ब्रह्मलेखिनीकवचम् Sarvasaubhagyadayakam Vajrapanjaram Brahmalekhini Kavacham

श्रीपरकृष्ण उवाचलेखिनी महाविद्या कोटिकल्पेषु दुर्लभा ।शृणु कवचस्यास्य ऋषिः परब्रह्मस्मृतः ॥ १॥

śrīparakṛṣṇa uvācalekhinī mahāvidyā koṭikalpeṣu durlabhā |śṛṇu kavacasyāsya ṛṣiḥ parabrahmasmṛtaḥ || 1||

छन्दोऽनुष्टुप् प्रोक्ता देवता लेखिनीश्वरी ।वाग्भवबीजं च शक्तिकूटबीजकम् ॥ २॥

chando'nuṣṭup proktā devatā lekhinīśvarī |vāgbhavabījaṃ ca śaktikūṭabījakam || 2||

कूर्चबीजोत्कीलनां सौभाग्यनिर्णयाय च ।मदीयाङ्कलिपिसंशोधनार्थे विनियोगः स्मृतः ॥ ३॥

kūrcabījotkīlanāṃ saubhāgyanirṇayāya ca |madīyāṅkalipisaṃśodhanārthe viniyogaḥ smṛtaḥ || 3||

॥ अथ कवचम् ॥प्रणवं मे शिरः पातु मायां च मम भालकम् ।एकाक्षरी परा शक्तिः स्रवन्ती पातु चक्षुषी ॥ ४॥

|| atha kavacam ||praṇavaṃ me śiraḥ pātu māyāṃ ca mama bhālakam |ekākṣarī parā śaktiḥ sravantī pātu cakṣuṣī || 4||

त्र्यक्षरी त्र्यम्बकाकारा नासिकां मे सदावतु ।चतुरक्षरी महामाया मुखं मे पातु सर्वदा ॥ ५॥

tryakṣarī tryambakākārā nāsikāṃ me sadāvatu |caturakṣarī mahāmāyā mukhaṃ me pātu sarvadā || 5||

पञ्चदशाक्षरी नित्या जिह्वां रक्षेत् कुलेश्वरी ।षोडशी षोडशार्णा च कण्ठं मे पातु चिन्मयी ॥ ६॥

pañcadaśākṣarī nityā jihvāṃ rakṣet kuleśvarī |ṣoḍaśī ṣoḍaśārṇā ca kaṇṭhaṃ me pātu cinmayī || 6||

ऐं ह्रीं ऐं सम्पुटाकारा कर्णयुग्मं सदावतु ।क्लीं ब्लूं क्लीं बीजरूपा च कपोलौ मे सदावतु ॥ ७॥

aiṃ hrīṃ aiṃ sampuṭākārā karṇayugmaṃ sadāvatu |klīṃ blūṃ klīṃ bījarūpā ca kapolau me sadāvatu || 7||

मायाबीजं महादीप्तं दन्तपङ्क्तिं ममावतु ।कूर्चबीजं पराकारं चिवुकं मे सदावतु ॥ ८॥

māyābījaṃ mahādīptaṃ dantapaṅktiṃ mamāvatu |kūrcabījaṃ parākāraṃ civukaṃ me sadāvatu || 8||

वधूबीजं महागुह्यं रसनां मे सदावतु ।लेखिनी सर्ववर्णेशा ग्रीवां पातु महोत्कट ॥ ९॥

vadhūbījaṃ mahāguhyaṃ rasanāṃ me sadāvatu |lekhinī sarvavarṇeśā grīvāṃ pātu mahotkaṭa || 9||

गायत्री पातु मे स्कन्धौ सावित्री बाहुयुग्मकम् ।सरस्वती करौ पातु तारा अङ्गुलीमूलकम् ॥ १०॥

gāyatrī pātu me skandhau sāvitrī bāhuyugmakam |sarasvatī karau pātu tārā aṅgulīmūlakam || 10||

उग्रतारा नखाग्रं च नीलसरस्वती तथा ।वक्षःस्थलं सदा रक्षेत् शारदा सर्वमङ्गला ॥ ११॥

ugratārā nakhāgraṃ ca nīlasarasvatī tathā |vakṣaḥsthalaṃ sadā rakṣet śāradā sarvamaṅgalā || 11||

श्यामा पातु द्विपार्श्वं च मातङ्गी स्तनमण्डलम् ।बगलामुखी महोदग्रो नाभिं पातु भयातुर ॥ १२॥

śyāmā pātu dvipārśvaṃ ca mātaṅgī stanamaṇḍalam |bagalāmukhī mahodagro nābhiṃ pātu bhayātura || 12||

