मार्कण्डेयेश्वरेशस्तवः Shri Markandeyeshvaresha Stava

सर्वेषां दैवतानां सकलसुखफलप्राप्तये पूजकानांकार्याधीशो गणेशो नगवरतनयानन्दचेष्टाभिरामः ।यस्य श्रीशेश्वरस्य प्रथितगुणगणालङ्कृतस्यात्मजस्तंमार्कण्डेयेश्वरेशं पशुपतिमनिशं पार्वतीशं भजेऽहम् ॥ १॥

sarveṣāṃ daivatānāṃ sakalasukhaphalaprāptaye pūjakānāṃkāryādhīśo gaṇeśo nagavaratanayānandaceṣṭābhirāmaḥ |yasya śrīśeśvarasya prathitaguṇagaṇālaṅkṛtasyātmajastaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 1||

वैकुण्ठाधीशमायामयसुखगवधूरूपसन्दर्शनाद्योमोहात्सम्भ्रान्तमान(म्यमाण)स्सहगमनकलाचातुरीयुक्तचित्तः ।तन्मायास्त्रीशरीरे वटुकमजनयद्भासते यः शिवस्तंमार्कण्डेयेश्वरेशं पशुपतिमनिशं पार्वतीशं भजेऽहम् ॥ २॥

vaikuṇṭhādhīśamāyāmayasukhagavadhūrūpasandarśanādyomohātsambhrāntamāna(myamāṇa)ssahagamanakalācāturīyuktacittaḥ |tanmāyāstrīśarīre vaṭukamajanayadbhāsate yaḥ śivastaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 2||

यस्याङ्गे(ग्निः)फालभागे सुललितनयनं सव्यभागे भवानीहस्ते ब्रह्मोत्तमाङ्गं सगरलसुगले ब्रह्मशीर्षालिमाला ।अङ्गेऽनङ्गाङ्गभूतिः पदकमलयुगे विष्णुनेत्राम्बुजातंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ३॥

yasyāṅge(gniḥ)phālabhāge sulalitanayanaṃ savyabhāge bhavānīhaste brahmottamāṅgaṃ sagaralasugale brahmaśīrṣālimālā |aṅge'naṅgāṅgabhūtiḥ padakamalayuge viṣṇunetrāmbujātaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 3||

यस्य श्रीमौलिभूषा कुमुदहितकलाभासमानोत्तमाङ्गेविद्युत्पुञ्जाभकान्ते विलसितसुजटामण्डले व्योमगङ्गा ।कण्ठे वज्रासिनीलोपलनिभगरलं भासते यः शिवस्तंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ४॥

yasya śrīmaulibhūṣā kumudahitakalābhāsamānottamāṅgevidyutpuñjābhakānte vilasitasujaṭāmaṇḍale vyomagaṅgā |kaṇṭhe vajrāsinīlopalanibhagaralaṃ bhāsate yaḥ śivastaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 4||

हस्ताब्जे भासमानैर्निशितमुखयुतैः शूलमुख्यायुधैः संदीप्ताङ्गः सर्वशत्रून् खररणसमये निर्जयन् यो बलाढ्यः ।मार्ताण्डाग्नीन्दुनेत्रत्रययुतसुमुखैः पञ्चभिः संयुतस्तंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ५॥

hastābje bhāsamānairniśitamukhayutaiḥ śūlamukhyāyudhaiḥ saṃdīptāṅgaḥ sarvaśatrūn khararaṇasamaye nirjayan yo balāḍhyaḥ |mārtāṇḍāgnīndunetratrayayutasumukhaiḥ pañcabhiḥ saṃyutastaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 5||

शान्तं चन्द्रायुताभं शशियुतमकुटं पद्मवक्त्रं त्रिनेत्रंभास्वत्केयूरहाराङ्गदकटकमुखाशेषभूषाभिरामम् ।गौरीगङ्गासमेतं प्रमथगणयुतं स्कन्दविघ्नेशसेव्यंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ६॥

śāntaṃ candrāyutābhaṃ śaśiyutamakuṭaṃ padmavaktraṃ trinetraṃbhāsvatkeyūrahārāṅgadakaṭakamukhāśeṣabhūṣābhirāmam |gaurīgaṅgāsametaṃ pramathagaṇayutaṃ skandavighneśasevyaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 6||

