सत्यनारायणमङ्गलाशासनम् Satyanarayana Mangalashasanam

सत्यावताररूपाय मङ्गलाभरणाङ्घ्रये ।पम्पातीर निवासाय सत्यदेवाय मङ्गलम् ॥ १॥

satyāvatārarūpāya maṅgalābharaṇāṅghraye |pampātīra nivāsāya satyadevāya maṅgalam || 1||

स्थितमन्नवरग्रामे प्रियसत्यव्रतं प्रभुम् ।स्मरामि वरदातारं सत्यदेवाय मङ्गलम् ॥ २॥

sthitamannavaragrāme priyasatyavrataṃ prabhum |smarāmi varadātāraṃ satyadevāya maṅgalam || 2||

द्वारे कनकदुर्गा ते वनदुर्गगिरिस्थिता ।रामस्तु व्रतशालायां सत्यदेवाय मङ्गलम् ॥ ३॥

dvāre kanakadurgā te vanadurgagiristhitā |rāmastu vrataśālāyāṃ satyadevāya maṅgalam || 3||

सत्यनारायणायास्तु सेव्यमानाय निर्जरैः ।कलिकल्मषनाशाय सत्यदेवाय मङ्गलम् ॥ ४॥

satyanārāyaṇāyāstu sevyamānāya nirjaraiḥ |kalikalmaṣanāśāya satyadevāya maṅgalam || 4||

सत्याय सत्यरूपाय सत्यानन्दस्वरूपिणे ।हरिहरस्वरूपाय सत्यदेवाय मङ्गलम् ॥ ५॥

satyāya satyarūpāya satyānandasvarūpiṇe |hariharasvarūpāya satyadevāya maṅgalam || 5||

अनन्तपद्मनाभाय माङ्गल्यगुणशालिने ।सेव्यायानन्तलक्ष्म्या च सत्यरूपाय मङ्गलम् ॥ ६॥

anantapadmanābhāya māṅgalyaguṇaśāline |sevyāyānantalakṣmyā ca satyarūpāya maṅgalam || 6||

पद्मनाभस्वरूपाय पर्वतोपरिवासिने ।सत्यवत्या समेताय सत्यरूपाय मङ्गलम् ॥ ७॥

padmanābhasvarūpāya parvatoparivāsine |satyavatyā sametāya satyarūpāya maṅgalam || 7||

सत्यव्रतस्वरूपाय व्रताचरणमोदिने ।नित्यव्रतस्वरूपाय सत्यरूपाय मङ्गलम् ॥ ८॥

satyavratasvarūpāya vratācaraṇamodine |nityavratasvarūpāya satyarūpāya maṅgalam || 8||

अभीष्टसिद्धिदात्रे च सर्वसद्गुणरूपिणे ।आश्रितावनदक्षाय सत्यरूपाय मङ्गलम् ॥ ९॥

abhīṣṭasiddhidātre ca sarvasadguṇarūpiṇe |āśritāvanadakṣāya satyarūpāya maṅgalam || 9||

श्रीकृष्णशास्त्रिणा बद्ध यन्त्रमध्यस्थिताय च ।श्रीकृष्णवंशपालाय सत्यरूपाय मङ्लम् ॥ १०॥

śrīkṛṣṇaśāstriṇā baddha yantramadhyasthitāya ca |śrīkṛṣṇavaṃśapālāya satyarūpāya maṅlam || 10||

इति श्रीसत्यनारायण मङ्गलाशासनं समाप्तम् ।

iti śrīsatyanārāyaṇa maṅgalāśāsanaṃ samāptam |