राजमातङ्गिनी पातु जठरं कुक्षिभागकम् ।महापिशाचिनी रक्षेत् पृष्ठवंशं समन्ततः ॥ १३॥

rājamātaṅginī pātu jaṭharaṃ kukṣibhāgakam |mahāpiśācinī rakṣet pṛṣṭhavaṃśaṃ samantataḥ || 13||

कोटिश्वरी कटिं पातु कल्पभेदिनी गुह्यकम् ।हस्तियोगिनी मे ऊरू रहस्ययोगिनी तथा ॥ १४॥

koṭiśvarī kaṭiṃ pātu kalpabhedinī guhyakam |hastiyoginī me ūrū rahasyayoginī tathā || 14||

ब्राह्मी पातु जानुयुग्मं ब्रह्मयोगिनी जङ्घकम् ।ब्रह्मलेखिनी पातु पादौ ब्रह्माणी पादपृष्ठकम् ॥ १५॥

brāhmī pātu jānuyugmaṃ brahmayoginī jaṅghakam |brahmalekhinī pātu pādau brahmāṇī pādapṛṣṭhakam || 15||

अक्षरा पातु पादाङ्गुलीः महासरस्वती तथा ।नीलादेवी सर्वगात्रं पातु मां सर्वसङ्कटे ॥ १६॥

akṣarā pātu pādāṅgulīḥ mahāsarasvatī tathā |nīlādevī sarvagātraṃ pātu māṃ sarvasaṅkaṭe || 16||

आदिशारदा सदा रक्षेत् स्वप्ने जागरणे पथि ।वीणापाणिर्ज्ञानमयी सर्वदिक्षु सदावतु ॥ १७॥

ādiśāradā sadā rakṣet svapne jāgaraṇe pathi |vīṇāpāṇirjñānamayī sarvadikṣu sadāvatu || 17||

दुर्गा दुर्गतिका पातु सङ्ग्रामे राजमन्दिरे ।पञ्चप्राणान् महामाया लेखिनीरूपधारिणी ॥ १८॥

durgā durgatikā pātu saṅgrāme rājamandire |pañcaprāṇān mahāmāyā lekhinīrūpadhāriṇī || 18||

रक्तमांसमस्थिमज्जां शुक्रं त्वचं तथैव च ।धातून सर्वान् शरीरे तु पातु देव्यक्षरेश्वरी ॥ १९॥

raktamāṃsamasthimajjāṃ śukraṃ tvacaṃ tathaiva ca |dhātūna sarvān śarīre tu pātu devyakṣareśvarī || 19||

भूचरी खेचरी चैव पातु मां कुलवर्द्धिनी ।यादृशं रूपमास्थाय विलिखेद् दैवमक्षरम् ॥ २०॥

bhūcarī khecarī caiva pātu māṃ kulavarddhinī |yādṛśaṃ rūpamāsthāya vilikhed daivamakṣaram || 20||

तादृशं रूपमास्थाय पातु मां सर्वतो विभुः ।इडा पिङ्गला सुषुम्ना नाडीतन्त्रं ममावतु ॥ २१॥

tādṛśaṃ rūpamāsthāya pātu māṃ sarvato vibhuḥ |iḍā piṅgalā suṣumnā nāḍītantraṃ mamāvatu || 21||

सहस्रारदलपद्मं महाबिन्दुं सदावतु ।अक्षरमाला महादीप्ता सर्वाङ्गं मे सदावतु ॥ २२॥

sahasrāradalapadmaṃ mahābinduṃ sadāvatu |akṣaramālā mahādīptā sarvāṅgaṃ me sadāvatu || 22||

बिन्दुद्वन्द्वमयी चैव पातु मे नेत्रमण्डलम् ।त्रिकोणमध्यसंविष्टा भ्रूयुगं मे सदावतु ॥ २३॥

bindudvandvamayī caiva pātu me netramaṇḍalam |trikoṇamadhyasaṃviṣṭā bhrūyugaṃ me sadāvatu || 23||

कादिरूपा पातु कण्ठं हादिरूपा च हृद्गतम् ।सादिरूपा महादेवी नाभिदेशं सदावतु ॥ २४॥

kādirūpā pātu kaṇṭhaṃ hādirūpā ca hṛdgatam |sādirūpā mahādevī nābhideśaṃ sadāvatu || 24||

वाग्भवाढ्या महालेखा दक्षिणं पार्श्वमावतु ।कामकूटात्मिका देवी वामपार्श्वं सदावतु ॥ २५॥

vāgbhavāḍhyā mahālekhā dakṣiṇaṃ pārśvamāvatu |kāmakūṭātmikā devī vāmapārśvaṃ sadāvatu || 25||

