शिवस्तुतिः (वरुणादिदेवैः कृता शिवरहस्यान्तर्गता) Varunadidevaihkrita Shiva Stuti

वरुणःअशेषसुरतामदप्रभवनाशनाशीविषाविशेषगरभूषणमुरगहारकण्ठद्युतिम् ।उषःकरणकारणं वृषवराधिसंरोहणंविषाणवृषपूजितं वपुषि शोभिकान्तार्धकम् ॥ २॥

varuṇaḥaśeṣasuratāmadaprabhavanāśanāśīviṣāviśeṣagarabhūṣaṇamuragahārakaṇṭhadyutim |uṣaḥkaraṇakāraṇaṃ vṛṣavarādhisaṃrohaṇaṃviṣāṇavṛṣapūjitaṃ vapuṣi śobhikāntārdhakam || 2||

एकोऽद्वितीयः शिव एव कर्ता देवस्तुरीयः परमश्चतुर्थः ।सनातनोऽव्यक्तगतिः परत्परो ध्येयः परित्यज्य समस्तमन्यत् ॥ ३॥

eko'dvitīyaḥ śiva eva kartā devasturīyaḥ paramaścaturthaḥ |sanātano'vyaktagatiḥ paratparo dhyeyaḥ parityajya samastamanyat || 3||

यस्मान्महेशाद्धरिधातृरुद्रदेवेन्द्रदेवा मुनयः प्रसूताः ।स व्योमकेशोऽखिललोकपूर्तिः शम्भुः सदानन्दघनो महेशः ॥ ४॥

yasmānmaheśāddharidhātṛrudradevendradevā munayaḥ prasūtāḥ |sa vyomakeśo'khilalokapūrtiḥ śambhuḥ sadānandaghano maheśaḥ || 4||

अग्निःअम्बामुखाम्भोजविकासिभानुमिभेन्द्रतारासुतहर्षनेत्रम् ।अम्भोजजातोत्तममौलिपाणिमम्भोजनेत्रार्चितपादपद्मम् ॥ ६॥

agniḥambāmukhāmbhojavikāsibhānumibhendratārāsutaharṣanetram |ambhojajātottamamaulipāṇimambhojanetrārcitapādapadmam || 6||

श्रीशूलपाणिचरणार्चनजातपुण्यैर्वाणीपतित्वमरविन्दगतासुजानेः ।पदे पदे मे न भवेन्मनः पदे किश्चात्भभोगेषु न सज्यते सदा ॥ ७॥

śrīśūlapāṇicaraṇārcanajātapuṇyairvāṇīpatitvamaravindagatāsujāneḥ |pade pade me na bhavenmanaḥ pade kiścātbhabhogeṣu na sajyate sadā || 7||

अर्वसप्तकमहार्णवगर्वापारदर्षहरणामलनेत्रम् ।शम्बराम्बरवरे (तनोः) सुलाञ्छनोद्भासि नेत्रसुललाममुप से ॥ ८॥

arvasaptakamahārṇavagarvāpāradarṣaharaṇāmalanetram |śambarāmbaravare (tanoḥ) sulāñchanodbhāsi netrasulalāmamupa se || 8||

व्यालमालगलनीलगलं तं कालकालमबलार्धककायम् ।फालमूलनिहितानलकूलज्वालया कृतपुरादिककामम् ॥ ९॥

vyālamālagalanīlagalaṃ taṃ kālakālamabalārdhakakāyam |phālamūlanihitānalakūlajvālayā kṛtapurādikakāmam || 9||

वायुःपरावरशरावरीकृतमहाब्धिगङ्गारयोज्ज्वलच्छशिजटाकुटीविधृतभस्मपुण्ड्राङ्कित ।महोक्षवरवाहन विधृतरत्नरुद्राक्षजश्रुतीनयनहारधृग्वरकपालमालाधर ॥ १२॥

vāyuḥparāvaraśarāvarīkṛtamahābdhigaṅgārayojjvalacchaśijaṭākuṭīvidhṛtabhasmapuṇḍrāṅkita |mahokṣavaravāhana vidhṛtaratnarudrākṣajaśrutīnayanahāradhṛgvarakapālamālādhara || 12||

