शिवार्चनमहिमवर्णनम् (सुदर्शनम्प्रतिविष्णुप्रोक्तं शिवरहस्यान्तर्गतम्) Sudarshanamprati Vishnuproktam Shivarchanamahimavarnanam

(शिवरहस्यान्तर्गते षष्ठांशे / ऋभुगीतान्तर्गते)वने वा राज्ये वाप्यगपतिसुतानायकमहोस्फुरल्लिङ्गार्चायां नियममतभावेन मनसा ।हरं भक्त्या साध्य त्रिभुवनतृणाडम्बरवरप्ररूढैर्भाग्यैर्वा न हि खलु स सज्जेत भुवने ॥ ५०\।४५॥न दानैर्योगैर्वा विधिविहितवर्णाश्रमभरैरपारैर्वेदान्तप्रतिवचनवाक्यानुसरणैः ।न मन्येऽहं स्वान्ते भवभजनभावेन मनसामुहुर्लिङ्गं शाङ्गं भजति परमानन्दकुहरः ॥ ५०\।४६॥शर्वं परवतनन्दिनीपतिमहानन्दाम्बुधेः पारगारागत्यागहृदा विरागपरमा भस्माङ्गरागादराः ।मारापारशराभिघातरहिता धीरोरुधारारसैःपारावारमहाघसंसृतिभरं तीर्णाः शिवाभ्यर्चनात् ॥ ५०\।४७॥मार्कण्डेयसुतं पुराऽन्तकभयाद्योऽरक्षदीशोहरस्तत्पादाम्बुजरागरञ्जितमना नाप्नोति किं वा फलम् ।तं मृत्युञ्जयमञ्जसा प्रणमतामोजोजिमध्ये जयंजेतारोतपराजयो (जेतावेत्यपराजितो) जनिजरारोगैर्विमुक्तिं लभेत् ॥ ५०\।४८॥भूतायां भूतनाथं त्वघमतितिलकाकारभिल्लोत्थशल्यैःधावन्भल्लूकपृष्ठे निशि किल सुमहद्व्याघ्रभीत्याऽरुरोह ।बिल्वं नल्वप्रभं तच्छदघनमसकृत्पातयामास मूलेनिद्रातन्द्रोज्झितोऽसौ मृगगणकलने मूललिङ्गेऽथ शाङ्गे ॥ ५०\।४९॥तेनाभूद्भगवान् गणोत्तमवरो मुक्ताघसङ्घस्तदाचण्डांशोस्तनयेन पूजितपदः सारूप्यमापेशितुः ।गङ्गाचन्द्रकलाकपर्दविलसत्भालस्फुलिङ्गोज्ज्वलद्वालन्यङ्कुकराग्रसङ्गतमहाशूलाहि टङ्कोद्यतः (कण्ठोद्यतः) ॥ ५०\।५०॥चैत्रे चित्रैः पातकैर्विप्रमुक्तो वैशाखे वै दुःखशाखाविमुक्तः ।ज्येष्ठे श्रेष्ठो भवतेषाढमासि पुत्रप्राप्तिः श्रावणे श्रान्तिनाशः ॥ ५०\।५१॥भाद्रे भद्रो भवते चाश्विने वै अश्वप्राप्तिः कार्तिके कीर्तिलाभः ।मार्गे मुक्तेर्मार्गमेतल्लभेत पुष्ये पुण्यं माघके चाघनाशः ॥ ५०\।५२॥फल्गु त्वंहो फाल्गुने मासि नश्येदीशार्चातो बिल्वपत्रैश्चलिङ्गे ।एवं तत्तन्मासि पूज्येशलिङ्गं चित्रैः पापैर्विप्रमुक्तो द्विजेन्द्रः ॥ ५०\।५३॥दूर्वाङ्कुरैरभिनवैः शशिधामचूडलिङ्गार्चनेन परिशेषयदङ्कुराणि ।संसारघोरतररूपकराणि सद्यो मुक्त्यङ्कुराणि परिवर्धयतीह धन्यः ॥ ५०\।५४॥गोक्षीरेक्षुक्षौद्रखण्डाज्यदध्ना सन्नारेलैः पानसाम्रादिसारैः ।विश्वेशानं सत्सितारत्नतोयैर्गन्धोदैर्वा सिञ्च्य दोषैर्विमुक्तः ॥ ५०\।५५॥लिङ्गं चन्दनलेपसङ्गतमुमाकान्तस्य पश्यन्ति येते संसारभुजङ्गभङ्गपतनानङ्गाङ्गसङ्गोज्झिताः ।व्यङ्गं सर्वसमर्चनं भगवतः साङ्गं भवेच्छाङ्करंशङ्गापाङ्गकृपाकटाक्षलहरी तस्मिंश्चिरं तिष्ठति ॥ ५०\।५६॥मुरलिसरलिरागैर्मर्दलैस्तालशङ्खैः पटुपटहनिनादध्वान्तसन्धानघोषैः ।दुन्दुभ्याघातवादैर्वरयुवतिमहानृत्तसंरम्भरङ्गैःदर्शेष्वादर्शदर्शो भगवति गिरिजानायके मुक्तिहेतुः ॥ ५०\।५७॥स्वच्छच्छत्रछवीनां विविधजितमहाच्छायया छन्नमैशंशीर्षं विच्छिन्नपापो भवति भवहरः पूजकः शम्भुभक्त्या ।