वद विद्यां महेश्वर ॥ ५॥

idānīṃ śrotumicchāmi bālāṃ tripurasundarīm |dayāsti yadi me deva vada vidyāṃ maheśvara || 5||

श्रीभैरवःशृणु देवि ! प्रवक्ष्यामि पञ्चाङ्गं साधकेष्टदम् ।पटलं पद्धतिं वर्म तथा नाम्नां सहस्रकम् ॥ ६॥

śrībhairavaḥśṛṇu devi ! pravakṣyāmi pañcāṅgaṃ sādhakeṣṭadam |paṭalaṃ paddhatiṃ varma tathā nāmnāṃ sahasrakam || 6||

स्तवराजं महादेवि शृणुष्वैकाग्रमानसा ।श्रीबाला परमेशानी भुक्तिमुक्तिप्रदायिनी ॥ ७॥

stavarājaṃ mahādevi śṛṇuṣvaikāgramānasā |śrībālā parameśānī bhuktimuktipradāyinī || 7||

राज्यं देयं शिरो देयं गृहं लक्ष्मीयुतं तथासर्वं देयं महादेवि न देयमिदमुत्तमम् ॥ ८॥

rājyaṃ deyaṃ śiro deyaṃ gṛhaṃ lakṣmīyutaṃ tathāsarvaṃ deyaṃ mahādevi na deyamidamuttamam || 8||

अस्या विद्यायाः सदृशी विद्या नान्या कलौ युगे ।श्रीबालात्रिपुराविद्या शीघ्रं सिद्धिप्रदा स्मृता ॥ ९॥

asyā vidyāyāḥ sadṛśī vidyā nānyā kalau yuge |śrībālātripurāvidyā śīghraṃ siddhipradā smṛtā || 9||

देया शिष्याय शान्ताय गुरुभक्तिरताय च ।नाभक्ताय प्रदातव्या विद्येयं परमेश्वरि ॥ १०॥

deyā śiṣyāya śāntāya gurubhaktiratāya ca |nābhaktāya pradātavyā vidyeyaṃ parameśvari || 10||

मन्त्रोद्धारं तथा यन्त्रं प्रस्तारं ध्यानमेव च ।प्रयोगान् संप्रवक्ष्यामि देवदेव्या महेश्वरि ॥ ११॥

mantroddhāraṃ tathā yantraṃ prastāraṃ dhyānameva ca |prayogān saṃpravakṣyāmi devadevyā maheśvari || 11||

प्रथमं शृणु देवेशि मन्त्रोद्धारं फलप्रदम् ।गोपनीयं प्रयत्नेन येन सिद्धिः प्रजायते ॥ १२॥

prathamaṃ śṛṇu deveśi mantroddhāraṃ phalapradam |gopanīyaṃ prayatnena yena siddhiḥ prajāyate || 12||

वाग्भवं कामराजश्च शक्तिमध्येऽभिधं न्यसेत् ।नमोऽन्ते देवि बालाया मन्त्रोऽयं चाष्टवर्णकः ॥ १३॥

vāgbhavaṃ kāmarājaśca śaktimadhye'bhidhaṃ nyaset |namo'nte devi bālāyā mantro'yaṃ cāṣṭavarṇakaḥ || 13||

नापि विघ्नो न वा शौचो न वारनियमस्तथा ।स्वयं सिद्धो महादेवि मन्त्रराजः कलौ युगे ॥ १४॥

nāpi vighno na vā śauco na vāraniyamastathā |svayaṃ siddho mahādevi mantrarājaḥ kalau yuge || 14||

दक्षिणामूर्तिपङ्क्त्यौ च मुनिश्छन्दः क्रमात् स्मृतम् ।देवता त्रिपुरा बाला आद्यन्ते बीजशक्तिके ॥ १५॥

dakṣiṇāmūrtipaṅktyau ca muniśchandaḥ kramāt smṛtam |devatā tripurā bālā ādyante bījaśaktike || 15||

क्लीं कीलकं समादिष्टं धर्मकामार्थमुक्तये ।शिरसि वदने देवि हृदये गुह्यदेशके ॥ १६॥

klīṃ kīlakaṃ samādiṣṭaṃ dharmakāmārthamuktaye |śirasi vadane devi hṛdaye guhyadeśake || 16||

