बटुकभैरवसहस्रनामस्तोत्रम् ४ Shri Batukabhairava Sahasranama Stotram 4

शिव उवाच ।एवं श्रीबटुकं ध्यायेत्रिधा भिन्नं गुणैः क्रमात् ।शान्तिके सात्त्विकं ध्यानं वश्यादौ राजसं मतम् ॥ १॥

śiva uvāca |evaṃ śrībaṭukaṃ dhyāyetridhā bhinnaṃ guṇaiḥ kramāt |śāntike sāttvikaṃ dhyānaṃ vaśyādau rājasaṃ matam || 1||

मारणादौ तामसं तद्देवं ध्यायेन्महेश्वरम् ।एवं ध्यात्वा प्रसन्नात्मा स्तोत्रमेतत्पठेन्नरः ॥ २॥

māraṇādau tāmasaṃ taddevaṃ dhyāyenmaheśvaram |evaṃ dhyātvā prasannātmā stotrametatpaṭhennaraḥ || 2||

अथ नामानि ।ॐ बटुको बटुकाधीशो वटप्रीतिर्वटेशयः ।विपाणिर्वज्रपाणिश्च वज्राभो वज्रवल्लभः ॥ ३॥

atha nāmāni |oṃ baṭuko baṭukādhīśo vaṭaprītirvaṭeśayaḥ |vipāṇirvajrapāṇiśca vajrābho vajravallabhaḥ || 3||

वामाचारप्रियो वक्रो वक्रग्रासो विशारदः ।विशापो विघ्नहर्ता च वेतालाढ्यो विचक्षणः ॥ ४॥

vāmācārapriyo vakro vakragrāso viśāradaḥ |viśāpo vighnahartā ca vetālāḍhyo vicakṣaṇaḥ || 4||

विश्वव्यापी विश्वनाथो विश्वो बालपराक्रमः ।विश्ववन्द्यो विश्वरूपो विश्वाधारो विकीरणः ॥ ५॥

viśvavyāpī viśvanātho viśvo bālaparākramaḥ |viśvavandyo viśvarūpo viśvādhāro vikīraṇaḥ || 5||

वैद्यो बालो विराड् विष्णुर्व्योमकेशश्च वश्यकृत् ।बलिभुग्बलिभुङ्नाथो बहुनेत्रो बरो बली ॥ ६॥

vaidyo bālo virāḍ viṣṇurvyomakeśaśca vaśyakṛt |balibhugbalibhuṅnātho bahunetro baro balī || 6||

व्याधिघाती व्याधिकरो व्याध्यात्मा व्याधिवेपनः ।कङ्कालधारी कन्दर्प कामी कान्तः कलानिधिः ॥ ७॥

vyādhighātī vyādhikaro vyādhyātmā vyādhivepanaḥ |kaṅkāladhārī kandarpa kāmī kāntaḥ kalānidhiḥ || 7||

कामरूपः कामचारी कल्पवित्कामिनीप्रियः ।कोटरेशः कोटपतिः कमनीयः कपालभृत् ॥ ८॥

kāmarūpaḥ kāmacārī kalpavitkāminīpriyaḥ |koṭareśaḥ koṭapatiḥ kamanīyaḥ kapālabhṛt || 8||

कङ्कालः क्रूरदृक्कालः करालः कोकिलस्वनः ।कपर्दी कम्बुकण्ठश्च कम्बुमाली कलाधरः ॥ ९॥

kaṅkālaḥ krūradṛkkālaḥ karālaḥ kokilasvanaḥ |kapardī kambukaṇṭhaśca kambumālī kalādharaḥ || 9||

कामिनीवशकृत्कौलः कुलीनः कुलरक्षकः ।कपालमाली कुब्जश्च कण्वः कण्ठीरवः कविः ॥ १०॥

kāminīvaśakṛtkaulaḥ kulīnaḥ kularakṣakaḥ |kapālamālī kubjaśca kaṇvaḥ kaṇṭhīravaḥ kaviḥ || 10||

कलाकाष्ठातनुः कालशमनः कम्बुकुण्डली ।कुरङ्गी कपिलः कीरी कुमारः कोपनः कविः ॥ ११॥

kalākāṣṭhātanuḥ kālaśamanaḥ kambukuṇḍalī |kuraṅgī kapilaḥ kīrī kumāraḥ kopanaḥ kaviḥ || 11||

कङ्काली कपिशः केशी केशरी केशरप्रियः ।कौपीनधारी कितवः कितवघ्नः कलाधरः ॥ १२॥

kaṅkālī kapiśaḥ keśī keśarī keśarapriyaḥ |kaupīnadhārī kitavaḥ kitavaghnaḥ kalādharaḥ || 12||

कमलावल्लभः कुठः कठोरकिरणः क्षणः ।कौशिकः कौशिकधरः कुशभृत्कुशतल्पगः ॥ १३॥

kamalāvallabhaḥ kuṭhaḥ kaṭhorakiraṇaḥ kṣaṇaḥ |kauśikaḥ kauśikadharaḥ kuśabhṛtkuśatalpagaḥ || 13||

कुशली कश्मलाकर्षी काश्मिरी कररत्नभृत् ।कृतघ्नश्च कृतज्ञश्च कृतवीर्यः कपिध्वजः ॥ १४॥

kuśalī kaśmalākarṣī kāśmirī kararatnabhṛt |kṛtaghnaśca kṛtajñaśca kṛtavīryaḥ kapidhvajaḥ || 14||

कुशीलवः कुशीलश्च केतकी केतकीप्रियः ।कादम्बरीयः कादम्बः कलकण्ठः कपिञ्जली ॥ १५॥

kuśīlavaḥ kuśīlaśca ketakī ketakīpriyaḥ |kādambarīyaḥ kādambaḥ kalakaṇṭhaḥ kapiñjalī || 15||

कैटभारिः कंसमर्द्दी कुरङ्गवदनः कुशः ।भूधरो भूधराधीशो भैरवो भैरवीप्रियः ॥ १६॥

kaiṭabhāriḥ kaṃsamarddī kuraṅgavadanaḥ kuśaḥ |bhūdharo bhūdharādhīśo bhairavo bhairavīpriyaḥ || 16||

भूतात्मा भूतपो भूभृत् भृगुजो भूधरात्मजः ।भवसूनुर्भवो भीरुर्भ्रामरो भूतसम्भवः ॥ १७॥

bhūtātmā bhūtapo bhūbhṛt bhṛgujo bhūdharātmajaḥ |bhavasūnurbhavo bhīrurbhrāmaro bhūtasambhavaḥ || 17||

