शिवस्तुतिः (मङ्कणकृता १ शिवरहस्यान्तर्गता) Mankanakrita Shiva Stuti 1

(शिवरहस्यान्तर्गते ईश्वराख्ये)मङ्कणःहे शम्भो भगवन्महेश गिरिजाजाने न जाने विभोत्वत्तत्त्वं शशिसङ्गरञ्जितमहागङ्गातरङ्गोद्यत ।विद्युत्पुञ्जसमाधिकावृतजटाजूटं निटालेक्षणंदेवं देवशिखामणे गरगलोदारं हरं शङ्करम् ॥ ८॥

(śivarahasyāntargate īśvarākhye)maṅkaṇaḥhe śambho bhagavanmaheśa girijājāne na jāne vibhotvattattvaṃ śaśisaṅgarañjitamahāgaṅgātaraṅgodyata |vidyutpuñjasamādhikāvṛtajaṭājūṭaṃ niṭālekṣaṇaṃdevaṃ devaśikhāmaṇe garagalodāraṃ haraṃ śaṅkaram || 8||

मारापारशरातिभीकरकणासारेण संहारिणंभो भर्ग त्रिजगच्छरण्य चरणाम्भोजप्रभाभावतः ।भस्मोद्धूलित कामिनीवरधृतार्धाङ्गाङ्गसङ्ग प्रभोत्वत्तो वेद्मि न चैव देव कुसुरोदारं वरं पामरम् ॥ ९॥

mārāpāraśarātibhīkarakaṇāsāreṇa saṃhāriṇaṃbho bharga trijagaccharaṇya caraṇāmbhojaprabhābhāvataḥ |bhasmoddhūlita kāminīvaradhṛtārdhāṅgāṅgasaṅga prabhotvatto vedmi na caiva deva kusurodāraṃ varaṃ pāmaram || 9||

हारं धीरतरं ममैव हृदयं जानासि शम्भोऽधुनावीक्षाशिक्षितमन्मथान्धकपुरं दक्षादिदीक्षापहम् ।त्र्यक्षं भिक्षितमौनियोषितमुमाकान्तं क्षपेशाङ्कितंउक्षाङ्गस्थितमप्रमेयविभवाध्यक्षं हि वीक्षे कदा ॥ १०॥

hāraṃ dhīrataraṃ mamaiva hṛdayaṃ jānāsi śambho'dhunāvīkṣāśikṣitamanmathāndhakapuraṃ dakṣādidīkṣāpaham |tryakṣaṃ bhikṣitamauniyoṣitamumākāntaṃ kṣapeśāṅkitaṃukṣāṅgasthitamaprameyavibhavādhyakṣaṃ hi vīkṣe kadā || 10||

भक्षीभूतगरं भवार्णवहरं पक्षीन्द्रवाहार्चितम् ॥ ११॥

bhakṣībhūtagaraṃ bhavārṇavaharaṃ pakṣīndravāhārcitam || 11||

सोमावतंस वरसामसुगीत शम्भोनिर्धूतकाम गिरिजापरिपूर्णकाम ।निः सीमभूममहिमन् भगवन्नमस्तेत्वं व्योमधाम गरिमालधिमासमश्च ॥ १२॥

somāvataṃsa varasāmasugīta śambhonirdhūtakāma girijāparipūrṇakāma |niḥ sīmabhūmamahiman bhagavannamastetvaṃ vyomadhāma garimāladhimāsamaśca || 12||

त्वच्छासनं भसितमेव भवादिरोगसंशामनं शमनभेदनमेव शम्भो ।तद्भेषजं भवति भूतिकरं महेशपारं भवेद्भवसारित्पतितारणाय ॥ १३॥

tvacchāsanaṃ bhasitameva bhavādirogasaṃśāmanaṃ śamanabhedanameva śambho |tadbheṣajaṃ bhavati bhūtikaraṃ maheśapāraṃ bhavedbhavasāritpatitāraṇāya || 13||

लिम्पन्निलिम्पपदवीमदवीयसीं वैयात्येव तद्भसितभालतलो हि (ऽपि) जन्तुः ।मृत्स्नामलीकतिलकं त्वलिके हि बिभ्रत्कृत्स्नं महाघनिचयं स लभेत शम्भो ॥ १४॥

limpannilimpapadavīmadavīyasīṃ vaiyātyeva tadbhasitabhālatalo hi ('pi) jantuḥ |mṛtsnāmalīkatilakaṃ tvalike hi bibhratkṛtsnaṃ mahāghanicayaṃ sa labheta śambho || 14||

