शिवाष्टकम् Painganadu Ganapatishastrikritam Shiva Ashtakam

ॐ श्रीगणेशाय नमः ।(व्युत्पत्तिर्नैव शास्त्रेषु तथा काव्येषु चापि न ।केवलं शिवपादाब्जस्मरणात् कधयाम्यहम् ॥ १॥

oṃ śrīgaṇeśāya namaḥ |(vyutpattirnaiva śāstreṣu tathā kāvyeṣu cāpi na |kevalaṃ śivapādābjasmaraṇāt kadhayāmyaham || 1||

विनम्य विपथाग्रजीविहितलिप्सवीक्षालवंविनम्रजनसन्ततेर्विहितसन्ततज्ञानकम् ।विभुं विमलयामिनीविधुकिशोरकेशावलिंगणेशविदुषाधुना निजकृतिस्तु लेलिख्यते ॥ २॥)

vinamya vipathāgrajīvihitalipsavīkṣālavaṃvinamrajanasantatervihitasantatajñānakam |vibhuṃ vimalayāminīvidhukiśorakeśāvaliṃgaṇeśaviduṣādhunā nijakṛtistu lelikhyate || 2||)

पाकारिप्रभृतीन् सुरानवति यो नाकारिसङ्घात् सदापाकात् पुण्यकृतेः स्वपादयुगलीस्वाकाङ्क्षचित्ताय यः ।स्वाकारं ददते सतोषमधुनोमाकामुक त्वं प्रभोमा कार्षीर्मयि कोपलेशमपि यल्लोकानुकम्पी भवान् ॥ १॥

pākāriprabhṛtīn surānavati yo nākārisaṅghāt sadāpākāt puṇyakṛteḥ svapādayugalīsvākāṅkṣacittāya yaḥ |svākāraṃ dadate satoṣamadhunomākāmuka tvaṃ prabhomā kārṣīrmayi kopaleśamapi yallokānukampī bhavān || 1||

चन्द्रो यन्मुखकान्तितुल्य इति तं लोकत्रये दुर्लभंमत्वा द्रष्टुमतीव तोषसहितो विष्णुः परामृश्य च ।अक्ष्येवैकमचीकॢपत् तमधुना पापौघभृङ्गावलीभेदे वज्रधरः स्वयं शिवमिदं वित्तं हि जिज्ञासते ॥ २॥

candro yanmukhakāntitulya iti taṃ lokatraye durlabhaṃmatvā draṣṭumatīva toṣasahito viṣṇuḥ parāmṛśya ca |akṣyevaikamacīkḷpat tamadhunā pāpaughabhṛṅgāvalībhede vajradharaḥ svayaṃ śivamidaṃ vittaṃ hi jijñāsate || 2||

चन्द्रं वीक्ष्य यदीयमाननमिति भ्रान्त्या सरोजव्रजोभामां प्राचि भरिष्यति च्छविभिरित्यालोच्य भीत्याकुलः ।आकाङ्क्षन्निव तत् प्र(भातमधुना)प्यास्ते नमन्मूर्धकंतत्तादृग्वदनाम्बुजाय शिव ते वीधीय (?) नित्यं नतिम् ॥ ३॥

candraṃ vīkṣya yadīyamānanamiti bhrāntyā sarojavrajobhāmāṃ prāci bhariṣyati cchavibhirityālocya bhītyākulaḥ |ākāṅkṣanniva tat pra(bhātamadhunā)pyāste namanmūrdhakaṃtattādṛgvadanāmbujāya śiva te vīdhīya (?) nityaṃ natim || 3||

पादाम्भोजयुगे हि यस्य विनमह्मादिदेवच्छटाकोटीरस्थितदेवराण्मणिगणस्फूर्युत्थिताच्छच्छविः ।तादर्थ्याम्बुजसङ्घसङ्गिविलसद्भृङ्गार्दनाङ्गोऽपि मांसोऽयं मन्दिरयत्यमन्दकुतुकादानन्दकन्दो मनः ॥ ४॥

pādāmbhojayuge hi yasya vinamahmādidevacchaṭākoṭīrasthitadevarāṇmaṇigaṇasphūryutthitācchacchaviḥ |tādarthyāmbujasaṅghasaṅgivilasadbhṛṅgārdanāṅgo'pi māṃso'yaṃ mandirayatyamandakutukādānandakando manaḥ || 4||

