पुष्करेश्वरमहिमवर्णनं शिवप्रोक्तम् एवं ब्रह्माद्याकृता शिवस्तुतिः Shiva Stuti by Brahmadya and Pushkareshvara Mahima Varnanam by Shiva

(शिवगौरीसंवादे)ब्रह्माद्याःत्वं राजा मखभाङ्महेश सततं त्वामाह्वयन्तेऽध्वरेसाम्ना ऋय्ग्गणयाजुषैः प्रतिपदं रुद्रोऽग्निरित्याह हि ।त्वन्मायाधिगमेन मोहमतयः सर्वामरैस्तुल्यतांदृष्ट्वा त्वामधिगम्य कष्टमखिलं त्यक्त्त्वा प्रमोदामहे ॥ ७९॥

(śivagaurīsaṃvāde)brahmādyāḥtvaṃ rājā makhabhāṅmaheśa satataṃ tvāmāhvayante'dhvaresāmnā ṛyggaṇayājuṣaiḥ pratipadaṃ rudro'gnirityāha hi |tvanmāyādhigamena mohamatayaḥ sarvāmaraistulyatāṃdṛṣṭvā tvāmadhigamya kaṣṭamakhilaṃ tyakttvā pramodāmahe || 79||

अहो देव मुग्धेन्दुचूड प्रसीद निषद्यादिबर्हिस्त्वमीशान तुष्टः । (निषादादि)प्रकृष्टं महाकष्टजालं ममाघं हरस्वेश शम्भो प्रसीद प्रसीद ॥ ८०॥

aho deva mugdhenducūḍa prasīda niṣadyādibarhistvamīśāna tuṣṭaḥ | (niṣādādi)prakṛṣṭaṃ mahākaṣṭajālaṃ mamāghaṃ harasveśa śambho prasīda prasīda || 80||

यया मायया मोहमायान्ति सर्वे तवाङ्के निषण्णा भवानीति गीता ।भवान्मायिमायी भवानादिकर्ता भवत्तोऽखिलं जातमेदद्विचित्रम् ॥ ८१॥

yayā māyayā mohamāyānti sarve tavāṅke niṣaṇṇā bhavānīti gītā |bhavānmāyimāyī bhavānādikartā bhavatto'khilaṃ jātamedadvicitram || 81||

ईश्वरःइत्थं स्तुतोऽहं देवेशि तैस्तदा दर्शितं मया ।रूपं त्रिलोचनं साम्बं नीलग्रीवं त्रिशूलकम् ॥ ८२॥

īśvaraḥitthaṃ stuto'haṃ deveśi taistadā darśitaṃ mayā |rūpaṃ trilocanaṃ sāmbaṃ nīlagrīvaṃ triśūlakam || 82||

पुनः प्रणेमुर्मां दृष्ट्वा ब्रह्मविष्णुसुरा द्विजाः ।तदा प्राञ्जलयः सर्वे मां स्तुवन्ति तदांऽबिके ॥ ८३॥

punaḥ praṇemurmāṃ dṛṣṭvā brahmaviṣṇusurā dvijāḥ |tadā prāñjalayaḥ sarve māṃ stuvanti tadāṃ'bike || 83||

ब्रह्माद्याःविश्वाधिकस्त्वं भगवान्महर्षिः हिरण्यगर्भं जायमानं च पश्येः ।सत्यं देवः शुभया माम हि बुद्।ह्ध्या नियोजयस्वाशु महेश शम्भो ॥ ८४॥

brahmādyāḥviśvādhikastvaṃ bhagavānmaharṣiḥ hiraṇyagarbhaṃ jāyamānaṃ ca paśyeḥ |satyaṃ devaḥ śubhayā māma hi bud|hdhyā niyojayasvāśu maheśa śambho || 84||

त्वत्तः परं नापरमस्ति किञ्चित्त्वत्तो नाणीयान्न समश्चाधिको वा ।वृक्ष इव त्वं स्थाणुरीशश्च नित्यस्त्वया पूर्ण जगदेतद्विचित्रम् ॥ ८५॥

tvattaḥ paraṃ nāparamasti kiñcittvatto nāṇīyānna samaścādhiko vā |vṛkṣa iva tvaṃ sthāṇurīśaśca nityastvayā pūrṇa jagadetadvicitram || 85||