भीषणो भैरवीनाथो भगवान्भोगिभूषणः ।भस्मधारी भ्रमहरो भूताध्यक्षश्च भिक्षुकः ॥ १८॥

bhīṣaṇo bhairavīnātho bhagavānbhogibhūṣaṇaḥ |bhasmadhārī bhramaharo bhūtādhyakṣaśca bhikṣukaḥ || 18||

भ्रूणहा भूतहा भूतो भीतोऽभीतोऽभयङ्करः ।खरान्तकृत्खर्पराशिः खड्गपाणिः खलाप्रियः ॥ १९॥

bhrūṇahā bhūtahā bhūto bhīto'bhīto'bhayaṅkaraḥ |kharāntakṛtkharparāśiḥ khaḍgapāṇiḥ khalāpriyaḥ || 19||

खण्डभूः खण्डपरशुः खड्गी खट्वाङ्गभृत्खलः ।खेचरः खेचरी नाथः खपुरः खगनायकः ॥ २०॥

khaṇḍabhūḥ khaṇḍaparaśuḥ khaḍgī khaṭvāṅgabhṛtkhalaḥ |khecaraḥ khecarī nāthaḥ khapuraḥ khaganāyakaḥ || 20||

खेलाप्रियः खातकीर्तिः खरनादः खरव्रतः ।खेचरीकृत् खेटकभृत् खातीतः खाण्डवाशनः ॥ २१॥

khelāpriyaḥ khātakīrtiḥ kharanādaḥ kharavrataḥ |khecarīkṛt kheṭakabhṛt khātītaḥ khāṇḍavāśanaḥ || 21||

गन्धर्वगीतो गङ्गेशो गोपतिर्गोपिकापतिः ।गर्विष्ठो गर्वहा गेयो गौरो गौरीसुतो गुरुः ॥ २२॥

gandharvagīto gaṅgeśo gopatirgopikāpatiḥ |garviṣṭho garvahā geyo gauro gaurīsuto guruḥ || 22||

गीर्वाणगीतो गीर्वाणो गाढो गाढान्धकारहा ।गेयो गरुडगो गोऽवो गुप्तो गोप्ता गराशनः ॥ २३॥

gīrvāṇagīto gīrvāṇo gāḍho gāḍhāndhakārahā |geyo garuḍago go'vo gupto goptā garāśanaḥ || 23||

गजकृत्तिधरो गुञ्जो गुञ्जाहारधरो गजः ।गेयप्रियो गह्वरगो गुञ्जस्थो गुञ्जगायकः ॥ २४॥

gajakṛttidharo guñjo guñjāhāradharo gajaḥ |geyapriyo gahvarago guñjastho guñjagāyakaḥ || 24||

गोवर्द्धनधरो गोष्ठरक्षको गोकुलप्रियः ।गम्भीरो गोधनो गोपो गोधाभृद्गिरिजात्मजः ॥ २५॥

govarddhanadharo goṣṭharakṣako gokulapriyaḥ |gambhīro godhano gopo godhābhṛdgirijātmajaḥ || 25||

जगदीशो जनाध्यक्षो जीवनो जीवनप्रियः ।जीवानुजीवनच्छेदी जीवितात्मा जनार्दनः ॥ २६॥

jagadīśo janādhyakṣo jīvano jīvanapriyaḥ |jīvānujīvanacchedī jīvitātmā janārdanaḥ || 26||

जृम्भणश्च जवी जीवो जैनो जैनजयङ्कर ।जपप्रियो जपासक्तो जापको जपकार्थकृत् ॥ २७॥

jṛmbhaṇaśca javī jīvo jaino jainajayaṅkara |japapriyo japāsakto jāpako japakārthakṛt || 27||

जम्बूश्यामो जितक्रोधो जितारातिर्जितासुरः ।जम्बुको जानकीजानिर्जटिलो जनमेजयः ॥ २८॥

jambūśyāmo jitakrodho jitārātirjitāsuraḥ |jambuko jānakījānirjaṭilo janamejayaḥ || 28||

जीर्णो जीर्णोज्ज्वलन्नेत्रो जामदग्न्यो जयप्रदः ।झषकेतुर्झषहरो झिण्टीशो झषभोजितः ॥ २९॥

jīrṇo jīrṇojjvalannetro jāmadagnyo jayapradaḥ |jhaṣaketurjhaṣaharo jhiṇṭīśo jhaṣabhojitaḥ || 29||

झङ्कारकारी झम्पी च झषवान्झषवल्लभः ।मधुरो मदिरामत्तो मेघनादो मृगाधिपः ॥ ३०॥

jhaṅkārakārī jhampī ca jhaṣavānjhaṣavallabhaḥ |madhuro madirāmatto meghanādo mṛgādhipaḥ || 30||

मधुमत्तो मद्यगन्धो मेदस्वी मेघदीधितिः ।मोदनो मेदिनीनाथो मघवा मण्डभूषणः ॥ ३१॥

madhumatto madyagandho medasvī meghadīdhitiḥ |modano medinīnātho maghavā maṇḍabhūṣaṇaḥ || 31||

माधुकरीप्रियो मत्तो मेधावी मधुसूदनः ।मदनो मदनप्रीतो मुकुन्दो मादनो मरुत् ॥ ३२॥

mādhukarīpriyo matto medhāvī madhusūdanaḥ |madano madanaprīto mukundo mādano marut || 32||

अथ नवश्लोकाः क्षेपकाः ।मकरो माधवो मीनो मीनकेतुर्महेश्वरः ।महेषुर्मदनो मन्थो मिथुनेशोऽमराधिपः ॥ ३३॥

atha navaślokāḥ kṣepakāḥ |makaro mādhavo mīno mīnaketurmaheśvaraḥ |maheṣurmadano mantho mithuneśo'marādhipaḥ || 33||

मरीचिर्मञ्जुलो मोहो मोहहा मोहमर्दनः ।मोहको मोहनो मेघप्रियो मोहविनायकः ॥ ३४॥

marīcirmañjulo moho mohahā mohamardanaḥ |mohako mohano meghapriyo mohavināyakaḥ || 34||

महीपतिर्महीशानो महीराजो मनोहरः ।महीश्वरो महीपालो महीनाथो महीप्रियः ॥ ३५॥

mahīpatirmahīśāno mahīrājo manoharaḥ |mahīśvaro mahīpālo mahīnātho mahīpriyaḥ || 35||

महीधरो महादेवो मनुराजो मुनिप्रियः ।मानी मौनधरो मेघो मन्दिरो मतिवर्द्धनः ॥ ३६॥

mahīdharo mahādevo manurājo munipriyaḥ |mānī maunadharo megho mandiro mativarddhanaḥ || 36||

