धन्वन्तरी सुप्रभातम् Dhanvantari Suprabhatam

श्री गणेशाय नमः ॥अस्मत्स्तवम् जलधिमन्थनघोषतुल्यमाकर्ण्य भग्न निजयोगसमाधिनिद्रः ।उन्मील्य नेत्रयुगलीमवलोकयास्मान्\,धन्वन्तरे\, भवतु भो तव सुप्रभातम् ॥ १॥

śrī gaṇeśāya namaḥ ||asmatstavam jaladhimanthanaghoṣatulyamākarṇya bhagna nijayogasamādhinidraḥ |unmīlya netrayugalīmavalokayāsmān\,dhanvantare\, bhavatu bho tava suprabhātam || 1||

क्षीरार्णवे भुजगवर्ष्मणि योगनिद्रालीनस्य निस्तुलनिजात्मसुखोत्सुकस्य ।कारुण्यतोऽद्य शयनात् स्वयमुत्थितस्य\,धन्वन्तरे\, मधुरिपो तव सुप्रभातम् ॥ २॥

kṣīrārṇave bhujagavarṣmaṇi yoganidrālīnasya nistulanijātmasukhotsukasya |kāruṇyato'dya śayanāt svayamutthitasya\,dhanvantare\, madhuripo tava suprabhātam || 2||

उद्बिभ्रतो नवसुधाकलशं जलूकां\,शंखं रथाङ्गमपि पाणितलैश्चतुर्भिः ।चिह्नानि कौस्तुभमुखानि च तत्तद्ङ्गैर्धन्वन्तरे\, मुररिपो तव सुप्रभातम् ॥ ३॥

udbibhrato navasudhākalaśaṃ jalūkāṃ\,śaṃkhaṃ rathāṅgamapi pāṇitalaiścaturbhiḥ |cihnāni kaustubhamukhāni ca tattadṅgairdhanvantare\, muraripo tava suprabhātam || 3||

आनीलगात्र\, कपिशाम्बर\, वन्यमालिन्\,काञ्चीकिरीटकटकादि विभूषिताङ्ग ।धन्वन्तरे धृतसुधाघट दीनबन्धो\,भो भोतु ते भवचिकित्सक सुप्रभातम् ॥ ४॥

ānīlagātra\, kapiśāmbara\, vanyamālin\,kāñcīkirīṭakaṭakādi vibhūṣitāṅga |dhanvantare dhṛtasudhāghaṭa dīnabandho\,bho bhotu te bhavacikitsaka suprabhātam || 4||

आपीनदीर्घभुजदण्ड मृगादिपांस\,कारुण्यशीतलविलोचन कम्बुकण्ठ ।हासोल्लसन्मुख विशाल भुजान्तराल\,धन्वन्तरेऽस्तु भगवंस्तव सुप्रभातम् ॥ ५॥

āpīnadīrghabhujadaṇḍa mṛgādipāṃsa\,kāruṇyaśītalavilocana kambukaṇṭha |hāsollasanmukha viśāla bhujāntarāla\,dhanvantare'stu bhagavaṃstava suprabhātam || 5||

विष्णो\, जनार्दन\, मुरान्तक\, वासुदेव\,वैकुण्ठ\, केशव\, हरे\, जगदीश\, शौरे ।गोविन्द\, नन्दसुत\, कंसरिपो\, मुकुन्द\,धन्वन्तरे भवतु भो तव सुप्रभातम् ॥ ६॥

viṣṇo\, janārdana\, murāntaka\, vāsudeva\,vaikuṇṭha\, keśava\, hare\, jagadīśa\, śaure |govinda\, nandasuta\, kaṃsaripo\, mukunda\,dhanvantare bhavatu bho tava suprabhātam || 6||

पञ्चास्त्रकोटिकमनीय कलेवराय\,पञ्चास्यसन्निभविलोकन विक्रमाय ।रागादिरोगकुलनाशकृतेऽस्तु तुभ्यम्\,धन्वन्तरे प्रणतवत्सल सुप्रभातम् ॥ ७॥

pañcāstrakoṭikamanīya kalevarāya\,pañcāsyasannibhavilokana vikramāya |rāgādirogakulanāśakṛte'stu tubhyam\,dhanvantare praṇatavatsala suprabhātam || 7||

नाम्नैव यो झटितिकृन्तति दोषकोपम्\,स्मृत्यैव यस्सपदि हन्ति गुणत्रयं च ।बाह्यन्तरद्विविध रोगहरस्य तस्य\,धन्वन्तरे\, भवतु भो तव सुप्रभातम् ॥ ८॥

nāmnaiva yo jhaṭitikṛntati doṣakopam\,smṛtyaiva yassapadi hanti guṇatrayaṃ ca |bāhyantaradvividha rogaharasya tasya\,dhanvantare\, bhavatu bho tava suprabhātam || 8||

