मल्लारिस्तवराजस्तोत्रम् Shri Mallari Shtavaraja Shtotram

श्रीगणेशायनमः ॥ॐ अस्य श्री मल्लारिस्तवराजस्तोत्रमन्त्रस्य स्कन्दऋषिः ।श्रीमार्त्तण्डभैरवो देवता । अनुष्टुप्छन्दः ।ममसकलमनोरथसिध्यर्थं जपे विनियोगः ।नित्यं नमामि भवसागरतारणायमल्लारिपादयुगुलं परमार्थरूपम् ।इन्द्रादि वन्दितमशेषसुखप्रदेयंचिन्तामणिं सकलमङ्गलकामधेनूम् ॥ १॥

śrīgaṇeśāyanamaḥ ||oṃ asya śrī mallāristavarājastotramantrasya skandaṛṣiḥ |śrīmārttaṇḍabhairavo devatā | anuṣṭupchandaḥ |mamasakalamanorathasidhyarthaṃ jape viniyogaḥ |nityaṃ namāmi bhavasāgaratāraṇāyamallāripādayugulaṃ paramārtharūpam |indrādi vanditamaśeṣasukhapradeyaṃcintāmaṇiṃ sakalamaṅgalakāmadhenūm || 1||

साधूनां वीरमल्लारिमूर्तिध्यानं सुदुर्लभम् ।रूपं वक्त्रसमाख्यातं कथितं मुनिसत्तम ॥ २॥

sādhūnāṃ vīramallārimūrtidhyānaṃ sudurlabham |rūpaṃ vaktrasamākhyātaṃ kathitaṃ munisattama || 2||

ममवाक्यविशेषस्तु नास्तीति वचनं तथा ।अथवावेदशास्त्रेण सूचितः परमेश्वरः ॥ ३॥

mamavākyaviśeṣastu nāstīti vacanaṃ tathā |athavāvedaśāstreṇa sūcitaḥ parameśvaraḥ || 3||

भक्त्या कालेषु भक्तानां गोचरः परमेश्वरः ।स्तुत्याभ्यासेनभिस्तुत्यं मूर्तिनिस्थापितं शिवम् ॥ ४॥

bhaktyā kāleṣu bhaktānāṃ gocaraḥ parameśvaraḥ |stutyābhyāsenabhistutyaṃ mūrtinisthāpitaṃ śivam || 4||

मणीरत्नगिरौवासि लिङ्गरूपेण संस्थितम् ।कपालडमरुखड्गं त्रिशूलपात्रमुत्तमम् ॥ ५॥

maṇīratnagirauvāsi liṅgarūpeṇa saṃsthitam |kapālaḍamarukhaḍgaṃ triśūlapātramuttamam || 5||

रतिनेत्रत्रयं नापि शिवरूपेण गद्यते ।दृश्यते शास्त्रशालायां मुक्तिक्षेत्रं शिवालयम् ॥ ६॥

ratinetratrayaṃ nāpi śivarūpeṇa gadyate |dṛśyate śāstraśālāyāṃ muktikṣetraṃ śivālayam || 6||

मल्लारेर्विश्वरूपत्वं प्रेमं दर्शनं कलौ ।भुक्तिमुक्तिप्रदं देवं मल्लारिसकलोत्तमम् ॥ ७॥

mallārerviśvarūpatvaṃ premaṃ darśanaṃ kalau |bhuktimuktipradaṃ devaṃ mallārisakalottamam || 7||

स्थितं व्रतं क्रियाहीनं सेवया मृगयाङ्कितम् ।अहो भाग्यमहोभाग्यं जीवितं न सुजीवितम् ॥ ८॥

sthitaṃ vrataṃ kriyāhīnaṃ sevayā mṛgayāṅkitam |aho bhāgyamahobhāgyaṃ jīvitaṃ na sujīvitam || 8||

मल्लारिपदपद्मेषु यन्मनो भ्रमराय ते ।इत्येषसहितो भावस्ततस्तस्य हिताप्तलाम् ॥ ९॥

mallāripadapadmeṣu yanmano bhramarāya te |ityeṣasahito bhāvastatastasya hitāptalām || 9||

ददाति देवमल्लारिस्त्रैलोक्यं विजयं शिवम् ।माता चैव पिता चैव भ्राता चैव गुरुस्तथा ॥ १०॥

dadāti devamallāristrailokyaṃ vijayaṃ śivam |mātā caiva pitā caiva bhrātā caiva gurustathā || 10||

बन्धुश्चैव सखाचैव भक्तानां परमेश्वरः ।लोके मल्लारिदेवेश भूतप्रेतादि बन्धनात् ॥ ११॥

bandhuścaiva sakhācaiva bhaktānāṃ parameśvaraḥ |loke mallārideveśa bhūtapretādi bandhanāt || 11||

राजचोरादि बाधाच दूरादेव पलायते ।अज्ञानाद्देवदेवेश कथं पापात्प्रमुच्यते ॥ १२॥

rājacorādi bādhāca dūrādeva palāyate |ajñānāddevadeveśa kathaṃ pāpātpramucyate || 12||

