वेङ्कटेशस्तोत्रम् २ Shri Venkatesha Stotram (2)

कमलाकुचचूचुक कुङ्कुमतो नियतारुणितातुलनीलतनो ।कमलायतलोचन लोकपते विजयी भव वेङ्कटशैलपते ॥ १॥

kamalākucacūcuka kuṅkumato niyatāruṇitātulanīlatano |kamalāyatalocana lokapate vijayī bhava veṅkaṭaśailapate || 1||

सचतुर्मुखषण्मुखपंचमुखप्रमुखाखिलदैवतमौलिमणे ।शरणागतवत्सल सारनिधे परिपालय मां वृषशैलपते ॥ २॥

sacaturmukhaṣaṇmukhapaṃcamukhapramukhākhiladaivatamaulimaṇe |śaraṇāgatavatsala sāranidhe paripālaya māṃ vṛṣaśailapate || 2||

अतिवेलतया तव दुर्विषहै रनुवेलकृतैरपराधशतै।भरितं त्वरितं वृषशैलपते परया कृपया परिपाहि हरे ॥ ३॥

ativelatayā tava durviṣahai ranuvelakṛtairaparādhaśatai|bharitaṃ tvaritaṃ vṛṣaśailapate parayā kṛpayā paripāhi hare || 3||

अधिवेङ्कटशैलमुदारमतेजनताभिमताधिकदानरतात् ।परदेवतया गदितान्निगमैः कमलादयितान्न परं कलये ॥ ४॥

adhiveṅkaṭaśailamudāramatejanatābhimatādhikadānaratāt |paradevatayā gaditānnigamaiḥ kamalādayitānna paraṃ kalaye || 4||

कलवेणुरवावशगोपवधू शतकोटिवृतात्स्मरकोटिसमात् ।प्रतिवल्लविकाभिमतात्सुखदात् वसुदेवसुतान्न परं कलये ॥ ५॥

kalaveṇuravāvaśagopavadhū śatakoṭivṛtātsmarakoṭisamāt |prativallavikābhimatātsukhadāt vasudevasutānna paraṃ kalaye || 5||

अभिरामगुणाकर दाशरथे जगदेकधनुर्धर धीरमते ।रघुनायक राम रमेश विभो वरदो भव देव दयाजलधे ॥ ६॥

abhirāmaguṇākara dāśarathe jagadekadhanurdhara dhīramate |raghunāyaka rāma rameśa vibho varado bhava deva dayājaladhe || 6||

अवनीतनयाकमनीयकरं रजनीकरचारुमुखाम्बुरुहम् ।रजनीचरराजतमोमिहिरं महनीयमहं रघुराममये ॥ ७॥

avanītanayākamanīyakaraṃ rajanīkaracārumukhāmburuham |rajanīcararājatamomihiraṃ mahanīyamahaṃ raghurāmamaye || 7||

सुमुखं सुहृदं सुलभं सुखदं स्वनुजं च सुकायममोघशरम् ।अपहाय रघूद्वहमन्यमहं न कथञ्चन कञ्चन जातु भजे ॥ ८॥

sumukhaṃ suhṛdaṃ sulabhaṃ sukhadaṃ svanujaṃ ca sukāyamamoghaśaram |apahāya raghūdvahamanyamahaṃ na kathañcana kañcana jātu bhaje || 8||

विना वेङ्कटेशं न नाथो न नाथः सदा वेङ्कटेशं स्मरामि स्मरामि ।हरे वेङ्कटेश !प्रसीद प्रसीद प्रियं वेङ्कटेश प्रयच्छ प्रयच्छ ॥ ९॥

vinā veṅkaṭeśaṃ na nātho na nāthaḥ sadā veṅkaṭeśaṃ smarāmi smarāmi |hare veṅkaṭeśa !prasīda prasīda priyaṃ veṅkaṭeśa prayaccha prayaccha || 9||

अहं दूरतस्ते पदाम्भोजयुग्मप्रणामेच्छयाऽऽगत्य सेवां करोमि ।सकृत्सेवया नित्यसेवाफलं त्वं प्रयच्छ प्रयच्छ प्रभो वेङ्कटेश ॥ १०॥

ahaṃ dūrataste padāmbhojayugmapraṇāmecchayā''gatya sevāṃ karomi |sakṛtsevayā nityasevāphalaṃ tvaṃ prayaccha prayaccha prabho veṅkaṭeśa || 10||

अज्ञानिना मया दोषानशेषान् विहितान् हरे ।क्षमस्व त्वं क्षमस्व त्वं शेषशैलशिखामणे ॥ ११॥

ajñāninā mayā doṣānaśeṣān vihitān hare |kṣamasva tvaṃ kṣamasva tvaṃ śeṣaśailaśikhāmaṇe || 11||

॥ इति श्री वेङ्कटेश स्तोत्रं सम्पूर्णम् ॥

|| iti śrī veṅkaṭeśa stotraṃ sampūrṇam ||