वरदानार्थ शिवप्रार्थना एवं त्र्यम्बकेशगोदावरीमहिमवर्णनं गोदावरीकृता Varadanartha Shiva Prarthana by Godavari

गोदावरीकृता वरदानार्थ शिवप्रार्थना एवं त्र्यम्बकेशगोदावरीमहिमवर्णनम्गोदावरीत्वञ्जटामूलतो देव गौतमार्थं विनिर्गता ।देयो वरो मे भगवन्त्वत्कृपागौरवाच्छिव ॥ ४८॥

godāvarīkṛtā varadānārtha śivaprārthanā evaṃ tryambakeśagodāvarīmahimavarṇanamgodāvarītvañjaṭāmūlato deva gautamārthaṃ vinirgatā |deyo varo me bhagavantvatkṛpāgauravācchiva || 48||

गङ्गा त्वदङ्गसङ्गेन त्वन्मौलिकृतकेतना ।तस्यां तव रतिर्देव अविमुक्ते स्थितं त्वया ॥ ४९॥

gaṅgā tvadaṅgasaṅgena tvanmaulikṛtaketanā |tasyāṃ tava ratirdeva avimukte sthitaṃ tvayā || 49||

विश्वेश्वर महालिङ्गरूपेण त्वं सदा स्थितः ।नर्मदायामपि विभो लिङ्गरूपोऽसि शङ्कर ॥ ५०॥

viśveśvara mahāliṅgarūpeṇa tvaṃ sadā sthitaḥ |narmadāyāmapi vibho liṅgarūpo'si śaṅkara || 50||

गङ्गा मत्तोऽधिका वापि पावनी वा मद्देश्वर ।वृद्धगङ्गाहमेवाद्य भवेयं त्वत्प्रसादतः ॥ ५१॥

gaṅgā matto'dhikā vāpi pāvanī vā maddeśvara |vṛddhagaṅgāhamevādya bhaveyaṃ tvatprasādataḥ || 51||

मदम्बुकणसंस्पर्शात्साऽपि पूततमा भवेत् ।त्वल्लिङ्गसेचने योग्या भवेयं वै महेश्वर ॥ ५२॥

madambukaṇasaṃsparśātsā'pi pūtatamā bhavet |tvalliṅgasecane yogyā bhaveyaṃ vai maheśvara || 52||

इति देयो वरो मेऽद्य त्रियम्बक दयानिधे ।(शिवगौरीसंवादे) ईश्वरःगोदावर्या तदा देवि मत्तः सम्प्रार्थितो वरः ॥ ५३॥

iti deyo varo me'dya triyambaka dayānidhe |(śivagaurīsaṃvāde) īśvaraḥgodāvaryā tadā devi mattaḥ samprārthito varaḥ || 53||

तस्यै मयोक्तं देवेशि तच्छृणुष्व त्वमादरात् ॥ ५४॥)

tasyai mayoktaṃ deveśi tacchṛṇuṣva tvamādarāt || 54||)

ईश्वरःत्वदम्बुलवसेकेन गङ्गा पूततमा भवेत् ।सर्वदा मम पूज्या त्वं त्वत्तीरेऽहं सदा स्थितः ॥ ५५॥

īśvaraḥtvadambulavasekena gaṅgā pūtatamā bhavet |sarvadā mama pūjyā tvaṃ tvattīre'haṃ sadā sthitaḥ || 55||

वृद्धगङ्गासि नाम्ना त्वं भगिनी ते कनीयसी ।गङ्गा पापौघशमनी त्वं च कैवल्यदा सदा ॥ ५६॥

vṛddhagaṅgāsi nāmnā tvaṃ bhaginī te kanīyasī |gaṅgā pāpaughaśamanī tvaṃ ca kaivalyadā sadā || 56||

त्वत्पाथोलवसेकेन गङ्गा हृष्टतरा भवेत् ।गङ्गागोदावरीमिश्रं जलं मल्लिङ्गमस्तके ॥ ५७॥

tvatpātholavasekena gaṅgā hṛṣṭatarā bhavet |gaṅgāgodāvarīmiśraṃ jalaṃ malliṅgamastake || 57||

यो ददाति नरो भक्त्या तस्मै मुक्तिं ददाम्यहम् ।त्रियम्बकजटाजूटतटिनी पापघट्टिनी ॥ ५८॥

yo dadāti naro bhaktyā tasmai muktiṃ dadāmyaham |triyambakajaṭājūṭataṭinī pāpaghaṭṭinī || 58||

त्वयि स्नात्वा पूततमो भविष्यति न संशयः ।त्वज्जलैर्यः पितॄन्देवि सन्तर्पयति पर्वणि ॥ ५९॥

tvayi snātvā pūtatamo bhaviṣyati na saṃśayaḥ |tvajjalairyaḥ pitṝndevi santarpayati parvaṇi || 59||