शक्तिकूटा महागुह्या पृष्ठभागं सदावतु ।लज्जाबीजं महाभासक हृदयन्तरं ममावतु ॥ २६॥

śaktikūṭā mahāguhyā pṛṣṭhabhāgaṃ sadāvatu |lajjābījaṃ mahābhāsaka hṛdayantaraṃ mamāvatu || 26||

श्रीबीजं पातु मे कोशां कौलीं च पातु कौलिकी ।मन्त्रलेखमयी नित्या बुद्धिं मे पातु सर्वदा ॥ २७॥

śrībījaṃ pātu me kośāṃ kaulīṃ ca pātu kaulikī |mantralekhamayī nityā buddhiṃ me pātu sarvadā || 27||

चित्तं चेतो मदीयं च ज्ञानरूपं कलावती ।अहङ्कारं मम रक्षेत् सर्वविद्याविशारदा ॥ २८॥

cittaṃ ceto madīyaṃ ca jñānarūpaṃ kalāvatī |ahaṅkāraṃ mama rakṣet sarvavidyāviśāradā || 28||

शब्दाक्षरमयी रेखा श्रोत्रेन्द्रियं ममावतु ।स्पर्शाक्षरमयी नित्या त्वगिन्द्रियं सदावतु ॥ २९॥

śabdākṣaramayī rekhā śrotrendriyaṃ mamāvatu |sparśākṣaramayī nityā tvagindriyaṃ sadāvatu || 29||

रूपाक्षरमयी ज्येष्ठा चक्षुरिन्द्रियमवातु ।रसाक्षरमयी श्रेष्ठा जिह्वेन्द्रियं ममावतु ॥ ३०॥

rūpākṣaramayī jyeṣṭhā cakṣurindriyamavātu |rasākṣaramayī śreṣṭhā jihvendriyaṃ mamāvatu || 30||

गन्धाक्षरमयी शुद्धा घ्राणेन्द्रियं सदावतु ।वाक्पाणिपादपायूंश्च पातु देव्यक्षरेश्वरी ॥ ३१॥

gandhākṣaramayī śuddhā ghrāṇendriyaṃ sadāvatu |vākpāṇipādapāyūṃśca pātu devyakṣareśvarī || 31||

जाग्रदवस्थां सदा रक्षेत् विश्वरूपा परात्परा ।स्वप्नावस्थां महासूक्ष्मा तैजसाख्या सदावतु ॥ ३२॥

jāgradavasthāṃ sadā rakṣet viśvarūpā parātparā |svapnāvasthāṃ mahāsūkṣmā taijasākhyā sadāvatu || 32||

सुषुप्त्यवस्थां नित्यं मे प्राज्ञरूपा ममावतु ।तुरीयास्थां महाशून्या बिन्दुरूपा सदावतु ॥ ३३॥

suṣuptyavasthāṃ nityaṃ me prājñarūpā mamāvatu |turīyāsthāṃ mahāśūnyā bindurūpā sadāvatu || 33||

पूर्वस्यां पातु मां वाणी आग्नेय्यां तारिणी तथा ।दक्षिणस्यां महाश्यामा नैऋत्यां उग्रतारिणी ॥ ३४॥

pūrvasyāṃ pātu māṃ vāṇī āgneyyāṃ tāriṇī tathā |dakṣiṇasyāṃ mahāśyāmā naiṛtyāṃ ugratāriṇī || 34||

पश्चिमायां महादुर्गा वायव्यां बगलामुखी ।उत्तरस्यां सदा रक्षेत् मातङ्गी राजमातुल ॥ ३५॥

paścimāyāṃ mahādurgā vāyavyāṃ bagalāmukhī |uttarasyāṃ sadā rakṣet mātaṅgī rājamātula || 35||

ऐशान्यां पातु मां ब्राह्मी ऊर्ध्वं ब्रह्ममयी परा ।अधस्तात् पातु मां नित्यं पातालवासिनी शिवा ॥ ३६॥

aiśānyāṃ pātu māṃ brāhmī ūrdhvaṃ brahmamayī parā |adhastāt pātu māṃ nityaṃ pātālavāsinī śivā || 36||

दिग्विदिक्षु च सर्वत्र सर्वव्यापिनी लेखिनी ।वज्ररेखापरिघृते रक्षेत् मां कुलमन्दिरे ॥ ३७॥

digvidikṣu ca sarvatra sarvavyāpinī lekhinī |vajrarekhāparighṛte rakṣet māṃ kulamandire || 37||

