बटुकभैरवब्रह्मकवचम् Shri Batukabhairava Brahma Kavacham

॥ श्रीगणेशाय नमः ॥॥ श्रीउमामहेश्वराभ्यां नमः ॥॥ श्रीगुरवे नमः ॥॥ श्रीभैरवाय नमः ॥श्रीदेव्युवाच ।भगवन्सर्ववेत्ता त्वं देवानां प्रीतिदायकम् ।भैरवं कवचं ब्रूहि यदि चास्ति कृपा मयि ॥ १॥

|| śrīgaṇeśāya namaḥ |||| śrīumāmaheśvarābhyāṃ namaḥ |||| śrīgurave namaḥ |||| śrībhairavāya namaḥ ||śrīdevyuvāca |bhagavansarvavettā tvaṃ devānāṃ prītidāyakam |bhairavaṃ kavacaṃ brūhi yadi cāsti kṛpā mayi || 1||

प्राणत्यागं करिष्यामि यदि नो कथयिष्यसि ।सत्यं सत्यं पुनः सत्यं सत्यमेव न संशयः ॥ २॥

prāṇatyāgaṃ kariṣyāmi yadi no kathayiṣyasi |satyaṃ satyaṃ punaḥ satyaṃ satyameva na saṃśayaḥ || 2||

इत्थं देव्या वचः श्रुत्वा प्रहस्यातिशयं प्रभुः ।उवाच वचनं तत्र देवदेवो महेश्वरः ॥ ३॥

itthaṃ devyā vacaḥ śrutvā prahasyātiśayaṃ prabhuḥ |uvāca vacanaṃ tatra devadevo maheśvaraḥ || 3||

ईश्वर उवाच ।बाटुकं कवचं दिव्यं शृणु मत्प्राणवल्लभे ।चण्डिकातन्त्रसर्वस्वं बटुकस्य विशेषतः ॥ ४॥

īśvara uvāca |bāṭukaṃ kavacaṃ divyaṃ śṛṇu matprāṇavallabhe |caṇḍikātantrasarvasvaṃ baṭukasya viśeṣataḥ || 4||

तत्र मन्त्राद्यक्षरं तु वासुदेवस्वरूपकम् ।शङ्खवर्णद्वयो ब्रह्मा बटुकश्चन्द्रशेखरः ॥ ५॥

tatra mantrādyakṣaraṃ tu vāsudevasvarūpakam |śaṅkhavarṇadvayo brahmā baṭukaścandraśekharaḥ || 5||

आपदुद्धारणो देवो भैरवः परिकीर्तितः ।प्रवक्ष्यामि समासेन चतुर्वर्गप्रसिद्धये ॥ ६॥

āpaduddhāraṇo devo bhairavaḥ parikīrtitaḥ |pravakṣyāmi samāsena caturvargaprasiddhaye || 6||

प्रणवः कामदं विद्या लज्जाबीजं च सिद्धिदम् ।बटुकायेति विज्ञेयं महापातकनाशनम् ॥ ७॥

praṇavaḥ kāmadaṃ vidyā lajjābījaṃ ca siddhidam |baṭukāyeti vijñeyaṃ mahāpātakanāśanam || 7||

आपदुद्धारणायेति त्वापदुद्धारणं नृणाम् ।कुरुद्वयं महेशानि मोहने परिकीर्तितम् ॥ ८॥

āpaduddhāraṇāyeti tvāpaduddhāraṇaṃ nṛṇām |kurudvayaṃ maheśāni mohane parikīrtitam || 8||

बटुकाय महेशानि स्तम्भने परिकीर्तितम् ।लज्जाबीजं तथा विद्यान्मुक्तिदं परिकीर्तितम् ॥ ९॥

baṭukāya maheśāni stambhane parikīrtitam |lajjābījaṃ tathā vidyānmuktidaṃ parikīrtitam || 9||

द्वाविंशत्यक्षरो मन्त्रः क्रमेण जगदीश्वरि ।॥ ॐ ह्रीं बटुकाय आपदुद्धारणाय कुरु कुरु बटुकाय ह्रीं ॥ॐ अस्य श्रीबटुकभैरवब्रह्मकवचस्य भैरव ऋषिः ।अनुष्टुप् छन्दः । श्रीबटुकभैरवो देवता ।मम श्रीबटुकभैरवप्रसादसिद्धयर्थे जपे विनियोगः ॥अथ पाठः ।ॐ पातु नित्यं शिरसि पातु ह्रीं कण्ठदेशके ॥ १०॥

dvāviṃśatyakṣaro mantraḥ krameṇa jagadīśvari ||| oṃ hrīṃ baṭukāya āpaduddhāraṇāya kuru kuru baṭukāya hrīṃ ||oṃ asya śrībaṭukabhairavabrahmakavacasya bhairava ṛṣiḥ |anuṣṭup chandaḥ | śrībaṭukabhairavo devatā |mama śrībaṭukabhairavaprasādasiddhayarthe jape viniyogaḥ ||atha pāṭhaḥ |oṃ pātu nityaṃ śirasi pātu hrīṃ kaṇṭhadeśake || 10||