मतिदो मन्थरो मन्त्रो मन्त्रीशो मन्त्रनायकः ।मेधावी मानदो मानी मानहा मानमर्दनः ॥ ३७॥

matido mantharo mantro mantrīśo mantranāyakaḥ |medhāvī mānado mānī mānahā mānamardanaḥ || 37||

मीनगो मकराधीशो मधुरो मणिरञ्जितः ।मणिरम्यो मणिभ्राता मणिमण्डनमण्डितः ॥ ३८॥

mīnago makarādhīśo madhuro maṇirañjitaḥ |maṇiramyo maṇibhrātā maṇimaṇḍanamaṇḍitaḥ || 38||

मन्त्रपो मन्त्रदो मुग्धो मोक्षदो मोक्षवल्लभः ।मल्लो मल्लप्रियो मञ्चो मल्लको मेलनप्रभुः ॥ ३९॥

mantrapo mantrado mugdho mokṣado mokṣavallabhaḥ |mallo mallapriyo mañco mallako melanaprabhuḥ || 39||

मल्लिको मल्लिकागन्धी मल्लिकाकुसुमप्रियः ।मालतीशो मघानाथोऽमोघमूर्तिमघेश्वरः ॥ ४०॥

malliko mallikāgandhī mallikākusumapriyaḥ |mālatīśo maghānātho'moghamūrtimagheśvaraḥ || 40||

याचको याज्ञिको यज्ञो यज्ञेशो यज्ञवर्द्धनः ।रमापतिर्रमाधीशो रमेशो रामवल्लभः ॥ ४१॥

yācako yājñiko yajño yajñeśo yajñavarddhanaḥ |ramāpatirramādhīśo rameśo rāmavallabhaḥ || 41||

इति क्षेपकाः ।धनेशो ध्रुवधूर्धीमान्धिषणो धूम्रलोचनः ।दाता दापयिता दुर्गो दान्तो दान्ताशयो दमः ॥ ४२॥

iti kṣepakāḥ |dhaneśo dhruvadhūrdhīmāndhiṣaṇo dhūmralocanaḥ |dātā dāpayitā durgo dānto dāntāśayo damaḥ || 42||

देवो देवाधिपो दावो दुःखहा दुःखसेवितः ।दरिद्रो दारदो दारो देवतात्मा दमी दयी ॥ ४३॥

devo devādhipo dāvo duḥkhahā duḥkhasevitaḥ |daridro dārado dāro devatātmā damī dayī || 43||

दण्डकृद्दण्डहा दीप्तो दीप्तकेशो दयान्वितः ।दार्वीकरो दरी दीर्घो दीपनो दीपवल्लभः ॥ ४४॥

daṇḍakṛddaṇḍahā dīpto dīptakeśo dayānvitaḥ |dārvīkaro darī dīrgho dīpano dīpavallabhaḥ || 44||

दिगम्बरो दीर्घदंष्ट्रो दक्षिणो दक्षिणोदरः ।दंष्ट्री दंष्ट्रिप्रियो दैत्यो दिव्यो दिव्यपराक्रमः ॥ ४५॥

digambaro dīrghadaṃṣṭro dakṣiṇo dakṣiṇodaraḥ |daṃṣṭrī daṃṣṭripriyo daityo divyo divyaparākramaḥ || 45||

दैत्यहा दक्षिणार्हश्च दीर्घपृष्ठो दिवाकरः ।घण्टावादी घनरवो घनाभो घूत्करो घनः ॥ ४६॥

daityahā dakṣiṇārhaśca dīrghapṛṣṭho divākaraḥ |ghaṇṭāvādī ghanaravo ghanābho ghūtkaro ghanaḥ || 46||

घण्टापथी घटो घूको घध्वकरपरिवारितः ।घणी घर्मांशुरघहा घातहा घातकारकः ॥ ४७॥

ghaṇṭāpathī ghaṭo ghūko ghadhvakaraparivāritaḥ |ghaṇī gharmāṃśuraghahā ghātahā ghātakārakaḥ || 47||

घोरो घनाघनोऽर्घीशो घस्मरो घोरघोषवान् ।छगलण्डश्छलच्छेत्ता छत्री छातछविश्छली ॥ ४८॥

ghoro ghanāghano'rghīśo ghasmaro ghoraghoṣavān |chagalaṇḍaśchalacchettā chatrī chātachaviśchalī || 48||

छगलाक्षो छदो छिन्नश्छुच्छुरीकश्छिदाङ्कुरः ।छन्दश्छन्दप्रियश्छन्दश्छिदुरश्छद्महोछ्रितः ॥ ४९॥

chagalākṣo chado chinnaśchucchurīkaśchidāṅkuraḥ |chandaśchandapriyaśchandaśchiduraśchadmahochritaḥ || 49||

तपनीयप्रभजटस्तरुणस्तरुणीप्रियः ।तुन्दिलस्तपनस्तेयस्तोमरस्तोमरप्रियः ॥ ५०॥

tapanīyaprabhajaṭastaruṇastaruṇīpriyaḥ |tundilastapanasteyastomarastomarapriyaḥ || 50||

तुष्कस्तुरुष्कस्तिलभुक् त्रिमूर्तिस्त्रिपुरान्तकः ।त्रिशूलधारी त्रिशीर्षी त्रिपुरश्च त्रिलोकपः ॥ ५१॥

tuṣkasturuṣkastilabhuk trimūrtistripurāntakaḥ |triśūladhārī triśīrṣī tripuraśca trilokapaḥ || 51||

त्रिनेत्रस्त्रिपुरावासस्तेजस्वी त्रिदिवस्पतिः ।त्रिविक्रमस्तृणावर्त्तस्तृप्तस्तृप्तिप्रियस्तमः ॥ ५२॥

trinetrastripurāvāsastejasvī tridivaspatiḥ |trivikramastṛṇāvarttastṛptastṛptipriyastamaḥ || 52||

तमोपहस्तिमिस्त्रेशस्त्रिदशस्त्रीश्वरस्तपः ।त्रिनेत्रतनयस्तिग्मस्तमोमूर्तिस्तमोमयः ॥ ५३॥

tamopahastimistreśastridaśastrīśvarastapaḥ |trinetratanayastigmastamomūrtistamomayaḥ || 53||

तापनस्तोदनस्त्रेता तारानाथस्त्रिलोचनः ।नित्यो निरञ्जनो नेता नीतिज्ञो नयवल्लभः ॥ ५४॥

tāpanastodanastretā tārānāthastrilocanaḥ |nityo nirañjano netā nītijño nayavallabhaḥ || 54||

नन्दनो निपुणो नम्रोनम्रोऽनेमिर्निमिर्नयः ।नागहारो नागपाशो नित्यकामो नतिप्रियः ॥ ५५॥

nandano nipuṇo namronamro'nemirnimirnayaḥ |nāgahāro nāgapāśo nityakāmo natipriyaḥ || 55||

