शबरप्रगादवर्णनगीतिः Shabarapragadavarnanam Giti

गीतिःविभूतिभर्त्रेऽन्वहमर्पयन् चिताविभूतिमाप्त्वैकदिने स नोचिताम् ।गात्रार्धभस्म प्रददौ धनञ्जयच्छात्रस्तदाऽभूद्वरदः पुरञ्जयः ॥ १॥

gītiḥvibhūtibhartre'nvahamarpayan citāvibhūtimāptvaikadine sa nocitām |gātrārdhabhasma pradadau dhanañjayacchātrastadā'bhūdvaradaḥ purañjayaḥ || 1||

शङ्करभजनं संसृतिभञ्जनं किङ्कररञ्जनं मायातमोऽञ्जनम् ॥ ध्रु ।भाविकजीवनं पावनपावनं आर्तपरावनं शान्तिमहावनम् ॥ १॥

śaṅkarabhajanaṃ saṃsṛtibhañjanaṃ kiṅkararañjanaṃ māyātamo'ñjanam || dhru |bhāvikajīvanaṃ pāvanapāvanaṃ ārtaparāvanaṃ śāntimahāvanam || 1||

मत्वा धनञ्जयभूपानुशासनं शबरोऽप्यकरोल्लिगसमर्चनम् ॥ २॥

matvā dhanañjayabhūpānuśāsanaṃ śabaro'pyakarolligasamarcanam || 2||

नवचितिभूतिं शबरोऽनुदिनं भूतिवरायादददनुसवनम् ॥ ३॥

navacitibhūtiṃ śabaro'nudinaṃ bhūtivarāyādadadanusavanam || 3||

एकदिने स क्वाप्यलभन्न भस्म स ऐच्छच्छबरो निधनम् ॥ ४॥

ekadine sa kvāpyalabhanna bhasma sa aicchacchabaro nidhanam || 4||

आह तदा स्त्रीः कुरु सदनेन सहदयितार्धस्ववपुर्दहनम् ॥ ५॥

āha tadā strīḥ kuru sadanena sahadayitārdhasvavapurdahanam || 5||

स तथा दग्ध्वा भसितेन तेन शङ्करपूजनमकरोददीनः ॥ ६॥

sa tathā dagdhvā bhasitena tena śaṅkarapūjanamakarodadīnaḥ || 6||

आह्वयदङ्गनामर्चनावसान ईशस्तुष्टोऽदर्शयदङ्गनाम् ॥ ७॥

āhvayadaṅganāmarcanāvasāna īśastuṣṭo'darśayadaṅganām || 7||

प्रादुर्भूत्वा स्वयमीशानस्ताभ्यां प्रददौ स निजस्थानम् ॥ ८॥

prādurbhūtvā svayamīśānastābhyāṃ pradadau sa nijasthānam || 8||

यस्य न मानं तव महिमानं तमजानुदिनं स्मरामि नूनम् ॥ ९॥

yasya na mānaṃ tava mahimānaṃ tamajānudinaṃ smarāmi nūnam || 9||

श्रद्धाभक्तिर्मे न न तेऽर्चनं जाने क्षमस्वापराधमीशान ॥ १०॥

śraddhābhaktirme na na te'rcanaṃ jāne kṣamasvāparādhamīśāna || 10||

इति वासुदेवानन्दसरस्वतीयतिकृतविनतिं शृण्वीशान ॥ ११॥

iti vāsudevānandasarasvatīyatikṛtavinatiṃ śṛṇvīśāna || 11||

इति श्रीवासुदेवानन्दसरस्वतीविरचिता शबरप्रगादवर्णनगीतिः समाप्ता ।

iti śrīvāsudevānandasarasvatīviracitā śabarapragādavarṇanagītiḥ samāptā |