बटुकभैरवाष्टोत्तरशतनामस्तोत्रम् २ Shri Batukabhairava Ashtottarashatanama Shtotram 2

श्रीगणेशाय नमः ।श्रीउमामहेश्वराभ्यां नमः ।श्रीगुरवे नमः ।श्रीभैरवाय नमः ।ॐ अस्य श्रीबटुकभैरवस्तोत्रमन्त्रस्य कालाग्निरुद्र ऋषिः ।अनुष्टुप् छन्दः । आपदुद्धारकबटुकभैरवो देवता । ह्रीं बीजम् ।भैरवीवल्लभः शक्तिः । नीलवर्णो दण्डपाणिरिति कीलकम् ।समस्तशत्रुदमने समस्तापन्निवारणे सर्वाभीष्टप्रदाने च विनियोगः ॥ऋष्यादि न्यासःॐ कालाग्निरुद्र ऋषये नमः शिरसि । अनुष्टुप्छन्दसे नमः मुखे ।आपदुद्धारकश्रीबटुकभैरव देवतायै नमः हृदये ।ह्रीं बीजाय नमः गुह्ये । भैरवीवल्लभ शक्तये नमः पादयोः ।नीलवर्णो दण्डपाणिरिति कीलकाय नमः नाभौ ।समस्तशत्रुदमने समस्तापन्निवारणे सर्वाभीष्टप्रदानेविनियोगाय नमः सर्वाङ्गे ।॥ इति ऋष्यादि न्यासः ॥अथ मूलमन्त्रः॥ ॐ ह्रीं वां बटुकाय क्ष्रौं क्षौ आपदुद्धारणायकुरु कुरु बटुकाय ह्रां बटुकाय स्वाहा ॥॥ इति मूलमन्त्रः ॥अथ ध्यानम्नीलजीमूतसङ्काशो जटिलो रक्तलोचनः ।दंष्ट्राकरालवदनः सर्पयज्ञोपवीतवान् ॥दंष्ट्रायुधालंकृतश्च कपालस्रग्विभूषितः ।हस्तन्यस्तकरोटीको भस्मभूषितविग्रहः ॥नागराजकटीसूत्रो बालमूर्ति दिगम्बरः ।मञ्जु सिञ्जानमञ्जरी पादकम्पितभूतलः ॥भूतप्रेतपिशाचैश्च सर्वतः परिवारितः ।योगिनीचक्रमध्यस्थो मातृमण्डलवेष्टितः ॥अट्टहासस्फुरद्वक्त्रो भ्रुकुटीभीषणाननः ।भक्तसंरक्षणार्थाय दिक्षुभ्रमणतत्परः ॥॥ इति ध्यानम् ॥अथ स्तोत्रम् ।ॐ ह्रीं बटुको वरदः शूरो भैरवः कालभैरवः ।भैरवीवल्लभो भव्यो दण्डपाणिर्दयानिधिः ॥ १॥

śrīgaṇeśāya namaḥ |śrīumāmaheśvarābhyāṃ namaḥ |śrīgurave namaḥ |śrībhairavāya namaḥ |oṃ asya śrībaṭukabhairavastotramantrasya kālāgnirudra ṛṣiḥ |anuṣṭup chandaḥ | āpaduddhārakabaṭukabhairavo devatā | hrīṃ bījam |bhairavīvallabhaḥ śaktiḥ | nīlavarṇo daṇḍapāṇiriti kīlakam |samastaśatrudamane samastāpannivāraṇe sarvābhīṣṭapradāne ca viniyogaḥ ||ṛṣyādi nyāsaḥoṃ kālāgnirudra ṛṣaye namaḥ śirasi | anuṣṭupchandase namaḥ mukhe |āpaduddhārakaśrībaṭukabhairava devatāyai namaḥ hṛdaye |hrīṃ bījāya namaḥ guhye | bhairavīvallabha śaktaye namaḥ pādayoḥ |nīlavarṇo daṇḍapāṇiriti kīlakāya namaḥ nābhau |samastaśatrudamane samastāpannivāraṇe sarvābhīṣṭapradāneviniyogāya namaḥ sarvāṅge ||| iti ṛṣyādi nyāsaḥ ||atha mūlamantraḥ|| oṃ hrīṃ vāṃ baṭukāya kṣrauṃ kṣau āpaduddhāraṇāyakuru kuru baṭukāya hrāṃ baṭukāya svāhā |||| iti mūlamantraḥ ||atha dhyānamnīlajīmūtasaṅkāśo jaṭilo raktalocanaḥ |daṃṣṭrākarālavadanaḥ sarpayajñopavītavān ||daṃṣṭrāyudhālaṃkṛtaśca kapālasragvibhūṣitaḥ |hastanyastakaroṭīko bhasmabhūṣitavigrahaḥ ||nāgarājakaṭīsūtro bālamūrti digambaraḥ |mañju siñjānamañjarī pādakampitabhūtalaḥ ||bhūtapretapiśācaiśca sarvataḥ parivāritaḥ |yoginīcakramadhyastho mātṛmaṇḍalaveṣṭitaḥ ||aṭṭahāsasphuradvaktro bhrukuṭībhīṣaṇānanaḥ |bhaktasaṃrakṣaṇārthāya dikṣubhramaṇatatparaḥ |||| iti dhyānam ||atha stotram |oṃ hrīṃ baṭuko varadaḥ śūro bhairavaḥ kālabhairavaḥ |bhairavīvallabho bhavyo daṇḍapāṇirdayānidhiḥ || 1||

