विष्णुस्तोत्रम् (शिवकृतं १ वामनपुराणान्तर्गतम् नमस्ते देवतानाथ नमस्ते गरुडध्वज) Shivakritam 1 Vishnu Stotram
viṣṇustotram (śivakṛtaṃ 1 vāmanapurāṇāntargatam namaste devatānātha namaste garuḍadhvaja)
Shivakritam 1 Vishnu Stotram (विष्णुस्तोत्रम् (शिवकृतं १ वामनपुराणान्तर्गतम् नमस्ते देवतानाथ नमस्ते गरुडध्वज)): a stotra to Viṣṇu. 11 verses in Sanskrit with Devanagari and IAST.
- Stotra
- Stotra
- Viṣṇu
- Stotra
विष्णुस्तोत्रम् (शिवकृतं १ वामनपुराणान्तर्गतम् नमस्ते देवतानाथ नमस्ते गरुडध्वज)
1 / 11
हर उवाच ।नमस्ते देवतानाथ नमस्ते गरुडध्वज ।शङ्खचक्रगदापाणे वासुदेव नमोऽस्तु ते ॥ ३१४॥
hara uvāca |namaste devatānātha namaste garuḍadhvaja |śaṅkhacakragadāpāṇe vāsudeva namo'stu te || 314||
नमस्ते निर्गुणानन्त अप्रतर्क्याय वेधसे ।ज्ञानाज्ञाननिरालम्ब सर्वालम्ब नमोऽस्तु ते ॥ ३१५॥
namaste nirguṇānanta apratarkyāya vedhase |jñānājñānanirālamba sarvālamba namo'stu te || 315||
रजोयुक्त नमस्तेऽस्तु ब्रह्ममूर्ते सनातन ।त्वया सर्वमिदं नाथ जगत्सृष्टं चराचरम् ॥ ३१६॥
rajoyukta namaste'stu brahmamūrte sanātana |tvayā sarvamidaṃ nātha jagatsṛṣṭaṃ carācaram || 316||
सत्त्वाधिष्ठित लोकेश विष्णुमूर्ते अधोक्षज ।प्रजापाल महाबाहो जनार्दन नमोऽस्तु ते ॥ ३१७॥
sattvādhiṣṭhita lokeśa viṣṇumūrte adhokṣaja |prajāpāla mahābāho janārdana namo'stu te || 317||
तमोमूर्त्ते अहं ह्येष त्वदंशक्रोधसम्भवः ।गुणाभियुक्त देवेश सर्वव्यापिन् नमोऽस्तु ते ॥ ३१८॥
tamomūrtte ahaṃ hyeṣa tvadaṃśakrodhasambhavaḥ |guṇābhiyukta deveśa sarvavyāpin namo'stu te || 318||
भूरियं त्वं जगन्नाथ जलाम्बरहुताशनः ।वायुर्बुद्धिर्मनश्चापि शर्वरी त्वं नमोऽस्तु ते ॥ ३१९॥
bhūriyaṃ tvaṃ jagannātha jalāmbarahutāśanaḥ |vāyurbuddhirmanaścāpi śarvarī tvaṃ namo'stu te || 319||
धर्मो यज्ञस्तपःसत्यमहिंसा शौचमार्जवम् ।क्षमा दानं दया लक्ष्मीर्ब्रह्मचर्यं त्वमीश्वर ॥ ३२०॥
dharmo yajñastapaḥsatyamahiṃsā śaucamārjavam |kṣamā dānaṃ dayā lakṣmīrbrahmacaryaṃ tvamīśvara || 320||
त्वं साङ्गाश्चतुरो वेदास्त्वं वेद्यो वेदपारगः ।उपवेदा भवानीश सर्वोऽसि त्वं नमोऽस्तु ते ॥ ३२१॥
tvaṃ sāṅgāścaturo vedāstvaṃ vedyo vedapāragaḥ |upavedā bhavānīśa sarvo'si tvaṃ namo'stu te || 321||
नमो नमस्तेऽच्युत चक्रपाणे नमोऽस्तु ते माधव मीनमूर्ते ।लोके भवान् कारुणिको मतो मे त्रायस्व मां केशव पापबन्धात् ॥ ३२२॥
namo namaste'cyuta cakrapāṇe namo'stu te mādhava mīnamūrte |loke bhavān kāruṇiko mato me trāyasva māṃ keśava pāpabandhāt || 322||
ममाशुभं नाशय विग्रहस्थं यद्ब्रह्महत्याऽभिभवं बभूव ।दग्धोऽस्मि नष्टोऽस्म्यसमीक्ष्यकारी पुनीहि तीर्थोऽसि नमो नमस्ते ॥ ३२३॥
mamāśubhaṃ nāśaya vigrahasthaṃ yadbrahmahatyā'bhibhavaṃ babhūva |dagdho'smi naṣṭo'smyasamīkṣyakārī punīhi tīrtho'si namo namaste || 323||
इति वामनपुराणे तृतीयाध्यायान्तर्गतंशिवकृतं विष्णुस्तोत्रं समाप्तम् ।वामनपुराण । अध्याय ३/१४२३॥वामनपुराण । अध्याय ३/१४-२३॥
iti vāmanapurāṇe tṛtīyādhyāyāntargataṃśivakṛtaṃ viṣṇustotraṃ samāptam |vāmanapurāṇa | adhyāya 3/1423||vāmanapurāṇa | adhyāya 3/14-23||
॥ इति विष्णुस्तोत्रम् (शिवकृतं १ वामनपुराणान्तर्गतम् नमस्ते देवतानाथ नमस्ते गरुडध्वज) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shivakritam 1 Vishnu Stotram?
Shivakritam 1 Vishnu Stotram has 11 verses on this page, each shown with its number, Devanagari text and transliteration, and meaning where available.
Can I read Shivakritam 1 Vishnu Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shivakritam 1 Vishnu Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
