पञ्चभूतपुरीशपञ्चरत्नम् Panchabhutapurisha Pancharatnam

श्रीमद्वेगवती तटे मणिलसद्गेहान्तरोद्यद्घनश्यामाम्रद्रुममूलशैलतनयापूज्यं पृथिव्याकृतिम् ।कामाक्षीकुचकुङ्कुमाङ्किततनुं कारुण्यरत्नाकरंक्षेमार्थं वरदार्चिताङ्घ्रिमचिरादेकाम्रनाथं भजे ॥ १॥

śrīmadvegavatī taṭe maṇilasadgehāntarodyadghanaśyāmāmradrumamūlaśailatanayāpūjyaṃ pṛthivyākṛtim |kāmākṣīkucakuṅkumāṅkitatanuṃ kāruṇyaratnākaraṃkṣemārthaṃ varadārcitāṅghrimacirādekāmranāthaṃ bhaje || 1||

कावेरीतटशोभिरङ्गनगरप्राग्भागजम्बूतरुप्रान्तोद्यन्मणिसद्मनि स्थितमधो जम्बूतरोः स्थायिनः ।लूतेभार्चितरङ्गनाथवरदं भक्त्याखिलाण्डेश्वरीपूजानिर्मितसज्जलाकृतिधरं श्रीजम्बुनाथं भजे ॥ २॥

kāverītaṭaśobhiraṅganagaraprāgbhāgajambūtaruprāntodyanmaṇisadmani sthitamadho jambūtaroḥ sthāyinaḥ |lūtebhārcitaraṅganāthavaradaṃ bhaktyākhilāṇḍeśvarīpūjānirmitasajjalākṛtidharaṃ śrījambunāthaṃ bhaje || 2||

अम्भोजासनमाधवाप्तदुरहङ्कारच्छिदग्निज्वलज्ज्वालालीढधराधराकृतिधरं पुर्णेन्दुबिम्बाननम् ।देव्याऽपीतकुचाम्बया सुविलसद्वामांङ्गमङ्घ्रिद्वयीपूजातत्परकामितार्थफलदं शोणाचालेशं भजे ॥ ३॥

ambhojāsanamādhavāptadurahaṅkāracchidagnijvalajjvālālīḍhadharādharākṛtidharaṃ purṇendubimbānanam |devyā'pītakucāmbayā suvilasadvāmāṃṅgamaṅghridvayīpūjātatparakāmitārthaphaladaṃ śoṇācāleśaṃ bhaje || 3||

शेषाशेषफणाभरोद्धतिजवात् कैलासनिर्मुक्तभूभृच्छ्रुङ्गाग्रसमीरणात्मकतयोद्भूताकृतिं शाश्वतम् ।व्याधाभीष्टफलप्रदं हृदि भजे ज्ञानप्रसूनाम्बिकाधीशं स्वर्णमुखीतटस्थमनिशं श्रीकालहस्तीश्वरम् ॥ ४॥

śeṣāśeṣaphaṇābharoddhatijavāt kailāsanirmuktabhūbhṛcchruṅgāgrasamīraṇātmakatayodbhūtākṛtiṃ śāśvatam |vyādhābhīṣṭaphalapradaṃ hṛdi bhaje jñānaprasūnāmbikādhīśaṃ svarṇamukhītaṭasthamaniśaṃ śrīkālahastīśvaram || 4||

श्रीमद्व्याघ्रपुरालयान्तरगतश्रीशैवगङ्गातटेभास्वच्छ्रीशिवकामसुन्दरियुतं देवं नभोरूपिणम् ।व्यत्यस्ताङ्घ्रिपतञ्जलिप्रियतमं नृत्यन्तमत्यादरात्गोविन्दाभिनुतं भजेहमनिशं शम्भुं सभानायकम् ॥ ५॥

śrīmadvyāghrapurālayāntaragataśrīśaivagaṅgātaṭebhāsvacchrīśivakāmasundariyutaṃ devaṃ nabhorūpiṇam |vyatyastāṅghripatañjalipriyatamaṃ nṛtyantamatyādarātgovindābhinutaṃ bhajehamaniśaṃ śambhuṃ sabhānāyakam || 5||

पञ्चरत्नमनिशं पठन्ति ये पञ्चभूतपुरीशितुः स्तवम् ।सञ्चिताघमपहृत्य शङ्करो वाञ्छितार्थमखिलं दिशेत् सताम् ॥ ६॥

pañcaratnamaniśaṃ paṭhanti ye pañcabhūtapurīśituḥ stavam |sañcitāghamapahṛtya śaṅkaro vāñchitārthamakhilaṃ diśet satām || 6||

इति श्रीमद्भारद्वाजकुलजलधिकौस्तुभनित्याग्निहोत्रिमीमांसकमूर्धन्यश्रीकण्ठमतप्रतिष्ठापनाचार्यचतुरधिकशतप्रबन्धनिर्वाहकश्रीमदद्वैतविद्याचार्यविश्वजिद्याजिश्रीरङ्गराजाध्वरिवरसूनुश्रीमदप्पय्यदीक्षितेन्द्ररचितंपञ्चरत्नं सम्पूर्णम् ॥

iti śrīmadbhāradvājakulajaladhikaustubhanityāgnihotrimīmāṃsakamūrdhanyaśrīkaṇṭhamatapratiṣṭhāpanācāryacaturadhikaśataprabandhanirvāhakaśrīmadadvaitavidyācāryaviśvajidyājiśrīraṅgarājādhvarivarasūnuśrīmadappayyadīkṣitendraracitaṃpañcaratnaṃ sampūrṇam ||