द्रव्यामृतस्य कलशार्णव निर्गतस्य\,ज्ञानामृतस्य निगमाब्धि समुत्थितस्य ।रोगद्वय प्रशमनाय नृणां प्रदातुर्\,धन्वन्तरे\, भवतु भो तव सुप्रभातम् ॥ ९॥

dravyāmṛtasya kalaśārṇava nirgatasya\,jñānāmṛtasya nigamābdhi samutthitasya |rogadvaya praśamanāya nṛṇāṃ pradātur\,dhanvantare\, bhavatu bho tava suprabhātam || 9||

अमृतघटजवूकं चक्रशंखांश्चतुर्भिः\,मसृणकरसरोजैर्बिभ्रते\, विश्वगोप्त्रे ।उभयनरकहंत्रे\, नाथ\, धन्वन्तरे\, ते\,भवतु शुभवराणां दाशुषे सुप्रभातम् ॥ १०॥

amṛtaghaṭajavūkaṃ cakraśaṃkhāṃścaturbhiḥ\,masṛṇakarasarojairbibhrate\, viśvagoptre |ubhayanarakahaṃtre\, nātha\, dhanvantare\, te\,bhavatu śubhavarāṇāṃ dāśuṣe suprabhātam || 10||

मेघश्यामललोभनीयवपुषे विध्युत् स्फुरद्वाससे\,श्रीमद्दीर्घ चतुर्भुजैः नवसुधाकुम्भम् जलूकामरिम् ।शंखंचोद्वहते\, कृपाप्लुतदृशे मन्दस्मितश्रीमुचे\,भूयात् सन्तत सुप्रभातमयि भो धन्वन्तरे ते हरे ॥ ११॥

meghaśyāmalalobhanīyavapuṣe vidhyut sphuradvāsase\,śrīmaddīrgha caturbhujaiḥ navasudhākumbham jalūkāmarim |śaṃkhaṃcodvahate\, kṛpāplutadṛśe mandasmitaśrīmuce\,bhūyāt santata suprabhātamayi bho dhanvantare te hare || 11||

आयुर्वेदविधायिन स्तनुभृतामन्तर्बहिर्वासिनः\,श्रीनामौषधदायिनो\, भवमहारोगस्य संहारिणः ।निर्वाणामृतवर्षिणो निजयशस्सिन्धौ जगत् प्लावितो\,भो भूयात्तव सुप्रभात मयि भो धन्वन्तरे श्रीहरे ॥ १२॥

āyurvedavidhāyina stanubhṛtāmantarbahirvāsinaḥ\,śrīnāmauṣadhadāyino\, bhavamahārogasya saṃhāriṇaḥ |nirvāṇāmṛtavarṣiṇo nijayaśassindhau jagat plāvito\,bho bhūyāttava suprabhāta mayi bho dhanvantare śrīhare || 12||

सर्वेषां सुखहेतवे\, भव महापाथोनिधेस्सेतवे\,मुक्तिश्रीजयकेतवे\, मृतिभयत्रस्तस्य जीवातवे ।सक्तानां सुरधेनवे\, विधिविमृग्यांघ्रिद्वयीरेणवे\,भूयादुज्ज्वल सुप्रभातमयि ते गोविन्द धन्वन्तरे ॥ १३॥

sarveṣāṃ sukhahetave\, bhava mahāpāthonidhessetave\,muktiśrījayaketave\, mṛtibhayatrastasya jīvātave |saktānāṃ suradhenave\, vidhivimṛgyāṃghridvayīreṇave\,bhūyādujjvala suprabhātamayi te govinda dhanvantare || 13||

श्रीधन्वन्तरिमूर्तये सुरवरैरुद्गीतसत्कीर्तये\,विध्वस्तप्रणतार्त्तये त्रिभुवनी सौभाग्यसम्पूर्तये ।कारुण्यामृतसिन्धवे भवरुजाशान्त्यर्थिना बन्धवे\,तुभ्यम् भास्वर सुप्रभातमयि भो\, भूयोऽपि भो भूयताम् ॥ १४॥

śrīdhanvantarimūrtaye suravarairudgītasatkīrtaye\,vidhvastapraṇatārttaye tribhuvanī saubhāgyasampūrtaye |kāruṇyāmṛtasindhave bhavarujāśāntyarthinā bandhave\,tubhyam bhāsvara suprabhātamayi bho\, bhūyo'pi bho bhūyatām || 14||

भक्तैर्निर्मथ्य मानान्नवविधभगवद्धर्मदुग्धाम्बुराशेः\,प्रादुर्भूताय भक्त्यात्मकवयुनसुधाकुम्भ हस्ताम्बुजाय\,संसारव्याधिहंत्रे\, निरुपम परमानन्द सन्दोहदात्रे\,भो भूयात् सुप्रभातं मुरमथन\, हरे कृष्ण धन्वन्तरे ते ॥ १५॥

bhaktairnirmathya mānānnavavidhabhagavaddharmadugdhāmburāśeḥ\,prādurbhūtāya bhaktyātmakavayunasudhākumbha hastāmbujāya\,saṃsāravyādhihaṃtre\, nirupama paramānanda sandohadātre\,bho bhūyāt suprabhātaṃ muramathana\, hare kṛṣṇa dhanvantare te || 15||