न जानन्ति वेदा न जानन्ति देवा न जानति त्वामात्मसंस्थं महेशम् ।प्रकृष्टोरुपुण्यैर्यदि त्यक्तमोहो भवत्पादसक्तो भवेत्तस्य सिद्धिः ॥ ८६॥

na jānanti vedā na jānanti devā na jānati tvāmātmasaṃsthaṃ maheśam |prakṛṣṭorupuṇyairyadi tyaktamoho bhavatpādasakto bhavettasya siddhiḥ || 86||

ईश्वरःदेवि तेषां स्तुतिं श्रुत्वा तानवोचं प्रहर्षितः ।पुष्करे संस्थिता विप्रा मत्पादशरणास्तथा ॥ ८७॥

īśvaraḥdevi teṣāṃ stutiṃ śrutvā tānavocaṃ praharṣitaḥ |puṣkare saṃsthitā viprā matpādaśaraṇāstathā || 87||

क्षेत्रिणो भवता पूज्यास्तथान्येऽपि मुनीश्वराः ।क्षेत्रमागत्य यः कोऽपि क्षेत्रस्थान्पूजयेत्पुरः ॥ ८८॥

kṣetriṇo bhavatā pūjyāstathānye'pi munīśvarāḥ |kṣetramāgatya yaḥ ko'pi kṣetrasthānpūjayetpuraḥ || 88||

अथान्यानर्चयेत्पश्चाद्यदि पात्रानहो विधे ।मद्भक्ताः शाम्भवश्रेष्ठा भक्तपूजा ममेष्टदा ॥ ८९॥

athānyānarcayetpaścādyadi pātrānaho vidhe |madbhaktāḥ śāmbhavaśreṣṭhā bhaktapūjā mameṣṭadā || 89||

विहाय भक्तान्मय्येव अन्यं सम्पूजयन्ति ये ।तैः कष्टं प्राप्यते ब्रह्मन्पुष्करेऽन्यत्र वा सदा ॥ ९०॥

vihāya bhaktānmayyeva anyaṃ sampūjayanti ye |taiḥ kaṣṭaṃ prāpyate brahmanpuṣkare'nyatra vā sadā || 90||

पुष्करे त्वत्कृतो यज्ञः स्वाद्वन्नो बहुदक्षिणः ।मत्प्रीतिजनको जातः फलं तेऽष्टगुणं भवेत् ॥ ९१॥

puṣkare tvatkṛto yajñaḥ svādvanno bahudakṣiṇaḥ |matprītijanako jātaḥ phalaṃ te'ṣṭaguṇaṃ bhavet || 91||

यस्तु पुष्करमासाद्य नानाधर्मगणं चरन् ।तस्याष्टगुणितं भूयादिति मे व्रतमाहितम् ॥ ९२॥

yastu puṣkaramāsādya nānādharmagaṇaṃ caran |tasyāṣṭaguṇitaṃ bhūyāditi me vratamāhitam || 92||

एतत्कपालानुगुणं जाताः पूर्वें पितामहाः ।सप्रजानि व्यतीतानि मन्वन्तरशतानि च ॥ ९३॥

etatkapālānuguṇaṃ jātāḥ pūrveṃ pitāmahāḥ |saprajāni vyatītāni manvantaraśatāni ca || 93||

अस्मिन्संसारचक्रे त्वं मा गर्वं वह पद्मज ।प्रणम्य मां तदा ब्रह्मा तान्विप्रान्पूजयत्तदा ॥ ९४॥

asminsaṃsāracakre tvaṃ mā garvaṃ vaha padmaja |praṇamya māṃ tadā brahmā tānviprānpūjayattadā || 94||

गोभिरन्यैश्च वासोभिः शाम्भवान्पुष्करस्थितान् ।स्नानार्थं सरसस्तस्मादानीतेयं सरस्वती ॥ ९५॥

gobhiranyaiśca vāsobhiḥ śāmbhavānpuṣkarasthitān |snānārthaṃ sarasastasmādānīteyaṃ sarasvatī || 95||