पादयोर्नाभिकमले सर्वाङ्गे च तथा न्यसेत् ।ऋष्यादिकं महादेवि कुर्यान्न्यासविकल्पनाम् ॥ १७॥

pādayornābhikamale sarvāṅge ca tathā nyaset |ṛṣyādikaṃ mahādevi kuryānnyāsavikalpanām || 17||

करन्यासं षडङ्गं च बीजैः कुर्यान्महेश्वरि ।अस्या ध्यानं प्रवक्ष्यामि साधकानां हितप्रदम् ॥ १८॥

karanyāsaṃ ṣaḍaṅgaṃ ca bījaiḥ kuryānmaheśvari |asyā dhyānaṃ pravakṣyāmi sādhakānāṃ hitapradam || 18||

रक्ताम्बरां चन्द्रकलावतंसां समुद्यदादित्यनिभां त्रिनेत्राम् ।विद्याक्षमालाऽभयदानहस्तां ध्यायामि बालामरुणाम्बुजस्थाम् ॥ १९॥

raktāmbarāṃ candrakalāvataṃsāṃ samudyadādityanibhāṃ trinetrām |vidyākṣamālā'bhayadānahastāṃ dhyāyāmi bālāmaruṇāmbujasthām || 19||

इति ध्यात्वा महादेवीं जपेन्मत्रं सुसिद्धदम् ।लक्षत्रयं पुरश्चर्याविधौ साधकसत्तमः ॥ २०॥

iti dhyātvā mahādevīṃ japenmatraṃ susiddhadam |lakṣatrayaṃ puraścaryāvidhau sādhakasattamaḥ || 20||

अथ वक्ष्यामि देवेशि यन्त्रोद्धारं सुदुर्लभम् ।साधकस्य महादेव्या भुक्तिमुक्तिफलप्रदम् ॥ २१॥

atha vakṣyāmi deveśi yantroddhāraṃ sudurlabham |sādhakasya mahādevyā bhuktimuktiphalapradam || 21||

बिन्दुत्रिकोणवसु(रस)कोणकनागपत्रवृत्तत्रयाञ्चितमहीसदनत्रयं चबालादिचक्रमिदमार्तिहरं गिरीशे ब्रह्मेन्द्रविष्णुनमितं गदितं मया ते ॥एवं विलिखिते यन्त्रे पीठशक्तीः प्रपूजयेत् ।इच्छाज्ञानक्रियाश्चैव कामिनी कामदायिनी ॥ २३॥

bindutrikoṇavasu(rasa)koṇakanāgapatravṛttatrayāñcitamahīsadanatrayaṃ cabālādicakramidamārtiharaṃ girīśe brahmendraviṣṇunamitaṃ gaditaṃ mayā te ||evaṃ vilikhite yantre pīṭhaśaktīḥ prapūjayet |icchājñānakriyāścaiva kāminī kāmadāyinī || 23||

रती रतिप्रियानन्दा मनोन्मन्यपि चान्तिमा ।पीठशक्तीरिमा इष्ट्वा पीठं तन्मनुना दिशेत् ॥ २४॥

ratī ratipriyānandā manonmanyapi cāntimā |pīṭhaśaktīrimā iṣṭvā pīṭhaṃ tanmanunā diśet || 24||

व्योमपर्वततार्तीयं सदाशिवमहापदम् ।पीठपद्मासनायान्ते नमोऽन्तः पीठमन्त्रकः ॥ २५॥

vyomaparvatatārtīyaṃ sadāśivamahāpadam |pīṭhapadmāsanāyānte namo'ntaḥ pīṭhamantrakaḥ || 25||

षोडशार्णस्ततो मूर्तौ क्लृप्तायां मूलमन्त्रतः ।आवाह्य पूजयेद्देवीमुपचारैः पृथग्विधैः ॥ २६॥

ṣoḍaśārṇastato mūrtau klṛptāyāṃ mūlamantrataḥ |āvāhya pūjayeddevīmupacāraiḥ pṛthagvidhaiḥ || 26||