निर्ममो नमनो नान्यो नैगमो नैगमेश्वरः ।नित्यक्लिन्नो नित्यनवो निरुद्धो नन्ददीपकः ॥ ५६॥

nirmamo namano nānyo naigamo naigameśvaraḥ |nityaklinno nityanavo niruddho nandadīpakaḥ || 56||

निर्मलो निर्मलाकारो न्यस्तनिन्दो नदीश्वरः ।नक्षत्रनाथो निगमो निगमारम्भको नवः ॥ ५७॥

nirmalo nirmalākāro nyastanindo nadīśvaraḥ |nakṣatranātho nigamo nigamārambhako navaḥ || 57||

निधीशो निरहङ्कारो नानारूपी नमेरुकः ।नास्तिकारी नास्तिकहा निश्चितो निश्चिताशयः ॥ ५८॥

nidhīśo nirahaṅkāro nānārūpī namerukaḥ |nāstikārī nāstikahā niścito niścitāśayaḥ || 58||

निश्चलोऽनेकवदनो नाथो नारायणो नखी ।नरकघ्नो नरकदो नीलो नीलालकोऽनलः ॥ ५९॥

niścalo'nekavadano nātho nārāyaṇo nakhī |narakaghno narakado nīlo nīlālako'nalaḥ || 59||

नीलाम्बरो नीलकण्ठो नीलजीमूतसन्निभः ।पण्डितः पञ्चवदनः पञ्चमः पञ्चमप्रियः ॥ ६०॥

nīlāmbaro nīlakaṇṭho nīlajīmūtasannibhaḥ |paṇḍitaḥ pañcavadanaḥ pañcamaḥ pañcamapriyaḥ || 60||

पञ्चयज्ञः पञ्चवातः पञ्चवित्तः पविप्रियः ।पञ्चश्लेष्मा पञ्चबाणः पञ्चस्थानः परन्तपः ॥ ६१॥

pañcayajñaḥ pañcavātaḥ pañcavittaḥ pavipriyaḥ |pañcaśleṣmā pañcabāṇaḥ pañcasthānaḥ parantapaḥ || 61||

परमायुः परः पद्मी पद्मेशः पद्मवल्लभः ।पद्मनाभः पद्ममुखः पद्मः पद्मासनस्थितः ॥ ६२॥

paramāyuḥ paraḥ padmī padmeśaḥ padmavallabhaḥ |padmanābhaḥ padmamukhaḥ padmaḥ padmāsanasthitaḥ || 62||

पद्मजः पद्मनिलयः पद्मगन्धः परात्परः ।पर्वतः पर्वताधारः पारदः पारदप्रियः ॥ ६३॥

padmajaḥ padmanilayaḥ padmagandhaḥ parātparaḥ |parvataḥ parvatādhāraḥ pāradaḥ pāradapriyaḥ || 63||

परदारपरः प्रौढः पटुः पाण्डुरलोचनः ॥ ६४॥

paradāraparaḥ prauḍhaḥ paṭuḥ pāṇḍuralocanaḥ || 64||

पेटभृत्पेटकृत्पेटी पन्नगी पन्नगेश्वरः ।पाण्डुहा पाण्डुरः पिण्डी पञ्चभूतप्रशासनः ॥ ६५॥

peṭabhṛtpeṭakṛtpeṭī pannagī pannageśvaraḥ |pāṇḍuhā pāṇḍuraḥ piṇḍī pañcabhūtapraśāsanaḥ || 65||

पतङ्गः पक्षिराजश्च परलोकप्रदः प्रभुः ।पानदः पानपः पानी पानारुणविलोचनः ॥ ६६॥

pataṅgaḥ pakṣirājaśca paralokapradaḥ prabhuḥ |pānadaḥ pānapaḥ pānī pānāruṇavilocanaḥ || 66||

पिशाचघ्नः पिशाचेशः पिशिताशी पितामहः ।पिता प्रतापवान्पाशी पाशिनाथः पशुप्रियः ॥ ६७॥

piśācaghnaḥ piśāceśaḥ piśitāśī pitāmahaḥ |pitā pratāpavānpāśī pāśināthaḥ paśupriyaḥ || 67||

पशुभोक्ता पशुपतिः पशुप्रेष्ठ पशूदरः ।पीनसारिः पिपासार्त्तः पीडाकृत्पीडनाशनः ॥ ६८॥

paśubhoktā paśupatiḥ paśupreṣṭha paśūdaraḥ |pīnasāriḥ pipāsārttaḥ pīḍākṛtpīḍanāśanaḥ || 68||

प्रेतघ्नः प्रेतकुलपः प्रेतवाहः प्रकम्पनः ।प्रेतनाथः प्रेतपूज्यः पीतवासाः प्रजागरः ॥ ६९॥

pretaghnaḥ pretakulapaḥ pretavāhaḥ prakampanaḥ |pretanāthaḥ pretapūjyaḥ pītavāsāḥ prajāgaraḥ || 69||

प्रजापतिः प्रजानाथः परिपूर्णः प्रियोऽप्रियः ।पर्जन्यकृत्प्रशमनः परमः परमास्पदः ॥ ७०॥

prajāpatiḥ prajānāthaḥ paripūrṇaḥ priyo'priyaḥ |parjanyakṛtpraśamanaḥ paramaḥ paramāspadaḥ || 70||

प्रसन्नगः प्रतिच्छन्नः प्रतिभाकृत्प्रपूजितः ।प्रमेहघ्नः प्रमेही च प्रमेहकृदथप्रभः ॥ ७१॥

prasannagaḥ praticchannaḥ pratibhākṛtprapūjitaḥ |pramehaghnaḥ pramehī ca pramehakṛdathaprabhaḥ || 71||

प्रमः प्रमादहा प्रौढः प्रौढिदः प्रौढिवल्लभः ।प्रेमदः प्रमदाप्रेमी प्रमदः प्रमदाप्रियः ॥ ७२॥

pramaḥ pramādahā prauḍhaḥ prauḍhidaḥ prauḍhivallabhaḥ |premadaḥ pramadāpremī pramadaḥ pramadāpriyaḥ || 72||

प्रकामदः प्रकामेशः प्राणदः प्राणवल्लभः ।प्राणाधारः प्रयागश्च प्रयागनिलयप्रदः ॥ ७३॥

prakāmadaḥ prakāmeśaḥ prāṇadaḥ prāṇavallabhaḥ |prāṇādhāraḥ prayāgaśca prayāganilayapradaḥ || 73||

परिचारः परिवरः प्रशान्तः प्रतिभानवान् ।प्रेयः प्रेयवियोगी च प्रमथश्च प्रियंवदः ॥ ७४॥

paricāraḥ parivaraḥ praśāntaḥ pratibhānavān |preyaḥ preyaviyogī ca pramathaśca priyaṃvadaḥ || 74||