अस्मिन्लोके विनादेवं तमश्रान्तिर्विलीयते ।हृदिस्थं देव संज्ञात्वा तीर्थयात्रा करोति च ॥ १३॥

asminloke vinādevaṃ tamaśrāntirvilīyate |hṛdisthaṃ deva saṃjñātvā tīrthayātrā karoti ca || 13||

अज्ञात्वा प्राङ्गणेऽप्यर्थं वने मृगयतेमधू ।यत्कारुण्यकटाक्षेयं पात्र भूतायदा जनाः ॥ १४॥

ajñātvā prāṅgaṇe'pyarthaṃ vane mṛgayatemadhū |yatkāruṇyakaṭākṣeyaṃ pātra bhūtāyadā janāḥ || 14||

तदा सकललोकेषु बलादि विक्रमान्वितम् ।न्यासं मधुरमल्लारे भक्तप्राणसुरेश्वरः ॥ १५॥

tadā sakalalokeṣu balādi vikramānvitam |nyāsaṃ madhuramallāre bhaktaprāṇasureśvaraḥ || 15||

विश्ववन्दे महाकायं पतितं भवसागरे ।त्राहि त्राहि जगन्न्नाथ पार्वतिप्राणवल्लभः ॥ १६॥

viśvavande mahākāyaṃ patitaṃ bhavasāgare |trāhi trāhi jagannnātha pārvatiprāṇavallabhaḥ || 16||

अनाथरूपणं दिनं सर्वव्याधिनिपीडितम् ।ब्रूहि मे परमं ज्ञानं भक्तानां भेषजं परम् ॥ १७॥

anātharūpaṇaṃ dinaṃ sarvavyādhinipīḍitam |brūhi me paramaṃ jñānaṃ bhaktānāṃ bheṣajaṃ param || 17||

नमो मल्लारिदेवाय भक्तानां कामधेनवे ।सत्यानृत्याय देवाय लीलाविक्रमधारिणे ॥ १८॥

namo mallāridevāya bhaktānāṃ kāmadhenave |satyānṛtyāya devāya līlāvikramadhāriṇe || 18||

नमस्ते वीरमल्लारे मकरध्वजमर्द्दने ।सर्वयज्ञमयो देवः सर्वतीर्थ्फलं तथा ॥ १९॥

namaste vīramallāre makaradhvajamarddane |sarvayajñamayo devaḥ sarvatīrthphalaṃ tathā || 19||

गङ्गाधरनमस्तेऽस्तु नीलकण्ठः नमोऽस्तु ते ।सर्वज्ञपार्वतिकान्तः पिनाकी त्रिपुरान्तकः ॥ २०॥

gaṅgādharanamaste'stu nīlakaṇṭhaḥ namo'stu te |sarvajñapārvatikāntaḥ pinākī tripurāntakaḥ || 20||

स्कन्द उवाच ।देहिकं च सुखं देहि ऋणव्याधिविवर्जितम् ।सर्वरोगप्रशमनं सर्वपापप्रणाशनम् ॥ २१॥

skanda uvāca |dehikaṃ ca sukhaṃ dehi ṛṇavyādhivivarjitam |sarvarogapraśamanaṃ sarvapāpapraṇāśanam || 21||

देहित्वमचलां भक्तिं तव पादार्चने रतिम् ।कामक्रोधादिरहितं भुकिमुतिं प्रयच्छ मे ॥ २२॥

dehitvamacalāṃ bhaktiṃ tava pādārcane ratim |kāmakrodhādirahitaṃ bhukimutiṃ prayaccha me || 22||

ईश्वर उवाच ।स्तोत्रेणानेन तुष्टोमि नित्यं श्रद्धा समाहितः ।धृवं तस्मै मया दत्तं वीतमत्रं न संशयः ॥ २३॥

īśvara uvāca |stotreṇānena tuṣṭomi nityaṃ śraddhā samāhitaḥ |dhṛvaṃ tasmai mayā dattaṃ vītamatraṃ na saṃśayaḥ || 23||

इदं यः पठते भक्तया मल्लारिस्तोत्रमुत्तमम् ।न तस्य घोरपीडाश्च ग्रहपीडाश्च दारुणः ॥ २४॥

idaṃ yaḥ paṭhate bhaktayā mallāristotramuttamam |na tasya ghorapīḍāśca grahapīḍāśca dāruṇaḥ || 24||

दुःस्वप्ना न प्रथच्छन्ति बालानां शान्तिकारकम् ।सन्देहो नात्र कर्तव्यो मल्लारेर्वचनं धृवम् ॥ २५॥

duḥsvapnā na prathacchanti bālānāṃ śāntikārakam |sandeho nātra kartavyo mallārervacanaṃ dhṛvam || 25||

इति स्कन्दपुराणे अवन्तिकाण्डे मल्लारिस्तवराजस्तोत्रं सम्पूर्णमस्तु ।श्रीरेणुकेऽर्पणमस्तु ।श्रीरस्तु ।

iti skandapurāṇe avantikāṇḍe mallāristavarājastotraṃ sampūrṇamastu |śrīreṇuke'rpaṇamastu |śrīrastu |