सुब्रह्मण्यषडक्षराष्टोत्तरशतनामस्तोत्रम् Subrahmanya Shadaksharashtottarashatanamastotram

शरण्यः शर्वतनयः शर्वाणीप्रियनन्दनः ।शरकाननसम्भूतः शर्वरीशमुखः शमः ॥ १॥

śaraṇyaḥ śarvatanayaḥ śarvāṇīpriyanandanaḥ |śarakānanasambhūtaḥ śarvarīśamukhaḥ śamaḥ || 1||

शङ्करः शरणत्राता शशाङ्कमुकुटोज्ज्वलः ।शर्मदः शङ्खकण्ठश्च शरकार्मुकहेतिभृत् ॥ २॥

śaṅkaraḥ śaraṇatrātā śaśāṅkamukuṭojjvalaḥ |śarmadaḥ śaṅkhakaṇṭhaśca śarakārmukahetibhṛt || 2||

शक्तिधारी शक्तिकरः शतकोट्यर्कपाटलः ।शमदः शतरुद्रस्थः शतमन्मथविग्रहः ॥ ३॥

śaktidhārī śaktikaraḥ śatakoṭyarkapāṭalaḥ |śamadaḥ śatarudrasthaḥ śatamanmathavigrahaḥ || 3||

रणाग्रणि रक्षणकृद्रक्षोबलविमर्दनः ।रहस्यज्ञो रतिकरो रक्तचन्दनलेपनः ॥ ४॥

raṇāgraṇi rakṣaṇakṛdrakṣobalavimardanaḥ |rahasyajño ratikaro raktacandanalepanaḥ || 4||

रत्नधारी रत्नभूषो रत्नकुण्डलमण्डितः ।रक्ताम्बरो रम्यमुखो रविचन्द्राग्निलोचनः ॥ ५॥

ratnadhārī ratnabhūṣo ratnakuṇḍalamaṇḍitaḥ |raktāmbaro ramyamukho ravicandrāgnilocanaḥ || 5||

रमाकलत्रजामाता रहस्यो रघुपूजितः ।रसकोणान्त रालस्थो रजोमूर्ती रतिप्रदः ॥ ६॥

ramākalatrajāmātā rahasyo raghupūjitaḥ |rasakoṇānta rālastho rajomūrtī ratipradaḥ || 6||

वसुदो वटुरूपश्च वसन्तऋतुपूजितः ।वलवैरिसुतानाथो वनजाक्षो वराकृतिः ॥ ७॥

vasudo vaṭurūpaśca vasantaṛtupūjitaḥ |valavairisutānātho vanajākṣo varākṛtiḥ || 7||

वक्रतुण्डानुजो वत्सो वरदाभयहस्तकः ।वत्सलो वर्षकारश्च वसिष्ठादिप्रपूजितः ॥ ८॥

vakratuṇḍānujo vatso varadābhayahastakaḥ |vatsalo varṣakāraśca vasiṣṭhādiprapūjitaḥ || 8||

वणिग्रूपो वरेण्यश्च वर्णाश्रमविधायकः ।वरदो वज्रभृद्वन्द्यो वन्दारुजनवत्सलः ॥ ९॥

vaṇigrūpo vareṇyaśca varṇāśramavidhāyakaḥ |varado vajrabhṛdvandyo vandārujanavatsalaḥ || 9||

नकाररूपो नलिनो नकारयुतमन्त्रकः ।नकारवर्णनिलयो नन्दनो नन्दिवन्दितः ॥ १०॥

nakārarūpo nalino nakārayutamantrakaḥ |nakāravarṇanilayo nandano nandivanditaḥ || 10||

नटेशपुत्रो नम्रभ्रूर्नक्षत्र ग्रहनायकः ।नगाग्रनिलयो नम्यो नमद्भक्तफलप्रदः ॥ ११॥

naṭeśaputro namrabhrūrnakṣatra grahanāyakaḥ |nagāgranilayo namyo namadbhaktaphalapradaḥ || 11||

नवनागो नगहरो नवग्रहसुवन्दितः ।नववीराग्रजो नव्यो नमस्कारस्तुतिप्रियः ॥ १२॥

navanāgo nagaharo navagrahasuvanditaḥ |navavīrāgrajo navyo namaskārastutipriyaḥ || 12||

भद्रप्रदश्च भगवान् भवारण्यदवानलः ।भवोद्भवो भद्रमूर्तिर्भर्त्सितासुरमण्डलः ॥ १३॥

bhadrapradaśca bhagavān bhavāraṇyadavānalaḥ |bhavodbhavo bhadramūrtirbhartsitāsuramaṇḍalaḥ || 13||

भयापहो भर्गरूपो भक्ताभीष्टफलप्रदः ।भक्तिगम्यो भक्तनिधिर्भयक्लेश विमोचनः ॥ १४॥

bhayāpaho bhargarūpo bhaktābhīṣṭaphalapradaḥ |bhaktigamyo bhaktanidhirbhayakleśa vimocanaḥ || 14||

भरतागमसुप्रीतो भक्तो भक्तार्तिभञ्जनः ।भयकृद्भरताराध्यो भरद्वाजऋषिस्तुतः ॥ १५॥

bharatāgamasuprīto bhakto bhaktārtibhañjanaḥ |bhayakṛdbharatārādhyo bharadvājaṛṣistutaḥ || 15||

वरुणो वरुणाराध्यो वलाराति मुखस्तुतः ।वज्रशक्त्यायुधोपेतो वरो वक्षः स्थलोज्ज्वलः ॥ १६॥

varuṇo varuṇārādhyo valārāti mukhastutaḥ |vajraśaktyāyudhopeto varo vakṣaḥ sthalojjvalaḥ || 16||

वस्तुरूपो वशिध्येयो वलित्रय विराजितः ।वक्रालको वलयधृत् वलत्पीताम्बरोज्ज्वलः ॥ १७॥

vasturūpo vaśidhyeyo valitraya virājitaḥ |vakrālako valayadhṛt valatpītāmbarojjvalaḥ || 17||

वचोरूपो वचनदो वचोऽतीतचरित्रकः ।वरदो वश्यफलदो वल्लीदेवीमनोहरः ॥ १८॥

vacorūpo vacanado vaco'tītacaritrakaḥ |varado vaśyaphalado vallīdevīmanoharaḥ || 18||

इति सुब्रह्मण्यषडक्षराष्टोत्तरशतनामस्तोत्रं सम्पूर्णम् ।

iti subrahmaṇyaṣaḍakṣarāṣṭottaraśatanāmastotraṃ sampūrṇam |