सारमेयानुगः सीधुः सीधुः सीधुपवल्लभः ।सावधानः साधुपूज्यः सारमेयधरः समः ॥ ७५॥

sārameyānugaḥ sīdhuḥ sīdhuḥ sīdhupavallabhaḥ |sāvadhānaḥ sādhupūjyaḥ sārameyadharaḥ samaḥ || 75||

सर्वापत्तारणः सिद्धः सिद्धिदः सिद्धिसेवितः ।सामन्तभद्रः सन्तोषी सत्यः सत्यपराक्रमः ॥ ७६॥

sarvāpattāraṇaḥ siddhaḥ siddhidaḥ siddhisevitaḥ |sāmantabhadraḥ santoṣī satyaḥ satyaparākramaḥ || 76||

सत्यसन्धः सत्यवक्ता सत्पदः सत्यवल्लभः ।सत्यभामापतिः शूरः सम्पन्नःसम्पदालयः ॥ ७७॥

satyasandhaḥ satyavaktā satpadaḥ satyavallabhaḥ |satyabhāmāpatiḥ śūraḥ sampannaḥsampadālayaḥ || 77||

सरस्वान् सागरः सेतुः सेतुकृत्सेतुपालकः ।समुद्रसीमासामन्तः स्मरारिः सत्यसङ्गरः ॥ ७८॥

sarasvān sāgaraḥ setuḥ setukṛtsetupālakaḥ |samudrasīmāsāmantaḥ smarāriḥ satyasaṅgaraḥ || 78||

स्मरः स्मरप्रियः स्मेरः स्मरदः स्मरसुन्दरः ।समिद्धः सम्मदः सिन्धुः सामगः सामगार्चितः ॥ ७९॥

smaraḥ smarapriyaḥ smeraḥ smaradaḥ smarasundaraḥ |samiddhaḥ sammadaḥ sindhuḥ sāmagaḥ sāmagārcitaḥ || 79||

समयः समयाचारः शङ्करप्रियबान्धवः ।सम्मोहदः संशयदः संशयघ्नः समुद्धतः ॥ ८०॥

samayaḥ samayācāraḥ śaṅkarapriyabāndhavaḥ |sammohadaḥ saṃśayadaḥ saṃśayaghnaḥ samuddhataḥ || 80||

सोमः सोमधरः सौम्यः सौम्यः शान्तजनप्रियः ।सुन्दरः सुन्दराधारः सुरापः सुरसः सुरः ॥ ८१॥

somaḥ somadharaḥ saumyaḥ saumyaḥ śāntajanapriyaḥ |sundaraḥ sundarādhāraḥ surāpaḥ surasaḥ suraḥ || 81||

सुरासक्तः सुगमोदी सुरापालः सुरात्रियः ।स्वर्गः स्वर्गपतिः स्वर्गी स्वर्गदः स्वर्गवल्लभः ॥ ८२॥

surāsaktaḥ sugamodī surāpālaḥ surātriyaḥ |svargaḥ svargapatiḥ svargī svargadaḥ svargavallabhaḥ || 82||

सुखी सुखाकरः सौख्यसिन्धुः सिन्धुरनायकः ।सारस्वतः स्वानुभवः स्वानुभावस्वानुध्रु(स्रु)वः ॥ ८३॥

sukhī sukhākaraḥ saukhyasindhuḥ sindhuranāyakaḥ |sārasvataḥ svānubhavaḥ svānubhāvasvānudhru(sru)vaḥ || 83||

स्वयम्भूकुसुमामोदी स्वयम्भूकुसुमप्रियः ।समगः सर्वतोभद्रः सर्वसत्त्वः सरोवरः ॥ ८४॥

svayambhūkusumāmodī svayambhūkusumapriyaḥ |samagaḥ sarvatobhadraḥ sarvasattvaḥ sarovaraḥ || 84||

सारी सरीसृपाधीशः समाराध्यः समामयः ।सन्तानदः सत्त्वदाता सरोजाक्षः सरोजभूः ॥ ८५॥

sārī sarīsṛpādhīśaḥ samārādhyaḥ samāmayaḥ |santānadaḥ sattvadātā sarojākṣaḥ sarojabhūḥ || 85||

सर्वसिद्धिप्रदः सारी सरोजनयनप्रियः ।सुपर्वनाथः सर्वज्ञः सर्वगः सर्वदीपनः ॥ ८६॥

sarvasiddhipradaḥ sārī sarojanayanapriyaḥ |suparvanāthaḥ sarvajñaḥ sarvagaḥ sarvadīpanaḥ || 86||

श्मशानवासी स्तम्भी च सर्पयुक्तः सहस्रदृक् ।सहस्रदो सहस्राङ्घ्रिः सहस्रकिरणप्रभः ॥ ८७॥

śmaśānavāsī stambhī ca sarpayuktaḥ sahasradṛk |sahasrado sahasrāṅghriḥ sahasrakiraṇaprabhaḥ || 87||

शौरिः शम्भुसुतः शम्भूः शिवः शूली शवाअस्नः ।श्रीकण्ठः शितिकण्ठश्च श्रीपतिः श्रीनिकेतनः ॥ ८८॥

śauriḥ śambhusutaḥ śambhūḥ śivaḥ śūlī śavāasnaḥ |śrīkaṇṭhaḥ śitikaṇṭhaśca śrīpatiḥ śrīniketanaḥ || 88||

श्रेयोनिधिः शङ्करश्च शर्वः सर्वात्मजः शमः ।शतानन्दः शशधरः शबरः शबरीसुतः ॥ ८९॥

śreyonidhiḥ śaṅkaraśca śarvaḥ sarvātmajaḥ śamaḥ |śatānandaḥ śaśadharaḥ śabaraḥ śabarīsutaḥ || 89||

शोभनः शोभनावासः शोकहा शोकनाशनः ।शतानन्दः शूलपाणिः शुचिः शौचपरः शुभः ॥ ९०॥

śobhanaḥ śobhanāvāsaḥ śokahā śokanāśanaḥ |śatānandaḥ śūlapāṇiḥ śuciḥ śaucaparaḥ śubhaḥ || 90||

शिखिसखः श्रुतिधरः श्रुतिगीतः श्रुतिप्रियः ।शुद्धाशयः शुद्धिकरः शुद्धः शुद्धजनप्रियः ॥ ९१॥

śikhisakhaḥ śrutidharaḥ śrutigītaḥ śrutipriyaḥ |śuddhāśayaḥ śuddhikaraḥ śuddhaḥ śuddhajanapriyaḥ || 91||

