बगलामुखीशत्रुविनाशककवचम् Shri Bagalamukhi Shatruvinashaka Kavacham

श्रीगणेशाय नमः । श्रीपीताम्बरायै नमः ।श्रीदेव्युवाचनमस्ते शम्भवे तुभ्यं नमस्ते शशिशेखर ।त्वत्प्रसादाच्छ्रुतं सर्वमधुना कवचं वद ॥ १॥

śrīgaṇeśāya namaḥ | śrīpītāmbarāyai namaḥ |śrīdevyuvācanamaste śambhave tubhyaṃ namaste śaśiśekhara |tvatprasādācchrutaṃ sarvamadhunā kavacaṃ vada || 1||

श्रीशिव उवाचशृणु देवि प्रवक्ष्यामि कवचं परमाद्भुतम् ।यस्य स्मरणमात्रेण रिपोः स्तम्भो भवेत् क्षणात् ॥ २॥

śrīśiva uvācaśṛṇu devi pravakṣyāmi kavacaṃ paramādbhutam |yasya smaraṇamātreṇa ripoḥ stambho bhavet kṣaṇāt || 2||

कवचस्य च देवेशि महामायाप्रभावतः ।पङ्क्तिः छन्दः समुद्दिष्टं देवता बगलामुखी ॥ ३॥

kavacasya ca deveśi mahāmāyāprabhāvataḥ |paṅktiḥ chandaḥ samuddiṣṭaṃ devatā bagalāmukhī || 3||

धर्मार्थकाममोक्षेषु विनियोगः प्रकीर्तितः ।ॐकारो मे शिरः पातु ह्रीङ्कारो वदनेऽवतु ॥ ४॥

dharmārthakāmamokṣeṣu viniyogaḥ prakīrtitaḥ |oṃkāro me śiraḥ pātu hrīṅkāro vadane'vatu || 4||

बगलामुखी दोर्युग्मं कण्ठे सर्वदाऽवतु ।दुष्टानां पातु हृदयं वाचं मुखं ततः पदम् ॥ ५॥

bagalāmukhī doryugmaṃ kaṇṭhe sarvadā'vatu |duṣṭānāṃ pātu hṛdayaṃ vācaṃ mukhaṃ tataḥ padam || 5||

उदरे सर्वदा पातु स्तम्भयेति सदा मम ।जिह्वां कीलय मे मातर्बगला सर्वसदाऽवतु ॥ ६॥

udare sarvadā pātu stambhayeti sadā mama |jihvāṃ kīlaya me mātarbagalā sarvasadā'vatu || 6||

बुद्धिं विनाशय पादौ तु ह्लीं ॐ मे दिग्विदिक्षु च ।स्वाहा मे सर्वदा पातु सर्वत्र सर्वसन्धिषु ॥ ७॥

buddhiṃ vināśaya pādau tu hlīṃ oṃ me digvidikṣu ca |svāhā me sarvadā pātu sarvatra sarvasandhiṣu || 7||

इति ते कथितं देवि कवचं परमाद्भुतम् ।यस्य स्मरणमात्रेण सर्वस्थम्भो भवेत् क्षणात् ॥ ८॥

iti te kathitaṃ devi kavacaṃ paramādbhutam |yasya smaraṇamātreṇa sarvasthambho bhavet kṣaṇāt || 8||

यद् धृत्वा विविधा दैत्या वासवेन हताः पुरा ।यस्य प्रसादात् सिद्धोऽहं हरिः सत्त्वगुणान्वितः ॥ ९॥

yad dhṛtvā vividhā daityā vāsavena hatāḥ purā |yasya prasādāt siddho'haṃ hariḥ sattvaguṇānvitaḥ || 9||

वेधा सृष्टिं वितनुते कामः सर्वजगज्जयी ।लिखित्वा धारयेद्यस्तु कण्ठे वा दक्षिणे भुजे ॥ १०॥

vedhā sṛṣṭiṃ vitanute kāmaḥ sarvajagajjayī |likhitvā dhārayedyastu kaṇṭhe vā dakṣiṇe bhuje || 10||

षट्कर्मसिद्धीस्तस्याशु मम तुल्यो भवेद्।ह्ध्रुवम् ।अज्ञात्वा कवचं देवि तस्य मन्त्रो न सिध्यति ॥ ११॥

ṣaṭkarmasiddhīstasyāśu mama tulyo bhaved|hdhruvam |ajñātvā kavacaṃ devi tasya mantro na sidhyati || 11||

इति श्रीबगलामुखीशत्रुविनाशकं कवचं समाप्तम् ।

iti śrībagalāmukhīśatruvināśakaṃ kavacaṃ samāptam |