भैरवताण्डवस्तोत्रम् अथवा कष्टहरं श्रीभैरवाष्टकस्तोत्रम् Shri Bhairava Tandava Stotram

(भैरवताण्डवस्तोत्रम् अथवा कष्टहरं श्रीभैरवाष्टकस्तोत्रम्)श्रीगणेशाय नमः ।श्रीउमामहेश्वराभ्यां नमः ।श्रीगुरवे नमः ।श्रीभैरवाय नमः ॥अथ श्रीभैरवताण्डवस्तोत्रम् ।ॐ चण्डं प्रतिचण्डं करधृतदण्डं कृतरिपुखण्डं सौख्यकरंलोकं सुखयन्तं विलसितसन्तं प्रकटितदन्तं नृत्यकरम् ।डमरुध्वनिशङ्खं(मन्तं) तरलवतंसं(तरं तं ) मधुरहसन्तं लोकभरंभज भज भूतेशं प्रकटमहेशं भैरववेषं कष्टहरम् ॥ १॥

(bhairavatāṇḍavastotram athavā kaṣṭaharaṃ śrībhairavāṣṭakastotram)śrīgaṇeśāya namaḥ |śrīumāmaheśvarābhyāṃ namaḥ |śrīgurave namaḥ |śrībhairavāya namaḥ ||atha śrībhairavatāṇḍavastotram |oṃ caṇḍaṃ praticaṇḍaṃ karadhṛtadaṇḍaṃ kṛtaripukhaṇḍaṃ saukhyakaraṃlokaṃ sukhayantaṃ vilasitasantaṃ prakaṭitadantaṃ nṛtyakaram |ḍamarudhvaniśaṅkhaṃ(mantaṃ) taralavataṃsaṃ(taraṃ taṃ ) madhurahasantaṃ lokabharaṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 1||

चर्चितसिन्दूरं रणभूविदूरं(रणभुवि शूरं) दुष्टविदूरं श्रीनिकरंकिङ्किणिगणरावं त्रिभुवनपावं खर्प्प(र्प)रसावं पुण्यभरम् ।करुणामयवेषं सकलसुरेशं मुक्तसुकेशं पापहरंभज भज भूतेशं प्रकटमहेशं भैरववेषं कष्टहरम् ॥ २॥

carcitasindūraṃ raṇabhūvidūraṃ(raṇabhuvi śūraṃ) duṣṭavidūraṃ śrīnikaraṃkiṅkiṇigaṇarāvaṃ tribhuvanapāvaṃ kharppa(rpa)rasāvaṃ puṇyabharam |karuṇāmayaveṣaṃ sakalasureśaṃ muktasukeśaṃ pāpaharaṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 2||

कलिमलसंहारं मदनविहारं फणिपतिहारं शीघ्रकरंकलुषं शमयन्तं परिभृतसन्तं मत्तदृगन्तं(छगं तं) शुद्धतरम् ।गतिनिन्दितकेशं(हंसं) नर्तनदेशं(नरनुतहंसं) स्वच्छकशं(शुकं) सन्मुण्डकरंभज भज भूतेशं प्रकटमहेशं भैरववेषं कष्टहरम् ॥ ३॥

kalimalasaṃhāraṃ madanavihāraṃ phaṇipatihāraṃ śīghrakaraṃkaluṣaṃ śamayantaṃ paribhṛtasantaṃ mattadṛgantaṃ(chagaṃ taṃ) śuddhataram |gatininditakeśaṃ(haṃsaṃ) nartanadeśaṃ(naranutahaṃsaṃ) svacchakaśaṃ(śukaṃ) sanmuṇḍakaraṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 3||

कठिनस्तनकुम्भं सुकृतसुलम्भं कालीडिम्भं खड्गधरंवृतभूतपिशाचं स्फुटमृदुवाचं स्निग्धसुकाचं भक्तभरम् ।तनुभाजितशेषं विलमसुदेशं सर्वसुरेशं प्रीतिन(प)रंभज भज भूतेशं प्रकटमहेशं भैरववेषं कष्टहरम् ॥ ४॥

kaṭhinastanakumbhaṃ sukṛtasulambhaṃ kālīḍimbhaṃ khaḍgadharaṃvṛtabhūtapiśācaṃ sphuṭamṛduvācaṃ snigdhasukācaṃ bhaktabharam |tanubhājitaśeṣaṃ vilamasudeśaṃ sarvasureśaṃ prītina(pa)raṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 4||

