शिवस्तुतिः (मङ्कणकृता २ शिवरहस्यान्तर्गता) Mankanakrita Shiva Stuti 2

(शिवरहस्यान्तर्गते ईश्वराख्ये)मङ्कण उवाच ।शम्भो भर्ग भवेन्दुशेखर महादेवाव्ययेशान तेपादद्वन्द्व समर्चनार्जितमहाभक्तिप्रभाभावितः ।भावोऽहं भव भावभावपरमानन्दाम्बुधौ मग्नधीःउन्मत्तोत्तमधन्यमान्यपदवीमासादितः सादरम् ॥ १७॥

(śivarahasyāntargate īśvarākhye)maṅkaṇa uvāca |śambho bharga bhavenduśekhara mahādevāvyayeśāna tepādadvandva samarcanārjitamahābhaktiprabhābhāvitaḥ |bhāvo'haṃ bhava bhāvabhāvaparamānandāmbudhau magnadhīḥunmattottamadhanyamānyapadavīmāsāditaḥ sādaram || 17||

(हे शम्भो शशिखण्डसुन्दर जटाकाण्डोरु)मातङ्गत्वगलङ्कृताङ्ग गिरिजादेहार्धसङ्ग प्रभोहस्ते बालकुरङ्गसङ्ग शशधृग्वह्न्यर्कनेत्रोज्ज्वल ।लिङ्गस्थाङ्ग महोत्तमाङ्गविलसद्गङ्गामृतांशो भवत्पादौ वै शरणं प्रयामि सततं पापौघभङ्गाय मे ॥ १८॥

(he śambho śaśikhaṇḍasundara jaṭākāṇḍoru)mātaṅgatvagalaṅkṛtāṅga girijādehārdhasaṅga prabhohaste bālakuraṅgasaṅga śaśadhṛgvahnyarkanetrojjvala |liṅgasthāṅga mahottamāṅgavilasadgaṅgāmṛtāṃśo bhavatpādau vai śaraṇaṃ prayāmi satataṃ pāpaughabhaṅgāya me || 18||

उग्र भीम भव भर्ग शङ्करत्र्यक्ष रक्ष मखभक्ष वीक्ष माम् ।अन्धकान्तक कृतान्तखण्डनवेदवेद्य जितमन्मथ पाहि ॥ १९॥

ugra bhīma bhava bharga śaṅkaratryakṣa rakṣa makhabhakṣa vīkṣa mām |andhakāntaka kṛtāntakhaṇḍanavedavedya jitamanmatha pāhi || 19||

त्वपाद पद्मपरिषेवणयत्नलभ्यंपुण्यासपत्नामघहारि विशुद्धनूत्नम् ।हृष्टो विशिष्ट करुणारुण शिष्टमिष्टमोजिष्ठमष्टतनवे करवै नमस्ते ॥ २०॥

tvapāda padmapariṣevaṇayatnalabhyaṃpuṇyāsapatnāmaghahāri viśuddhanūtnam |hṛṣṭo viśiṣṭa karuṇāruṇa śiṣṭamiṣṭamojiṣṭhamaṣṭatanave karavai namaste || 20||

वस्तु स्वस्तिदमस्तु मे हृदि सदा वेदोरुमस्तस्तुतंनिस्तोकं वरहस्तशस्त्रलुलितब्रह्मोत्तमाङ्गं परम् ।शूलत्रस्तसमस्तदैत्यनिकरारम्भेण मातङ्गहृच्छस्तं निस्तुलमाविरस्तु पुरतो ध्वस्ताघसङ्घ परम् ॥ २१॥

vastu svastidamastu me hṛdi sadā vedorumastastutaṃnistokaṃ varahastaśastralulitabrahmottamāṅgaṃ param |śūlatrastasamastadaityanikarārambheṇa mātaṅgahṛcchastaṃ nistulamāvirastu purato dhvastāghasaṅgha param || 21||

अद्राक्ष्म त्र्यक्षपादं फणिघृणियुक् लेख मौल्युत्थरेखाकिणमसृणसुसिद्धं सिद्धसंसिद्धिवन्द्यम् ।अरुणिमशरणानां लोकलीलाविनोदंमदमुदितभवानां भावनानाशहेतुम् ॥ २२॥

adrākṣma tryakṣapādaṃ phaṇighṛṇiyuk lekha maulyuttharekhākiṇamasṛṇasusiddhaṃ siddhasaṃsiddhivandyam |aruṇimaśaraṇānāṃ lokalīlāvinodaṃmadamuditabhavānāṃ bhāvanānāśahetum || 22||

अयज्महि पुरा जनौ मदवशान्न ते प्रीतयेअयुज्म यदि शाङ्करं तवसुयोगमत्यादरात् ।अदद्महि महापथप्रतिपदोरुदानैरपिदधीमहि हृदामुदा तव सरोज पादं सदा ॥ २३॥

ayajmahi purā janau madavaśānna te prītayeayujma yadi śāṅkaraṃ tavasuyogamatyādarāt |adadmahi mahāpathapratipadorudānairapidadhīmahi hṛdāmudā tava saroja pādaṃ sadā || 23||

अधीमहि सदाघहं सुगममुक्तिमार्गप्रदंशतश्रुतिशिरोगतं विमलमेवरुद्रं सदा ।अलेऽपि भसितं सितं विमलमेव पुण्ड्रं सदाभवेम सततं भवे भव तवैकभावाः सदा ॥ २४॥

adhīmahi sadāghahaṃ sugamamuktimārgapradaṃśataśrutiśirogataṃ vimalamevarudraṃ sadā |ale'pi bhasitaṃ sitaṃ vimalameva puṇḍraṃ sadābhavema satataṃ bhave bhava tavaikabhāvāḥ sadā || 24||

अचकृम वरिवस्यां शाङ्गलिङ्गोत्तमाङ्गेतव सदयकटाक्षैर्मोदमानाः सदैव ।तव शिव चरणाब्जालोकनेनालमेतन्नवरसुरवराणां वारणे कारणं मे ॥ २५॥

acakṛma varivasyāṃ śāṅgaliṅgottamāṅgetava sadayakaṭākṣairmodamānāḥ sadaiva |tava śiva caraṇābjālokanenālametannavarasuravarāṇāṃ vāraṇe kāraṇaṃ me || 25||

॥ इति शिवरहस्यान्तर्गते मङ्कणकृता शिवस्तुतिः २ सम्पूर्णा ॥॥ श्रीशिवरहस्यम् । ईश्वराख्यः दशमांशः । अध्यायः १० मङ्कणस्तुतिः । १७२५॥

|| iti śivarahasyāntargate maṅkaṇakṛtā śivastutiḥ 2 sampūrṇā |||| śrīśivarahasyam | īśvarākhyaḥ daśamāṃśaḥ | adhyāyaḥ 10 maṅkaṇastutiḥ | 1725||

– ॥ श्रीशिवरहस्यम् ।ईश्वराख्यः दशमांशः ।अध्यायः १० मङ्कणस्तुतिः ।१७-२५॥

– || śrīśivarahasyam |īśvarākhyaḥ daśamāṃśaḥ |adhyāyaḥ 10 maṅkaṇastutiḥ | 17-25||