अङ्गजभङ्ग तुरङ्गस्थाङ्ग भुजङ्गमहाङ्गाम्बरचर्म ।शताङ्ग विहङ्ग पतङ्ग निषङ्ग कुरङ्ग वहाङ्ग पुरस्फुलिङ्ग ॥ १३॥

aṅgajabhaṅga turaṅgasthāṅga bhujaṅgamahāṅgāmbaracarma |śatāṅga vihaṅga pataṅga niṣaṅga kuraṅga vahāṅga purasphuliṅga || 13||

आगमचन्द्रार्ध विहगाधिप हारधरसागरउरगोत्तम गिरिभूमिविधि ग्रहनायक सम्भृति संहृतगर्व ।पुरत्रितय परिपाहि दयारसया सुदृशाभवभवतारकयाशरणाय (?) ॥ १४॥

āgamacandrārdha vihagādhipa hāradharasāgarauragottama giribhūmividhi grahanāyaka sambhṛti saṃhṛtagarva |puratritaya paripāhi dayārasayā sudṛśābhavabhavatārakayāśaraṇāya (?) || 14||

यमःभव भर्ग भगाक्षिहराव्यय मधुमदसूदन पूजितपाद ।दमितयम स्मरगजहर शङ्कर हर गङ्गाधर परिपाहि ॥ १७॥

yamaḥbhava bharga bhagākṣiharāvyaya madhumadasūdana pūjitapāda |damitayama smaragajahara śaṅkara hara gaṅgādhara paripāhi || 17||

वर गिरिवरशय पुरहर भवहर प्रथितभवार्णव बडवाग्ने ।निटिलविलोचन कुटिलजटाधर तटिनीवरकलितेन्दुललाम ॥ १८॥

vara girivaraśaya purahara bhavahara prathitabhavārṇava baḍavāgne |niṭilavilocana kuṭilajaṭādhara taṭinīvarakalitendulalāma || 18||

उग्रमहोग्रसटापटलीयुत भीम मृगेन्द्राजिनवसन ।करटिकटीतटपटभवचर्मजवसनान्तकहर परिपाहि ॥ १९॥

ugramahograsaṭāpaṭalīyuta bhīma mṛgendrājinavasana |karaṭikaṭītaṭapaṭabhavacarmajavasanāntakahara paripāhi || 19||

भव भवदक्षसुराद्य भवाङ्गज विधिहरिनमितारुण पाद ।शमितान्तक हर स्मरगरशोषण इन्दुकलाधर परिपाहि ॥ २०॥

bhava bhavadakṣasurādya bhavāṅgaja vidhiharinamitāruṇa pāda |śamitāntaka hara smaragaraśoṣaṇa indukalādhara paripāhi || 20||

कुबेरःभुवनजनावन दनुतनयाननवरपरिखेलन अनलविलोचन अव सदयम् ।वरवरुणालयपीतमहामुनितोषण पन्नग परिपाहि ॥ २४॥

kuberaḥbhuvanajanāvana danutanayānanavaraparikhelana analavilocana ava sadayam |varavaruṇālayapītamahāmunitoṣaṇa pannaga paripāhi || 24||

अरुणानुजपतिपूजितपाद प्रकटसरोरुहभवविनुत ।तरणिधुतिशशिनयनामल हर उक्षककुगद्गत परिपाहि ॥ २५॥

aruṇānujapatipūjitapāda prakaṭasaroruhabhavavinuta |taraṇidhutiśaśinayanāmala hara ukṣakakugadgata paripāhi || 25||

उरगान्तकवहशिक्षणचणचरणाम्बुज शङ्कर उक्षवह ।अध्वरशिक्षितदक्षसुपक्ष अधोक्षज भक्षितविष परिपाहि ॥ २६॥

uragāntakavahaśikṣaṇacaṇacaraṇāmbuja śaṅkara ukṣavaha |adhvaraśikṣitadakṣasupakṣa adhokṣaja bhakṣitaviṣa paripāhi || 26||

