शिवस्तुतयः Shivakshetreshu Sundarakrita Shivastutayah

(शिवरहस्यान्तर्गते सदाशिवाख्ये)सुन्दरः उवाच ।(कमलालये पञ्चलिङ्गानि)आनन्देश सुनन्दित त्रिभुवने मन्दारवृन्दानतपादाब्जोत्थमरन्दसुन्दरमहानन्दाम्बुवीचीस्थितः ।मच्चित्ताख्यमिलिन्द एव नितरां पातुं तवाद्यादरान्निन्दन्नर्थचतुष्टयं कलयते पुण्येन्दिरायाः पुरे ॥ ५॥

(śivarahasyāntargate sadāśivākhye)sundaraḥ uvāca |(kamalālaye pañcaliṅgāni)ānandeśa sunandita tribhuvane mandāravṛndānatapādābjotthamarandasundaramahānandāmbuvīcīsthitaḥ |maccittākhyamilinda eva nitarāṃ pātuṃ tavādyādarānnindannarthacatuṣṭayaṃ kalayate puṇyendirāyāḥ pure || 5||

सिद्धेश सिद्धनिगमोत्तममौलिवाचामोचासदृक्षवचसा त्वयि विद्धि भावम् ।मुग्धेन्दुसिद्धसुललामनिजाक्षसोममामद्य पाहि भवसिसिद्धिकरो महेश ॥ ७॥

siddheśa siddhanigamottamamaulivācāmocāsadṛkṣavacasā tvayi viddhi bhāvam |mugdhendusiddhasulalāmanijākṣasomamāmadya pāhi bhavasisiddhikaro maheśa || 7||

अचलाधिपराजकन्या(यका)कुचलीलायितवक्षसा विशाल ।निटिलानलदग्धपुष्पबाणअचलेशान नमामि ते पदाब्जम् ॥ ९॥

acalādhiparājakanyā(yakā)kucalīlāyitavakṣasā viśāla |niṭilānaladagdhapuṣpabāṇaacaleśāna namāmi te padābjam || 9||

अहिकटकाति पाद देव मौलिकोटीविलसद्गाङ्गजटोरुजूट पाहि ।नटनेन निमग्न भूतलकरटित्वक्कृतचेल हाटकेश पाहि ॥ ११॥

ahikaṭakāti pāda deva maulikoṭīvilasadgāṅgajaṭorujūṭa pāhi |naṭanena nimagna bhūtalakaraṭitvakkṛtacela hāṭakeśa pāhi || 11||

चन्द्रापीडकचोरुमौलिमणिभा(सन्दीप्तजूटान्तरप्रोद्यद्) गाङ्गतरङ्गसम्भवलसद्रक्तोरुसद्धल्लक ।तत्रत्योरुसमीरलोलितमहागन्धानुबन्धोद्यतदिग्वक्त्राणि परागितानि हि विभो पापापहन्तॄणि ते ॥ १३॥

candrāpīḍakacorumaulimaṇibhā(sandīptajūṭāntaraprodyad) gāṅgataraṅgasambhavalasadraktorusaddhallaka |tatratyorusamīralolitamahāgandhānubandhodyatadigvaktrāṇi parāgitāni hi vibho pāpāpahantṝṇi te || 13||

त्वं शम्भुः काल्मलीकिः श्रुति गदितयशा बिल्मिनीबिल्वपूज्योवल्मीकोरुसुमध्यसंस्थित महालिङ्गत्वद(सम)द्राक्षिषम् ।धन्यस्तेन सुरादिमान्यपदवीं प्राप्तां च मन्ये विभोको वाऽन्यो हि समुद्दिधीर्षुरिह मां संसारसन्तारणे(कोऽन्यो मां समुजीर्षुरेव भगवन्संसारसन्तारणे) ॥ १४॥

tvaṃ śambhuḥ kālmalīkiḥ śruti gaditayaśā bilminībilvapūjyovalmīkorusumadhyasaṃsthita mahāliṅgatvada(sama)drākṣiṣam |dhanyastena surādimānyapadavīṃ prāptāṃ ca manye vibhoko vā'nyo hi samuddidhīrṣuriha māṃ saṃsārasantāraṇe(ko'nyo māṃ samujīrṣureva bhagavansaṃsārasantāraṇe) || 14||

