स्वच्छन्दभैरवस्मरणम् Svachchandabhairava Smaranam

त्रिपञ्चनयनं देवं जटामुकुटमण्डितम् ।चन्द्रकोटिप्रतीकाशं चन्द्रार्धकृतशेखरम् ॥ १॥

tripañcanayanaṃ devaṃ jaṭāmukuṭamaṇḍitam |candrakoṭipratīkāśaṃ candrārdhakṛtaśekharam || 1||

पञ्चवक्त्रं विशालाक्षं सर्पगोनासमण्डितम् ।वृश्चिकैरग्निवर्णाभैर्हरिण तु विराजितम् ॥ २॥

pañcavaktraṃ viśālākṣaṃ sarpagonāsamaṇḍitam |vṛścikairagnivarṇābhairhariṇa tu virājitam || 2||

कपालमालाभरणं मुण्डखेटकधारिणम् ।पाशाङ्कुशधरं देवं शरहस्तं पिनाकिनम् ॥ ३॥

kapālamālābharaṇaṃ muṇḍakheṭakadhāriṇam |pāśāṅkuśadharaṃ devaṃ śarahastaṃ pinākinam || 3||

वरदाभयहस्तं च खड्गखट्वाङ्गधारिणम् ।वीणाडमरूहस्तं च घण्टाहस्तं त्रिशूलिनम् ॥ ४॥

varadābhayahastaṃ ca khaḍgakhaṭvāṅgadhāriṇam |vīṇāḍamarūhastaṃ ca ghaṇṭāhastaṃ triśūlinam || 4||

वज्रदण्डकृताटोपं परश्वायुधहस्तकम् ।मुद्गरेण विचित्रेण वर्तुलेन विराजितम् ॥ ५॥

vajradaṇḍakṛtāṭopaṃ paraśvāyudhahastakam |mudgareṇa vicitreṇa vartulena virājitam || 5||

सिंहचर्मपरीधानं गजचर्मोत्तरीयकम् ।अष्टादशभुजं देवं नीलकण्ठं सुजेतसम् ॥ ६॥

siṃhacarmaparīdhānaṃ gajacarmottarīyakam |aṣṭādaśabhujaṃ devaṃ nīlakaṇṭhaṃ sujetasam || 6||

ऊर्ध्ववक्त्रं महेशानि स्फटिकाभं विचिन्तये ।आपीतं पूर्ववक्त्रं तु नीलोत्पलदलप्रभगृ ॥ ७॥

ūrdhvavaktraṃ maheśāni sphaṭikābhaṃ vicintaye |āpītaṃ pūrvavaktraṃ tu nīlotpaladalaprabhagṛ || 7||

दक्षिणं तु विचिन्त्याहं वामं चैव विचिन्तये ।दाडिमीकुसुमप्रख्यं कुङ्कुमोदकसन्निभम् ॥ ८॥

dakṣiṇaṃ tu vicintyāhaṃ vāmaṃ caiva vicintaye |dāḍimīkusumaprakhyaṃ kuṅkumodakasannibham || 8||

चन्द्रार्बुदप्रतीकाशं पश्चिमं च विचिन्तये ।स्वच्छन्दभैरवं देवं सर्वकामफलप्रदम् ॥ ९॥

candrārbudapratīkāśaṃ paścimaṃ ca vicintaye |svacchandabhairavaṃ devaṃ sarvakāmaphalapradam || 9||

यादृशं भैरवं रूपं भैरव्यास्ताहगेव हि ।श्रीमद्भैरवनाथस्य तस्मोसङ्गे विराजिताम् ॥ १०॥

yādṛśaṃ bhairavaṃ rūpaṃ bhairavyāstāhageva hi |śrīmadbhairavanāthasya tasmosaṅge virājitām || 10||

ईषत्करालवदनां गम्भीरविपुलस्वनाम् ।प्रसन्नास्यां सदा ध्याये भैरवीं विस्मितेक्षणाम् ॥ ११॥

īṣatkarālavadanāṃ gambhīravipulasvanām |prasannāsyāṃ sadā dhyāye bhairavīṃ vismitekṣaṇām || 11||

स्वच्छन्दभैरवं चैवमघोरां शक्तिमुत्तमाम् ।ध्यायन् भक्त्या तु युक्तात्मा क्षिप्रं सिद्धयति मानवः ॥ १२॥

svacchandabhairavaṃ caivamaghorāṃ śaktimuttamām |dhyāyan bhaktyā tu yuktātmā kṣipraṃ siddhayati mānavaḥ || 12||

॥ इति स्वच्छन्दभैरवस्मरणं सम्पूर्णम् ॥

|| iti svacchandabhairavasmaraṇaṃ sampūrṇam ||