देवराजमङ्गलम् Devarajamangalam

श्रीवरवरमुनिभिरनुगृहीतंश्रीरस्तु ।श्रीमते हयग्रीवाय नमः ।श्रीमते रामानुजाय नमः ॥यश्चक्रे देवराजस्य मङ्गलाशासनं मुदा ।तं वन्दे रम्यजामातृमुनिं विशदवाग्वरम् ॥मङ्गलं वेधसो वेदिमेदिनीगृहमेधिने ।वरदाय दयाधाम्ने धीरोदाराय मङ्गलम् ॥ १॥

śrīvaravaramunibhiranugṛhītaṃśrīrastu |śrīmate hayagrīvāya namaḥ |śrīmate rāmānujāya namaḥ ||yaścakre devarājasya maṅgalāśāsanaṃ mudā |taṃ vande ramyajāmātṛmuniṃ viśadavāgvaram ||maṅgalaṃ vedhaso vedimedinīgṛhamedhine |varadāya dayādhāmne dhīrodārāya maṅgalam || 1||

वाजिमेधे वपाहोमे धातुरुत्तरवेदितः ।उदिताय हुतादग्नेः उदाराङ्गाय मङ्गलम् ॥ २॥

vājimedhe vapāhome dhāturuttaraveditaḥ |uditāya hutādagneḥ udārāṅgāya maṅgalam || 2||

यजमानं विधिं वीक्ष्य स्मयमानमुखश्रिये ।दयामानदृशे तस्मै देवराजाय मङ्गलम् ॥ ३॥

yajamānaṃ vidhiṃ vīkṣya smayamānamukhaśriye |dayāmānadṛśe tasmai devarājāya maṅgalam || 3||

वारिदश्यामवपुषे विराजत्पीतवाससे ।वारणाचलवासाय वारिजाक्षाय मङ्गलम् ॥ ४॥

vāridaśyāmavapuṣe virājatpītavāsase |vāraṇācalavāsāya vārijākṣāya maṅgalam || 4||

अद्यापि सर्वभूतानां अभीष्टफलदायिने ।प्रणतार्तिहरायास्तु प्रभवे मम मङ्गलम् ॥ ५॥

adyāpi sarvabhūtānāṃ abhīṣṭaphaladāyine |praṇatārtiharāyāstu prabhave mama maṅgalam || 5||

दिव्यावयवसौन्दर्यदिव्याभरणहेतये ।दन्तावलगिरीशाय देवराजाय मङ्गलम् ॥ ६॥

divyāvayavasaundaryadivyābharaṇahetaye |dantāvalagirīśāya devarājāya maṅgalam || 6||

पुरुषाय पुराणाय पुण्यकोटिनिवासिने ।पुष्पितोदारकल्पद्रुकमनीयाय मङ्गलम् ॥ ७॥

puruṣāya purāṇāya puṇyakoṭinivāsine |puṣpitodārakalpadrukamanīyāya maṅgalam || 7||

काञ्चनाचलशृङ्गाग्रकालमेघानुसारिणे ।सुपर्णांसावतंसाय सुरराजाय मङ्गलम् ॥ ८॥

kāñcanācalaśṛṅgāgrakālameghānusāriṇe |suparṇāṃsāvataṃsāya surarājāya maṅgalam || 8||

भोगापवर्गयोरेकं वाञ्छद्भ्यो ददते द्वयम् ।श्रीमद्वरदराजाय महोदाराय मङ्गलम् ॥ ९॥

bhogāpavargayorekaṃ vāñchadbhyo dadate dvayam |śrīmadvaradarājāya mahodārāya maṅgalam || 9||

मतङ्गजाद्रितुङ्गाग्रशृङ्गशृङ्गारवर्ष्मणे ।महाकृपाय मद्रक्षादीक्षितायास्तु मङ्गलम् ॥ १०॥

mataṅgajādrituṅgāgraśṛṅgaśṛṅgāravarṣmaṇe |mahākṛpāya madrakṣādīkṣitāyāstu maṅgalam || 10||

श्रीकाञ्चीपूर्णमिश्रेण प्रीत्या सर्वाभिभाषिणे ।अतीतार्चाव्यवस्थाय हस्त्यद्रीशाय मङ्गलम् ॥अस्तु श्रीस्तनकस्तूरीवासनावासितोरसे ।श्रीहस्तिगिरिनाथाय देवराजाय मङ्गलम् ॥ १२॥

śrīkāñcīpūrṇamiśreṇa prītyā sarvābhibhāṣiṇe |atītārcāvyavasthāya hastyadrīśāya maṅgalam ||astu śrīstanakastūrīvāsanāvāsitorase |śrīhastigirināthāya devarājāya maṅgalam || 12||

मङ्गलाशासनपरैर्मदाचार्यपुरोगमैः ।सर्वैश्च पूर्वैराचार्यैः सत्कृतायास्तु मङ्गलम् ॥ १३॥

maṅgalāśāsanaparairmadācāryapurogamaiḥ |sarvaiśca pūrvairācāryaiḥ satkṛtāyāstu maṅgalam || 13||

इति देवराजमङ्गलं समाप्तम् ।

iti devarājamaṅgalaṃ samāptam |