सुन्दरेश्वरस्तुतिः अथवा अपराधाष्टकम् २ Sundareshvara Stuti or Aparadha Ashtakam

अभिषेकपाण्ड्यःपरिपूर्ण परानन्द परचित्सत्यविग्रह ।सुन्दरेश्वर सर्वज्ञ त्राहि मामपराधिनम् ॥ १॥

abhiṣekapāṇḍyaḥparipūrṇa parānanda paracitsatyavigraha |sundareśvara sarvajña trāhi māmaparādhinam || 1||

फालाक्षिजातज्वलन लेलिहानमनोभव ।जीवन्मुक्तिपुरीनाथ त्राहि मामपराधिनम् ॥ २॥

phālākṣijātajvalana lelihānamanobhava |jīvanmuktipurīnātha trāhi māmaparādhinam || 2||

पारिजातगुणातीतपादपङ्कजवैभव ।कदम्बकाननाध्यक्ष त्राहि मामपराधिनम् ॥ ३॥

pārijātaguṇātītapādapaṅkajavaibhava |kadambakānanādhyakṣa trāhi māmaparādhinam || 3||

भक्तप्रार्थितसर्वार्थकामधेनो पुरान्तक ।करुणावरुणावास त्राहि मामपराधिनम् ॥ ४॥

bhaktaprārthitasarvārthakāmadheno purāntaka |karuṇāvaruṇāvāsa trāhi māmaparādhinam || 4||

कैवल्यदाननिरत कालकूटभयापह ।कन्यकानगरीनाथ त्राहि मामपराधिनम् ॥ ५॥

kaivalyadānanirata kālakūṭabhayāpaha |kanyakānagarīnātha trāhi māmaparādhinam || 5||

कमलापतिवागीशशचीशप्रमुखामरैः ।परिपूजितपादाब्ज त्राहि मामपराधिनम् ॥ ६॥

kamalāpativāgīśaśacīśapramukhāmaraiḥ |paripūjitapādābja trāhi māmaparādhinam || 6||

पञ्चास्य पनगाङ्काङ्ग परानन्दप्रदायक ।पर्वताधीशजामातः त्राहि मामपराधिनम् ॥ ७॥

pañcāsya panagāṅkāṅga parānandapradāyaka |parvatādhīśajāmātaḥ trāhi māmaparādhinam || 7||

परात्पर पदाम्भोजपरिध्यानरतात्मनाम् ।काङ्क्षितार्थप्रद स्वामिन् त्राहि मामपराधिनम् ॥ ८॥

parātpara padāmbhojaparidhyānaratātmanām |kāṅkṣitārthaprada svāmin trāhi māmaparādhinam || 8||

अपराधाष्टकं स्तोत्रं यः पठेत्तव सन्निधौ ।तस्यानन्तापराधं च क्षमस्व करुणानिधे ॥ ९॥

aparādhāṣṭakaṃ stotraṃ yaḥ paṭhettava sannidhau |tasyānantāparādhaṃ ca kṣamasva karuṇānidhe || 9||

इति स्तुत्वा महालिङ्गं प्रणिपत्य मुहुर्मुहुः ।पुनरप्यार्यया भूपस्तुष्टाव परमेश्वरम् ॥ १०॥

iti stutvā mahāliṅgaṃ praṇipatya muhurmuhuḥ |punarapyāryayā bhūpastuṣṭāva parameśvaram || 10||

हालास्यनाथ शम्भो परिहृतभक्तापराध एव त्वम् ।अहमपि तव पादाम्बुजशरणस्त्वं पाहि मां महेशान ॥ ११॥

hālāsyanātha śambho parihṛtabhaktāparādha eva tvam |ahamapi tava pādāmbujaśaraṇastvaṃ pāhi māṃ maheśāna || 11||

कदम्बकान्तकान्तार कल्पितेन्द्रविमानग ।शम्भो क्षमस्वापराधान् कृतानज्ञानतः प्रभो ॥ १२॥

kadambakāntakāntāra kalpitendravimānaga |śambho kṣamasvāparādhān kṛtānajñānataḥ prabho || 12||

इत्यादिभिश्च स्तुतिभिस्स्तुत्वा विस्मितमानसः ।पुनः पुनः प्रणम्याथ नृपः स्वालयमाययौ ॥ १३॥

ityādibhiśca stutibhisstutvā vismitamānasaḥ |punaḥ punaḥ praṇamyātha nṛpaḥ svālayamāyayau || 13||

इति अभिषेकपाण्ड्यकृता सुन्दरेश्वरस्तुतिः सम्पूर्णा ।अपराधाष्टकं सम्पूर्णम् ।श्रीस्कान्दे महापुराणे अगस्त्यसंहितायांहालास्यमाहात्म्ये अध्यायः २७, लीला २१, श्लोकानि ५६६८

iti abhiṣekapāṇḍyakṛtā sundareśvarastutiḥ sampūrṇā |aparādhāṣṭakaṃ sampūrṇam |śrīskānde mahāpurāṇe agastyasaṃhitāyāṃhālāsyamāhātmye adhyāyaḥ 27, līlā 21, ślokāni 5668