शोणः शोणाधरः शोणनेत्रः शोणाङ्गरागभृत् ।शीतः शीताशयः शौण्डः शौण्डिकः शौण्डिकप्रियः ॥ ९२॥

śoṇaḥ śoṇādharaḥ śoṇanetraḥ śoṇāṅgarāgabhṛt |śītaḥ śītāśayaḥ śauṇḍaḥ śauṇḍikaḥ śauṇḍikapriyaḥ || 92||

शाड्यहा शाड्यदः शार्ङ्गी शरी शरणदः शिशुः ।शुद्धनीलाञ्जनप्रख्यः शान्तिदः शान्त इत्यपि ॥ ९३॥

śāḍyahā śāḍyadaḥ śārṅgī śarī śaraṇadaḥ śiśuḥ |śuddhanīlāñjanaprakhyaḥ śāntidaḥ śānta ityapi || 93||

शकः शाकम्भरीयश्च शङ्कितः शङ्किताननः ।हरो हरिर्हयग्रीवः हयारिकुसुमप्रियः ॥ ९४॥

śakaḥ śākambharīyaśca śaṅkitaḥ śaṅkitānanaḥ |haro harirhayagrīvaḥ hayārikusumapriyaḥ || 94||

हेरम्बो हयमेधी च हेषणो हरवल्लभः ।हव्यवाहो हुतवही हारी हारीतपूजितः ॥ ९५॥

herambo hayamedhī ca heṣaṇo haravallabhaḥ |havyavāho hutavahī hārī hārītapūjitaḥ || 95||

हिंस्रहा हिंस्रयो हेतिर्हेलानुश्च हलायुधः ।हिरण्यरेता हरिणो हरिणाक्षो हरिप्रियः ॥ ९६॥

hiṃsrahā hiṃsrayo hetirhelānuśca halāyudhaḥ |hiraṇyaretā hariṇo hariṇākṣo haripriyaḥ || 96||

हिमो हिमालयचरो हिमधामाविभूषणः ।हेममाली हेमकान्तिर्हेमाचलकृतालयः ॥ ९७॥

himo himālayacaro himadhāmāvibhūṣaṇaḥ |hemamālī hemakāntirhemācalakṛtālayaḥ || 97||

हारको हारशाली च होता होमो हुतिर्हयः ।यशप्रदो यशोवृद्धो यशस्वी यशसां निधिः ॥ ९८॥

hārako hāraśālī ca hotā homo hutirhayaḥ |yaśaprado yaśovṛddho yaśasvī yaśasāṃ nidhiḥ || 98||

यज्वा यजनकामश्च यजुर्यजनतत्परः ।यमो यमभयध्वंसी यमवन्द्यो यमान्तकृत् ॥ ९९॥

yajvā yajanakāmaśca yajuryajanatatparaḥ |yamo yamabhayadhvaṃsī yamavandyo yamāntakṛt || 99||

यज्ञभोक्ता यज्ञकरो यवनो यवनोद्धतः ।यवप्रियो यौवनाढ्यो युवतीवछभो यवी ॥ १००॥

yajñabhoktā yajñakaro yavano yavanoddhataḥ |yavapriyo yauvanāḍhyo yuvatīvachabho yavī || 100||

यामलो यामलाधीशो यशोदानन्दवर्धनः ।योद्धा युद्धप्रियो यूपो योक्तिको योगिनीपतिः ॥ १०१॥

yāmalo yāmalādhīśo yaśodānandavardhanaḥ |yoddhā yuddhapriyo yūpo yoktiko yoginīpatiḥ || 101||

योगी योगीश्वरो योक्ता योगिराड्योगिसेवितः ।रतिप्रदो रतिकरो रतिनाथो रतिप्रदः ॥ १०२॥

yogī yogīśvaro yoktā yogirāḍyogisevitaḥ |ratiprado ratikaro ratinātho ratipradaḥ || 102||

रमणीयो रमानाथो रजनीशो रमेश्वरः ।रससिद्धीश्वरो रम्यो रसज्ञो रसपूजितः ॥ १०३॥

ramaṇīyo ramānātho rajanīśo rameśvaraḥ |rasasiddhīśvaro ramyo rasajño rasapūjitaḥ || 103||

रञ्जनो रोचनो रागो रोगो रोगकुलान्तकृत् ।रासो रासप्रियो रन्ता रङ्गो रङ्गकृतास्पदः ॥ १०४॥

rañjano rocano rāgo rogo rogakulāntakṛt |rāso rāsapriyo rantā raṅgo raṅgakṛtāspadaḥ || 104||

रक्तपो रक्तनयनो रक्तदो रक्तनाशनः ।रुरू रुद्रो रौद्रमुखो राजा राजीववर्द्धनः ॥ १०५॥

raktapo raktanayano raktado raktanāśanaḥ |rurū rudro raudramukho rājā rājīvavarddhanaḥ || 105||

रसो रतिरसाधारो रसालो रविलोचनः ।लोकनाथो लोकचक्षुर्ललितो ललितात्मजः ॥ १०६॥

raso ratirasādhāro rasālo ravilocanaḥ |lokanātho lokacakṣurlalito lalitātmajaḥ || 106||

लम्बोदरो लम्बदंष्ट्रो लोलो लोलविलोचनः ।लोहिताक्षो लोहितपो लालपो ललनाप्रियः ॥ १०७॥

lambodaro lambadaṃṣṭro lolo lolavilocanaḥ |lohitākṣo lohitapo lālapo lalanāpriyaḥ || 107||

लेलिहानो ललजिह्वो (ललज्जिह्वो) लक्ष्मीनाथो लुलायुगः ।क्षेत्रपालश्च(क्षेत्रपालो च) क्षेत्रज्ञः क्षत्रियः क्षेत्रपः क्षमी ॥ १०८॥

lelihāno lalajihvo (lalajjihvo) lakṣmīnātho lulāyugaḥ |kṣetrapālaśca(kṣetrapālo ca) kṣetrajñaḥ kṣatriyaḥ kṣetrapaḥ kṣamī || 108||

क्षमाधारः क्षौमधरः क्षेमकारी क्षयापहः ।क्षपापतिधरः क्षुद्रः क्षान्तः क्षान्तजनप्रियः ॥ १०९॥

kṣamādhāraḥ kṣaumadharaḥ kṣemakārī kṣayāpahaḥ |kṣapāpatidharaḥ kṣudraḥ kṣāntaḥ kṣāntajanapriyaḥ || 109||

क्षितिदः क्षतिदः क्षौद्रप्रियः क्षीरप्रियोऽक्षयः ।क्षोभहा क्षोभदोऽक्षोभ्यः क्षिप्रसिद्धप्रदो क्षुपः ॥ ११०॥

kṣitidaḥ kṣatidaḥ kṣaudrapriyaḥ kṣīrapriyo'kṣayaḥ |kṣobhahā kṣobhado'kṣobhyaḥ kṣiprasiddhaprado kṣupaḥ || 110||