देवीमिष्ट्वा मध्ययोनौ त्रिकोणे मतिपूर्वकम् ।वामकोणे रतिं दक्षे प्रीतिमग्रे मनोभवाम् ॥ २७॥

devīmiṣṭvā madhyayonau trikoṇe matipūrvakam |vāmakoṇe ratiṃ dakṣe prītimagre manobhavām || 27||

योन्यां तु वह्निकोणादावङ्गानि परिपूजयेत् ।मध्ययोन्यां बहिः पूर्वदिक्षु चाग्रे स्मरानपि ॥ २८॥

yonyāṃ tu vahnikoṇādāvaṅgāni paripūjayet |madhyayonyāṃ bahiḥ pūrvadikṣu cāgre smarānapi || 28||

बाणदेवीस्तद्वदेव शक्तीरष्टासु योनिषु ।सुभगाख्या भगा पश्चात्तृतीया भगसर्पिणी ॥ २९॥

bāṇadevīstadvadeva śaktīraṣṭāsu yoniṣu |subhagākhyā bhagā paścāttṛtīyā bhagasarpiṇī || 29||

भगमाला तथानङ्गाद्यानङ्गकुसुमा परा ।अनङ्गमेखलानङ्गमदनेत्यष्टशक्तयः ॥ ३०॥

bhagamālā tathānaṅgādyānaṅgakusumā parā |anaṅgamekhalānaṅgamadanetyaṣṭaśaktayaḥ || 30||

पद्मकेसरगा ब्राह्मीमुखाः पत्रेषु भैरवाः ।दलाग्रेऽप्यष्ट पीठानि कामरूपाख्यमादिमम् ॥ ३१॥

padmakesaragā brāhmīmukhāḥ patreṣu bhairavāḥ |dalāgre'pyaṣṭa pīṭhāni kāmarūpākhyamādimam || 31||

मलयं कौलगिर्याख्यं चौहाराख्यं कुलान्तकम् ।जालन्धरं तथौड्याणं देवकूटमथाष्टमम् ॥ ३२॥

malayaṃ kaulagiryākhyaṃ cauhārākhyaṃ kulāntakam |jālandharaṃ tathauḍyāṇaṃ devakūṭamathāṣṭamam || 32||

भूगृहे च धरादिक्षु हेरुकं त्रिपुरान्तकम् ।वेतालमग्निजिह्वं च कालान्तककपालिनौ ॥ ३३॥

bhūgṛhe ca dharādikṣu herukaṃ tripurāntakam |vetālamagnijihvaṃ ca kālāntakakapālinau || 33||

एकपादं भीमरूपं मलयं हाटकेश्वरम् ।शक्राद्यानायुधैः सर्वैः स्वस्वदिक्षु समर्चयेत् ॥ ३४॥

ekapādaṃ bhīmarūpaṃ malayaṃ hāṭakeśvaram |śakrādyānāyudhaiḥ sarvaiḥ svasvadikṣu samarcayet || 34||

तद्बहिर्दिक्षु वटुकं योगिनीः क्षेत्रपालकम् ।गणेशं विदिशासु वै वसून् सूर्यं शिवं तथा ॥ ३५॥

tadbahirdikṣu vaṭukaṃ yoginīḥ kṣetrapālakam |gaṇeśaṃ vidiśāsu vai vasūn sūryaṃ śivaṃ tathā || 35||

(सर्वभूतान् समभ्यर्च्य पूजयेदायुधांस्तथा) ।बालां मध्ये विभाव्यादौ कामेश्वराङ्कमध्यगाम् ॥ ३६॥

(sarvabhūtān samabhyarcya pūjayedāyudhāṃstathā) |bālāṃ madhye vibhāvyādau kāmeśvarāṅkamadhyagām || 36||

मकारैः पञ्चभिः कौलः कौलाचारपरायणः ।सम्पूजयेन्महादेवि साधको मन्त्रसाधकः ॥ ३७॥

makāraiḥ pañcabhiḥ kaulaḥ kaulācāraparāyaṇaḥ |sampūjayenmahādevi sādhako mantrasādhakaḥ || 37||