यत्पादाब्जयुगं स्वकान्तिसमतावाञ्छं सरोजव्रजंजित्वा स्वच्छविभिर्मृणालनिवहव्याजैरहो रश्मिभिः ।बद्धाग(ज्जनिमा)प तज्जलनिधौ भक्तेष्टदातः प्रभोस्वच्छन्दं विजरीहरीतु मम हृत्सौधे पदाब्जं तव ॥ ५॥

yatpādābjayugaṃ svakāntisamatāvāñchaṃ sarojavrajaṃjitvā svacchavibhirmṛṇālanivahavyājairaho raśmibhiḥ |baddhāga(jjanimā)pa tajjalanidhau bhakteṣṭadātaḥ prabhosvacchandaṃ vijarīharītu mama hṛtsaudhe padābjaṃ tava || 5||

यस्त्वल्लोचनकान्तिनीलजलदः पापौघदावानलंदाम्यन् निश्चलभक्तियुक्तजनताहृच्चातकानां मुदा ।आत्मानन्दमयीं तनोति सततं तृप्तिं दयाम्भोनिधेतृष्णादग्धमनन्यदेवशरणं हृच्चातकं पातु नः ॥ ६॥

yastvallocanakāntinīlajaladaḥ pāpaughadāvānalaṃdāmyan niścalabhaktiyuktajanatāhṛccātakānāṃ mudā |ātmānandamayīṃ tanoti satataṃ tṛptiṃ dayāmbhonidhetṛṣṇādagdhamananyadevaśaraṇaṃ hṛccātakaṃ pātu naḥ || 6||

यस्येशस्य दिनेशरूपमपि यन्नेत्रं दयाशीतलच्छायं स्वस्य हि रश्मिभिर्विनतहृत्पाथोजसङ्घं सदा ।सन्तोषेण महाविकास भरितं सन्तन्यते शङ्करत्वत्तत्तादृशलोचनेन मम हृत्पद्मं तथा तन्यताम् ॥ ७॥

yasyeśasya dineśarūpamapi yannetraṃ dayāśītalacchāyaṃ svasya hi raśmibhirvinatahṛtpāthojasaṅghaṃ sadā |santoṣeṇa mahāvikāsa bharitaṃ santanyate śaṅkaratvattattādṛśalocanena mama hṛtpadmaṃ tathā tanyatām || 7||

लीलालोलकटाक्षदग्वमदनः कालान्तकः सर्पराण्मालालङ्कृतसर्वगात्ररुचिरो हालाहलोद्यद्गलः ।चूलानन्तशिरःकिरीटसुरराण्मौलीविराजत्पदोफालालङ्कृतभूतिरप्युपनिषज्जालस्तुतः पातु नः ॥ ८॥

līlālolakaṭākṣadagvamadanaḥ kālāntakaḥ sarparāṇmālālaṅkṛtasarvagātraruciro hālāhalodyadgalaḥ |cūlānantaśiraḥkirīṭasurarāṇmaulīvirājatpadophālālaṅkṛtabhūtirapyupaniṣajjālastutaḥ pātu naḥ || 8||

रसलेशविवर्जितां प्रभो नुतिनाम्नीमधुना प्रलापवाचम् ।स्तुतिमेव गृहाण धूर्जटे निजभक्ताधिकतोषदानदक्ष ॥ ९॥

rasaleśavivarjitāṃ prabho nutināmnīmadhunā pralāpavācam |stutimeva gṛhāṇa dhūrjaṭe nijabhaktādhikatoṣadānadakṣa || 9||

इति (पैङ्गनाडु) गणपतिशास्त्रिकृतं श्रीमच्छिवाष्टकं सम्पूर्णम् ।(४५)

iti (paiṅganāḍu) gaṇapatiśāstrikṛtaṃ śrīmacchivāṣṭakaṃ sampūrṇam |(45)