वेतालवाहनो रौद्रो रुद्रभ्रुकुटिसम्भवः ।कपाललोचनः कान्तः कामिनीवशकृद्वशी ॥ २॥

vetālavāhano raudro rudrabhrukuṭisambhavaḥ |kapālalocanaḥ kāntaḥ kāminīvaśakṛdvaśī || 2||

आपदुद्धारणो धीरो हरिणाङ्कशिरोमणिः ।दंष्ट्राकरालो दष्टोष्ठौ धृष्टो दुष्टनिबर्हणः ॥ ३॥

āpaduddhāraṇo dhīro hariṇāṅkaśiromaṇiḥ |daṃṣṭrākarālo daṣṭoṣṭhau dhṛṣṭo duṣṭanibarhaṇaḥ || 3||

सर्पहारः सर्पशिराः सर्पकुण्डलमण्डितः ।कपाली करुणापूर्णः कपालैकशिरोमणिः ॥ ४॥

sarpahāraḥ sarpaśirāḥ sarpakuṇḍalamaṇḍitaḥ |kapālī karuṇāpūrṇaḥ kapālaikaśiromaṇiḥ || 4||

श्मशानवासी मांसाशी मधुमत्तोऽट्टहासवान् ।वाग्मी वामव्रतो वामो वामदेवप्रियङ्करः ॥ ५॥

śmaśānavāsī māṃsāśī madhumatto'ṭṭahāsavān |vāgmī vāmavrato vāmo vāmadevapriyaṅkaraḥ || 5||

वनेचरो रात्रिचरो वसुदो वायुवेगवान् ।योगी योगव्रतधरो योगिनीवल्लभो युवा ॥ ६॥

vanecaro rātricaro vasudo vāyuvegavān |yogī yogavratadharo yoginīvallabho yuvā || 6||

वीरभद्रो विश्वनाथो विजेता वीरवन्दितः ।भूताध्यक्षो भूतिधरो भूतभीतिनिवारणः ॥ ७॥

vīrabhadro viśvanātho vijetā vīravanditaḥ |bhūtādhyakṣo bhūtidharo bhūtabhītinivāraṇaḥ || 7||

कलङ्कहीनः कङ्काली क्रूरकुक्कुरवाहनः ।गाढो गहनगम्भीरो गणनाथसहोदरः ॥ ८॥

kalaṅkahīnaḥ kaṅkālī krūrakukkuravāhanaḥ |gāḍho gahanagambhīro gaṇanāthasahodaraḥ || 8||

देवीपुत्रो दिव्यमूर्तिर्दीप्तिमान् दीप्तिलोचनः ।महासेनप्रियकरो मान्यो माधवमातुलः ॥ ९॥

devīputro divyamūrtirdīptimān dīptilocanaḥ |mahāsenapriyakaro mānyo mādhavamātulaḥ || 9||

भद्रकालीपतिर्भद्रो भद्रदो भद्रवाहनः ।पशूपहाररसिकः पाशी पशुपतिः पतिः ॥ १०॥

bhadrakālīpatirbhadro bhadrado bhadravāhanaḥ |paśūpahārarasikaḥ pāśī paśupatiḥ patiḥ || 10||

चण्डः प्रचण्डचण्डेशश्चण्डीहृदयनन्दनः ।दक्षो दक्षाध्वरहरो दिग्वासा दीर्घलोचनः ॥ ११॥

caṇḍaḥ pracaṇḍacaṇḍeśaścaṇḍīhṛdayanandanaḥ |dakṣo dakṣādhvaraharo digvāsā dīrghalocanaḥ || 11||