यो नित्यं भसितत्रिपुण्ड्ररहितो हा आहिताग्नावधो(यो नित्यं भसितत्रिपुण्ड्ररहितो वह्नौ जुहोति द्विजः)भग्नो यात्यनुवासरं स नितरां नग्नो विभूतिं विना ।शावास्पृश्यसमं तदीयमधुना देहं हि दाहोपमंहा हा हन्त भवेत पातककरं त्र्यक्षाधुनाद्रक्षये ॥ १५॥

yo nityaṃ bhasitatripuṇḍrarahito hā āhitāgnāvadho(yo nityaṃ bhasitatripuṇḍrarahito vahnau juhoti dvijaḥ)bhagno yātyanuvāsaraṃ sa nitarāṃ nagno vibhūtiṃ vinā |śāvāspṛśyasamaṃ tadīyamadhunā dehaṃ hi dāhopamaṃhā hā hanta bhaveta pātakakaraṃ tryakṣādhunādrakṣaye || 15||

(हा हा हन्त भवेत पातककरं त्र्यक्षाद्य पश्याम्यहम्) ॥ १५॥

(hā hā hanta bhaveta pātakakaraṃ tryakṣādya paśyāmyaham) || 15||

तस्यानुक्षणदुर्मुखाधममुखं दृष्टं च दुःखास्पदंयात्येवानुदिनं स शावजमहास्पृश्योपमः सूतकी ।घोरां याति च यातनां यमकृतां निःसीमकामातिगांतस्योद्धारपरम्परासु न हरिर्वाचां पतिर्नो सुराः ॥ १६॥

tasyānukṣaṇadurmukhādhamamukhaṃ dṛṣṭaṃ ca duḥkhāspadaṃyātyevānudinaṃ sa śāvajamahāspṛśyopamaḥ sūtakī |ghorāṃ yāti ca yātanāṃ yamakṛtāṃ niḥsīmakāmātigāṃtasyoddhāraparamparāsu na harirvācāṃ patirno surāḥ || 16||

भाण्डास्तर्क वितर्ककर्कशधियो भस्मत्रिपुण्ड्रोज्झितास्ते सौर्युद्धतबाहुदण्डविधृतप्रोच्चण्डदण्डाहताः ।धाराखड्ग निपातनाधममहामुण्डादिषण्डाकुलाःकोदण्डोरुशराभिघातसुमहादेहा द्रवन्त्यार्तवत् ॥ १७॥

bhāṇḍāstarka vitarkakarkaśadhiyo bhasmatripuṇḍrojjhitāste sauryuddhatabāhudaṇḍavidhṛtaproccaṇḍadaṇḍāhatāḥ |dhārākhaḍga nipātanādhamamahāmuṇḍādiṣaṇḍākulāḥkodaṇḍoruśarābhighātasumahādehā dravantyārtavat || 17||

शिवार्चनपरौ करौ शिवविलोकने लोचनेशिवध्वनिपरे श्रुती शिवनमोविनोदं शिरः ।अहो परमदुर्लभं किमपि भाग्यमस्मादृशांशिवैकविषयं मनः शिवपतिव्रता भारती ॥ १८॥

śivārcanaparau karau śivavilokane locaneśivadhvanipare śrutī śivanamovinodaṃ śiraḥ |aho paramadurlabhaṃ kimapi bhāgyamasmādṛśāṃśivaikaviṣayaṃ manaḥ śivapativratā bhāratī || 18||

॥ इति शिवरहस्यान्तर्गते मङ्कणकृता शिवस्तुतिः १ सम्पूर्णा ॥॥ श्रीशिवरहस्यम् । ईश्वराख्यः दशमांशः । अध्यायः ९ देवस्तुतिः । ८१८॥

|| iti śivarahasyāntargate maṅkaṇakṛtā śivastutiḥ 1 sampūrṇā |||| śrīśivarahasyam | īśvarākhyaḥ daśamāṃśaḥ | adhyāyaḥ 9 devastutiḥ | 818||

– ॥ श्रीशिवरहस्यम् ।ईश्वराख्यः दशमांशः ।अध्यायः ९ देवस्तुतिः ।८-१८॥

– || śrīśivarahasyam |īśvarākhyaḥ daśamāṃśaḥ |adhyāyaḥ 9 devastutiḥ | 8-18||