तस्य षोडश वर्षाणि पितरस्तृप्तिमासते ।किं पुनः श्राद्धकरणात्त्वत्तीरे पावने शुभे ॥ ६०॥

tasya ṣoḍaśa varṣāṇi pitarastṛptimāsate |kiṃ punaḥ śrāddhakaraṇāttvattīre pāvane śubhe || 60||

गोदावर्यां सकृत्स्नात्वा दृष्ट्वा श्रीत्र्यम्बकेश्वरम् ।सर्वपापैर्विमुच्येत नात्र कार्या विचारणा ॥ ६१॥

godāvaryāṃ sakṛtsnātvā dṛṣṭvā śrītryambakeśvaram |sarvapāpairvimucyeta nātra kāryā vicāraṇā || 61||

ब्रह्मविष्ण्वादयो देवा मुनयश्चपै तापसाः ।सिंहसंस्थे देवगुरौ तस्यां स्नान्ति च भक्तितः ॥ ६२॥

brahmaviṣṇvādayo devā munayaścapai tāpasāḥ |siṃhasaṃsthe devagurau tasyāṃ snānti ca bhaktitaḥ || 62||

ब्रह्महत्यासुरापानस्वर्णस्तेयादिपातकैः ।विमुच्येत नरः सद्यो गोदावर्यवगाहनात् ॥ ६३॥

brahmahatyāsurāpānasvarṇasteyādipātakaiḥ |vimucyeta naraḥ sadyo godāvaryavagāhanāt || 63||

श्रीमत्त्रियम्बकं दृष्ट्वा शतकृच्छ्रफलं लभेत् ।अशीतिकृच्छ्रं स्नानं तद्गे दावर्यां वरानने ॥ ६४॥

śrīmattriyambakaṃ dṛṣṭvā śatakṛcchraphalaṃ labhet |aśītikṛcchraṃ snānaṃ tadge dāvaryāṃ varānane || 64||

सिंहसंस्थे देवगुरौ महादानफलादिकम् ।सम्प्राप्नोति नरो गौरि गोदावर्यघमर्षणात् ॥ ६५॥

siṃhasaṃsthe devagurau mahādānaphalādikam |samprāpnoti naro gauri godāvaryaghamarṣaṇāt || 65||

रुद्रसूक्तैर्महादेवमभिषिच्य त्रियम्बकम् ।शतगोदानजं पुण्यं लभते नात्र संशयः ॥ ६६॥

rudrasūktairmahādevamabhiṣicya triyambakam |śatagodānajaṃ puṇyaṃ labhate nātra saṃśayaḥ || 66||

गोदावरीजलं शुद्धं समं क्षीराभिषेचनैः ।यस्तु बिल्वदलैः पूज्यं त्र्यम्बकेशं हि पूजयेत् ॥ ६७॥

godāvarījalaṃ śuddhaṃ samaṃ kṣīrābhiṣecanaiḥ |yastu bilvadalaiḥ pūjyaṃ tryambakeśaṃ hi pūjayet || 67||

तेन सर्वे कृता यज्ञास्तेन सर्वमनुष्ठितम् ।नैवेद्यं यः शिवे दद्यात्तदनन्तफलं स्मृतम् ॥ ६८॥

tena sarve kṛtā yajñāstena sarvamanuṣṭhitam |naivedyaṃ yaḥ śive dadyāttadanantaphalaṃ smṛtam || 68||

(शिवगौरीसंवादे ईश्वरःइत्थं मत्तो वरं लब्ध्वा गङ्गा सा सागरङ्गमा ।यः शृणोति सकृद्भक्त्या त्र्यम्बकाख्यानमुत्तमम् ॥ ६९॥

(śivagaurīsaṃvāde īśvaraḥitthaṃ matto varaṃ labdhvā gaṅgā sā sāgaraṅgamā |yaḥ śṛṇoti sakṛdbhaktyā tryambakākhyānamuttamam || 69||

तस्य पापानि नश्यन्ति बहुजन्मार्जितान्युमे ।)॥ इति शिवरहस्यान्तर्गते शिवगौरीसंवादे गोदावरीकृता वरदानार्थ शिवप्रार्थना अथवा त्र्यम्बकेशगोदावरीमहिमवर्णनं सम्पूर्णम् ॥॥ श्रीशिवरहस्यम् । भर्गाख्यः पञ्चमांशः । अध्यायः २२। ४८६९॥

tasya pāpāni naśyanti bahujanmārjitānyume |)|| iti śivarahasyāntargate śivagaurīsaṃvāde godāvarīkṛtā varadānārtha śivaprārthanā athavā tryambakeśagodāvarīmahimavarṇanaṃ sampūrṇam |||| śrīśivarahasyam | bhargākhyaḥ pañcamāṃśaḥ | adhyāyaḥ 22| 4869||

– ॥ श्रीशिवरहस्यम् ।भर्गाख्यः पन्चमांशः ।अध्यायः २२। ४८-६९॥

– || śrīśivarahasyam |bhargākhyaḥ pancamāṃśaḥ |adhyāyaḥ 22| 48-69||