ज्येष्ठं पुष्करमासाद्य तरङ्गावलिभासुरा ।तत्रावभृथमासाद्य रराज स पितामहः ॥ ९६॥

jyeṣṭhaṃ puṣkaramāsādya taraṅgāvalibhāsurā |tatrāvabhṛthamāsādya rarāja sa pitāmahaḥ || 96||

सावित्र्या चैव गायत्र्या ऋत्विग्भिश्च सुरासुरैः ।पुष्करेशं समभ्यर्च्य स्तोत्रमेतज्जगाद च ॥ ९७॥

sāvitryā caiva gāyatryā ṛtvigbhiśca surāsuraiḥ |puṣkareśaṃ samabhyarcya stotrametajjagāda ca || 97||

ब्रह्मायं विभेय विमृशामहे शतम् ।निदधामोऽञ्जलिजालव्रतैः ॥ ९८॥

brahmāyaṃ vibheya vimṛśāmahe śatam |nidadhāmo'ñjalijālavrataiḥ || 98||

अनेकविधि कल्पितं हर कपालमालाधरहरस्व विलसच्छ्रुतिप्रभव पापतापापह ।अखर्वजनिदुर्दशां प्रतिपदं विनाशाशुभंमहेश जनिमार्जनाद्भव भवादिबन्धं हर ॥ ९९॥

anekavidhi kalpitaṃ hara kapālamālādharaharasva vilasacchrutiprabhava pāpatāpāpaha |akharvajanidurdaśāṃ pratipadaṃ vināśāśubhaṃmaheśa janimārjanādbhava bhavādibandhaṃ hara || 99||

ईश्वरःस्तुत्वा मां स तदा ब्रह्मा प्रणम्याथ जगौ सुरान् ॥ १००॥

īśvaraḥstutvā māṃ sa tadā brahmā praṇamyātha jagau surān || 100||

पुष्करे दुष्करो वासः पुष्करे दुष्करं तपः ।पुष्करे दुष्करं दानं पात्रं तत्र सुदुष्करम् ॥ १०१॥

puṣkare duṣkaro vāsaḥ puṣkare duṣkaraṃ tapaḥ |puṣkare duṣkaraṃ dānaṃ pātraṃ tatra suduṣkaram || 101||

सरस्वती पुण्यतमा तदा याता महार्णवम् ।कार्तिङ्क्यां तु विशेषेण स्नानं पुण्यं हि पुष्करे ॥ १०२॥

sarasvatī puṇyatamā tadā yātā mahārṇavam |kārtiṅkyāṃ tu viśeṣeṇa snānaṃ puṇyaṃ hi puṣkare || 102||

सूतःइत्थं स वेधाः प्रजगाम चोक्त्वा देवैः स्वलोकं परमं मुनीन्द्रैः ।यः पुष्करं संस्मरति दिने दिने न तस्य पापानि भजन्ति वृद्धिम् ॥ १०३॥

sūtaḥitthaṃ sa vedhāḥ prajagāma coktvā devaiḥ svalokaṃ paramaṃ munīndraiḥ |yaḥ puṣkaraṃ saṃsmarati dine dine na tasya pāpāni bhajanti vṛddhim || 103||

॥ इति शिवरहस्यान्तर्गते शिवगौरीसंवादे ब्रह्माद्याकृता शिवस्तुतिरेवं शिवप्रोक्तं पुष्करेश्वरमहिमवर्णनं सम्पूर्णम् ॥॥ श्रीशिवरहस्यम् । भर्गाख्यः पञ्चमांशः । अध्यायः ३५॥ ७९१०३॥

|| iti śivarahasyāntargate śivagaurīsaṃvāde brahmādyākṛtā śivastutirevaṃ śivaproktaṃ puṣkareśvaramahimavarṇanaṃ sampūrṇam |||| śrīśivarahasyam | bhargākhyaḥ pañcamāṃśaḥ | adhyāyaḥ 35|| 79103||

– ॥ श्रीशिवरहस्यम् ।भर्गाख्यः पन्चमांशः ।अध्यायः ३५॥ ७९-१०३॥

– || śrīśivarahasyam |bhargākhyaḥ pancamāṃśaḥ |adhyāyaḥ 35|| 79-103||