विष्णुस्तोत्रम् सङ्कष्टनाशनम् Sankashtanashanavishnustotram from Padmapurana

नारद उवाचपुनर्दैत्यं समायान्तं दृष्ट्वा देवाः सवासवाः ।भयप्रकंपिताः सर्वे विष्णुं स्तोतुं प्रचक्रमुः ॥ १॥

nārada uvācapunardaityaṃ samāyāntaṃ dṛṣṭvā devāḥ savāsavāḥ |bhayaprakaṃpitāḥ sarve viṣṇuṃ stotuṃ pracakramuḥ || 1||

देवा ऊचुःनमो मत्स्यकूर्मादिनानास्वरूपैः सदा भक्तकार्योद्यतायार्तिहन्त्रे ।विधात्रादि सर्गस्थितिध्वंसकर्त्रे गदाशंखपद्मारिहस्ताय तेऽस्तु ॥ २॥

devā ūcuḥnamo matsyakūrmādinānāsvarūpaiḥ sadā bhaktakāryodyatāyārtihantre |vidhātrādi sargasthitidhvaṃsakartre gadāśaṃkhapadmārihastāya te'stu || 2||

रमावल्लभायाऽसुराणां निहन्त्रे भुजंगारियानाय पीताम्बराय ।मखादिक्रियापाककर्त्रे विकर्त्रे शरण्याय तस्मै नताः स्मो नताः स्मः ॥ ३॥

ramāvallabhāyā'surāṇāṃ nihantre bhujaṃgāriyānāya pītāmbarāya |makhādikriyāpākakartre vikartre śaraṇyāya tasmai natāḥ smo natāḥ smaḥ || 3||

नमो दैत्यसन्तापितामर्त्यदुःखाचलध्वंसदंभोलये विष्णवे ते ।भुजंगेशतल्पेशयानायाऽर्कचन्द्रद्विनेत्राय तस्मै नताः स्मो नताः स्मः ॥ ४॥

namo daityasantāpitāmartyaduḥkhācaladhvaṃsadaṃbholaye viṣṇave te |bhujaṃgeśatalpeśayānāyā'rkacandradvinetrāya tasmai natāḥ smo natāḥ smaḥ || 4||

नारद उवाच ।संकष्टनाशनं नाम स्तोत्रमेतत्पठेन्नरः ।स कदाचिन्न संकष्टैः पीड्यते कृपया हरेः ॥ ५॥

nārada uvāca |saṃkaṣṭanāśanaṃ nāma stotrametatpaṭhennaraḥ |sa kadācinna saṃkaṣṭaiḥ pīḍyate kṛpayā hareḥ || 5||

॥ इति पद्मपुराणे पृथुनारदसंवादेसङ्कष्टनाशनं नाम विष्णुस्तोत्रं सम्पूर्णम् ॥

|| iti padmapurāṇe pṛthunāradasaṃvādesaṅkaṣṭanāśanaṃ nāma viṣṇustotraṃ sampūrṇam ||