कैलासदर्शनम् ५ कैलासदर्शनमहिमवर्णनम् शिवलिङ्गक्षेत्राण्येवम् Shivalingakshetranyevam Kailasadarshanamahimavarnanam

॥ हिमावन्प्रति ईश्वरप्रोक्तं शिवलिङ्गक्षेत्राण्येवं कैलासदर्शनमहिमवर्णनम् ॥(शिवरहस्यान्तर्गते कैलासदर्शनम् ५)ईश्वरः (उवाच)दृष्टः कैलासशैलो मे त्वया नगवरोत्तम ।दृष्टानि शिवलिङ्गानि सर्वपापहराण्यग ॥ २५\।३४॥काट्यर्बुदानि लिङ्गानि गोपुराण्यत्र सत्तम ।प्रासादवरसौधाश्च किं दृष्टा मण्टपावलिः ॥ २५\।३५॥सरांसि रत्नकमलभ्राजिष्ण्वन्ति नगोत्तम ।रत्नानां गिरयोऽप्यद्रे तन्मौलिमणिमण्टपाः ॥ २५\।३६॥कैलासेश्वरलिङ्गं मे दृष्टं मुक्तिप्रदायकंअम्बिकेशं सदाम्बाया हृदयागारसंस्थितम् ॥ २५\।३७॥गणानां भवनान्यत्र किं दृष्टानि त्वयानग(द्रिप) ।महावनानि पुष्पोद्यत्सुरभीणि समन्ततः ॥ २५\।३८॥सहस्रलिङ्गधामोद्यत्कलशाली सुपुण्यदा ।क्रीडारत्नमहासौधपङ्क्ती दृष्टा (पङ्क्तिर्दृष्टा) त्वयानग ॥ २५\।३९॥रम्यं बिल्ववनं दृष्टं मणिलिङ्गोरुमूलकम् ।पुण्याश्चात्र सभादृष्टास्सेयं मे नर्तनस्य हि (नर्तनस्थली) ॥ २५\।४०॥सहस्रायुतलक्षोद्यत्कोटिस्तम्भोरुमण्टपाः ।त्वया दृष्टा नगश्रेष्ठ सागरा मेरुपर्वतः ॥ २५\।४१॥शैलप्राकारराजश्री गोपुरालिवृषावली ।दृष्टं भुवनगोलं ते शिवक्षेत्राण्यपि क्रमात् ॥ २५\।४२॥धन्यस्त्वं नगमूर्धन्य धन्यः कैलासदर्शकः ।कैलासदर्शनेनाद्य सफलं ते जनुर्नग ॥ २५\।४३॥विष्णुब्रह्मादयो देवास्तथान्ये मुनयो गणाः ।कैलासदर्शनार्थाय तप्यन्त्यद्यापि ते तपः ॥ २५\।४४॥किं ममैवानुग्रहेणैव (ममैवानुग्रहेण)कैलासस्याय (मत्कैलासस्य) दर्शनम् ।महादानैश्च विविधैष्षोडशैश्च नगोत्तम ॥ २५\।४५॥मम कैलासभवनदर्शनं नैव जायते ।कोटियज्ञतोभिश्च व्रतोपोषणकृच्छ्रकैः ॥ २५\।४६/ ॥मम कैलासभवनदर्शनं नैव जायते ।अष्टाङ्गयोगैर्विविधैर्यमादिनियमासनैः ॥ २५\।४७/४६॥(अष्टाङ्गयोगैर्विविधैर्नियमादियमासनैः) ॥ २५\।४७/४६॥मम कैलासभवनदर्शनं नैव जायते ।गवां कोटिप्रदानेनाप्यश्वमातङ्गकोटिभिः ॥ २५\।४८/४७॥(गवां कोटिप्रदाने अश्वमातङ्गकोटिभिः) ॥ २५\।४८/४७॥मम कैलासभवनदर्शनं नैव जायते ।धनधान्यमणीनाञ्च वस्त्राभरणदानतः ॥ २५\।४९॥मम कैलासभवनदर्शनं नैव जायते ।तीर्थप्रक्रमकन्यान्नदानैश्च गृहदानतः ॥ २५\।५०॥मम कैलासभवनदर्शनं नैव जायते ।पानीयधूपदीपादिदानेनापि तपस्विषु ॥ २५\।५१॥मम कैलासभवनदर्शनं नैव जायते ।वेद वेदान्तवादैश्च वर्णाश्रमरतात्मनाम् ॥ २५\।५२॥मम कैलासभवनदर्शनं नैव जायते ।किन्तु प्रसादेन मम भक्त्या चैवाप्यनन्यया ॥ २५\।५३॥लभ्यते दर्शनं शैल मम कैलासमौलिगम् ।अनन्यभावस्सततं भस्मपुण्ड्रोज्ज्वलोऽनिशम् ॥ २५\।५४॥रुद्राक्षहारवलयः पञ्चाक्षरपरायणः ।रुद्रलिङ्गार्चनपरो रुद्राध्यायजपादरः ॥ २५\।५५॥शिवक्षेत्रैकवसतिस्तेन लभ्योऽयमद्रिराट् ।किमुक्तेनापि बहुना लभ्योऽयं मदनुग्रहात् ॥ २५\।५६॥न देवो नैव गन्धर्वा ब्रह्मविष्णुमहेश्वराःमनसा तैरचिन्त्योऽयं कैलासो मम भूधरः ॥ २५\।५७॥॥ इति शिवरहस्यान्तर्गते भवाख्ये कैलासदर्शने हिमावन्प्रति ईश्वरप्रोक्तं शिवलिङ्गक्षेत्राण्येवं कैलासदर्शनमहिमवर्णनम् ॥॥ श्रीशिवरहस्यम् । भवाख्यः द्वितीयांशः । अध्यायः २५ । ३४५७ ॥

