शिवस्तोत्रम् (परशुरामकृतं २ ब्रह्माण्डपुराणान्तर्गतम् नमस्ये शिवमीशानं विभुं व्यापकमव्ययम्) Parashuramakritam 3 Shiva Stotram

राम उवाच ।नमस्ये शिवमीशानं विभुं व्यापकमव्ययम् ।भुजङ्गभूषणं चोग्रं नृकपालस्रगुज्ज्वलम् ॥ २, ३२\।२५॥यो विभुः सर्वलोकानां सृष्टिस्थितिविनाशकृत् ।ब्रह्मादिरूपधृग्ज्येष्ठस्तं त्वां वेद कृपार्णवम् ॥ २, ३२\।२६॥वेदा न शक्ता यं स्तोतुमवाङ्मनसगोचरम् ।ज्ञानबुद्।ह्ध्योरसाध्यं च निराकारं नमाम्यहम् ॥ २, ३२\।२७॥शक्रादयः सुरगणा ऋषयो मनवोऽसुराः ।न यं विदुर्यथातत्त्वं तं नमामि परात्परम् ॥ २, ३२\।२८॥यस्यांशांशेन सृजयन्ते लोकाः सर्वे चराचराः ।लीयन्ते च पुनर्यस्मिंस्तं नमामि जगन्मयम् ॥ २, ३२\।२९॥यस्येषत्कोपसम्भूतो हुताशो दहतेऽखिलम् ।सोर्द्ध्वलोकं सपातालं तं नमामि हरं परम् ॥ २, ३२\।३०॥पृथ्वीपवनवह्न्यम्भोनभोयज्वेन्दुभास्कराः ।मूर्त्तयोऽष्टौ जगत्पूज्यास्तं यज्ञं प्रणमाम्यहम् ॥ २, ३२\।३१॥यः कालरूपो जगदादिकर्त्ता पाता पृथग्रूपधरो जगन्मयः ।हर्त्ता पुना रुद्रवपुस्तथान्ते तं कालरूपं शरणं प्रपद्ये ॥ २, ३२\।३२॥

rāma uvāca |namasye śivamīśānaṃ vibhuṃ vyāpakamavyayam |bhujaṅgabhūṣaṇaṃ cograṃ nṛkapālasragujjvalam || 2, 32\|25||yo vibhuḥ sarvalokānāṃ sṛṣṭisthitivināśakṛt |brahmādirūpadhṛgjyeṣṭhastaṃ tvāṃ veda kṛpārṇavam || 2, 32\|26||vedā na śaktā yaṃ stotumavāṅmanasagocaram |jñānabud|hdhyorasādhyaṃ ca nirākāraṃ namāmyaham || 2, 32\|27||śakrādayaḥ suragaṇā ṛṣayo manavo'surāḥ |na yaṃ viduryathātattvaṃ taṃ namāmi parātparam || 2, 32\|28||yasyāṃśāṃśena sṛjayante lokāḥ sarve carācarāḥ |līyante ca punaryasmiṃstaṃ namāmi jaganmayam || 2, 32\|29||yasyeṣatkopasambhūto hutāśo dahate'khilam |sorddhvalokaṃ sapātālaṃ taṃ namāmi haraṃ param || 2, 32\|30||pṛthvīpavanavahnyambhonabhoyajvendubhāskarāḥ |mūrttayo'ṣṭau jagatpūjyāstaṃ yajñaṃ praṇamāmyaham || 2, 32\|31||yaḥ kālarūpo jagadādikarttā pātā pṛthagrūpadharo jaganmayaḥ |harttā punā rudravapustathānte taṃ kālarūpaṃ śaraṇaṃ prapadye || 2, 32\|32||

इति ब्रह्माण्डपुराणे मध्यभागे द्वात्रिंशाध्यायान्तर्गतंपरशुरामकृतं शिवस्तोत्रं समाप्तम् ।

iti brahmāṇḍapurāṇe madhyabhāge dvātriṃśādhyāyāntargataṃparaśurāmakṛtaṃ śivastotraṃ samāptam |

ब्रह्माण्डपुराण ।मध्यभाग ।उपोद्धात ।अध्याय ३२/२५३२॥

brahmāṇḍapurāṇa |madhyabhāga |upoddhāta |adhyāya 32/2532||

ब्रह्माण्डपुराण ।मध्यभाग ।उपोद्धात ।अध्याय ३२/२५-३२॥

brahmāṇḍapurāṇa |madhyabhāga |upoddhāta |adhyāya 32/25-32||