शिवस्तोत्रम् (वेदैःकृतं १ कूर्मपुराणान्तर्गतम्) Vedaih Kritam Shiva Stotram (2)

ऋग्वेद उवाच ।यस्यान्तःस्थानि भूतानि यस्मात्सर्वं प्रवर्त्तते ।यदाहुस्तत्परं तत्त्वं स देवः स्यान्महेश्वरः ॥ १॥

ṛgveda uvāca |yasyāntaḥsthāni bhūtāni yasmātsarvaṃ pravarttate |yadāhustatparaṃ tattvaṃ sa devaḥ syānmaheśvaraḥ || 1||

यजुर्वेद उवाच ।यो यज्ञैरखिलैरीशो योगेन च समर्च्यते ।यमाहुरीश्वरं देवं स देवः स्यात्पिनाकधृक् ॥ २॥

yajurveda uvāca |yo yajñairakhilairīśo yogena ca samarcyate |yamāhurīśvaraṃ devaṃ sa devaḥ syātpinākadhṛk || 2||

सामवेद उवाच ।येनेदं भ्राम्यते विश्वं यदाकाशान्तरं शिवम् ।योगिभिर्विद्यते तत्त्वं महादेवः स शङ्करः ॥ ३॥

sāmaveda uvāca |yenedaṃ bhrāmyate viśvaṃ yadākāśāntaraṃ śivam |yogibhirvidyate tattvaṃ mahādevaḥ sa śaṅkaraḥ || 3||

अथर्ववेद उवाच ।यं प्रपश्यन्ति देवेशं यतन्तो यतयः परम् ।महेशं पुरुषं रुद्रं स देवो भगवान् भवः ॥ ४॥

atharvaveda uvāca |yaṃ prapaśyanti deveśaṃ yatanto yatayaḥ param |maheśaṃ puruṣaṃ rudraṃ sa devo bhagavān bhavaḥ || 4||

इति कूर्मपुराणे उत्तरभागे एकत्रिंशाध्यायान्तर्गतंवेदैः कृतं शिवस्तोत्रं समाप्तम् ।कूर्मपुराणे उत्तरभागे ३१/१३१६

iti kūrmapurāṇe uttarabhāge ekatriṃśādhyāyāntargataṃvedaiḥ kṛtaṃ śivastotraṃ samāptam |kūrmapurāṇe uttarabhāge 31/1316