पञ्चदेवतास्तोत्रम् Panchadevatastotram

श्रीगणेशाय नमः ।गणेशविष्णुसूर्येशदुर्गाख्यं देवपञ्चकम् ।वन्दे विशुद्धमनसा जनसायुज्यदायकम् ॥ १॥

śrīgaṇeśāya namaḥ |gaṇeśaviṣṇusūryeśadurgākhyaṃ devapañcakam |vande viśuddhamanasā janasāyujyadāyakam || 1||

एकरूपान् भिन्नमूर्तीन् पञ्चदेवान्नमस्कृतान् ।वन्दे विश्णुद्धभावेनेशाम्बेनैकरदाच्युतान् ॥ २॥

ekarūpān bhinnamūrtīn pañcadevānnamaskṛtān |vande viśṇuddhabhāveneśāmbenaikaradācyutān || 2||

कल्याणदायिनो देवान्नमस्कार्यात्महौजसः ।विष्णुशम्भुशिवासूयगणेशाख्यान्नमाम्यहम् ॥ ३॥

kalyāṇadāyino devānnamaskāryātmahaujasaḥ |viṣṇuśambhuśivāsūyagaṇeśākhyānnamāmyaham || 3||

एकात्मनो भिन्नरूपान् लोकरक्षणतत्परान् ।शिवविष्णुशिवासूर्यहेरम्वान् प्रणमाम्यहम् ॥ ४॥

ekātmano bhinnarūpān lokarakṣaṇatatparān |śivaviṣṇuśivāsūryaheramvān praṇamāmyaham || 4||

दिव्यरूपानेकरूपान्नानारूपान्नमस्कृतान् ।शिवाशङ्करहेरम्बविष्णुसूर्यान्नमाम्यहम् ॥ ५॥

divyarūpānekarūpānnānārūpānnamaskṛtān |śivāśaṅkaraherambaviṣṇusūryānnamāmyaham || 5||

नित्यानानन्दसन्दोहदायिनो दीनपालकान् ।शिवाच्युतगणेशेनडुर्गाख्यान् नौम्यहं सुरान् ॥ ६॥

nityānānandasandohadāyino dīnapālakān |śivācyutagaṇeśenaḍurgākhyān naumyahaṃ surān || 6||

कमनीयतनून्देवान् सेवावश्यान् कृपावतः ।शङ्करेनशिवाविष्णुगणेशाख्यान्नमाम्यहम् ॥ ७॥

kamanīyatanūndevān sevāvaśyān kṛpāvataḥ |śaṅkarenaśivāviṣṇugaṇeśākhyānnamāmyaham || 7||

सूर्यविष्णुशिवाशम्भुविघ्नराजाभिधान्सुरान् ।एकरूपान् सदा वन्दे सुखसन्दोहसिद्धये ॥ ८॥

sūryaviṣṇuśivāśambhuvighnarājābhidhānsurān |ekarūpān sadā vande sukhasandohasiddhaye || 8||

हरौ हरे तीक्ष्णकरे गणेशे शक्तौ न भेदो जगदादिहितेषु ।अधः पतन्त्येषु भिदां दधाना भाषान्त एवं यततोऽच्य्ताश्रमाः ॥ ९॥

harau hare tīkṣṇakare gaṇeśe śaktau na bhedo jagadādihiteṣu |adhaḥ patantyeṣu bhidāṃ dadhānā bhāṣānta evaṃ yatato'cytāśramāḥ || 9||

इति श्रीमदच्युताश्रमविरचितं पञ्चदेवतास्तोत्रम् संपूर्णम् ॥

iti śrīmadacyutāśramaviracitaṃ pañcadevatāstotram saṃpūrṇam ||