शिवस्तवः ५ Shiva Stava 5

एकं निष्कळमचलं संसक्तद्वादशान्तमतिशान्तम् ।ज्योतिर्विज्ञानमयं परात्परं पावनं शिवं वन्दे ॥ १॥

ekaṃ niṣkaḷamacalaṃ saṃsaktadvādaśāntamatiśāntam |jyotirvijñānamayaṃ parātparaṃ pāvanaṃ śivaṃ vande || 1||

द्वेधा शक्तत्या युक्तं पुरुषप्रकृतिप्रकारभेदेन ।अग्नीषोमात्मानं जगत्प्रसूतिं महेश्वरं वन्दे ॥ २॥

dvedhā śaktatyā yuktaṃ puruṣaprakṛtiprakārabhedena |agnīṣomātmānaṃ jagatprasūtiṃ maheśvaraṃ vande || 2||

मूर्तित्रयानुषक्तं ब्रह्मा विष्णुर्महेश्वरश्चेति ।सृष्टिस्थितिलयहेतुं त्रिगुणात्मानं त्रिलोचनं वन्दे ॥ ३॥

mūrtitrayānuṣaktaṃ brahmā viṣṇurmaheśvaraśceti |sṛṣṭisthitilayahetuṃ triguṇātmānaṃ trilocanaṃ vande || 3||

वेदचतुष्टयवेद्यं चतुराश्रमवर्णधर्मकर्तारम् ।चतुरष्टार्धावासं चतुर्भुजं चन्द्रशेखरं वन्दे ॥ ४॥

vedacatuṣṭayavedyaṃ caturāśramavarṇadharmakartāram |caturaṣṭārdhāvāsaṃ caturbhujaṃ candraśekharaṃ vande || 4||

पञ्चमहाभूतमयं पञ्चेन्द्रियशक्तिविषयगुणनिलयम् ।पञ्चविभक्तात्मानं पञ्चमुखं पार्वतीपतिं वन्दे ॥ ५॥

pañcamahābhūtamayaṃ pañcendriyaśaktiviṣayaguṇanilayam |pañcavibhaktātmānaṃ pañcamukhaṃ pārvatīpatiṃ vande || 5||

षड्वर्गदुर्गदूरं षट्तर्कवितर्कनिश्चयालक्ष्यम् ।षट्कर्माङ्गसुनिष्टं षण्मुखजनकं जगद्गुरुं वन्दे ॥ ६॥

ṣaḍvargadurgadūraṃ ṣaṭtarkavitarkaniścayālakṣyam |ṣaṭkarmāṅgasuniṣṭaṃ ṣaṇmukhajanakaṃ jagadguruṃ vande || 6||

सप्तविकाराव्यक्तं सप्ताधिकसप्तविष्टपाधारम् ।सप्ताश्विकोटिभासं सप्तावलयं पिनाकिनंवन्दे ॥ ७॥

saptavikārāvyaktaṃ saptādhikasaptaviṣṭapādhāram |saptāśvikoṭibhāsaṃ saptāvalayaṃ pinākinaṃvande || 7||

मूर्त्यष्टकोपपन्नं नागाष्टकभूषणं महादेवम् ।अष्टमलोकेशानां मातॄणाभष्टकार्चितं वन्दे ॥ ८॥

mūrtyaṣṭakopapannaṃ nāgāṣṭakabhūṣaṇaṃ mahādevam |aṣṭamalokeśānāṃ mātṝṇābhaṣṭakārcitaṃ vande || 8||

नवशक्तिकृताधारं नवविकसितकाशकुसुमसङ्काशम् ।नवयौवनोपपत्रं नवग्रहाराधितं हरं वन्दे ॥ ९॥

navaśaktikṛtādhāraṃ navavikasitakāśakusumasaṅkāśam |navayauvanopapatraṃ navagrahārādhitaṃ haraṃ vande || 9||

दशमुखनतचरणयुगं दशमुखहव्यहोमसम्प्रीतिम् ।दशमुखमण्डननमितं दशप्रहारोज्ज्वलं हरं वन्दे ॥ १०॥

daśamukhanatacaraṇayugaṃ daśamukhahavyahomasamprītim |daśamukhamaṇḍananamitaṃ daśaprahārojjvalaṃ haraṃ vande || 10||

एकादशप्रभेदं रुद्रं शतधा सहस्रधा भूयः ।सङ्ख्यातीतं मूर्त्यां मायामयमच्युतं मृडं वन्दे ॥ ११॥

ekādaśaprabhedaṃ rudraṃ śatadhā sahasradhā bhūyaḥ |saṅkhyātītaṃ mūrtyāṃ māyāmayamacyutaṃ mṛḍaṃ vande || 11||

द्वादशसङ्ख्यातीतं माहात्म्यं सर्वभुतरमणीयम् ।निष्कळचिन्त्येशानं सर्वेशं पापनाशनं वन्दे ॥ १२॥

dvādaśasaṅkhyātītaṃ māhātmyaṃ sarvabhutaramaṇīyam |niṣkaḷacintyeśānaṃ sarveśaṃ pāpanāśanaṃ vande || 12||

करधृतशूलकपालं भसितसिताङ्गं त्रिलोचनं जटिलम् ।भीषणपितृवननिलयं नीलग्रीवं दिगम्बरं वन्दे ॥ १३॥

karadhṛtaśūlakapālaṃ bhasitasitāṅgaṃ trilocanaṃ jaṭilam |bhīṣaṇapitṛvananilayaṃ nīlagrīvaṃ digambaraṃ vande || 13||

उग्रं वीरयुतं महान्वितमथो विष्णुं ज्वलन्तान्वितंसम्प्रोक्ताथ च सर्वतोमुखनृसिंहार्णांस्तथा भीषणम् ।भद्रं मृत्युयुतं च मृत्युमपि च प्रोक्ता नमाम्या युतंभूयोऽहं पदमुद्धरेन्मनुमिमां मन्त्री समस्तार्थदाम् ॥ १४॥

ugraṃ vīrayutaṃ mahānvitamatho viṣṇuṃ jvalantānvitaṃsamproktātha ca sarvatomukhanṛsiṃhārṇāṃstathā bhīṣaṇam |bhadraṃ mṛtyuyutaṃ ca mṛtyumapi ca proktā namāmyā yutaṃbhūyo'haṃ padamuddharenmanumimāṃ mantrī samastārthadām || 14||

(उग्रं वीरं महाविष्णुं ज्वलन्तं सर्वतोमुखम् ।नृसिंहं भीषणं भद्रं मृत्युमृत्युं नमाम्यहं ॥इति मन्त्रस्वरूपम् ॥ श्री ॥ )षन्स्क्रित् अस् एकं, द्वेधा, त्रय एत्च्। व्हिलेचोन्तैन्स् अ मन्त्र ओन् ण्रिसिम्ह उग्रं वीरं महाविष्णुं एत्च्।)इति शिवस्तवः सम्पूर्णः ।

(ugraṃ vīraṃ mahāviṣṇuṃ jvalantaṃ sarvatomukham |nṛsiṃhaṃ bhīṣaṇaṃ bhadraṃ mṛtyumṛtyuṃ namāmyahaṃ ||iti mantrasvarūpam || śrī || )ṣanskrit as ekaṃ, dvedhā, traya etc| vhilecontains a mantra on ṇrisimha ugraṃ vīraṃ mahāviṣṇuṃ etc|)iti śivastavaḥ sampūrṇaḥ |