यन्त्रलेखमहाप्राची मन्त्रकीलनसंस्कृता ।महापिशाचमन्त्रेभ्यो रक्षेत् मां सर्वदा विभुः ॥ ३८॥

yantralekhamahāprācī mantrakīlanasaṃskṛtā |mahāpiśācamantrebhyo rakṣet māṃ sarvadā vibhuḥ || 38||

जलमध्ये स्थलमध्ये च रणे राजकुले पथि ।महाशैलतटे घोरे पातु मां कामरूपिणी ॥ ३९॥

jalamadhye sthalamadhye ca raṇe rājakule pathi |mahāśailataṭe ghore pātu māṃ kāmarūpiṇī || 39||

विवादे शास्त्रचर्चायां सभायां शत्रुसङ्कटे ।दन्तौष्ठकण्ठजिह्वासु पातु मां शारदा स्वयम् ॥ ४०॥

vivāde śāstracarcāyāṃ sabhāyāṃ śatrusaṅkaṭe |dantauṣṭhakaṇṭhajihvāsu pātu māṃ śāradā svayam || 40||

अज्ञानात् ज्ञानतो वाऽपि यत् त्यक्तं कवचे मम ।तत्स रक्षेत् महादेवी लेखिनी सर्वमङ्गला ॥ ४१॥

ajñānāt jñānato vā'pi yat tyaktaṃ kavace mama |tatsa rakṣet mahādevī lekhinī sarvamaṅgalā || 41||

पादतलात् शिरो यावत् शिरसः पादतलकम् ।वज्रकोटिसमं गात्रं पातु देवी निरन्तरम् ॥ ४२॥

pādatalāt śiro yāvat śirasaḥ pādatalakam |vajrakoṭisamaṃ gātraṃ pātu devī nirantaram || 42||

इत्येतत्कवचं दिव्यं वज्रपञ्जरमुत्तमम् ।गुह्याद्गुह्यतरं तत्त्वं सर्वसौभाग्यदायकम् ॥ १॥

ityetatkavacaṃ divyaṃ vajrapañjaramuttamam |guhyādguhyataraṃ tattvaṃ sarvasaubhāgyadāyakam || 1||

न देयं यस्य कस्यापि गोपितं कुलपुस्तके ।यः पठेच्छ्रणुयाद्वापि त्रिसन्ध्यं नियतः शुचिः ॥ २॥

na deyaṃ yasya kasyāpi gopitaṃ kulapustake |yaḥ paṭhecchraṇuyādvāpi trisandhyaṃ niyataḥ śuciḥ || 2||

तस्य हस्तगता सिद्धिः साक्षाद्वागीश्वरो भवेत् ।एतन्महाकवचं गुह्यं यो न जानाति मानवः ॥ ३॥

tasya hastagatā siddhiḥ sākṣādvāgīśvaro bhavet |etanmahākavacaṃ guhyaṃ yo na jānāti mānavaḥ || 3||

स जपेत् सततं मन्त्रं तस्य मन्त्रो न सिध्यति ।सारस्वतं महामन्त्रं लेखिनीमन्त्रमुत्तमम् ॥ ४॥

sa japet satataṃ mantraṃ tasya mantro na sidhyati |sārasvataṃ mahāmantraṃ lekhinīmantramuttamam || 4||

दीक्षितोऽपि कुलाचारे कोटिकल्पैर्न विन्दति ।कवचेन विना मर्त्यो मन्त्रजाप्यं करोति यः ॥ ५॥

dīkṣito'pi kulācāre koṭikalpairna vindati |kavacena vinā martyo mantrajāpyaṃ karoti yaḥ || 5||

तस्य भाग्यक्षयो याति मन्त्राश्च मलिनास्तथा ।कोट कल्पं जपेद्वापि श्रम एव हि केवलम् ॥ ६॥

tasya bhāgyakṣayo yāti mantrāśca malināstathā |koṭa kalpaṃ japedvāpi śrama eva hi kevalam || 6||

तस्मात्सर्वप्रयत्नेन कवचं प्रपठेत्पुरा ।पश्चान्मन्त्रं जपेत्प्राज्ञः स साक्षाद् भैरवो भवेत् ॥ ७॥

tasmātsarvaprayatnena kavacaṃ prapaṭhetpurā |paścānmantraṃ japetprājñaḥ sa sākṣād bhairavo bhavet || 7||

रक्षाकामो महामर्त्यो यः कश्चिद् भुवि वर्तते ।तेन न गन्तव्यं क्वापि कवचेन विना पदम् ॥ ८॥

rakṣākāmo mahāmartyo yaḥ kaścid bhuvi vartate |tena na gantavyaṃ kvāpi kavacena vinā padam || 8||