क्षेमकरः क्षौद्रपिङ्गः क्षामशत्रुः क्षुधाकरः ।क्षोभणः क्षीरदः क्षीरी क्षवकः क्षवदोषहा ॥ १११॥

kṣemakaraḥ kṣaudrapiṅgaḥ kṣāmaśatruḥ kṣudhākaraḥ |kṣobhaṇaḥ kṣīradaḥ kṣīrī kṣavakaḥ kṣavadoṣahā || 111||

आन्त्रयज्ञोपवीतीशोऽजगरोऽग्रिरहो रहः ।इन्दुरिन्दिन्दिरो बिन्दुरिन्द्रेभः इन ईश्वरः ॥ ११२॥

āntrayajñopavītīśo'jagaro'griraho rahaḥ |indurindindiro bindurindrebhaḥ ina īśvaraḥ || 112||

डिम्भ ऊर्जस्वलः स्वस्तिः स्वाहाभुग्गुरुरर्जुकः ।ज्ञानचक्षुश्चोर्ध्वरेता दशदिक्पालपालकः ॥ ११३॥

ḍimbha ūrjasvalaḥ svastiḥ svāhābhuggururarjukaḥ |jñānacakṣuścordhvaretā daśadikpālapālakaḥ || 113||

शाकिनेयो डाकिनेयो राकिनेयस्तथैव च ।काकिनेयो लाकिनेयो डाकिनेयोऽपि हाकिनिः ॥ ११४॥

śākineyo ḍākineyo rākineyastathaiva ca |kākineyo lākineyo ḍākineyo'pi hākiniḥ || 114||

पञ्चाशद्वर्णतनुकः षडाधारः षडध्वकः ।अष्टाधारोऽष्टमूर्तिश्च ब्रह्मरन्ध्रकृतालयः ॥ ११५॥

pañcāśadvarṇatanukaḥ ṣaḍādhāraḥ ṣaḍadhvakaḥ |aṣṭādhāro'ṣṭamūrtiśca brahmarandhrakṛtālayaḥ || 115||

सहस्रपत्रभवनो द्विपत्रपरमास्पदः ।षोडशारकृतावासी द्वादशच्छदमण्डनः ॥ ११६॥

sahasrapatrabhavano dvipatraparamāspadaḥ |ṣoḍaśārakṛtāvāsī dvādaśacchadamaṇḍanaḥ || 116||

दशारकृतविश्रामः षडारविहितादरः ।चतुर्दलविकासी च चतुरस्रविनोदनः ॥ ११७॥

daśārakṛtaviśrāmaḥ ṣaḍāravihitādaraḥ |caturdalavikāsī ca caturasravinodanaḥ || 117||

इडाधारः सुषुम्णेशः पिङ्गलापरिपालकः ।संसारसाक्षी चिद्रूपः परमात्मा सदाशिवः ॥ ११८॥

iḍādhāraḥ suṣumṇeśaḥ piṅgalāparipālakaḥ |saṃsārasākṣī cidrūpaḥ paramātmā sadāśivaḥ || 118||

पञ्चविंशतितत्त्वात्मा विकृतः प्रकृतेः परः ।अव्यक्तश्चाव्ययो हंसो नादः सत्त्वात्मको विभुः ॥ ११९॥

pañcaviṃśatitattvātmā vikṛtaḥ prakṛteḥ paraḥ |avyaktaścāvyayo haṃso nādaḥ sattvātmako vibhuḥ || 119||

एतद्वटुकनाथस्य नाम्नां साग्रं सहस्रकम् ।यः पठेत्प्रातरुत्थाय मध्याह्ने वा निशामुखे ॥ १२०॥

etadvaṭukanāthasya nāmnāṃ sāgraṃ sahasrakam |yaḥ paṭhetprātarutthāya madhyāhne vā niśāmukhe || 120||

मासत्रयाद्दत्यस्मै श्रीमद्भटुकभैरवः ।मनोऽभिलषितं देवि देवानामपि दुर्लभम् ॥ १२१॥

māsatrayāddatyasmai śrīmadbhaṭukabhairavaḥ |mano'bhilaṣitaṃ devi devānāmapi durlabham || 121||

पुरश्चरणमेतस्य नामसङ्ख्यं प्रकीर्तितम् ।तद्दशांशं प्रजुहुयात्संस्कृते हव्यवाहने ॥ १२२॥

puraścaraṇametasya nāmasaṅkhyaṃ prakīrtitam |taddaśāṃśaṃ prajuhuyātsaṃskṛte havyavāhane || 122||

तन्दुलैस्तु त्रिमध्वक्तैस्तिलमिश्ररतन्द्रितः ।तर्पणं तद्दशांशेन प्रोक्तद्रव्येण कल्पयेत् ॥ १२३॥

tandulaistu trimadhvaktaistilamiśraratandritaḥ |tarpaṇaṃ taddaśāṃśena proktadravyeṇa kalpayet || 123||

मार्जनं तद्दशांशेन तद्दशांशेन भोजनम् ।दक्षिणा तु यथाशक्ति कल्पनीया मनीषिभिः ॥ १२४॥

mārjanaṃ taddaśāṃśena taddaśāṃśena bhojanam |dakṣiṇā tu yathāśakti kalpanīyā manīṣibhiḥ || 124||

एवं कृते भवेत्सिद्धिः स्तोत्ररूपो मनुस्त्वयम् ।छागचर्मासनासीनोऽरिष्टबीजाक्षमालया ॥ १२५॥

evaṃ kṛte bhavetsiddhiḥ stotrarūpo manustvayam |chāgacarmāsanāsīno'riṣṭabījākṣamālayā || 125||

त्रिसुगन्धिसुगन्धास्यो मुदितात्मा तु साधकः ।पर्वताग्रे तथारण्ये पुण्ये चोपवनेऽथवा ॥ १२६॥

trisugandhisugandhāsyo muditātmā tu sādhakaḥ |parvatāgre tathāraṇye puṇye copavane'thavā || 126||

सिन्धुसम्भेदके वापि गोष्ठे वा बिल्वमूलके ।शिवालये गृहे शून्ये दरदारुणितान्तरे ॥ १२७॥

sindhusambhedake vāpi goṣṭhe vā bilvamūlake |śivālaye gṛhe śūnye daradāruṇitāntare || 127||