बटुकाय पातु नाभौ चापदुद्धारणाय च ॥कुरुद्वयं लिङ्गमूले त्वाधारे वटुकाय च ॥ ११॥

baṭukāya pātu nābhau cāpaduddhāraṇāya ca ||kurudvayaṃ liṅgamūle tvādhāre vaṭukāya ca || 11||

सर्वदा पातु ह्रीं बीजं बाह्वोर्युगलमेव च ॥षडङ्गसहितो देवो नित्यं रक्षतु भैरवः ॥ १२॥

sarvadā pātu hrīṃ bījaṃ bāhvoryugalameva ca ||ṣaḍaṅgasahito devo nityaṃ rakṣatu bhairavaḥ || 12||

ॐ ह्रीं बटुकाय सततं सर्वाङ्गं मम सर्वदा ॥ॐ ह्रीं पादौ महाकालः पातु वीरासनो हृदि ॥ १३॥

oṃ hrīṃ baṭukāya satataṃ sarvāṅgaṃ mama sarvadā ||oṃ hrīṃ pādau mahākālaḥ pātu vīrāsano hṛdi || 13||

ॐ ह्रीं कालः शिरः पातु कण्ठदेशे तु भैरवः ।गणराट् पातु जिह्वायामष्टाभिः शक्तिभिः सह ॥ १४॥

oṃ hrīṃ kālaḥ śiraḥ pātu kaṇṭhadeśe tu bhairavaḥ |gaṇarāṭ pātu jihvāyāmaṣṭābhiḥ śaktibhiḥ saha || 14||

ॐ ह्रीं दण्डपाणिर्गुह्यमूले भैरवीसहितस्तथा ।ॐ ह्रीं विश्वनाथः सदा पातु सर्वाङ्गं मम सर्वदः ॥ १५॥

oṃ hrīṃ daṇḍapāṇirguhyamūle bhairavīsahitastathā |oṃ hrīṃ viśvanāthaḥ sadā pātu sarvāṅgaṃ mama sarvadaḥ || 15||

ॐ ह्रीं अन्नपूर्णा सदा पातु चांसौ रक्षतु चण्डिका ।आसिताङ्गः शिरः पातु ललाटं रुरुभैरवः ॥ १६॥

oṃ hrīṃ annapūrṇā sadā pātu cāṃsau rakṣatu caṇḍikā |āsitāṅgaḥ śiraḥ pātu lalāṭaṃ rurubhairavaḥ || 16||

ॐ ह्रीं चण्डभैरवः पातु वक्त्रं कण्ठं श्रीक्रोधभैरवः ।उन्मत्तभैरवः पातु हृदयं मम सर्वदा ॥ १७॥

oṃ hrīṃ caṇḍabhairavaḥ pātu vaktraṃ kaṇṭhaṃ śrīkrodhabhairavaḥ |unmattabhairavaḥ pātu hṛdayaṃ mama sarvadā || 17||

ॐ ह्रीं नाभिदेशे कपाली च लिङ्गे भीषणभैरवः ।संहारभैरवः पातु मूलाधारं च सर्वदा ॥ १८॥

oṃ hrīṃ nābhideśe kapālī ca liṅge bhīṣaṇabhairavaḥ |saṃhārabhairavaḥ pātu mūlādhāraṃ ca sarvadā || 18||

ॐ ह्रीं बाहुयुग्मं सदा पातु भैरवो मम केवलम् ।हंसबीजं पातु हृदि सोऽहं रक्षतु पादयोः ॥ १९॥

oṃ hrīṃ bāhuyugmaṃ sadā pātu bhairavo mama kevalam |haṃsabījaṃ pātu hṛdi so'haṃ rakṣatu pādayoḥ || 19||

ॐ ह्रीं प्राणापानौ समानं च उदानं व्यानमेव च ।रक्षतु द्वारमूले च दशदिक्षु समन्ततः ॥ २०॥

oṃ hrīṃ prāṇāpānau samānaṃ ca udānaṃ vyānameva ca |rakṣatu dvāramūle ca daśadikṣu samantataḥ || 20||