न पदैकं प्रगच्छेच्च न च गच्छेत् कदाचन ।विना कवचपाठात्तु मार्गं नैव प्रविशेत् पुमान् ॥ ९॥

na padaikaṃ pragacchecca na ca gacchet kadācana |vinā kavacapāṭhāttu mārgaṃ naiva praviśet pumān || 9||

यदि गच्छेत् प्रमादेन मन्दबुद्धिः विमोहितः ।तदैव तस्य विघ्नानि जायन्ते सर्वतोमुखम् ॥ १०॥

yadi gacchet pramādena mandabuddhiḥ vimohitaḥ |tadaiva tasya vighnāni jāyante sarvatomukham || 10||

भूतप्रेतपिशाचाश्च डाकिन्यो यातुधानाः ।रिपवः शस्त्रहस्ताश्च तं हिंसन्ति पदे पदे ॥ ११॥

bhūtapretapiśācāśca ḍākinyo yātudhānāḥ |ripavaḥ śastrahastāśca taṃ hiṃsanti pade pade || 11||

तस्माद् गृहाद् विनिष्क्रान्ते कवचं धारयेत् पठेत् ।तस्य पादयुगे नित्यं रक्षा तिष्ठति सर्वदा ॥ १२॥

tasmād gṛhād viniṣkrānte kavacaṃ dhārayet paṭhet |tasya pādayuge nityaṃ rakṣā tiṣṭhati sarvadā || 12||

षण्मासधारनादस्य वज्रकायो भवेन्नरः ।न शस्त्रैर्भिद्यते गात्रं न चाग्निर्दहते कचित् ॥ १३॥

ṣaṇmāsadhāranādasya vajrakāyo bhavennaraḥ |na śastrairbhidyate gātraṃ na cāgnirdahate kacit || 13||

विषं स्थावरजङ्गमं कृत्रिमं चाभिचारिकम् ।प्रशाम्येदमृतं याति कवचस्य प्रभावतः ॥ १४॥

viṣaṃ sthāvarajaṅgamaṃ kṛtrimaṃ cābhicārikam |praśāmyedamṛtaṃ yāti kavacasya prabhāvataḥ || 14||

यः पठेत् परमं दिव्यं स वशं नयते जगत् ।राजानो राजपुत्राश्च नार्यश्च कुलजास्तथा ॥ १५॥

yaḥ paṭhet paramaṃ divyaṃ sa vaśaṃ nayate jagat |rājāno rājaputrāśca nāryaśca kulajāstathā || 15||

तस्याधीना भवन्त्येव दासभूता निरन्तरम् ।महोत्पाते च दुर्भिक्षे श्मशाने सङ्कटे तथा ॥ १६॥

tasyādhīnā bhavantyeva dāsabhūtā nirantaram |mahotpāte ca durbhikṣe śmaśāne saṅkaṭe tathā || 16||

कवचं संस्मरन् मर्त्यो ह्यक्षतो विजयान्वितः ।लिखित्वा धारयेद्यस्तु कण्ठे वा दक्षिण भुजे ॥ १७॥

kavacaṃ saṃsmaran martyo hyakṣato vijayānvitaḥ |likhitvā dhārayedyastu kaṇṭhe vā dakṣiṇa bhuje || 17||

तस्य गेहे स्थिरा लक्ष्मीः वाणी च वदने वसेत् ।इति ते कथितं गर्भ परकृष्णरहस्यकम् ॥ १८॥

tasya gehe sthirā lakṣmīḥ vāṇī ca vadane vaset |iti te kathitaṃ garbha parakṛṣṇarahasyakam || 18||

भाग्यरेखाविशोधनं सर्वकारणकारणम् ।न कालो बाधते तस्य न मृत्युः प्रभवत्यपि ॥ १९॥

bhāgyarekhāviśodhanaṃ sarvakāraṇakāraṇam |na kālo bādhate tasya na mṛtyuḥ prabhavatyapi || 19||

चिन्मयः सुभगो लोके महाकीर्तिसमन्वितः ।सर्वमार्गेषु मां पातु परकृष्णो जगन्मयः ॥ २०॥

cinmayaḥ subhago loke mahākīrtisamanvitaḥ |sarvamārgeṣu māṃ pātu parakṛṣṇo jaganmayaḥ || 20||

इति सर्वसौभाग्यदायकं वज्रपञ्जरं ब्रह्मलेखिनीकवचम् सम्पूर्णम् ।

iti sarvasaubhāgyadāyakaṃ vajrapañjaraṃ brahmalekhinīkavacam sampūrṇam |