भव भूतपते भवोद्भवाद्यविभवं भावुकमेव तेऽनुभवम् ।भवसन्तरणाय शम्भवेहर भर्गामल भीम भव्य पाहि ॥ १५॥

bhava bhūtapate bhavodbhavādyavibhavaṃ bhāvukameva te'nubhavam |bhavasantaraṇāya śambhavehara bhargāmala bhīma bhavya pāhi || 15||

भर्गानङ्गविलोपिलोचन विभो गङ्गावतंसोज्ज्वलज्ज्वालाक्षातुल जालकीलितपुरं सङ्कीलितं ते क्षणात् ।घूर्णन्ती त्रिदशोरुघोरपटलीभूर्णिः दृशा ते विभोसम्पूर्णं पुनरेव ते हर विभोऽपर्णापते पाहि माम् ॥ १६॥

bhargānaṅgavilopilocana vibho gaṅgāvataṃsojjvalajjvālākṣātula jālakīlitapuraṃ saṅkīlitaṃ te kṣaṇāt |ghūrṇantī tridaśorughorapaṭalībhūrṇiḥ dṛśā te vibhosampūrṇaṃ punareva te hara vibho'parṇāpate pāhi mām || 16||

गङ्गातुङ्गतरङ्ग(सङ्ग) सुमहामौले कुरङ्गाङ्कधृक्मातङ्गत्वगलङ्कृताङ्ग भुजगाभोगाङ्गसङ्ग प्रभो ।उक्षाङ्गस्थित दिव्यभस्मलसित गङ्गातरङ्गोल्लसत्त्यागाधीशमहोऽगजामुखकृपापाङ्गं भजे शङ्करम् ॥ ३५॥

gaṅgātuṅgataraṅga(saṅga) sumahāmaule kuraṅgāṅkadhṛkmātaṅgatvagalaṅkṛtāṅga bhujagābhogāṅgasaṅga prabho |ukṣāṅgasthita divyabhasmalasita gaṅgātaraṅgollasattyāgādhīśamaho'gajāmukhakṛpāpāṅgaṃ bhaje śaṅkaram || 35||

मातङ्गानङ्गभङ्गं मुररिपुहृदयानन्दसन्दोहदं तं ।कुन्देन्दुद्युतिरञ्जितं हृदि भजे त्यागाधिपं शङ्करम् ॥ ३६॥

mātaṅgānaṅgabhaṅgaṃ muraripuhṛdayānandasandohadaṃ taṃ |kundendudyutirañjitaṃ hṛdi bhaje tyāgādhipaṃ śaṅkaram || 36||

मद्भागधेय नगजार्धकृताङ्गसङ्गसारङ्गरञ्जितकरं वरलिङ्गसङ्ग ।हे नीलकण्ठ हृदये तव पद्मपादंउल्लासतां हि भगवन् हर त्यागराज ॥ ३७॥

madbhāgadheya nagajārdhakṛtāṅgasaṅgasāraṅgarañjitakaraṃ varaliṅgasaṅga |he nīlakaṇṭha hṛdaye tava padmapādaṃullāsatāṃ hi bhagavan hara tyāgarāja || 37||

॥ इति शिवरहस्यान्तर्गते शिवक्षेत्रेषु सुन्दरकृता शिवस्तुतयः सम्पूर्णाः ॥॥ श्रीशिवरहस्यम् । सदाशिवाख्यः नवमांशः । अध्यायः २३ महेश्वरप्रसादः । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । अध्यायः २३ महेश्वरप्रसादः । वावृत्तश्लोकाः ॥

|| iti śivarahasyāntargate śivakṣetreṣu sundarakṛtā śivastutayaḥ sampūrṇāḥ |||| śrīśivarahasyam | sadāśivākhyaḥ navamāṃśaḥ | adhyāyaḥ 23 maheśvaraprasādaḥ | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | adhyāyaḥ 23 maheśvaraprasādaḥ | vāvṛttaślokāḥ ||