निरातङ्को निर्विकल्पः कल्पः कल्पान्तभैरवः ।मदताण्डवकृन्मत्तो महादेवप्रियो महान् ॥ १२॥

nirātaṅko nirvikalpaḥ kalpaḥ kalpāntabhairavaḥ |madatāṇḍavakṛnmatto mahādevapriyo mahān || 12||

खट्वाङ्गपाणिः खातीतः खरशूलः खरान्तकृत् ।ब्रह्माण्डभेदनो ब्रह्मज्ञानी ब्राह्मणपालकः ॥ १३॥

khaṭvāṅgapāṇiḥ khātītaḥ kharaśūlaḥ kharāntakṛt |brahmāṇḍabhedano brahmajñānī brāhmaṇapālakaḥ || 13||

दिग्चरो भूचरो भूष्णुः खेचरः खेलनप्रियः ।सर्वदुष्टप्रहर्ता च सर्वरोगनिषूदनः ।सर्वकामप्रदः शर्वः सर्वपापनिकृन्तनः ॥ १४॥

digcaro bhūcaro bhūṣṇuḥ khecaraḥ khelanapriyaḥ |sarvaduṣṭaprahartā ca sarvaroganiṣūdanaḥ |sarvakāmapradaḥ śarvaḥ sarvapāpanikṛntanaḥ || 14||

इत्थमष्टोत्तरशतं नाम्नां सर्वसमृद्धिदम् ।आपदुद्धारजनकं बटुकस्य प्रकीर्तितम् ॥ १५॥

itthamaṣṭottaraśataṃ nāmnāṃ sarvasamṛddhidam |āpaduddhārajanakaṃ baṭukasya prakīrtitam || 15||

एतच्च शृणुयान्नित्यं लिखेद्वा स्थापयेद्गृहे ।धारयेद्वा गले बाहौ तस्य सर्वा समृद्धयः ॥ १६॥

etacca śṛṇuyānnityaṃ likhedvā sthāpayedgṛhe |dhārayedvā gale bāhau tasya sarvā samṛddhayaḥ || 16||

न तस्य दुरितं किञ्चिन्न चोरनृपजं भयम् ।न चापस्मृतिरोगेभ्यो डाकिनीभ्यो भयं न हि ॥ १७॥

na tasya duritaṃ kiñcinna coranṛpajaṃ bhayam |na cāpasmṛtirogebhyo ḍākinībhyo bhayaṃ na hi || 17||

न कूष्माण्डग्रहादिभ्यो नापमृत्योर्न च ज्वरात् ।मासमेकं त्रिसन्ध्यं तु शुचिर्भूत्वा पठेन्नरः ॥ १८॥

na kūṣmāṇḍagrahādibhyo nāpamṛtyorna ca jvarāt |māsamekaṃ trisandhyaṃ tu śucirbhūtvā paṭhennaraḥ || 18||

सर्वदारिद्र्यनिर्मुक्तो निधिं पश्यति भूतले ।मासद्वयमधीयानः पादुकासिद्धिमान् भवेत् ॥ १९॥

sarvadāridryanirmukto nidhiṃ paśyati bhūtale |māsadvayamadhīyānaḥ pādukāsiddhimān bhavet || 19||

अञ्जनं गुटिका खड्गं धातुवादरसायनम् ।सारस्वतं च वेतालवाहनं बिलसाधनम् ॥ २०॥

añjanaṃ guṭikā khaḍgaṃ dhātuvādarasāyanam |sārasvataṃ ca vetālavāhanaṃ bilasādhanam || 20||

कार्यसिद्धिं महासिद्धिं मन्त्रं चैव समीहितम् ।वर्षमात्रमधीयानः प्राप्नुयात्साधकोत्तमः ॥ २१॥

kāryasiddhiṃ mahāsiddhiṃ mantraṃ caiva samīhitam |varṣamātramadhīyānaḥ prāpnuyātsādhakottamaḥ || 21||

एतत्ते कथितं देवि गुह्याद्गुह्यतरं परम् ।कलिकल्मषनाशनं वशीकरणं चाम्बिके ॥ २२॥

etatte kathitaṃ devi guhyādguhyataraṃ param |kalikalmaṣanāśanaṃ vaśīkaraṇaṃ cāmbike || 22||

॥ इति कालसङ्कर्षणतन्त्रोक्तश्रीबटुकभैरवाष्टोत्तरशतनामस्तोत्रं सम्पूर्णम् ॥

|| iti kālasaṅkarṣaṇatantroktaśrībaṭukabhairavāṣṭottaraśatanāmastotraṃ sampūrṇam ||