बिन्दौ गन्धाक्षतैः पुष्पैर्धूपदीपादितर्पणैः ।लयाङ्गमिदमाख्यातं प्रयोगान् शृणु पार्वति ॥ ३८॥

bindau gandhākṣataiḥ puṣpairdhūpadīpāditarpaṇaiḥ |layāṅgamidamākhyātaṃ prayogān śṛṇu pārvati || 38||

यान् विधाय मनुः शीघ्रं सिद्धिभाग्भवति ध्रुवम् ।स्तम्भनं मोहनं चैव मारणाकर्षणे तथा ॥ ३९॥

yān vidhāya manuḥ śīghraṃ siddhibhāgbhavati dhruvam |stambhanaṃ mohanaṃ caiva māraṇākarṣaṇe tathā || 39||

वशीकारं तथोच्चाटं शान्तिकं पौष्टिकं तथा ।एतत्साधनमाचक्षे सारभूतं मनोः प्रिये ॥ ४०॥

vaśīkāraṃ tathoccāṭaṃ śāntikaṃ pauṣṭikaṃ tathā |etatsādhanamācakṣe sārabhūtaṃ manoḥ priye || 40||

अदेयं देव्यभक्ताय गोप्यं गुह्यतमः पशोः ।१\। प्रतिपद्दिवसे देवि ! स्नात्वा कृत्वाह्निकीं क्रियाम् ॥ ४१॥

adeyaṃ devyabhaktāya gopyaṃ guhyatamaḥ paśoḥ | 1\| pratipaddivase devi ! snātvā kṛtvāhnikīṃ kriyām || 41||

मध्याह्ने निर्जनं गत्वा यथावदयुतावधि ।होमो दशांशतः कार्यो घृतपायसबर्हकैः ॥ ४२॥

madhyāhne nirjanaṃ gatvā yathāvadayutāvadhi |homo daśāṃśataḥ kāryo ghṛtapāyasabarhakaiḥ || 42||

सन्तर्प्य देवताः सद्यः स्तम्भनं जायते ध्रुवम् ।राजसूर्येन्दुवातानां दस्युवादिमुखेषु च ॥ ४३॥

santarpya devatāḥ sadyaḥ stambhanaṃ jāyate dhruvam |rājasūryenduvātānāṃ dasyuvādimukheṣu ca || 43||

२\। दर्शे सायं श्मशाने तु जपेदुलूकविष्टरः ।अयुतं तद्दशांशेन होमं सर्पिस्सुरान्वितैः ॥ ४४॥

2\| darśe sāyaṃ śmaśāne tu japedulūkaviṣṭaraḥ |ayutaṃ taddaśāṃśena homaṃ sarpissurānvitaiḥ || 44||

भूताख्ये वासरे देवि गत्वा प्रेतालयं निशि ॥ ४५॥

bhūtākhye vāsare devi gatvā pretālayaṃ niśi || 45||

चिताग्रे सञ्जपेद्विद्यां वीरेन्द्रः षोडशाक्षरीम् ।अयुतं च हुनेन्मन्त्री चिताग्नौ घृतगुग्गुलम् ॥ ४६॥

citāgre sañjapedvidyāṃ vīrendraḥ ṣoḍaśākṣarīm |ayutaṃ ca hunenmantrī citāgnau ghṛtaguggulam || 46||

चण्डालकेशसहितं म्रियते रिपुरुत्कटः ।४\। अष्टाम्यां शुक्लपक्षे तु जपेद्रहसि साधकः ॥ ४७॥

caṇḍālakeśasahitaṃ mriyate ripurutkaṭaḥ | 4\| aṣṭāmyāṃ śuklapakṣe tu japedrahasi sādhakaḥ || 47||

अयुतं मूलविद्याया ध्यात्वा कान्तां मनोगताम् ।होमो दशांशतः सर्पिर्लाक्षापुष्पवतीरजः ॥ ४८॥

ayutaṃ mūlavidyāyā dhyātvā kāntāṃ manogatām |homo daśāṃśataḥ sarpirlākṣāpuṣpavatīrajaḥ || 48||

