शिवस्तुतिः (सूतकृता १ शिवरहस्यान्तर्गता) Sutakrita Shiva Stuti

वेदान्तवेद्यमीशानं शङ्करं लोकशङ्करम् ।विश्वतश्चक्षुषं देवं विश्वतोमुखमव्ययम् ॥ ६॥

vedāntavedyamīśānaṃ śaṅkaraṃ lokaśaṅkaram |viśvataścakṣuṣaṃ devaṃ viśvatomukhamavyayam || 6||

विश्वतोबाहुमाराध्यं विश्वतः पादमीश्वरम् ।निष्कलं निर्गुणं शान्तं निरवद्यमनामयम् ॥ ७॥

viśvatobāhumārādhyaṃ viśvataḥ pādamīśvaram |niṣkalaṃ nirguṇaṃ śāntaṃ niravadyamanāmayam || 7||

निष्प्रपञ्च निराकारं निर्मलं निरुपाधिकम् ।शर्वं प्रसन्नवरदं सर्वाभरणभूषितम् ॥ ८॥

niṣprapañca nirākāraṃ nirmalaṃ nirupādhikam |śarvaṃ prasannavaradaṃ sarvābharaṇabhūṣitam || 8||

गौरीभूषितवामाङ्ग ब्रह्मविष्ण्वादिसेवितम् ।अप्रमेयं जगज्जन्मस्थितिसंहारकारणम् ॥ ९॥

gaurībhūṣitavāmāṅga brahmaviṣṇvādisevitam |aprameyaṃ jagajjanmasthitisaṃhārakāraṇam || 9||

सोमसूर्याग्निनयनं सोमार्धकृतशेखरम् ।दिव्यचन्दनलिप्ताङ्गं नवबिल्वदलार्चितम् ॥ १०॥

somasūryāgninayanaṃ somārdhakṛtaśekharam |divyacandanaliptāṅgaṃ navabilvadalārcitam || 10||

व्याघ्रचर्मपरीधानमनन्तेन्दुरविप्रभम् ।नानामणिगणाकीर्णं किरीटकटकावृतम् ॥ ११॥

vyāghracarmaparīdhānamanantenduraviprabham |nānāmaṇigaṇākīrṇaṃ kirīṭakaṭakāvṛtam || 11||

दयासुधार्द्रनयनं वरदाभयपाणिनम् ।तिर्यक्सन्तोष(निर्यत्सन्तोष)पूर्णाङ्गमुमालिङ्गितविग्रहम् ॥ १२॥

dayāsudhārdranayanaṃ varadābhayapāṇinam |tiryaksantoṣa(niryatsantoṣa)pūrṇāṅgamumāliṅgitavigraham || 12||

विलोक्यातीव सन्तुष्टः षण्मुखः साम्बमीश्वरम् ।मत्वा कृतार्थमात्मानं प्रणिपत्य सदाशिवम् ॥ १३॥

vilokyātīva santuṣṭaḥ ṣaṇmukhaḥ sāmbamīśvaram |matvā kṛtārthamātmānaṃ praṇipatya sadāśivam || 13||

॥ इति शिवरहस्यान्तर्गते सूतकृता शिवस्तुतिः सम्पूर्णा ॥॥ श्रीशिवरहस्यम् । उग्राख्यः सप्तमांशः । अध्यायः १ । ६१३॥

|| iti śivarahasyāntargate sūtakṛtā śivastutiḥ sampūrṇā |||| śrīśivarahasyam | ugrākhyaḥ saptamāṃśaḥ | adhyāyaḥ 1 | 613||

– ॥ श्रीशिवरहस्यम् ।उग्राख्यः सप्तमांशः ।अध्यायः १ ।६-१३॥

– || śrīśivarahasyam |ugrākhyaḥ saptamāṃśaḥ |adhyāyaḥ 1 | 6-13||