मार्कण्डेयर्षिवर्यः शमनभटभयाद्यस्य पादारविन्दद्वन्द्वं संश्रित्य भक्त्या शिव भव शरणं ते नमः पालयेति ।उक्त्वा मृत्युं वि(च)जित्वा चिरमतुलसुखं प्राप्तवांस्तं यमारिंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ७॥

mārkaṇḍeyarṣivaryaḥ śamanabhaṭabhayādyasya pādāravindadvandvaṃ saṃśritya bhaktyā śiva bhava śaraṇaṃ te namaḥ pālayeti |uktvā mṛtyuṃ vi(ca)jitvā ciramatulasukhaṃ prāptavāṃstaṃ yamāriṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 7||

सर्वैर्देवासुरेन्द्रैः प्रमथितकलशाम्भोधिमध्ये फणीन्द्रस्यास्यानीके सुरोषाद्विगलितगरलं रुद्रनेत्राग्नितुल्यम् ।लोकानीकावनार्थं कबलितसुमतिर्यो महेशः शिवस्तं (कवलयतिसुमतिर्यो)मार्कण्डेयेश्वरेशं पशुपतिमनिशं पार्वतीशं भजेऽहम् ॥ ८॥

sarvairdevāsurendraiḥ pramathitakalaśāmbhodhimadhye phaṇīndrasyāsyānīke suroṣādvigalitagaralaṃ rudranetrāgnitulyam |lokānīkāvanārthaṃ kabalitasumatiryo maheśaḥ śivastaṃ (kavalayatisumatiryo)mārkaṇḍeyeśvareśaṃ paśupatimaniśaṃ pārvatīśaṃ bhaje'ham || 8||

ब्रह्माद्यैर्लोकपालैः प्रणमितचरणाः प्रार्थनाकृष्टचित्तस्तान् कारुण्येन वीक्ष्य त्रिपुरदितिसुतानेकबाणेन दग्धुम् ।सर्वोपायैः समर्थः ससुररिपुपुरीदाहको यः शिवस्तंमार्कण्डेयेश्वरेशं पशुपतिमनिशं पार्वतीशं भजेऽहम् ॥ ९॥

brahmādyairlokapālaiḥ praṇamitacaraṇāḥ prārthanākṛṣṭacittastān kāruṇyena vīkṣya tripuraditisutānekabāṇena dagdhum |sarvopāyaiḥ samarthaḥ sasuraripupurīdāhako yaḥ śivastaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 9||

नन्दीशानन्दनाट्यप्रियमखिलकलाकोविदं सर्वविद्यासाम्राज्यानन्दपीठस्थितपरमशिवं सुन्दरं मन्दहासम् ।छन्दोगुह्यार्थतत्त्वात्मकमभयमजानन्दकन्दं मुकुन्दंमार्कण्डेयेश्वरेशं पशुपतिमनिशं पार्वतीशं भजेऽहम् ॥ १०॥

nandīśānandanāṭyapriyamakhilakalākovidaṃ sarvavidyāsāmrājyānandapīṭhasthitaparamaśivaṃ sundaraṃ mandahāsam |chandoguhyārthatattvātmakamabhayamajānandakandaṃ mukundaṃmārkaṇḍeyeśvareśaṃ paśupatimaniśaṃ pārvatīśaṃ bhaje'ham || 10||

मार्कण्डेयेश्वरस्य स्तवमिदमघतूलाद्रिवैश्वानराभंनित्यं यो भक्तियुक्तः पठति स पुरुषः पापसङ्घाद्विमुक्तः ।सद्भूमौ सर्वभोगैरनवरतसुखं प्राप्तवान् (प्राप्नुयात्) सर्वदेवैः ।सन्मान्यः श्लाघनीयः स भवति भगवान् श्रीगुरोः सत्प्रसादात् ॥ ११॥

mārkaṇḍeyeśvarasya stavamidamaghatūlādrivaiśvānarābhaṃnityaṃ yo bhaktiyuktaḥ paṭhati sa puruṣaḥ pāpasaṅghādvimuktaḥ |sadbhūmau sarvabhogairanavaratasukhaṃ prāptavān (prāpnuyāt) sarvadevaiḥ |sanmānyaḥ ślāghanīyaḥ sa bhavati bhagavān śrīguroḥ satprasādāt || 11||

॥ इति श्रीमार्कण्डेयेश्वरेशस्तवः सम्पूर्णः ॥

|| iti śrīmārkaṇḍeyeśvareśastavaḥ sampūrṇaḥ ||