महाशास्त्रनुग्रहकवचम् Mahashastranugrahakavacham

श्रीगणेशाय नमः ।अथ महाशास्त्रनुग्रहकवचं प्रारभ्यते ॥श्रीदेव्युवाचभगवन् देवदेवेश सर्वज्ञ त्रिपुरान्तक ।प्राप्ते कलियुगे घोरे महाभूतैः समावृते ॥ १॥

śrīgaṇeśāya namaḥ |atha mahāśāstranugrahakavacaṃ prārabhyate ||śrīdevyuvācabhagavan devadeveśa sarvajña tripurāntaka |prāpte kaliyuge ghore mahābhūtaiḥ samāvṛte || 1||

महाव्याधिमहाव्याळघोरराजैः समावृते ।दुःस्वप्नघोरसन्तापैः दुर्विनीतैः समावृते ॥ २॥

mahāvyādhimahāvyāḷaghorarājaiḥ samāvṛte |duḥsvapnaghorasantāpaiḥ durvinītaiḥ samāvṛte || 2||

स्वधर्मविरते मार्गे प्रवृत्ते हृदि सर्वदा ।तेषां सिद्धिं च मुक्तिं च त्वं मे ब्रूहि वृषध्वज ॥ ३॥

svadharmavirate mārge pravṛtte hṛdi sarvadā |teṣāṃ siddhiṃ ca muktiṃ ca tvaṃ me brūhi vṛṣadhvaja || 3||

ईश्वर इवाचशृणु देवि महाभागे सर्वकल्याणकारणे ।महाशास्तुश्च देवेशि कवचं पुण्यवर्धनम् ॥ ४॥

īśvara ivācaśṛṇu devi mahābhāge sarvakalyāṇakāraṇe |mahāśāstuśca deveśi kavacaṃ puṇyavardhanam || 4||

अग्निस्तम्भजलस्तम्भसेनास्तम्भविधायकम् ।महाभूतप्रशमनं महाव्याधिनिवारणम् ॥ ५॥

agnistambhajalastambhasenāstambhavidhāyakam |mahābhūtapraśamanaṃ mahāvyādhinivāraṇam || 5||

महाज्ञानप्रदं पुण्यं विशेषात्कलितापहम् ।सर्वरक्षाकरं दिव्यमायुरारोग्यवर्धनम् ॥ ६॥

mahājñānapradaṃ puṇyaṃ viśeṣātkalitāpaham |sarvarakṣākaraṃ divyamāyurārogyavardhanam || 6||

किमतो बहुनोक्तेन यं यं कामयते द्विजः ।तं तमाप्नोत्यसन्देहो महाशास्तुः प्रसादतः ॥ ७॥

kimato bahunoktena yaṃ yaṃ kāmayate dvijaḥ |taṃ tamāpnotyasandeho mahāśāstuḥ prasādataḥ || 7||

कवचस्य ऋषिर्ब्रह्मा गायत्रीश्छन्द उच्यते ।देवता श्रीमहाशास्ता देवो हरिहरात्मजः ॥ ८॥

kavacasya ṛṣirbrahmā gāyatrīśchanda ucyate |devatā śrīmahāśāstā devo hariharātmajaḥ || 8||

षडङ्गमाचरेद्भक्त्या मात्रया जातियुक्तया ।ध्यानमस्य प्रवक्ष्यामि शृणुष्वावहिता प्रिये ॥ ९॥

ṣaḍaṅgamācaredbhaktyā mātrayā jātiyuktayā |dhyānamasya pravakṣyāmi śṛṇuṣvāvahitā priye || 9||

अस्य श्रीमहाशास्तुः कवचस्तोत्रमहामन्त्रस्य ब्रह्मा ऋषिः ।गायत्रीः छन्दः । महाशास्ता देवता ।(ह्रां)प्रां बीजम् । (ह्रीं)प्रीं शक्तिः । (ह्रूं)प्रूं कीलकंश्रीमहाशास्तुः प्रसादसिद्धर्थे जपे विनियोगः ।(ह्रां)प्रां इत्यादि षडङ्गन्यासः ॥अथ ध्यानम् ।तेजोमण्डलमध्यगं त्रिनयनं दिव्याम्बरालङ्कृतंदेवं पुष्पशरेक्षुकार्मुकलसन्माणिक्यपात्राभयम् ।बिभ्राणं करपङ्कजे मदगजस्कन्धाधिरूढं विभुंशास्तारं शरणं व्रजामि सततं त्रैलोक्यसम्मोहनम् ॥(लमित्यादि पञ्चोपचारपूजा ।)महाशास्ता शिरः पातु भालं हरिहरात्मजः ।कामरूपी दृशौ पातु सर्वज्ञो मे श्रुती सदा ॥ १॥

