काशीकथासुधापानफलम् ऋषिभिः प्रोक्तं Rishibhih Proktam Kashikathasudhapanaphalam

ऋषय ऊचुःकाशीकथासुधापानात्सन्तोषो यादृशोऽभवत् ।सन्तोषस्तदृशोऽस्माकं सुधापानेऽपि नो भवेत् ॥ ९॥

ṛṣaya ūcuḥkāśīkathāsudhāpānātsantoṣo yādṛśo'bhavat |santoṣastadṛśo'smākaṃ sudhāpāne'pi no bhavet || 9||

काशकथासुधापानं न कृतं येन सादरम् ।स जीवन् मृत एवान्धः स नीचः पुल्कसादपि ॥ १०॥

kāśakathāsudhāpānaṃ na kṛtaṃ yena sādaram |sa jīvan mṛta evāndhaḥ sa nīcaḥ pulkasādapi || 10||

यथा देवाः सुधां प्राप्य सुप्रीताश्च सुधाशनाः ।काशीकथासुधां प्राप्य सुप्रीताःस्म तथा वयम् ॥ ११॥

yathā devāḥ sudhāṃ prāpya suprītāśca sudhāśanāḥ |kāśīkathāsudhāṃ prāpya suprītāḥsma tathā vayam || 11||

विद्याः समग्राः सम्प्राप्य यथा प्रीता द्विजोत्तमाः ।काशीकथासुधां प्राप्य सुप्रीताःस्म तथा वयम् ॥ १२॥

vidyāḥ samagrāḥ samprāpya yathā prītā dvijottamāḥ |kāśīkathāsudhāṃ prāpya suprītāḥsma tathā vayam || 12||

यथा नवनिधींल्लब्ध्वा सन्तुष्टोऽभूद्धनाधिपः ।काशीकथासुधां प्राप्य सुप्रीताःस्म तथा वयम् ॥ १३॥

yathā navanidhīṃllabdhvā santuṣṭo'bhūddhanādhipaḥ |kāśīkathāsudhāṃ prāpya suprītāḥsma tathā vayam || 13||

यथा शिवार्चनाल्लक्ष्मीं लब्ध्वा प्रीतो जनार्दनः ।काशीकथासुधां प्राप्य सुप्रीताःस्म तथा वयम् ॥ १४॥

yathā śivārcanāllakṣmīṃ labdhvā prīto janārdanaḥ |kāśīkathāsudhāṃ prāpya suprītāḥsma tathā vayam || 14||

यथेशात्प्राप्य वैकुण्ठं सुप्रीतोऽभूज्जनार्दनः ।काशीकथासुधां प्राप्य सुप्रीताःस्म तथा वयम् ॥ १५॥

yatheśātprāpya vaikuṇṭhaṃ suprīto'bhūjjanārdanaḥ |kāśīkathāsudhāṃ prāpya suprītāḥsma tathā vayam || 15||

यथा शिवार्चनाल्लब्ध्वा स्वर्गं प्रीतः शचीपतिः ।काशीकथासुधां प्राप्य सुप्रीताःस्म तथा वयम् ॥ १६॥

yathā śivārcanāllabdhvā svargaṃ prītaḥ śacīpatiḥ |kāśīkathāsudhāṃ prāpya suprītāḥsma tathā vayam || 16||

यथा नवतृणं प्राप्य प्रीता गावः क्षुधातुराः ।काशीकथासुधां प्राप्य सुप्रीताःस्म तथा वयम् ॥ १७॥

yathā navatṛṇaṃ prāpya prītā gāvaḥ kṣudhāturāḥ |kāśīkathāsudhāṃ prāpya suprītāḥsma tathā vayam || 17||

यथा प्रीतानि सस्यानि वृष्टिं प्राप्य यथाहितम् ।काशीकथासुधां प्राप्य सुप्रीताःस्म तथा वयम् ॥ १८॥

yathā prītāni sasyāni vṛṣṭiṃ prāpya yathāhitam |kāśīkathāsudhāṃ prāpya suprītāḥsma tathā vayam || 18||

यथा यथेष्टमन्नानि लब्ध्वा प्रीतः क्षुधातुरः ।काशीकथासुधां प्राप्य सुप्रीताःस्म तथा वयम् ॥ १९॥

yathā yatheṣṭamannāni labdhvā prītaḥ kṣudhāturaḥ |kāśīkathāsudhāṃ prāpya suprītāḥsma tathā vayam || 19||

