शिवशिवास्तुतयः Shivakshetreshu Sundarakrita Shivashivastutayah

(शिवरहस्यान्तर्गते सदाशिवाख्ये)सुन्दरः उवाच ।(काञ्चीक्षेत्रे कम्पातटे)हे कामनाशन हिरण्मयदर्शनाङ्गहे व्योमकेश गरलाशन कालकाल ।हे शाश्वताव्यय विभो मुदिराभकण्ठत्वत्सत्प्रभा मम हृदि प्रसरत्ववश्यम् ॥ १४॥

(śivarahasyāntargate sadāśivākhye)sundaraḥ uvāca |(kāñcīkṣetre kampātaṭe)he kāmanāśana hiraṇmayadarśanāṅgahe vyomakeśa garalāśana kālakāla |he śāśvatāvyaya vibho mudirābhakaṇṭhatvatsatprabhā mama hṛdi prasaratvavaśyam || 14||

शम्भो रसालवरमूलग कालकालहालाहलोत्तमगलामल हस्तशूल ।भालानलज्वलितकामसुदेहतूलव्यालोरुमाल परिपाहि जगत्सुमूल ॥ २१॥

śambho rasālavaramūlaga kālakālahālāhalottamagalāmala hastaśūla |bhālānalajvalitakāmasudehatūlavyālorumāla paripāhi jagatsumūla || 21||

देवि त्वं गिरिराजसागर कुलोत्तुङ्गोद चन्द्रोज्ज्वले(देवि त्वं गिरिराजराजसुकुलोत्तुङ्गाब्धिचन्द्रोज्ज्वले)नीलेन्दीवरलोचनोरुयुगले नीलालकालङ्कृते ।पूर्णेन्दुद्युतिकान्तिराजितमुखे बिम्बाधरे कुन्दजभ्राजत्कोरकदन्तपङ्क्तिमधुरे कामाक्षि तुभ्यं नमः ॥ २३॥

devi tvaṃ girirājasāgara kulottuṅgoda candrojjvale(devi tvaṃ girirājarājasukulottuṅgābdhicandrojjvale)nīlendīvaralocanoruyugale nīlālakālaṅkṛte |pūrṇendudyutikāntirājitamukhe bimbādhare kundajabhrājatkorakadantapaṅktimadhure kāmākṣi tubhyaṃ namaḥ || 23||

त्वं मत्तेभमराळराजगमने मत्तेभकुम्भाभजित्कान्तोतुङ्गकुचद्वयीपरियुते व्यालाभवेणीस्फुरद्रत्नभ्राजितपद्मपुष्प विलसन्नासालसन्मौक्तिकेमञ्जीरद्वयपादपद्मजरणत्पद्माभपादद्वये ॥ २४॥

tvaṃ mattebhamarāḷarājagamane mattebhakumbhābhajitkāntotuṅgakucadvayīpariyute vyālābhaveṇīsphuradratnabhrājitapadmapuṣpa vilasannāsālasanmauktikemañjīradvayapādapadmajaraṇatpadmābhapādadvaye || 24||

काञ्चीकाञ्चितसत्कटीतटयुते हस्तोल्लसत्कङ्कणे ।कौसुम्भद्युति चञ्चलाङ्गलतिके कामाक्षि तुभ्यं नमः ॥ २५॥

kāñcīkāñcitasatkaṭītaṭayute hastollasatkaṅkaṇe |kausumbhadyuti cañcalāṅgalatike kāmākṣi tubhyaṃ namaḥ || 25||

(वृद्धाचले)भगणाधिपचूडमौलि शम्भोउगण त्वां गणवृन्दवन्दिताङ्घ्रिम् ।अरुणाधिपाधुना पदं तेशरणं यामि शरण्यमिन्दुमौले ॥ २९॥

(vṛddhācale)bhagaṇādhipacūḍamauli śambhougaṇa tvāṃ gaṇavṛndavanditāṅghrim |aruṇādhipādhunā padaṃ teśaraṇaṃ yāmi śaraṇyamindumaule || 29||

वरुणालयपारणानतं तेपदपद्मं मरणेऽपि ये स्मरन्ति ।तरुणं च भवेद्भवाम्बुधेःकरुणाशालि कटाक्षवीक्षणं ते ॥ ३०॥

varuṇālayapāraṇānataṃ tepadapadmaṃ maraṇe'pi ye smaranti |taruṇaṃ ca bhavedbhavāmbudheḥkaruṇāśāli kaṭākṣavīkṣaṇaṃ te || 30||

(गोपवर्ते)विद्युत्पिङ्गजटोत्तमाङ्ग सुमहामातङ्गचर्माम्बरगङ्गातुङ्गतरङ्गसङ्गम महालिङ्गाङ्गसंस्थ प्रभो ।उक्षाङ्गस्थित कामिनीविलसितस्वार्धाङ्ग कौरङ्गसंल्लक्ष्मालङ्कृतमौलिवीक्षणभवत्पातङ्गनङ्गागतेपादाब्ज दृगपाङ्गतोऽद्यकलये मोक्षश्रिया सङ्गतम् ॥ ३४॥

(gopavarte)vidyutpiṅgajaṭottamāṅga sumahāmātaṅgacarmāmbaragaṅgātuṅgataraṅgasaṅgama mahāliṅgāṅgasaṃstha prabho |ukṣāṅgasthita kāminīvilasitasvārdhāṅga kauraṅgasaṃllakṣmālaṅkṛtamaulivīkṣaṇabhavatpātaṅganaṅgāgatepādābja dṛgapāṅgato'dyakalaye mokṣaśriyā saṅgatam || 34||