चञ्चच्चन्द्राभकाण्डप्रविलसदमलस्वर्णरत्नाग्रभाभिर्दीप्यच्चामरकोटिभिः स्फुटपटघटितैश्चाकचक्यैः पताकैः ॥ ५०\।५८॥सम्पश्यारुणभूरुहोत्तमशिखासंलेढितारागणंतारानाथकलाधरोरुसुमहालिङ्गौघसंसेवितम् ।बिल्वानां कुलमेतदत्र सुमहापापौघसंहारकृद्वाराणांनिखिलप्रमोदजनकं शम्भोः प्रियं केवलम् ॥ ५०\।५९॥अन्नं पोत्रिमलायते धनरसं कौलेयमूत्रायतेसंवेशो निगलायते मम सदानन्दो कन्दायते ।शम्भो ते स्मरणान्तरायभरित प्राणः कृपाणायते ॥ ५०\।६०॥कः कल्पद्रुमुपेक्ष्य चित्तफलदं तूलादिदानक्षयंबब्बूलं परिसेवते क्षुदधिको वातूलदानक्षमम् ।तद्वच्छङ्करकिङ्करो विधिहरिब्रह्मेन्द्रचन्द्रानलान्सेवेद्यो विधिवञ्चितः कलिबलप्राचुर्यतो मूढधीः ॥ ५०\।६१॥सुवर्णाण्डोद्भूतस्तुतिगतिसमर्च्याण्डजवरप्रणदं (प्रपादं) त्वां कश्चिद्भजति भुवने भक्तिपरमः ।महाचण्डोद्दण्डप्रकटितभुवं ताण्डवपरं विभुंसन्तं नित्यं भज भगणनाथामलजटम् ॥ ५०\।६२॥अजगवकर विष्णुबाण शम्भो दुरितहरान्तकनाश पाहि मामनाथम् ।भवदभयपदाब्जवर्यमेत मम चित्तसरस्तटान्नयातु चाद्य ॥ ५०\।६३॥॥ इति शिवरहस्यान्तर्गते सुदर्शनकृता शिवस्तुतिः सम्पूर्णा ॥॥ श्रीशिवरहस्यम् । शङ्कराख्यः षष्ठांशः । अध्यायः ५०। ४५६३॥

(śivarahasyāntargate ṣaṣṭhāṃśe / ṛbhugītāntargate)vane vā rājye vāpyagapatisutānāyakamahosphuralliṅgārcāyāṃ niyamamatabhāvena manasā |haraṃ bhaktyā sādhya tribhuvanatṛṇāḍambaravaraprarūḍhairbhāgyairvā na hi khalu sa sajjeta bhuvane || 50\|45||na dānairyogairvā vidhivihitavarṇāśramabharairapārairvedāntaprativacanavākyānusaraṇaiḥ |na manye'haṃ svānte bhavabhajanabhāvena manasāmuhurliṅgaṃ śāṅgaṃ bhajati paramānandakuharaḥ || 50\|46||śarvaṃ paravatanandinīpatimahānandāmbudheḥ pāragārāgatyāgahṛdā virāgaparamā bhasmāṅgarāgādarāḥ |mārāpāraśarābhighātarahitā dhīrorudhārārasaiḥpārāvāramahāghasaṃsṛtibharaṃ tīrṇāḥ śivābhyarcanāt || 50\|47||mārkaṇḍeyasutaṃ purā'ntakabhayādyo'rakṣadīśoharastatpādāmbujarāgarañjitamanā nāpnoti kiṃ vā phalam |taṃ mṛtyuñjayamañjasā praṇamatāmojojimadhye jayaṃjetārotaparājayo (jetāvetyaparājito) janijarārogairvimuktiṃ labhet || 50\|48||bhūtāyāṃ bhūtanāthaṃ tvaghamatitilakākārabhillotthaśalyaiḥdhāvanbhallūkapṛṣṭhe niśi kila sumahadvyāghrabhītyā'ruroha |bilvaṃ nalvaprabhaṃ tacchadaghanamasakṛtpātayāmāsa mūlenidrātandrojjhito'sau mṛgagaṇakalane mūlaliṅge'tha śāṅge || 50\|49||tenābhūdbhagavān gaṇottamavaro muktāghasaṅghastadācaṇḍāṃśostanayena pūjitapadaḥ sārūpyamāpeśituḥ |gaṅgācandrakalākapardavilasatbhālasphuliṅgojjvaladvālanyaṅkukarāgrasaṅgatamahāśūlāhi ṭaṅkodyataḥ (kaṇṭhodyataḥ) || 50\|50||caitre citraiḥ pātakairvipramukto vaiśākhe vai duḥkhaśākhāvimuktaḥ |jyeṣṭhe śreṣṭho bhavateṣāḍhamāsi putraprāptiḥ śrāvaṇe śrāntināśaḥ || 50\|51||bhādre bhadro bhavate cāśvine vai aśvaprāptiḥ kārtike kīrtilābhaḥ |mārge muktermārgametallabheta puṣye puṇyaṃ māghake cāghanāśaḥ || 50\|52||phalgu tvaṃho phālgune māsi naśyedīśārcāto bilvapatraiścaliṅge |evaṃ tattanmāsi pūjyeśaliṅgaṃ citraiḥ pāpairvipramukto dvijendraḥ || 50\|53||dūrvāṅkurairabhinavaiḥ śaśidhāmacūḍaliṅgārcanena pariśeṣayadaṅkurāṇi |saṃsāraghoratararūpakarāṇi sadyo muktyaṅkurāṇi parivardhayatīha dhanyaḥ || 50\|54||gokṣīrekṣukṣaudrakhaṇḍājyadadhnā sannārelaiḥ pānasāmrādisāraiḥ |viśveśānaṃ satsitāratnatoyairgandhodairvā siñcya doṣairvimuktaḥ || 50\|55||liṅgaṃ candanalepasaṅgatamumākāntasya paśyanti yete saṃsārabhujaṅgabhaṅgapatanānaṅgāṅgasaṅgojjhitāḥ |vyaṅgaṃ sarvasamarcanaṃ bhagavataḥ sāṅgaṃ bhavecchāṅkaraṃśaṅgāpāṅgakṛpākaṭākṣalaharī tasmiṃściraṃ tiṣṭhati || 50\|56||muralisaralirāgairmardalaistālaśaṅkhaiḥ paṭupaṭahaninādadhvāntasandhānaghoṣaiḥ |dundubhyāghātavādairvarayuvatimahānṛttasaṃrambharaṅgaiḥdarśeṣvādarśadarśo bhagavati girijānāyake muktihetuḥ || 50\|57||svacchacchatrachavīnāṃ vividhajitamahācchāyayā channamaiśaṃśīrṣaṃ vicchinnapāpo bhavati bhavaharaḥ pūjakaḥ śambhubhaktyā |cañcaccandrābhakāṇḍapravilasadamalasvarṇaratnāgrabhābhirdīpyaccāmarakoṭibhiḥ sphuṭapaṭaghaṭitaiścākacakyaiḥ patākaiḥ || 50\|58||sampaśyāruṇabhūruhottamaśikhāsaṃleḍhitārāgaṇaṃtārānāthakalādharorusumahāliṅgaughasaṃsevitam |bilvānāṃ kulametadatra sumahāpāpaughasaṃhārakṛdvārāṇāṃnikhilapramodajanakaṃ śambhoḥ priyaṃ kevalam || 50\|59||annaṃ potrimalāyate dhanarasaṃ kauleyamūtrāyatesaṃveśo nigalāyate mama sadānando kandāyate |śambho te smaraṇāntarāyabharita prāṇaḥ kṛpāṇāyate || 50\|60||kaḥ kalpadrumupekṣya cittaphaladaṃ tūlādidānakṣayaṃbabbūlaṃ parisevate kṣudadhiko vātūladānakṣamam |tadvacchaṅkarakiṅkaro vidhiharibrahmendracandrānalānsevedyo vidhivañcitaḥ kalibalaprācuryato mūḍhadhīḥ || 50\|61||suvarṇāṇḍodbhūtastutigatisamarcyāṇḍajavarapraṇadaṃ (prapādaṃ) tvāṃ kaścidbhajati bhuvane bhaktiparamaḥ |mahācaṇḍoddaṇḍaprakaṭitabhuvaṃ tāṇḍavaparaṃ vibhuṃsantaṃ nityaṃ bhaja bhagaṇanāthāmalajaṭam || 50\|62||ajagavakara viṣṇubāṇa śambho duritaharāntakanāśa pāhi māmanātham |bhavadabhayapadābjavaryameta mama cittasarastaṭānnayātu cādya || 50\|63|||| iti śivarahasyāntargate sudarśanakṛtā śivastutiḥ sampūrṇā |||| śrīśivarahasyam | śaṅkarākhyaḥ ṣaṣṭhāṃśaḥ | adhyāyaḥ 50| 4563||

– ॥ श्रीशिवरहस्यम् ।शन्कराख्यः षष्ठांशः ।अध्यायः ५०। ४५-६३॥

– || śrīśivarahasyam |śankarākhyaḥ ṣaṣṭhāṃśaḥ |adhyāyaḥ 50| 45-63||