यथा कम्बलवस्त्राणि लब्ध्वा प्रीतो हिमातुरः ।काशीकथासुधां प्राप्य सुप्रीताःस्म तथा वयम् ॥ २०॥

yathā kambalavastrāṇi labdhvā prīto himāturaḥ |kāśīkathāsudhāṃ prāpya suprītāḥsma tathā vayam || 20||

यथा यथेष्टं द्रविणं लब्ध्वा प्रीता धनैषिणः ।काशीकथासुधां प्राप्य सुप्रीताःस्म तथा वयम् ॥ २१॥

yathā yatheṣṭaṃ draviṇaṃ labdhvā prītā dhanaiṣiṇaḥ |kāśīkathāsudhāṃ prāpya suprītāḥsma tathā vayam || 21||

यथा कामातुराः(न्) प्राप्य प्रीताः स्युर्नवयौवनाः ।काशीकथासुधां प्राप्य सुप्रीताःस्म तथा वयम् ॥ २२॥

yathā kāmāturāḥ(n) prāpya prītāḥ syurnavayauvanāḥ |kāśīkathāsudhāṃ prāpya suprītāḥsma tathā vayam || 22||

यथा पुत्रेषिणः पुत्रांल्लब्ध्वा प्रीताश्चिरायुषः ।काशीकथासुधां प्राप्य सुप्रीताःस्म तथा वयम् ॥ २३॥

yathā putreṣiṇaḥ putrāṃllabdhvā prītāścirāyuṣaḥ |kāśīkathāsudhāṃ prāpya suprītāḥsma tathā vayam || 23||

यथा पिता सुतान् दृष्ट्वा प्रीतो विद्यागुणोज्ज्वलान् ।काशीकथासुधां प्राप्य सुप्रीताःस्म तथा वयम् ॥ २४॥

yathā pitā sutān dṛṣṭvā prīto vidyāguṇojjvalān |kāśīkathāsudhāṃ prāpya suprītāḥsma tathā vayam || 24||

यथा विद्या द्विजं प्राप्य सुप्रीता शिष्टसम्मतम् ।काशीकथासुधां प्राप्य सुप्रीताःस्म तथा वयम् ॥ २५॥

yathā vidyā dvijaṃ prāpya suprītā śiṣṭasammatam |kāśīkathāsudhāṃ prāpya suprītāḥsma tathā vayam || 25||

यथा सत्पात्रमालम्ब्य सुप्रीतो दानतत्परः ।काशीकथासुधां प्राप्य सुप्रीताःस्म तथा वयम् ॥ २६॥

yathā satpātramālambya suprīto dānatatparaḥ |kāśīkathāsudhāṃ prāpya suprītāḥsma tathā vayam || 26||

यथा चकोरः सुप्रीतो लब्ध्वा चन्द्रकालामृतम् ।काशीकथासुधां प्राप्य सुप्रीताःस्म तथा वयम् ॥ २७॥

yathā cakoraḥ suprīto labdhvā candrakālāmṛtam |kāśīkathāsudhāṃ prāpya suprītāḥsma tathā vayam || 27||

यथा शीतं जलं प्राप्य पान्थः प्रीतोऽर्कतापितः ।काशीकथासुधां प्राप्य सुप्रीताःस्म तथा वयम् ॥ २८॥

yathā śītaṃ jalaṃ prāpya pānthaḥ prīto'rkatāpitaḥ |kāśīkathāsudhāṃ prāpya suprītāḥsma tathā vayam || 28||

सूतःकाश्यां शिवः स्वयं साक्षात्सच्चिदानन्दलक्षणः ।तस्मिन्यस्य भवेद्भक्तिः स तु धन्यो महायशाः ॥ ३५॥

sūtaḥkāśyāṃ śivaḥ svayaṃ sākṣātsaccidānandalakṣaṇaḥ |tasminyasya bhavedbhaktiḥ sa tu dhanyo mahāyaśāḥ || 35||

यः काशीं द्वेष्टि मूढात्मा स शिवं द्वेष्टि वस्तुतः ।ततः स निरयं याति सवंश्यो नात्र संशयः ॥ ३६॥

yaḥ kāśīṃ dveṣṭi mūḍhātmā sa śivaṃ dveṣṭi vastutaḥ |tataḥ sa nirayaṃ yāti savaṃśyo nātra saṃśayaḥ || 36||

तेषां काश्यां भवेच्छ्रद्धा नान्येषां सत्यमुच्यते ।काशी यतः शिवः साक्षात्ततस्तत्प्रवणा जनाः ॥ ८५॥

teṣāṃ kāśyāṃ bhavecchraddhā nānyeṣāṃ satyamucyate |kāśī yataḥ śivaḥ sākṣāttatastatpravaṇā janāḥ || 85||