यथोक्तविधिनाभ्यर्च्य देवं पश्चाजपेन्मनुम् ।स्तोत्ररूपमिदं प्रातरारभ्यार्द्धदिनावधि ॥ १२८॥

yathoktavidhinābhyarcya devaṃ paścājapenmanum |stotrarūpamidaṃ prātarārabhyārddhadināvadhi || 128||

ततो हविष्यभोजी स्यात्पौरश्चरणिको नरः ।होमे तु चतुरस्रं स्यात्कुण्डं सर्वाङ्गसुन्दरम् ॥ १२९॥

tato haviṣyabhojī syātpauraścaraṇiko naraḥ |home tu caturasraṃ syātkuṇḍaṃ sarvāṅgasundaram || 129||

प्रतिनाम प्रजुहुयादुक्तद्रव्येण पण्डितः ।ततः प्रयोगान्कारयेद्वाञ्छितार्थसमृद्धिदान् ॥ १३०॥

pratināma prajuhuyāduktadravyeṇa paṇḍitaḥ |tataḥ prayogānkārayedvāñchitārthasamṛddhidān || 130||

करभैरयुतं हुत्वा कवितामाप्नुयाद्व्रती ।कमलैरचलां लक्ष्मीं वटकैरन्नसम्पदाम् ॥ १३१॥

karabhairayutaṃ hutvā kavitāmāpnuyādvratī |kamalairacalāṃ lakṣmīṃ vaṭakairannasampadām || 131||

हरिद्राक्तान्धसा वश्यं जगदेतच्चराचरम् ।निम्बपत्रकटुस्नेहराजि कालवणैर्नरः ॥ १३२॥

haridrāktāndhasā vaśyaṃ jagadetaccarācaram |nimbapatrakaṭusneharāji kālavaṇairnaraḥ || 132||

हुत्वा मारयति क्षिप्रं वैरिणो दुर्जनानपि ।सिन्दुरादेस्तु होमेन मोहयेदीप्सिताङ्गनाम् ॥ १३३॥

hutvā mārayati kṣipraṃ vairiṇo durjanānapi |sindurādestu homena mohayedīpsitāṅganām || 133||

वादेषु स्तम्भयेद्वाचं शत्रूणां दधिहोमतः ।तत्तद्रोगोक्तभैषज्यैस्तत्तद्रोगप्रणुत्तये ॥ १३४॥

vādeṣu stambhayedvācaṃ śatrūṇāṃ dadhihomataḥ |tattadrogoktabhaiṣajyaistattadrogapraṇuttaye || 134||

डाकिनीग्रहभूतादेः प्रशान्त्यै माषहोमतः ।प्रत्यहं यः पठेदेतन्मनुजः सुसमाहितः ॥ १३५॥

ḍākinīgrahabhūtādeḥ praśāntyai māṣahomataḥ |pratyahaṃ yaḥ paṭhedetanmanujaḥ susamāhitaḥ || 135||

वत्सरानन्तरं तस्य दर्शनादेव भूभुजः ।वशीभवन्ति सहसा सामात्याः किङ्करा इव ॥ १३६॥

vatsarānantaraṃ tasya darśanādeva bhūbhujaḥ |vaśībhavanti sahasā sāmātyāḥ kiṅkarā iva || 136||

स्थिरीभवति तद्गेहे चञ्चलापि त्वचञ्चला ।मासत्रयस्य पठनादपस्मारादयो गदाः ॥ १३७॥

sthirībhavati tadgehe cañcalāpi tvacañcalā |māsatrayasya paṭhanādapasmārādayo gadāḥ || 137||

नश्यन्त्येव न सन्देहः सत्यं मम वचो यदि ।निर्धनो धनमाप्नोति सुतार्थी लभते सुतान् ॥ १३८॥

naśyantyeva na sandehaḥ satyaṃ mama vaco yadi |nirdhano dhanamāpnoti sutārthī labhate sutān || 138||

यद्यत्कार्यं समुद्दिश्य पठेदेतदवाप्नुयात् ।नारीभये वह्निभये भूमिपालभयेऽपि च ॥ १३९॥

yadyatkāryaṃ samuddiśya paṭhedetadavāpnuyāt |nārībhaye vahnibhaye bhūmipālabhaye'pi ca || 139||

परिपन्थिभये घोरे महासङ्ग्रामसङ्कटे ।अरण्यसङ्कटे चैव पठेत्रिस्त्रिरनन्यधीः ॥ १४०॥

paripanthibhaye ghore mahāsaṅgrāmasaṅkaṭe |araṇyasaṅkaṭe caiva paṭhetristrirananyadhīḥ || 140||

तत्तद्भयात्प्रमुच्येत सत्यं सत्यं सुरेश्वरि ।इदं रहस्यं परमं पवित्रं पापनाशनम् ॥ १४१॥

tattadbhayātpramucyeta satyaṃ satyaṃ sureśvari |idaṃ rahasyaṃ paramaṃ pavitraṃ pāpanāśanam || 141||

अपमृत्योश्च शमनं सर्वाऽमङ्गलनाशनम् ।बन्दीप्रमोचनं पुंसां दुःस्वप्नविनिवारणम् ॥ १४२॥

apamṛtyośca śamanaṃ sarvā'maṅgalanāśanam |bandīpramocanaṃ puṃsāṃ duḥsvapnavinivāraṇam || 142||

शृणु पार्वति यत्नेन विशेषेणास्य यत्फलम् ।अलौहप्रहरणं सूक्ष्मं महाक्लेशनिवारणम् ॥ १४३॥

śṛṇu pārvati yatnena viśeṣeṇāsya yatphalam |alauhapraharaṇaṃ sūkṣmaṃ mahākleśanivāraṇam || 143||

स्तोत्रमेतत्परिध्वंसे शस्त्रं हि मम प्रेरितम् ।तथा वशीकरं राज्ञामप्रयोगमचूर्णकम् ॥ १४४॥

stotrametatparidhvaṃse śastraṃ hi mama preritam |tathā vaśīkaraṃ rājñāmaprayogamacūrṇakam || 144||

तथापस्मारभूतादेर्नाशनं वाथ नौषधम् ॥ १४५॥

tathāpasmārabhūtādernāśanaṃ vātha nauṣadham || 145||

इति श्रीहरिकृष्णविनिर्मिते बृहज्ज्योतिषार्णवे धर्मस्कन्धेउपसनास्तबके श्रीबटुकभैरवोपासनाध्यायेश्रीबटुकभैरवसहस्रनामस्तोत्रनिरूपणं नाम प्रकरणं नवमम् ॥ ९॥

iti śrīharikṛṣṇavinirmite bṛhajjyotiṣārṇave dharmaskandheupasanāstabake śrībaṭukabhairavopāsanādhyāyeśrībaṭukabhairavasahasranāmastotranirūpaṇaṃ nāma prakaraṇaṃ navamam || 9||