गन्धवहाङ्गपतङ्गभुजङ्ग धृताम्बुधिसङ्ग तमोमयाम्बर संहनन ।परिपाहि विभो करुणारसया सरसीरुहसन्निभया सुदृशा ॥ २७॥

gandhavahāṅgapataṅgabhujaṅga dhṛtāmbudhisaṅga tamomayāmbara saṃhanana |paripāhi vibho karuṇārasayā sarasīruhasannibhayā sudṛśā || 27||

रविःखण्डसोमफणिकुण्डलगण्डं पाणिमण्डललसद्विधिमुण्डम् ।आखण्डलस्तम्मितबाहुदण्डं तं खण्डपर्शुः प्रणमाम्यखण्डम् ॥ ३१॥

raviḥkhaṇḍasomaphaṇikuṇḍalagaṇḍaṃ pāṇimaṇḍalalasadvidhimuṇḍam |ākhaṇḍalastammitabāhudaṇḍaṃ taṃ khaṇḍaparśuḥ praṇamāmyakhaṇḍam || 31||

गङ्गातुङ्गतरङ्गरञ्जितजटाभारं कृपासागरंहाराधीश्वरशङ्करं शरहरिं मारारिणं भासुरम् ।वीरं भूसुरपूजिताङ्घ्रिकमलं विस्तारिताराधिपोत्तुङ्गद्रम्यकलाघरं पुरहरं तारं मजे स्वान्तरं (रे) ॥ ३२॥

gaṅgātuṅgataraṅgarañjitajaṭābhāraṃ kṛpāsāgaraṃhārādhīśvaraśaṅkaraṃ śarahariṃ mārāriṇaṃ bhāsuram |vīraṃ bhūsurapūjitāṅghrikamalaṃ vistāritārādhipottuṅgadramyakalāgharaṃ puraharaṃ tāraṃ maje svāntaraṃ (re) || 32||

चन्द्रःअण्डजाण्डजगतीशराय ते चण्डशीतकिरणौ तव चक्रम् ।भूमिमण्डलमिदं रथ ईश वेदमण्डलमिदं हरयस्ते ॥ ३५॥

candraḥaṇḍajāṇḍajagatīśarāya te caṇḍaśītakiraṇau tava cakram |bhūmimaṇḍalamidaṃ ratha īśa vedamaṇḍalamidaṃ harayaste || 35||

ज्याकुण्डलीशो भगवान् सुमेरुकोदण्डग्वरसुहारकपुण्डरीक ।त्वं पुण्डरीकवरचर्मवसान शम्भोहृत्पुण्डरीकवसते कलितत्रिपुण्ड्र ॥ ३६॥

jyākuṇḍalīśo bhagavān sumerukodaṇḍagvarasuhārakapuṇḍarīka |tvaṃ puṇḍarīkavaracarmavasāna śambhohṛtpuṇḍarīkavasate kalitatripuṇḍra || 36||

ईशानःदिशां पतिं पशुपतिं पत्तीनां पतिमीश्वरंअन्नानां च पतिं परात्परतरं त्वां व्योमकेशं हरम् ।पुष्टानां च पतिं रमापतिलसन्नेत्रारविन्दार्चितंत्वां बभ्लुश हरिशरं हरिकेशमीशमाशामुखं शरणमाशु हरं प्रपद्ये ॥ ३८॥

īśānaḥdiśāṃ patiṃ paśupatiṃ pattīnāṃ patimīśvaraṃannānāṃ ca patiṃ parātparataraṃ tvāṃ vyomakeśaṃ haram |puṣṭānāṃ ca patiṃ ramāpatilasannetrāravindārcitaṃtvāṃ babhluśa hariśaraṃ harikeśamīśamāśāmukhaṃ śaraṇamāśu haraṃ prapadye || 38||

॥ इति शिवरहस्यान्तर्गते शिवाख्ये वरुणादिदेवैः कृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः ३४ । २३८॥

|| iti śivarahasyāntargate śivākhye varuṇādidevaiḥ kṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 34 | 238||

– ॥ श्रीशिवरहस्यम् ।शिवाख्यः चतुर्थांशः ।अध्यायः ३४ ।वरिओउस् २-३८॥

– || śrīśivarahasyam |śivākhyaḥ caturthāṃśaḥ |adhyāyaḥ 34 |various 2-38||