नागनाथशिवस्तुतिः शेषकृता Naganatha Shiva Stuti by Shesha

विश्वेश विश्व मदनान्तक विविश्वम्भराधरणकारण शक्तिदायिन् ।भर्गान्तकान्तक महेश्वर कृत्तिवासःपाह्याशु माऽखिलजगत्सनकादिपाल ॥ १॥

viśveśa viśva madanāntaka viviśvambharādharaṇakāraṇa śaktidāyin |bhargāntakāntaka maheśvara kṛttivāsaḥpāhyāśu mā'khilajagatsanakādipāla || 1||

पाहीश मामकधिया परिपाहि शम्भोदक्षाश्वमेधविधि शिक्षण कामशत्रो ।सुत्रामवज्रकरदारण चण्डिकेशगोत्रात्मजासखसुजात पुरां निहन्तः ॥ २॥

pāhīśa māmakadhiyā paripāhi śambhodakṣāśvamedhavidhi śikṣaṇa kāmaśatro |sutrāmavajrakaradāraṇa caṇḍikeśagotrātmajāsakhasujāta purāṃ nihantaḥ || 2||

पिनाकविलसत्करं दिवसनायकान्तर्गतम् ।विनायकसुतप्रियं भजत नागनाथस्तुतम् ॥ ३॥

pinākavilasatkaraṃ divasanāyakāntargatam |vināyakasutapriyaṃ bhajata nāganāthastutam || 3||

यामिनीरमणशोभिमस्तकं भामिनीविधृतसामिविग्रहम् ।योगिनीगणकृतस्तुतिप्रियं मोहिनीपतिमुपास्महे शिवम् ॥ ४॥

yāminīramaṇaśobhimastakaṃ bhāminīvidhṛtasāmivigraham |yoginīgaṇakṛtastutipriyaṃ mohinīpatimupāsmahe śivam || 4||

चारुभूधरशिरोविहारिणं भोगिभोगकृतकण्ठभूषणम् ।क्षिप्रदग्धपुरकामवैरिणं चन्द्रचूडचरणं भजेऽन्वहम् ॥ ५॥

cārubhūdharaśirovihāriṇaṃ bhogibhogakṛtakaṇṭhabhūṣaṇam |kṣipradagdhapurakāmavairiṇaṃ candracūḍacaraṇaṃ bhaje'nvaham || 5||

॥ इति शिवरहस्यान्तर्गते शेषकृता नागनाथशिवस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः १८। ४०४४॥

|| iti śivarahasyāntargate śeṣakṛtā nāganāthaśivastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 18| 4044||

– ॥ श्रीशिवरहस्यम् ।भर्गाख्यः पन्चमांशः ।अध्यायः १८। ४०-४४॥

– || śrīśivarahasyam |bhargākhyaḥ pancamāṃśaḥ |adhyāyaḥ 18| 40-44||