|| himāvanprati īśvaraproktaṃ śivaliṅgakṣetrāṇyevaṃ kailāsadarśanamahimavarṇanam ||(śivarahasyāntargate kailāsadarśanam 5)īśvaraḥ (uvāca)dṛṣṭaḥ kailāsaśailo me tvayā nagavarottama |dṛṣṭāni śivaliṅgāni sarvapāpaharāṇyaga || 25\|34||kāṭyarbudāni liṅgāni gopurāṇyatra sattama |prāsādavarasaudhāśca kiṃ dṛṣṭā maṇṭapāvaliḥ || 25\|35||sarāṃsi ratnakamalabhrājiṣṇvanti nagottama |ratnānāṃ girayo'pyadre tanmaulimaṇimaṇṭapāḥ || 25\|36||kailāseśvaraliṅgaṃ me dṛṣṭaṃ muktipradāyakaṃambikeśaṃ sadāmbāyā hṛdayāgārasaṃsthitam || 25\|37||gaṇānāṃ bhavanānyatra kiṃ dṛṣṭāni tvayānaga(dripa) |mahāvanāni puṣpodyatsurabhīṇi samantataḥ || 25\|38||sahasraliṅgadhāmodyatkalaśālī supuṇyadā |krīḍāratnamahāsaudhapaṅktī dṛṣṭā (paṅktirdṛṣṭā) tvayānaga || 25\|39||ramyaṃ bilvavanaṃ dṛṣṭaṃ maṇiliṅgorumūlakam |puṇyāścātra sabhādṛṣṭāsseyaṃ me nartanasya hi (nartanasthalī) || 25\|40||sahasrāyutalakṣodyatkoṭistambhorumaṇṭapāḥ |tvayā dṛṣṭā nagaśreṣṭha sāgarā meruparvataḥ || 25\|41||śailaprākārarājaśrī gopurālivṛṣāvalī |dṛṣṭaṃ bhuvanagolaṃ te śivakṣetrāṇyapi kramāt || 25\|42||dhanyastvaṃ nagamūrdhanya dhanyaḥ kailāsadarśakaḥ |kailāsadarśanenādya saphalaṃ te janurnaga || 25\|43||viṣṇubrahmādayo devāstathānye munayo gaṇāḥ |kailāsadarśanārthāya tapyantyadyāpi te tapaḥ || 25\|44||kiṃ mamaivānugraheṇaiva (mamaivānugraheṇa)kailāsasyāya (matkailāsasya) darśanam |mahādānaiśca vividhaiṣṣoḍaśaiśca nagottama || 25\|45||mama kailāsabhavanadarśanaṃ naiva jāyate |koṭiyajñatobhiśca vratopoṣaṇakṛcchrakaiḥ || 25\|46/ ||mama kailāsabhavanadarśanaṃ naiva jāyate |aṣṭāṅgayogairvividhairyamādiniyamāsanaiḥ || 25\|47/46||(aṣṭāṅgayogairvividhairniyamādiyamāsanaiḥ) || 25\|47/46||mama kailāsabhavanadarśanaṃ naiva jāyate |gavāṃ koṭipradānenāpyaśvamātaṅgakoṭibhiḥ || 25\|48/47||(gavāṃ koṭipradāne aśvamātaṅgakoṭibhiḥ) || 25\|48/47||mama kailāsabhavanadarśanaṃ naiva jāyate |dhanadhānyamaṇīnāñca vastrābharaṇadānataḥ || 25\|49||mama kailāsabhavanadarśanaṃ naiva jāyate |tīrthaprakramakanyānnadānaiśca gṛhadānataḥ || 25\|50||mama kailāsabhavanadarśanaṃ naiva jāyate |pānīyadhūpadīpādidānenāpi tapasviṣu || 25\|51||mama kailāsabhavanadarśanaṃ naiva jāyate |veda vedāntavādaiśca varṇāśramaratātmanām || 25\|52||mama kailāsabhavanadarśanaṃ naiva jāyate |kintu prasādena mama bhaktyā caivāpyananyayā || 25\|53||labhyate darśanaṃ śaila mama kailāsamauligam |ananyabhāvassatataṃ bhasmapuṇḍrojjvalo'niśam || 25\|54||rudrākṣahāravalayaḥ pañcākṣaraparāyaṇaḥ |rudraliṅgārcanaparo rudrādhyāyajapādaraḥ || 25\|55||śivakṣetraikavasatistena labhyo'yamadrirāṭ |kimuktenāpi bahunā labhyo'yaṃ madanugrahāt || 25\|56||na devo naiva gandharvā brahmaviṣṇumaheśvarāḥmanasā tairacintyo'yaṃ kailāso mama bhūdharaḥ || 25\|57|||| iti śivarahasyāntargate bhavākhye kailāsadarśane himāvanprati īśvaraproktaṃ śivaliṅgakṣetrāṇyevaṃ kailāsadarśanamahimavarṇanam |||| śrīśivarahasyam | bhavākhyaḥ dvitīyāṃśaḥ | adhyāyaḥ 25 | 3457 ||

– ॥ श्रीशिवरहस्यम् ।भवाख्यः द्वितीयांशः ।अध्यायः २५ – शिववाक्यम् ॥

– || śrīśivarahasyam |bhavākhyaḥ dvitīyāṃśaḥ |adhyāyaḥ 25 – śivavākyam ||