ललिताननचन्द्रं सुमनवितन्द्रं बोधितमन्द्रं श्रेष्ठवरंसुखिताखिललोकं परिहृतशोकं शुद्धविलोकं पुष्टिकरम् ।वरदाभयहारं तरलिततारं क्षुद्रविदा(हा)रं तुष्टिकरंभज भज भूतेशं प्रकटमहेशं भैरववेषं कष्टहरम् ॥ ५॥

lalitānanacandraṃ sumanavitandraṃ bodhitamandraṃ śreṣṭhavaraṃsukhitākhilalokaṃ parihṛtaśokaṃ śuddhavilokaṃ puṣṭikaram |varadābhayahāraṃ taralitatāraṃ kṣudravidā(hā)raṃ tuṣṭikaraṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 5||

सकलायुधभारं विजनविहारं सुश्रविशारं(विश्वविसारं) भ्रष्टमलंशरणागतपालं मृगमदभालं सञ्जितकालं स्वेष्टबलम् ।पदनूपूरशिञ्जं त्रिनयनकञ्जं गुणिजनरञ्जन कुष्ठहरंभज भज भूतेशं प्रकटमहेशं भैरववेषं कष्टहरम् ॥ ६॥

sakalāyudhabhāraṃ vijanavihāraṃ suśraviśāraṃ(viśvavisāraṃ) bhraṣṭamalaṃśaraṇāgatapālaṃ mṛgamadabhālaṃ sañjitakālaṃ sveṣṭabalam |padanūpūraśiñjaṃ trinayanakañjaṃ guṇijanarañjana kuṣṭhaharaṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 6||

मदयुतसंरावं प्रकटितभावं विश्वसुभावं ज्ञानपदंरक्तांशुकजोषं परिकृततोषं नाशितदोषं सन्मतिदम् ।कुटिलभ्रुकुटीकं ज्वरधननी(वी)कं विसरन्ध्रीकं प्रेमभरंभज भज भूतेशं प्रकटमहेशं भैरववेषं कष्टहरम् ॥ ७॥

madayutasaṃrāvaṃ prakaṭitabhāvaṃ viśvasubhāvaṃ jñānapadaṃraktāṃśukajoṣaṃ parikṛtatoṣaṃ nāśitadoṣaṃ sanmatidam |kuṭilabhrukuṭīkaṃ jvaradhananī(vī)kaṃ visarandhrīkaṃ premabharaṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 7||

परिनिर्जितकामं विलसितवामं योगिजनाभं(परमभिरामं) योगेशंबहुमद्यपनाथं गीतसुगाथं कृष्टसुनाथं वीरेशम् ।कलयन्तमशेषं भृतजनदेशं नृत्यसुरेशं दत्तवरंभज भज भूतेशं प्रकटमहेशं भैरववेषं कष्टहरम् ॥ ८॥

parinirjitakāmaṃ vilasitavāmaṃ yogijanābhaṃ(paramabhirāmaṃ) yogeśaṃbahumadyapanāthaṃ gītasugāthaṃ kṛṣṭasunāthaṃ vīreśam |kalayantamaśeṣaṃ bhṛtajanadeśaṃ nṛtyasureśaṃ dattavaraṃbhaja bhaja bhūteśaṃ prakaṭamaheśaṃ bhairavaveṣaṃ kaṣṭaharam || 8||

इति श्रीभैरवताण्डवस्तोत्रं अथवा कष्टहरं श्रीभैरवाष्टकस्तोत्रं सम्पूर्णम् ॥

iti śrībhairavatāṇḍavastotraṃ athavā kaṣṭaharaṃ śrībhairavāṣṭakastotraṃ sampūrṇam ||