शिवस्तुतिः Rishibhih Krita Shiva Stuti

कण्वःउपमन्युवरप्रदोरुमन्यो शतमन्यो कृतदक्षशिक्ष शम्भो ।सुरमूर्धसरिन्नगेन्द्रकन्यावर मन्येऽहमवैमि भक्तिधन्यम् ॥ ४॥

kaṇvaḥupamanyuvarapradorumanyo śatamanyo kṛtadakṣaśikṣa śambho |suramūrdhasarinnagendrakanyāvara manye'hamavaimi bhaktidhanyam || 4||

गिरिवरधनुश्शरमुरहर वरकाकोदरहारमौर्वीक ।उर्वीरथ रथिकाग्रे प्रविजेतः पुरहन्भवाद्य पाहि ॥ ५॥

girivaradhanuśśaramurahara varakākodarahāramaurvīka |urvīratha rathikāgre pravijetaḥ purahanbhavādya pāhi || 5||

कुसुमशरारिपुरारिपादपद्मे प्रविश तरारिव शिव प्रकृष्टपार्थः (?) ।मनसिजमनसा जगत्प्रमुग्धं हर मुग्धेन्दुकिरीटकोटिजूट ॥ ६॥

kusumaśarāripurāripādapadme praviśa tarāriva śiva prakṛṣṭapārthaḥ (?) |manasijamanasā jagatpramugdhaṃ hara mugdhendukirīṭakoṭijūṭa || 6||

विश्वामित्रःहेमाम्बुजोद्भवषडाननवारणास्यसंसेविताङ्घ्रिकमलं तरुणेन्दुचूडम् ।मन्दारवृन्दपरिवन्दिमुकुन्दनेत्रपादारविन्दमगजापतिमाश्रयामि ॥ ९॥

viśvāmitraḥhemāmbujodbhavaṣaḍānanavāraṇāsyasaṃsevitāṅghrikamalaṃ taruṇenducūḍam |mandāravṛndaparivandimukundanetrapādāravindamagajāpatimāśrayāmi || 9||

नागनागनगवासकृत्तिधृग्भूरिहारसुग्वीरकुमार ।मारमारकरवीरसुमाद्य स्रग्धरामरवराव महेश ॥ १०॥

nāganāganagavāsakṛttidhṛgbhūrihārasugvīrakumāra |māramārakaravīrasumādya sragdharāmaravarāva maheśa || 10||

कपिलःगङ्गोत्तमाङ्ग शशिसङ्ग भुजङ्गसङ्गतुङ्गोत्थिताङ्ग वृषभाङ्ग महेश शृङ्ग ।श्रीव्योमकेश भवभङ्गभुजङ्ग शम्भोपाहीश मां तव दयाप्रसरैरपाङ्गैः ॥ १३॥

kapilaḥgaṅgottamāṅga śaśisaṅga bhujaṅgasaṅgatuṅgotthitāṅga vṛṣabhāṅga maheśa śṛṅga |śrīvyomakeśa bhavabhaṅgabhujaṅga śambhopāhīśa māṃ tava dayāprasarairapāṅgaiḥ || 13||

यामिनीरमणखण्डधारिणं कामिनीविधृतमामिविग्रहम् ।स्तौमि देवमगजामनोहरं नौमि कायमनसा सदैव तम् ॥ १४॥

yāminīramaṇakhaṇḍadhāriṇaṃ kāminīvidhṛtamāmivigraham |staumi devamagajāmanoharaṃ naumi kāyamanasā sadaiva tam || 14||

दुर्वासाःअभेद्य वेद्योत्तम वेदवेद्य विद्युत्प्रभोद्यत्सुकपर्द शम्भो ।विद्याऽप्यविद्याऽपि च ते कटाक्षतः सुद्योततेऽद्यैव विनाशमेति ॥ १६॥

durvāsāḥabhedya vedyottama vedavedya vidyutprabhodyatsukaparda śambho |vidyā'pyavidyā'pi ca te kaṭākṣataḥ sudyotate'dyaiva vināśameti || 16||

