बगलाष्टोत्तरशतनामस्तोत्रम् १ Shri Bagala Ashtottarashatanama Stotram

ॐ ब्रह्मास्त्ररूपिणी देवी माता श्रीबगलामुखी ।चिच्छिक्तिर्ज्ञानरूपा च ब्रह्मानन्दप्रदायिनी ॥ १॥

oṃ brahmāstrarūpiṇī devī mātā śrībagalāmukhī |cicchiktirjñānarūpā ca brahmānandapradāyinī || 1||

महाविद्या महालक्ष्मी श्रीमत्त्रिपुरसुन्दरी ।भुवनेशी जगन्माता पार्वती सर्वमङ्गला ॥ २॥

mahāvidyā mahālakṣmī śrīmattripurasundarī |bhuvaneśī jaganmātā pārvatī sarvamaṅgalā || 2||

ललिता भैरवी शान्ता अन्नपूर्णा कुलेश्वरी ।वाराही छीन्नमस्ता च तारा काली सरस्वती ॥ ३॥

lalitā bhairavī śāntā annapūrṇā kuleśvarī |vārāhī chīnnamastā ca tārā kālī sarasvatī || 3||

जगत्पूज्या महामाया कामेशी भगमालिनी ।दक्षपुत्री शिवाङ्कस्था शिवरूपा शिवप्रिया ॥ ४॥

jagatpūjyā mahāmāyā kāmeśī bhagamālinī |dakṣaputrī śivāṅkasthā śivarūpā śivapriyā || 4||

सर्वसम्पत्करी देवी सर्वलोक वशङ्करी ।वेदविद्या महापूज्या भक्ताद्वेषी भयङ्करी ॥ ५॥

sarvasampatkarī devī sarvaloka vaśaṅkarī |vedavidyā mahāpūjyā bhaktādveṣī bhayaṅkarī || 5||

स्तम्भरूपा स्तम्भिनी च दुष्टस्तम्भनकारिणी ।भक्तप्रिया महाभोगा श्रीविद्या ललिताम्बिका ॥ ६॥

stambharūpā stambhinī ca duṣṭastambhanakāriṇī |bhaktapriyā mahābhogā śrīvidyā lalitāmbikā || 6||

मैनापुत्री शिवानन्दा मातङ्गी भुवनेश्वरी ।नारसिंही नरेन्द्रा च नृपाराध्या नरोत्तमा ॥ ७॥

maināputrī śivānandā mātaṅgī bhuvaneśvarī |nārasiṃhī narendrā ca nṛpārādhyā narottamā || 7||

नागिनी नागपुत्री च नगराजसुता उमा ।पीताम्बा पीतपुष्पा च पीतवस्त्रप्रिया शुभा ॥ ८॥

nāginī nāgaputrī ca nagarājasutā umā |pītāmbā pītapuṣpā ca pītavastrapriyā śubhā || 8||

पीतगन्धप्रिया रामा पीतरत्नार्चिता शिवा ।अर्द्धचन्द्रधरी देवी गदामुद्गरधारिणी ॥ ९॥

pītagandhapriyā rāmā pītaratnārcitā śivā |arddhacandradharī devī gadāmudgaradhāriṇī || 9||

सावित्री त्रिपदा शुद्धा सद्योराग विवर्धिनी ।विष्णुरूपा जगन्मोहा ब्रह्मरूपा हरिप्रिया ॥ १०॥

sāvitrī tripadā śuddhā sadyorāga vivardhinī |viṣṇurūpā jaganmohā brahmarūpā haripriyā || 10||

रुद्ररूपा रुद्रशक्तिश्चिन्मयी भक्तवत्सला ।लोकमाता शिवा सन्ध्या शिवपूजनतत्परा ॥ ११॥

rudrarūpā rudraśaktiścinmayī bhaktavatsalā |lokamātā śivā sandhyā śivapūjanatatparā || 11||

धनाध्यक्षा धनेशी च नर्मदा धनदा धना ।चण्डदर्पहरी देवी शुम्भासुरनिबर्हिणी ॥ १२॥

dhanādhyakṣā dhaneśī ca narmadā dhanadā dhanā |caṇḍadarpaharī devī śumbhāsuranibarhiṇī || 12||

राजराजेश्वरी देवी महिषासुरमर्दिनी ।मधूकैटभहन्त्री देवी रक्तबीजविनाशिनी ॥ १३॥

rājarājeśvarī devī mahiṣāsuramardinī |madhūkaiṭabhahantrī devī raktabījavināśinī || 13||

धूम्राक्षदैत्यहन्त्री च भण्डासुर विनाशिनी ।रेणुपुत्री महामाया भ्रामरी भ्रमराम्बिका ॥ १४॥

dhūmrākṣadaityahantrī ca bhaṇḍāsura vināśinī |reṇuputrī mahāmāyā bhrāmarī bhramarāmbikā || 14||

ज्वालामुखी भद्रकाली बगला शत्रुनाशिनी ।इन्द्राणी इन्द्रपूज्या च गुहमाता गुणेश्वरी ॥ १५॥

jvālāmukhī bhadrakālī bagalā śatrunāśinī |indrāṇī indrapūjyā ca guhamātā guṇeśvarī || 15||

वज्रपाशधरा देवी झ्वामुद्गरधारिणी ।भक्तानन्दकरी देवी बगला परमेश्वरी ॥ १६॥

vajrapāśadharā devī jhvāmudgaradhāriṇī |bhaktānandakarī devī bagalā parameśvarī || 16||

अष्टोत्तरशतं नाम्नां बगलायास्तु यः पठेत् ।रिपुबाधाविनिर्मुक्तः लक्ष्मीस्थैर्यमवाप्नुयात् ॥ १७॥

aṣṭottaraśataṃ nāmnāṃ bagalāyāstu yaḥ paṭhet |ripubādhāvinirmuktaḥ lakṣmīsthairyamavāpnuyāt || 17||

भूतप्रेतपिशाचाश्च ग्रहपीडानिवारणम् ।राजानो वशमायान्ति सर्वैश्वर्यं च विन्दति ॥ १८॥

bhūtapretapiśācāśca grahapīḍānivāraṇam |rājāno vaśamāyānti sarvaiśvaryaṃ ca vindati || 18||

नानाविद्यां च लभते राज्यं प्राप्नोति निश्चितम् ।भुक्तिमुक्तिमवाप्नोति साक्षात् शिवसमो भवेत् ॥ १९॥

nānāvidyāṃ ca labhate rājyaṃ prāpnoti niścitam |bhuktimuktimavāpnoti sākṣāt śivasamo bhavet || 19||

॥ श्री रुद्रयामले सर्वसिद्धिप्रदबगलाष्टोत्तरशतनामस्तोत्रं सम्पूर्णम् ॥

|| śrī rudrayāmale sarvasiddhipradabagalāṣṭottaraśatanāmastotraṃ sampūrṇam ||