शिवस्तोत्रम् (परशुरामकृतं १ ब्रह्माण्डपुराणान्तर्गतम् नमस्ते देवदेवाय शङ्करायादिमूर्त्तये) Parashuramakritam 1 Shiva Stotram

(परशु)राम उवाच ।नमस्ते देवदेवाय शङ्करायादिमूर्त्तये ।नमः शर्वाय शान्ताय शाश्वताय नमो नमः ॥ २, २४\।२५॥नमस्ते नीलकण्ठाय नीललोहितमूर्त्तये ।नमस्ते भूतनाथाय भूतवासाय ते नमः ॥ २, २४\।२६॥व्यक्ताव्यक्तस्वरूपाय महादेवाय मीढुषे ।शिवाय बहुरूपाय त्रिनेत्राय नमो नमः ॥ २, २४\।२७॥शरणं भव मे शर्व त्वद्भक्तस्य जगत्पते ।भूयोऽनन्याश्रयाणां तु त्वमेव हि परायणम् ॥ २, २४\।२८॥यन्मयापकृतं देव दुरुक्तं वापि शङ्कर ।अजानता त्वां भगवन्मम तत्क्षन्तुमर्हसि ॥ २, २४\।२९॥अनन्यवेद्यरूपस्य सद्भावमिह कः पुमान् ।त्वामृते तव सर्वेश सम्यक्शक्नोति वेदितुम् ॥ २, २४\।३०॥तस्मात्त्वं सर्वभावेन प्रसीद मम शङ्कर ।नान्यास्ति मे गतिस्तुभ्यं नमो भूयो नमो नमः ॥ २, २४\।३१॥

(paraśu)rāma uvāca |namaste devadevāya śaṅkarāyādimūrttaye |namaḥ śarvāya śāntāya śāśvatāya namo namaḥ || 2, 24\|25||namaste nīlakaṇṭhāya nīlalohitamūrttaye |namaste bhūtanāthāya bhūtavāsāya te namaḥ || 2, 24\|26||vyaktāvyaktasvarūpāya mahādevāya mīḍhuṣe |śivāya bahurūpāya trinetrāya namo namaḥ || 2, 24\|27||śaraṇaṃ bhava me śarva tvadbhaktasya jagatpate |bhūyo'nanyāśrayāṇāṃ tu tvameva hi parāyaṇam || 2, 24\|28||yanmayāpakṛtaṃ deva duruktaṃ vāpi śaṅkara |ajānatā tvāṃ bhagavanmama tatkṣantumarhasi || 2, 24\|29||ananyavedyarūpasya sadbhāvamiha kaḥ pumān |tvāmṛte tava sarveśa samyakśaknoti veditum || 2, 24\|30||tasmāttvaṃ sarvabhāvena prasīda mama śaṅkara |nānyāsti me gatistubhyaṃ namo bhūyo namo namaḥ || 2, 24\|31||

इति ब्रह्माण्डपुराणे मध्यभागे चतुर्विंशाध्यायान्तर्गतं(परशु)रामकृतं शिवस्तोत्रं समाप्तम् ।

iti brahmāṇḍapurāṇe madhyabhāge caturviṃśādhyāyāntargataṃ(paraśu)rāmakṛtaṃ śivastotraṃ samāptam |

ब्रह्माण्डपुराण ।मध्यभाग ।उपोद्धात ।अध्याय २४/२५३१॥

brahmāṇḍapurāṇa |madhyabhāga |upoddhāta |adhyāya 24/2531||

ब्रह्माण्डपुराण ।मध्यभाग ।उपोद्धात ।अध्याय २४/२५-३१॥

brahmāṇḍapurāṇa |madhyabhāga |upoddhāta |adhyāya 24/25-31||