उडुगणरतिचूडं हृज्जडानां च दूरंमृडमजडमवेद्यं वेदवेदान्तसङ्गैः ।दृढतरहृदयाब्जे गाढमालिङ्ग्य देवींस्थितमनलशिखाग्रे शूलपाणे मजे त्वाम् ॥ १७॥

uḍugaṇaraticūḍaṃ hṛjjaḍānāṃ ca dūraṃmṛḍamajaḍamavedyaṃ vedavedāntasaṅgaiḥ |dṛḍhatarahṛdayābje gāḍhamāliṅgya devīṃsthitamanalaśikhāgre śūlapāṇe maje tvām || 17||

भृगुःअजगजपुरमारदक्षशिक्षं यमभगमुरवैरिगर्वनाशम् ।जनवनपितरं ऋषिं महेशं मनसा यामि कलाधरोरुमौलिम् ॥ २०॥

bhṛguḥajagajapuramāradakṣaśikṣaṃ yamabhagamuravairigarvanāśam |janavanapitaraṃ ṛṣiṃ maheśaṃ manasā yāmi kalādharorumaulim || 20||

जनकं श्रुतिगीतमेनमेकं विधिविष्ण्विन्द्रयमानिलानलानाम् ।मरुतां पितरं महेशमाद्यं श्रुतिवेद्यं परमं नतोऽस्मि पूज्यम् ॥ २१॥

janakaṃ śrutigītamenamekaṃ vidhiviṣṇvindrayamānilānalānām |marutāṃ pitaraṃ maheśamādyaṃ śrutivedyaṃ paramaṃ nato'smi pūjyam || 21||

सनन्दःअनीशं त्वामीशं वदति रुशतीमिः श्रुतितमासनाथं त्वामाद्यं भवहरम सेद्यं हि करणैः ।असङ्गं सङ्गेषु प्रथितपरमानन्दमधुरंधरानीरव्योम्नां पवनतपनैरेव जगति ॥ २३॥

sanandaḥanīśaṃ tvāmīśaṃ vadati ruśatīmiḥ śrutitamāsanāthaṃ tvāmādyaṃ bhavaharama sedyaṃ hi karaṇaiḥ |asaṅgaṃ saṅgeṣu prathitaparamānandamadhuraṃdharānīravyomnāṃ pavanatapanaireva jagati || 23||

पशुपिशितहुताशतर्पिताशाः कथमधुना सुरा हि सप्रकाशाः ।शरणाय भवन्ति नारकाणां करुणावारिनिधि विहाय देवम् ॥ २४॥

paśupiśitahutāśatarpitāśāḥ kathamadhunā surā hi saprakāśāḥ |śaraṇāya bhavanti nārakāṇāṃ karuṇāvārinidhi vihāya devam || 24||

सानन्दःअनशनमननैरुपायसङ्घैर्न हि मोदाय न वैनसां क्षयाय ।अवनीतलपालसन्निधौ प्रणामः तव भक्त्या सुकरो हि बन्धमुक्तयै ॥ २६॥

sānandaḥanaśanamananairupāyasaṅghairna hi modāya na vainasāṃ kṣayāya |avanītalapālasannidhau praṇāmaḥ tava bhaktyā sukaro hi bandhamuktayai || 26||

रमारमणकारणं विधिहरीन्द्रसन्तोषणंगरारुणगलान्तरं कुसुमबाणसंशोषणम् ।भजामि पवनाशितप्रथिनहारबाणासनीकृतागपतिकन्य कापतिमपारवेदैषणम् ॥ २७॥

ramāramaṇakāraṇaṃ vidhiharīndrasantoṣaṇaṃgarāruṇagalāntaraṃ kusumabāṇasaṃśoṣaṇam |bhajāmi pavanāśitaprathinahārabāṇāsanīkṛtāgapatikanya kāpatimapāravedaiṣaṇam || 27||

॥ इति शिवरहस्यान्तर्गते शिवाख्ये ऋषिभिः कृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः २५ । ४२७॥

|| iti śivarahasyāntargate śivākhye ṛṣibhiḥ kṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 25 | 427||

– ॥ श्रीशिवरहस्यम् ।शिवाख्यः चतुर्थांशः ।अध्यायः २५ ।वरिओउस् ४-२७

– || śrīśivarahasyam |śivākhyaḥ caturthāṃśaḥ |adhyāyaḥ 25 |various 4-27