वातूलनाथसूत्राणि Vatulanatha Sutras

अथ श्रीवातूलनाथसूत्राणि ।महासाहसवृत्त्य स्वरूपलाभः ॥ १॥

atha śrīvātūlanāthasūtrāṇi |mahāsāhasavṛttya svarūpalābhaḥ || 1||

तल्लाभाद्युगपद्वृत्तिप्रवृत्तिः ॥ २॥

tallābhādyugapadvṛttipravṛttiḥ || 2||

वरिअतिओन् तल्लाभाच्छुरिता युगपद्वृत्तिप्रवृत्तिः ॥ २॥

variation tallābhācchuritā yugapadvṛttipravṛttiḥ || 2||

उभयपट्टोद्ध्वट्टनान्महाशून्यताप्रवेशः ॥ ३॥

ubhayapaṭṭoddhvaṭṭanānmahāśūnyatāpraveśaḥ || 3||

युग्मग्रासान्निरवकाशसंविन्निष्ठा ॥ ४॥

yugmagrāsānniravakāśasaṃvinniṣṭhā || 4||

सिद्धयोगिनीसङ्घट्टान्महामेलापोदयः ॥ ५॥

siddhayoginīsaṅghaṭṭānmahāmelāpodayaḥ || 5||

त्रिकञ्चुकपरित्यागान्निराख्यपदावस्थितिः ॥ ६॥

trikañcukaparityāgānnirākhyapadāvasthitiḥ || 6||

वाक्चतुष्टयोदयविरामप्रथासु स्वरः प्रथते ॥ ७॥

vākcatuṣṭayodayavirāmaprathāsu svaraḥ prathate || 7||

रसत्रितयास्वादनेनानिच्छोच्छलितं विगतबन्धं परं ब्रह्म ॥ ८॥

rasatritayāsvādanenānicchocchalitaṃ vigatabandhaṃ paraṃ brahma || 8||

देवीचतुष्टयोल्लासेन सदैव स्वविश्रान्त्यवस्थितिः ॥ ९॥

devīcatuṣṭayollāsena sadaiva svaviśrāntyavasthitiḥ || 9||

द्वादशवाहोदयेन महामरीचिविकासः ॥ १०॥

dvādaśavāhodayena mahāmarīcivikāsaḥ || 10||

चर्यापञ्चकोदये निस्तरङ्गसमावेशः ॥ ११॥

caryāpañcakodaye nistaraṅgasamāveśaḥ || 11||

महाबोधसमावेशात्पुण्यपापासम्बन्धः ॥ १२॥

mahābodhasamāveśātpuṇyapāpāsambandhaḥ || 12||

अकथनकथाबलेन महाविस्मयमुद्रा प्राप्त्या खस्वरता ॥ १३॥

akathanakathābalena mahāvismayamudrā prāptyā khasvaratā || 13||

इति श्रीवातूलनाथसूत्राणि ।॥ इति शिवम् ॥

iti śrīvātūlanāthasūtrāṇi ||| iti śivam ||