शिवस्तवः ४ Shiva Stavah

सर्वज्ञज्ञानविज्ञानप्रदानैकमहात्मनेनमस्ते देवदेवेश सर्वभूतहिते रत ॥ १॥

sarvajñajñānavijñānapradānaikamahātmanenamaste devadeveśa sarvabhūtahite rata || 1||

अनन्तकान्तिसम्पन्न अनन्तासनसंस्थित ।अनन्तकान्तिसम्भोग परमेश नमोऽस्तु ते ॥ २॥

anantakāntisampanna anantāsanasaṃsthita |anantakāntisambhoga parameśa namo'stu te || 2||

परापरपरातीत उत्पत्तिस्थितिकारक ।सर्वार्थसाधनोपाय विश्वेश्वर नमोऽस्तु ते ॥ ३॥

parāparaparātīta utpattisthitikāraka |sarvārthasādhanopāya viśveśvara namo'stu te || 3||

सर्वार्थनिर्मलाभोग सर्वव्याधिविनाशन ।योगियोगी महायोगी योगीश्वर नमोऽस्तु ते ॥ ४॥

sarvārthanirmalābhoga sarvavyādhivināśana |yogiyogī mahāyogī yogīśvara namo'stu te || 4||

कृत्वा लिङ्गप्रतिष्ठाञ्च ध्यात्वा देवं सदाशिवम् ।पूजयित्वा विधानेन स्तवपाठमुदीरयेत् ॥ ५॥

kṛtvā liṅgapratiṣṭhāñca dhyātvā devaṃ sadāśivam |pūjayitvā vidhānena stavapāṭhamudīrayet || 5||

लिङ्गस्तवं महापुण्यं यः शृणोति सदा नरः ।नोत्पद्यते च संसारे स्थानं प्राप्नोति शाश्वतम् ॥ ६॥

liṅgastavaṃ mahāpuṇyaṃ yaḥ śṛṇoti sadā naraḥ |notpadyate ca saṃsāre sthānaṃ prāpnoti śāśvatam || 6||

तस्मात्सर्वप्रयत्नेन शृणुयाच्च सुसंस्तवम् ।पापकर्ता कलेर्मुक्तः प्राप्नोति एरमं पदम् ॥ ७॥

tasmātsarvaprayatnena śṛṇuyācca susaṃstavam |pāpakartā kalermuktaḥ prāpnoti eramaṃ padam || 7||

इति क्रियोड्डीशे महातन्त्रराजे देवीश्वरसंवादे शिवस्तवः समाप्तः ।सप्तमः पटलः

iti kriyoḍḍīśe mahātantrarāje devīśvarasaṃvāde śivastavaḥ samāptaḥ |saptamaḥ paṭalaḥ