ॐ ह्रीं प्रणवं पातु सर्वाङ्गं लज्जाबीजं महाभये ।इति श्रीब्रह्मकवचं भैरवस्य प्रकीर्तितम् ॥ २१॥

oṃ hrīṃ praṇavaṃ pātu sarvāṅgaṃ lajjābījaṃ mahābhaye |iti śrībrahmakavacaṃ bhairavasya prakīrtitam || 21||

चतुवर्गप्रदं नित्यं स्वयं देवप्रकाशितम् । (चतुवर्गफलप्रदं)यः पठेच्छृणुयान्नित्यं धारयेत्कवचोत्तमम् ॥ २२॥

catuvargapradaṃ nityaṃ svayaṃ devaprakāśitam | (catuvargaphalapradaṃ)yaḥ paṭhecchṛṇuyānnityaṃ dhārayetkavacottamam || 22||

सदानन्दमयो भूत्वा लभते परमं पदम् ।यः इदं कवचं देवि चिन्तयेन्मन्मुखोदितम् ॥ २३॥

sadānandamayo bhūtvā labhate paramaṃ padam |yaḥ idaṃ kavacaṃ devi cintayenmanmukhoditam || 23||

कोटिजन्मार्जितं पापं तस्य नश्यति तत्क्षणात् ।जलमध्येऽग्निमध्ये वा दुर्ग्रहे शत्रुसङ्कटे ॥ २४॥

koṭijanmārjitaṃ pāpaṃ tasya naśyati tatkṣaṇāt |jalamadhye'gnimadhye vā durgrahe śatrusaṅkaṭe || 24||

कवचस्मरणाद्देवि सर्वत्र विजयी भवेत् ।भक्तियुक्तेन मनसा कवचं पूजयेद्यदि ॥ २५॥

kavacasmaraṇāddevi sarvatra vijayī bhavet |bhaktiyuktena manasā kavacaṃ pūjayedyadi || 25||

कामतुल्यस्तु नारीणां रिपूणां च यमोपमः ।तस्य पादाम्बुजद्वन्दं राज्ञां मुकुटभूषणम् ॥ २६॥

kāmatulyastu nārīṇāṃ ripūṇāṃ ca yamopamaḥ |tasya pādāmbujadvandaṃ rājñāṃ mukuṭabhūṣaṇam || 26||

तस्य भूतिं विलोक्यैव कुबेरोऽपि तिरस्कृतः ।यस्य विज्ञानमात्रेण मन्त्रसिद्धिर्न संशयः ॥ २७॥

tasya bhūtiṃ vilokyaiva kubero'pi tiraskṛtaḥ |yasya vijñānamātreṇa mantrasiddhirna saṃśayaḥ || 27||

इदं कवचमज्ञात्वा यो जपेद्बटुकं नरः ।न चाप्नोति फलं तस्य परं नरकमाप्नुयात् ॥ २८॥

idaṃ kavacamajñātvā yo japedbaṭukaṃ naraḥ |na cāpnoti phalaṃ tasya paraṃ narakamāpnuyāt || 28||

मन्वन्तरत्रयं स्थित्वा तिर्यग्योनिषु जायते ।इह लोके महारोगी दारिद्र्येणातिपीडितः ॥ २९॥

manvantaratrayaṃ sthitvā tiryagyoniṣu jāyate |iha loke mahārogī dāridryeṇātipīḍitaḥ || 29||

शत्रूणां वशगो भूत्वा करपात्री भवेज्जडः ।देयं पुत्राय शिष्याय शान्ताय प्रियवादिने ॥ ३०॥

śatrūṇāṃ vaśago bhūtvā karapātrī bhavejjaḍaḥ |deyaṃ putrāya śiṣyāya śāntāya priyavādine || 30||

कार्पण्यरहितायालं बटुकभक्तिरताय च ।योऽपरागे प्रदाता वै तस्य स्यादतिसत्वरम् ॥ ३१॥

kārpaṇyarahitāyālaṃ baṭukabhaktiratāya ca |yo'parāge pradātā vai tasya syādatisatvaram || 31||

आयुर्विद्या यशो धर्मं बलं चैव न संशयः ।इति ते कथितं देवि गोपनीयं स्वयोनिवत् ॥ ३२॥

āyurvidyā yaśo dharmaṃ balaṃ caiva na saṃśayaḥ |iti te kathitaṃ devi gopanīyaṃ svayonivat || 32||

॥ इति श्रीरुद्रयामलोक्तं श्रीबटुकभैरवब्रह्मकवचं सम्पूर्णम् ॥

|| iti śrīrudrayāmaloktaṃ śrībaṭukabhairavabrahmakavacaṃ sampūrṇam ||