शिवस्तोत्रम् (ऋषिभिःकृतं १ कालिकापुराणान्तर्गतम्) Rishibhih Kritam Shiva Stotram

ऋषयः ऊचुःयत् प्रत्यक्षं दृश्यते शुद्धरूपंचन्द्रप्रख्यं चन्द्रखण्डोपशोभि ।अन्तःप्रज्ञं भावितं तन्मुनीनांभाग्यं दृष्टं भागधेयेन मुक्तैः ॥ १४॥

ṛṣayaḥ ūcuḥyat pratyakṣaṃ dṛśyate śuddharūpaṃcandraprakhyaṃ candrakhaṇḍopaśobhi |antaḥprajñaṃ bhāvitaṃ tanmunīnāṃbhāgyaṃ dṛṣṭaṃ bhāgadheyena muktaiḥ || 14||

प्रज्ञातन्त्रं ध्यानतन्त्रं पुरस्तान्नित्यं ध्येयं ध्यायिनां स्वप्रकाशम् ।पुञ्जीभूतं बाह्यतत्त्वेन शश्वद्योग्यप्राप्यं धाम शम्भोरुदारम् ॥ १५॥

prajñātantraṃ dhyānatantraṃ purastānnityaṃ dhyeyaṃ dhyāyināṃ svaprakāśam |puñjībhūtaṃ bāhyatattvena śaśvadyogyaprāpyaṃ dhāma śambhorudāram || 15||

दृष्ट्वा यस्यैवाग्रभागं स नेत्रंत्राणाय स्याद्दर्शनं सूर्यतुल्यम् ।तद्धामेदं स्थानसर्वस्य नित्यंभक्त्या स्तुत्यं तं नमः शम्भुदेहम् ॥ १६॥

dṛṣṭvā yasyaivāgrabhāgaṃ sa netraṃtrāṇāya syāddarśanaṃ sūryatulyam |taddhāmedaṃ sthānasarvasya nityaṃbhaktyā stutyaṃ taṃ namaḥ śambhudeham || 16||

प्रकाशते यः प्रथमादिभागतःस्थितः स वामे य इहैव नेता ।सोऽस्माकमस्तु प्रथमं स्वसिद्।ह्ध्यैहरस्य शक्त्या विधृतो ललाटे ॥ १७॥

prakāśate yaḥ prathamādibhāgataḥsthitaḥ sa vāme ya ihaiva netā |so'smākamastu prathamaṃ svasid|hdhyaiharasya śaktyā vidhṛto lalāṭe || 17||

यः प्रधानात्मकः सत्त्वरजोभ्यां तमसान्वितः ।पुरुषः सर्वजगतां स हरो नः प्रसीदतु ॥ १८॥

yaḥ pradhānātmakaḥ sattvarajobhyāṃ tamasānvitaḥ |puruṣaḥ sarvajagatāṃ sa haro naḥ prasīdatu || 18||

इति कालिकापुराणे चतुर्चत्वारिंशाध्यायान्तर्गतंऋषिभिः कृतं शिवस्तोत्रम् ।

iti kālikāpurāṇe caturcatvāriṃśādhyāyāntargataṃṛṣibhiḥ kṛtaṃ śivastotram |