निर्मुक्ताः पापसङ्घेभ्यो घोरेभ्यः सत्यमुच्यते ।काशीकथासुधा विप्राः ! दुर्लभा दुर्लभापि सा ॥ ८६॥

nirmuktāḥ pāpasaṅghebhyo ghorebhyaḥ satyamucyate |kāśīkathāsudhā viprāḥ ! durlabhā durlabhāpi sā || 86||

सुलभा शिवभक्तानां शिवार्थकृतकर्मणाम् ।काशीकथासुधां प्राप्य तपोध्यानसमाधिभिः ॥ ८७॥

sulabhā śivabhaktānāṃ śivārthakṛtakarmaṇām |kāśīkathāsudhāṃ prāpya tapodhyānasamādhibhiḥ || 87||

तत्प्राप्त्यर्थं यतस्तेषामुपयोगः श्रुतिश्रुतः ।काशीकथासुधां प्राप्य ये पिबन्ति मुहुर्मुहुः ॥ ८८॥

tatprāptyarthaṃ yatasteṣāmupayogaḥ śrutiśrutaḥ |kāśīkathāsudhāṃ prāpya ye pibanti muhurmuhuḥ || 88||

ते शिवानुगृहीतास्ते पूजनीया मनीषिभिः ।काशीकथा शिवकथा सा कथा मोक्षदायिनी ॥ ८९॥

te śivānugṛhītāste pūjanīyā manīṣibhiḥ |kāśīkathā śivakathā sā kathā mokṣadāyinī || 89||

तस्यां कथाग्रां प्रीतिस्तु न शिवानुग्रहं विना ।निष्कलं निर्गुणं ब्रह्म शिवः काशीति गीयते ॥ ९०॥

tasyāṃ kathāgrāṃ prītistu na śivānugrahaṃ vinā |niṣkalaṃ nirguṇaṃ brahma śivaḥ kāśīti gīyate || 90||

तस्यां प्रीतिरनन्तानां तपसां फलमुच्यते ।ततस्तत्प्रीतिरुत्कृष्टा तपसां च फलं द्विजाः ॥ ९१॥

tasyāṃ prītiranantānāṃ tapasāṃ phalamucyate |tatastatprītirutkṛṣṭā tapasāṃ ca phalaṃ dvijāḥ || 91||

काशीमूर्तिः शिवस्यैव मूर्तिभेदेन तिष्ठति ।काशीमूर्तिः शिवस्येति वदन्ति श्रुतयो मताः ॥ ९२॥

kāśīmūrtiḥ śivasyaiva mūrtibhedena tiṣṭhati |kāśīmūrtiḥ śivasyeti vadanti śrutayo matāḥ || 92||

मूर्तयः सन्ति विविधाः शिवस्य परमात्मनः ।तासु मूर्तिषु काश्येव शिवप्रियतमा स्मृता ॥ ९३॥

mūrtayaḥ santi vividhāḥ śivasya paramātmanaḥ |tāsu mūrtiṣu kāśyeva śivapriyatamā smṛtā || 93||

काशीमूर्ति शिवाकारां शिवे दृष्ट्वा मनोरमाम् ।शिवो दृष्ट्वा भवानीं च प्रीतो भवति सर्वथा ॥ ९४॥

kāśīmūrti śivākārāṃ śive dṛṣṭvā manoramām |śivo dṛṣṭvā bhavānīṃ ca prīto bhavati sarvathā || 94||

॥ इति शिवरहस्यान्तर्गते ऋषिभिः प्रोक्तं काशीकथासुधापानफलं सम्पूर्णम् ॥॥ श्रीशिवरहस्यम् उग्राख्यः सप्तमांशः । अध्यायः १३ । वावृत्तश्लोकाः ॥– ॥ श्रीशिवरहस्यम् उग्राख्यः सप्तमांशः । अध्यायः १३ । वावृत्तश्लोकाः ॥

|| iti śivarahasyāntargate ṛṣibhiḥ proktaṃ kāśīkathāsudhāpānaphalaṃ sampūrṇam |||| śrīśivarahasyam ugrākhyaḥ saptamāṃśaḥ | adhyāyaḥ 13 | vāvṛttaślokāḥ ||– || śrīśivarahasyam ugrākhyaḥ saptamāṃśaḥ | adhyāyaḥ 13 | vāvṛttaślokāḥ ||