(पुण्डरीकपुरे)त्वमङ्घ्रिपाणां पतिरिन्दुमौलेगिरीश इत्येव श्रुतेर्गिरेडितः ।क्व ते स्तुतिर्वाङ्मनसामगोचरान मेऽनुभाव्या पदवीमथाणु ॥ ३७॥

(puṇḍarīkapure)tvamaṅghripāṇāṃ patirindumaulegirīśa ityeva śrutergireḍitaḥ |kva te stutirvāṅmanasāmagocarāna me'nubhāvyā padavīmathāṇu || 37||

(अभ्रसभान्तरे)शम्भो बालेन्दुचूडद्युतिविजितदिशास्तोमसीमानुरागंफुल्लोल्लेखमुखान्तभागकुमुदां स्तोमाविभूमानि ते ।सामस्तोमगुणभिरामनितरां श्रीवामदेव प्रभोकामाङ्गोत्थितभस्म रञ्जिततनो मां पाहि साम्ब प्रभो ॥ ५१॥

(abhrasabhāntare)śambho bālenducūḍadyutivijitadiśāstomasīmānurāgaṃphullollekhamukhāntabhāgakumudāṃ stomāvibhūmāni te |sāmastomaguṇabhirāmanitarāṃ śrīvāmadeva prabhokāmāṅgotthitabhasma rañjitatano māṃ pāhi sāmba prabho || 51||

कालव्यालमुखानलोद्धत महाज्वालादिदग्धं जगत्त्वत्सोमाञ्चितलोचनेन नितरां पुष्प्येत तुष्येत च ।पुष्प्यत्त्वत्पदपद्मसंयुतमहामञ्जीर शिञ्जद्ध्वनोदूरीकर्तुमलं महाधजनितं सन्तापवृन्दं हर ॥ ५२॥

kālavyālamukhānaloddhata mahājvālādidagdhaṃ jagattvatsomāñcitalocanena nitarāṃ puṣpyeta tuṣyeta ca |puṣpyattvatpadapadmasaṃyutamahāmañjīra śiñjaddhvanodūrīkartumalaṃ mahādhajanitaṃ santāpavṛndaṃ hara || 52||

मन्दारवृन्दमकुटीतटपादपद्मनिर्यन्मरन्दरसलग्नमधुव्रतोऽयम् ।नान्यं हृदेच्छति सुरान्तरसंविलग्नंभुग्नं सदा भजति ते पदपद्मलग्नः ॥ ५३॥

mandāravṛndamakuṭītaṭapādapadmaniryanmarandarasalagnamadhuvrato'yam |nānyaṃ hṛdecchati surāntarasaṃvilagnaṃbhugnaṃ sadā bhajati te padapadmalagnaḥ || 53||

संसार सर्पो(घोरो)द्वतसर्पदष्टादुष्टा अपि प्रमथनाथ तवेह भावात् ।शिष्टास्त एव जगति शिपिविष्टनिष्ठानिष्ठास्तु ते तनुभृतां स्वत एव धृ(हृ)ष्टाः ॥ ५४॥

saṃsāra sarpo(ghoro)dvatasarpadaṣṭāduṣṭā api pramathanātha taveha bhāvāt |śiṣṭāsta eva jagati śipiviṣṭaniṣṭhāniṣṭhāstu te tanubhṛtāṃ svata eva dhṛ(hṛ)ṣṭāḥ || 54||

कोवा पूजयिता भवेत्कुसुमतो यन्मौलिमूलं हरिःब्रह्मा वाप्यनुमीतवांस्तव विभो कस्ते सदृक्षो गुणः ।कामं मे शिवकामसुन्दरि भृशं सम्पूरयेताम्बिकेमद्भावं विनिवेदयाशु गिरिजे श्रीव्योमकेशाय तु ॥ ५५॥

kovā pūjayitā bhavetkusumato yanmaulimūlaṃ hariḥbrahmā vāpyanumītavāṃstava vibho kaste sadṛkṣo guṇaḥ |kāmaṃ me śivakāmasundari bhṛśaṃ sampūrayetāmbikemadbhāvaṃ vinivedayāśu girije śrīvyomakeśāya tu || 55||

त्वं माता जगतां जनित्रि स पिता विश्वेश्वरो मेऽधुनातस्मात्त्वत्पदभक्तिभावमतुलं त्वं देहि विश्वेश्वरि ।इत्युक्त्वा प्रणनाम शम्भुपदयोः सानन्दवार्धौ सदामग्नः शम्भुसलीललास्य विलसल्लोकेऽनुलोकोत्तरम् ॥ ५६॥

tvaṃ mātā jagatāṃ janitri sa pitā viśveśvaro me'dhunātasmāttvatpadabhaktibhāvamatulaṃ tvaṃ dehi viśveśvari |ityuktvā praṇanāma śambhupadayoḥ sānandavārdhau sadāmagnaḥ śambhusalīlalāsya vilasalloke'nulokottaram || 56||

॥ इति शिवरहस्यान्तर्गते शिवक्षेत्रेषु सुन्दरकृता शिवशिवास्तुतयः सम्पूर्णाः ॥॥ श्रीशिवरहस्यम् । सदाशिवाख्यः नवमांशः । अध्यायः २१ (चित्)सभादर्शनम् । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । अध्यायः २१ (चित्)सभादर्शनम् । वावृत्तश्लोकाः ॥

|| iti śivarahasyāntargate śivakṣetreṣu sundarakṛtā śivaśivāstutayaḥ sampūrṇāḥ |||| śrīśivarahasyam | sadāśivākhyaḥ navamāṃśaḥ | adhyāyaḥ 21 (cit)sabhādarśanam | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | adhyāyaḥ 21 (cit)sabhādarśanam | vāvṛttaślokāḥ ||