शिवक्षेत्राणिवर्णनम् १ Shivakshetrani Varnanam

ईश्वरःसप्तजन्मकृतैः पापैस्तरक्षणादेव मुच्यते ।भूम्यामेतन्नासिकाख्यं क्षेत्रमासीन्मनोरमे ॥ १७॥

īśvaraḥsaptajanmakṛtaiḥ pāpaistarakṣaṇādeva mucyate |bhūmyāmetannāsikākhyaṃ kṣetramāsīnmanorame || 17||

तस्मान्नासात्र्यम्बकाख्यं वर्णयन्ति पुराविदः । (तस्मान्नासां त्र्यम्बकाख्यां)अविमुक्तं च भूस्थानं हालास्यं द्वादशान्तकम् ॥ १८॥

tasmānnāsātryambakākhyaṃ varṇayanti purāvidaḥ | (tasmānnāsāṃ tryambakākhyāṃ)avimuktaṃ ca bhūsthānaṃ hālāsyaṃ dvādaśāntakam || 18||

श्रीशैलोज्जयिनी देवि नेत्रे मम मनोरमे ।ओङ्कारः कण्ठममलं श्रवणे कुण्डलीश्वरम् ॥ १९॥

śrīśailojjayinī devi netre mama manorame |oṅkāraḥ kaṇṭhamamalaṃ śravaṇe kuṇḍalīśvaram || 19||

केदारं चैव कल्याणि अन्यान्यङ्गानि सत्तमे ।भूमण्डलगतानीह शिवक्षेत्राणि शङ्करि ॥ २०॥

kedāraṃ caiva kalyāṇi anyānyaṅgāni sattame |bhūmaṇḍalagatānīha śivakṣetrāṇi śaṅkari || 20||

द्विसप्ततिसहस्राणि नाडीजातं ममाङ्गने ।श्रीमच्चिदम्बरं देवि हृद्यं यन्मम सद्म तत् ॥ २१॥

dvisaptatisahasrāṇi nāḍījātaṃ mamāṅgane |śrīmaccidambaraṃ devi hṛdyaṃ yanmama sadma tat || 21||

तत्राहं सर्वदा देवि निवसामि स्वरूपतः ।त्वया च गणपैः सार्धं स्कन्दविघ्नेश्वरेण च ॥ २२॥

tatrāhaṃ sarvadā devi nivasāmi svarūpataḥ |tvayā ca gaṇapaiḥ sārdhaṃ skandavighneśvareṇa ca || 22||

चिदम्बरमिति प्रोक्तं वेदवेदान्तसंस्तुतम् ।मां सर्वे तत्र नृत्यन्तं वर्णयन्ति मुनीश्वराः ॥ २३॥

cidambaramiti proktaṃ vedavedāntasaṃstutam |māṃ sarve tatra nṛtyantaṃ varṇayanti munīśvarāḥ || 23||

॥ इति शिवरहस्यान्तर्गते शिवगौरीसंवादे शिवक्षेत्राणिवर्णनं सम्पूर्णम् ॥॥ श्रीशिवरहस्यम् । भर्गाख्यः पञ्चमांशः । अध्यायः २२॥– ॥ श्रीशिवरहस्यम् । भर्गाख्यः पन्चमांशः । अध्यायः २२॥

|| iti śivarahasyāntargate śivagaurīsaṃvāde śivakṣetrāṇivarṇanaṃ sampūrṇam |||| śrīśivarahasyam | bhargākhyaḥ pañcamāṃśaḥ | adhyāyaḥ 22||– || śrīśivarahasyam | bhargākhyaḥ pancamāṃśaḥ | adhyāyaḥ 22||