अञ्जनशैलनाथस्तोत्रम् Anjanashailanathastotram

पुलकिनि भुजमध्ये पूजयन्तं पुरन्ध्रींभुवननयनपुण्यं पूरिताशेषकामम् ।पुनरपि वृषशैले फुल्लनीलोत्पलाभंपुरुषमनुभवेयं पुण्डरीकायताक्षम् ॥ १॥

pulakini bhujamadhye pūjayantaṃ purandhrīṃbhuvananayanapuṇyaṃ pūritāśeṣakāmam |punarapi vṛṣaśaile phullanīlotpalābhaṃpuruṣamanubhaveyaṃ puṇḍarīkāyatākṣam || 1||

आजानसौहृदमपारकृपामृताब्धिंअव्याजवत्सलमवेलसुशीलमाद्यम् ।आनन्दराशिमनुरागमयावरोधंआराधयामि हरिमञ्जनशैलनाथम् ॥ २॥

ājānasauhṛdamapārakṛpāmṛtābdhiṃavyājavatsalamavelasuśīlamādyam |ānandarāśimanurāgamayāvarodhaṃārādhayāmi harimañjanaśailanātham || 2||

आताम्रपादमवदातसुवर्णचेलंआपीनबाहुशिखरोज्ज्वलशङ्खचक्रम् ।आविस्स्मिताननममन्ददयाकटाक्षंआराधयामि हरिमञ्जनशैलनाथम् ॥ ३॥

ātāmrapādamavadātasuvarṇacelaṃāpīnabāhuśikharojjvalaśaṅkhacakram |āvissmitānanamamandadayākaṭākṣaṃārādhayāmi harimañjanaśailanātham || 3||

अप्राकृतावयवसंहितसंनिवेशंआरूढयौवनमहीनकुमारभावम् ।अम्लानकान्तिमतिवाङ्मनसानुभावंआराधयामि हरिमञ्जनशैलनाथम् ॥ ४॥

aprākṛtāvayavasaṃhitasaṃniveśaṃārūḍhayauvanamahīnakumārabhāvam |amlānakāntimativāṅmanasānubhāvaṃārādhayāmi harimañjanaśailanātham || 4||

आशावकाशसमुदित्वरसर्वगन्धंआस्वादयत्सुगमसर्वरसस्वभावम् ।आश्लेषगम्यसुखसंस्पृशनातिरेकंआराधयामि हरिमञ्जनशैलनाथम् ॥ ५॥

āśāvakāśasamuditvarasarvagandhaṃāsvādayatsugamasarvarasasvabhāvam |āśleṣagamyasukhasaṃspṛśanātirekaṃārādhayāmi harimañjanaśailanātham || 5||

आदर्शयन्तमतिसंकुचिताक्षिशक्तिंआश्रावयन्तमखिलान् बधिरान् प्रकृत्या ।आभाषयन्तमभितो नतमूकवर्गंआराधयामि हरिमञ्जनशैलनाथम् ॥ ६॥

ādarśayantamatisaṃkucitākṣiśaktiṃāśrāvayantamakhilān badhirān prakṛtyā |ābhāṣayantamabhito natamūkavargaṃārādhayāmi harimañjanaśailanātham || 6||

आधावयन्तमतिमारुतमेव पङ्गून्आजानुलम्बिभुजयन्तमहो कुबाहून् ।अन्यांश्च कृतशिरसः प्रतिजीवयन्तंआराधयामि हरिमञ्जनशैलनाथम् ॥ ७॥

ādhāvayantamatimārutameva paṅgūnājānulambibhujayantamaho kubāhūn |anyāṃśca kṛtaśirasaḥ pratijīvayantaṃārādhayāmi harimañjanaśailanātham || 7||

आजन्मनिर्धनजनानलकेशयन्तंअज्ञानपि त्रिदशदेशिकदेश्ययन्तम् ।अह्नाय वन्ध्यमपि मर्त्यमवन्ध्ययन्तंआराधयामि हरिमञ्जनशैलनाथम् ॥ ८॥

ājanmanirdhanajanānalakeśayantaṃajñānapi tridaśadeśikadeśyayantam |ahnāya vandhyamapi martyamavandhyayantaṃārādhayāmi harimañjanaśailanātham || 8||

आबद्धकङ्कणमशेषशरण्यतायांआपत्सहायमपराधसहं नतानाम् ।आसन्नसामगसुखालससूरिवर्गंआराधयामि हरिमञ्जनशैलनाथम् ॥ ९॥

ābaddhakaṅkaṇamaśeṣaśaraṇyatāyāṃāpatsahāyamaparādhasahaṃ natānām |āsannasāmagasukhālasasūrivargaṃārādhayāmi harimañjanaśailanātham || 9||

अध्यासितासनसरोजसनूपुराङ् घ्रिंआमुक्तवीरकटकायतवृत्तजङ्घम् ।आश्चर्यजानुयुगमप्रतिमोरुकाण्डंआराधयामि हरिमञ्जनशैलनाथम् ॥ १०॥

adhyāsitāsanasarojasanūpurāṅ ghriṃāmuktavīrakaṭakāyatavṛttajaṅgham |āścaryajānuyugamapratimorukāṇḍaṃārādhayāmi harimañjanaśailanātham || 10||

आवर्तिनिम्ननिखिलाण्डनिदाननाभिंआयामिदोर्विवरकेलिगृहावरोधम् ।आबद्धरत्नमयभूषभुजाचतुष्कंआराधयामि हरिमञ्जनशैलनाथम् ॥ ११॥

āvartinimnanikhilāṇḍanidānanābhiṃāyāmidorvivarakeligṛhāvarodham |ābaddharatnamayabhūṣabhujācatuṣkaṃārādhayāmi harimañjanaśailanātham || 11||

अंसावलम्बिमणिकुण्डलकान्तगण्डंआविस्स्मितांशुमधुराधरबन्धुजीवम् ।आस्याब्जसौरभसमुत्सुकदीर्घनासंआराधयामि हरिमञ्जनशैलनाथम् ॥ १२॥

aṃsāvalambimaṇikuṇḍalakāntagaṇḍaṃāvissmitāṃśumadhurādharabandhujīvam |āsyābjasaurabhasamutsukadīrghanāsaṃārādhayāmi harimañjanaśailanātham || 12||

अर्धेन्दुभास्वदलिकोल्लसदूर्ध्वपुण्ड्रंआलोलनीलकुटिलालकचारुवक्त्रम् ।आविर्मयूखमणिचूडमहाकिरीटंआराधयामि हरिमञ्जनशैलनाथम् ॥ १३॥

ardhendubhāsvadalikollasadūrdhvapuṇḍraṃālolanīlakuṭilālakacāruvaktram |āvirmayūkhamaṇicūḍamahākirīṭaṃārādhayāmi harimañjanaśailanātham || 13||

वादिभीतिकरार्येण रचिता भावबन्ध तःशोभते वेङ्कटाद्रीशविषया स्तुतिरद्भुता ॥॥ इति अञ्जनशैलनाथस्तोत्रं संपूर्णम् ॥

vādibhītikarāryeṇa racitā bhāvabandha taḥśobhate veṅkaṭādrīśaviṣayā stutiradbhutā |||| iti añjanaśailanāthastotraṃ saṃpūrṇam ||