करीरपूलगोधूमैः स्त्रीणामाकर्षणं भवेत् ।५\। नवम्यां साधकः स्नात्वा कृत्वा कर्माह्निकं प्रिये ॥ ४९॥

karīrapūlagodhūmaiḥ strīṇāmākarṣaṇaṃ bhavet | 5\| navamyāṃ sādhakaḥ snātvā kṛtvā karmāhnikaṃ priye || 49||

अयुतं घृतमत्स्याण्डपद्ममुक्तैणरोमभिः ।होमो विधेयो वरीशैर्वासवो दासतां व्रजेत् ॥ ५०॥

ayutaṃ ghṛtamatsyāṇḍapadmamuktaiṇaromabhiḥ |homo vidheyo varīśairvāsavo dāsatāṃ vrajet || 50||

६\। चतुर्थ्यां कृष्णपक्षे तु जपेच्चन्द्रोदये शिवे ।नदीतीरे मनुं वीरोऽयुतं शीर्षासनस्थितः ॥ ५१॥

6\| caturthyāṃ kṛṣṇapakṣe tu japeccandrodaye śive |nadītīre manuṃ vīro'yutaṃ śīrṣāsanasthitaḥ || 51||

दशांशेन हुनेत्तत्र घृतनीलोत्पलत्वचः ।लवङ्गमरिचाम्लादीन् रिपोरुच्चाटनं भवेत् ॥ ५२॥

daśāṃśena hunettatra ghṛtanīlotpalatvacaḥ |lavaṅgamaricāmlādīn riporuccāṭanaṃ bhavet || 52||

७\। पञ्चम्यां निशि देवेशि जपेदयुतसङ्ख्यया ।हुनेद्दशांशतः सर्पिर्मत्स्यमत्स्याण्डखर्परान् ॥ ५३॥

7\| pañcamyāṃ niśi deveśi japedayutasaṅkhyayā |huneddaśāṃśataḥ sarpirmatsyamatsyāṇḍakharparān || 53||

महामयमहाभीतिमहोपद्रवशान्तये ।८\। महाष्टम्यां नरः स्नात्वा पीठे श्रेष्ठे दशाधिकाम् ॥ ५४॥

mahāmayamahābhītimahopadravaśāntaye | 8\| mahāṣṭamyāṃ naraḥ snātvā pīṭhe śreṣṭhe daśādhikām || 54||

वीरो दशाङ्कसाहस्रीं हुनेत्तत्र दशांशतः ।घृतखर्जूरमृद्वीका नाघवल्लीदलस्रजः ॥ ५५॥

vīro daśāṅkasāhasrīṃ hunettatra daśāṃśataḥ |ghṛtakharjūramṛdvīkā nāghavallīdalasrajaḥ || 55||

छागमांसं सरक्तं च महापुष्टिः प्रजायते ।इदं रहस्यमाख्यातं सर्वतत्त्वनिरूपणम् ॥ ५६॥

chāgamāṃsaṃ saraktaṃ ca mahāpuṣṭiḥ prajāyate |idaṃ rahasyamākhyātaṃ sarvatattvanirūpaṇam || 56||

सर्वस्वं मम देवेशि रहस्यं गोपयेत्कलौ ।सूर्यादिवारेषु जपैर्दशसाहस्रसङ्ख्यकैः ॥ ५७॥

sarvasvaṃ mama deveśi rahasyaṃ gopayetkalau |sūryādivāreṣu japairdaśasāhasrasaṅkhyakaiḥ || 57||

सर्वसिद्धिमवाप्नोति नात्र कार्या विचारणा ।इत्येष पटलो दिव्यः स्नेहात् तव प्रकाशितः ।गोप्याद्गोप्यो गोप्यतरो गोपनीयः स्वयोनिवत् ॥ ५८॥

sarvasiddhimavāpnoti nātra kāryā vicāraṇā |ityeṣa paṭalo divyaḥ snehāt tava prakāśitaḥ |gopyādgopyo gopyataro gopanīyaḥ svayonivat || 58||

इति श्रीमद्रुद्रयामलान्तर्गतं श्रीबालापटलं सम्पूर्णम् ।

iti śrīmadrudrayāmalāntargataṃ śrībālāpaṭalaṃ sampūrṇam |