asya śrīmahāśāstuḥ kavacastotramahāmantrasya brahmā ṛṣiḥ |gāyatrīḥ chandaḥ | mahāśāstā devatā |(hrāṃ)prāṃ bījam | (hrīṃ)prīṃ śaktiḥ | (hrūṃ)prūṃ kīlakaṃśrīmahāśāstuḥ prasādasiddharthe jape viniyogaḥ |(hrāṃ)prāṃ ityādi ṣaḍaṅganyāsaḥ ||atha dhyānam |tejomaṇḍalamadhyagaṃ trinayanaṃ divyāmbarālaṅkṛtaṃdevaṃ puṣpaśarekṣukārmukalasanmāṇikyapātrābhayam |bibhrāṇaṃ karapaṅkaje madagajaskandhādhirūḍhaṃ vibhuṃśāstāraṃ śaraṇaṃ vrajāmi satataṃ trailokyasammohanam ||(lamityādi pañcopacārapūjā |)mahāśāstā śiraḥ pātu bhālaṃ hariharātmajaḥ |kāmarūpī dṛśau pātu sarvajño me śrutī sadā || 1||

घ्राणं पातु कृपाध्यक्षो मुखं गौरीप्रियः सदा ।वेदाध्यायी च मे जिह्वां पातु मे चिबुकं गुरुः ॥ २॥

ghrāṇaṃ pātu kṛpādhyakṣo mukhaṃ gaurīpriyaḥ sadā |vedādhyāyī ca me jihvāṃ pātu me cibukaṃ guruḥ || 2||

कण्ठं पातु विशुद्धात्मा स्कन्धौ पातु सुरार्चितः ।बाहू पातु विरूपाक्षः करौ तु कमलाप्रियः ॥ ३॥

kaṇṭhaṃ pātu viśuddhātmā skandhau pātu surārcitaḥ |bāhū pātu virūpākṣaḥ karau tu kamalāpriyaḥ || 3||

भूताधिपो मे हृदयं मध्यं पातु महाबलः ।नाभिं पातु महावीरः कमलाक्षोऽवतात्कटिम् ॥ ४॥

bhūtādhipo me hṛdayaṃ madhyaṃ pātu mahābalaḥ |nābhiṃ pātu mahāvīraḥ kamalākṣo'vatātkaṭim || 4||

अपानं पातु विश्वात्मा गुह्यं गुह्यार्थवित्तमः ।(समीपं पातु विश्वेशो गुह्यं गुह्यार्थवित्सदा)ऊरू पातु गजारूढो वज्रधारी च जानुनी ॥ ५॥

apānaṃ pātu viśvātmā guhyaṃ guhyārthavittamaḥ |(samīpaṃ pātu viśveśo guhyaṃ guhyārthavitsadā)ūrū pātu gajārūḍho vajradhārī ca jānunī || 5||

जङ्घे पाशाङ्कुशधरः पादौ पातु महामतिः ।सर्वाङ्गं पातु मे नित्यं महामायाविशारदः ॥ ६॥

jaṅghe pāśāṅkuśadharaḥ pādau pātu mahāmatiḥ |sarvāṅgaṃ pātu me nityaṃ mahāmāyāviśāradaḥ || 6||

इतीदं कवचं पुण्यं सर्वाघौघनिकृन्तनम् ।महाव्याधिप्रशमनं महापातकनाशनम् ॥ ७॥

itīdaṃ kavacaṃ puṇyaṃ sarvāghaughanikṛntanam |mahāvyādhipraśamanaṃ mahāpātakanāśanam || 7||

ज्ञानवैराग्यदं दिव्यमणिमादिविभूषितम् ।आयुरारोग्यजननं महावश्यकरं परम् ॥ ८॥

jñānavairāgyadaṃ divyamaṇimādivibhūṣitam |āyurārogyajananaṃ mahāvaśyakaraṃ param || 8||

यं यं कामयते कामं तं तं प्राप्नोत्यसंशयः ।त्रिसन्ध्यं यः पठेद्विद्वान् स याति परमां गतिम् ॥ ९॥

yaṃ yaṃ kāmayate kāmaṃ taṃ taṃ prāpnotyasaṃśayaḥ |trisandhyaṃ yaḥ paṭhedvidvān sa yāti paramāṃ gatim || 9||

इति श्रीगुह्यरत्नचिन्तामणौ श्रीमहाशास्त्रनुग्रहकवचं सम्पूर्णम् ।

iti śrīguhyaratnacintāmaṇau śrīmahāśāstranugrahakavacaṃ sampūrṇam |