shivastutiH (9) Margashirshamasakrite Shiva Stuti Masa9

(शिवरहस्यान्तर्गते महादेवाख्ये)शिवगौरीसंवादेशम्भो मयस्कर हरामर धीर वीरगङ्गाधर प्रमथनाथ सनातनेश ।विश्वेश विश्व मदनान्तक विश्वमूर्तेविश्वाक्ष विश्वमुख पाहि नमो नमस्ते ॥ ५४॥

(śivarahasyāntargate mahādevākhye)śivagaurīsaṃvādeśambho mayaskara harāmara dhīra vīragaṅgādhara pramathanātha sanātaneśa |viśveśa viśva madanāntaka viśvamūrteviśvākṣa viśvamukha pāhi namo namaste || 54||

नमामि शशिशेखरं पुरहरं च गङ्गाधरंविभूतिधरमीश्वरं फणधरेन्द्रहारं हरम् ॥ ५५॥

namāmi śaśiśekharaṃ puraharaṃ ca gaṅgādharaṃvibhūtidharamīśvaraṃ phaṇadharendrahāraṃ haram || 55||

दीनावनप्रथितचारुदृशा महेशश्रीव्योमकेश कुशकाशसमर्चिताङ्घ्रे ।कोशावकाशमहिमन् वरशेषभूषमामाशु वीक्षय सुशिक्षय कामवर्गम् ॥ ५६॥

dīnāvanaprathitacārudṛśā maheśaśrīvyomakeśa kuśakāśasamarcitāṅghre |kośāvakāśamahiman varaśeṣabhūṣamāmāśu vīkṣaya suśikṣaya kāmavargam || 56||

स्तवेनानेन देवेशि स्तुवीत परमेश्वरम् ।पौर्णम्यां शाम्भवैः सार्धं होमः कार्यो विधानतः ॥ ५७॥

stavenānena deveśi stuvīta parameśvaram |paurṇamyāṃ śāmbhavaiḥ sārdhaṃ homaḥ kāryo vidhānataḥ || 57||

चित्रं गोमिथुनं देवि सवत्सं च सुदक्षिणम् ।स्वयं भुञ्जीत तस्यान्ते बान्धवैः शाम्भवैः सह ॥ ५८॥

citraṃ gomithunaṃ devi savatsaṃ ca sudakṣiṇam |svayaṃ bhuñjīta tasyānte bāndhavaiḥ śāmbhavaiḥ saha || 58||

मासं नक्ताशनो भूत्वा भवभक्तो जितेन्द्रियः ।स च यत्फलमाप्नोति तदेकाग्रमनाः शृणु ॥ ५९॥

māsaṃ naktāśano bhūtvā bhavabhakto jitendriyaḥ |sa ca yatphalamāpnoti tadekāgramanāḥ śṛṇu || 59||

गीतवादित्रबहुलैरप्सरोगणनर्तनैः ।गन्धस्रगनुलिप्ताङ्गो दिव्याभरणभूषितः ॥ ६०॥

gītavāditrabahulairapsarogaṇanartanaiḥ |gandhasraganuliptāṅgo divyābharaṇabhūṣitaḥ || 60||

काञ्चनेन विमानेन याति शम्भोर्वरालयम् ।चापस्थिते दिवानाथे तस्मिन्नुषसि पूजनम् ॥ ६१॥

kāñcanena vimānena yāti śambhorvarālayam |cāpasthite divānāthe tasminnuṣasi pūjanam || 61||

मम देवि प्रियकरं सदा लिङ्गार्चनं मम ।समुद्गान्नं घृताक्तं च निवेद्य परमेश्वरे ॥ ६२॥

mama devi priyakaraṃ sadā liṅgārcanaṃ mama |samudgānnaṃ ghṛtāktaṃ ca nivedya parameśvare || 62||

यावन्मासं विशेषेण पूजनं तत्र शस्यते ।शतवर्षेषु या पूजा मोसेनोषसि सा ध्रुवम् ॥ ६३॥

yāvanmāsaṃ viśeṣeṇa pūjanaṃ tatra śasyate |śatavarṣeṣu yā pūjā mosenoṣasi sā dhruvam || 63||

तत्फलं लभते गौरि तस्मिन् मासि विशेषतः ।चापे रौद्रर्क्षके देवि पौर्णम्यां शशिशेखरम् ॥ ६४॥

tatphalaṃ labhate gauri tasmin māsi viśeṣataḥ |cāpe raudrarkṣake devi paurṇamyāṃ śaśiśekharam || 64||

नर्तमानं त्रयीनेत्रं कृशानुवरहस्तकम् ।त्वया युक्तं विशेषेण शशिभूषणमीश्वरम् ॥ ६५॥

nartamānaṃ trayīnetraṃ kṛśānuvarahastakam |tvayā yuktaṃ viśeṣeṇa śaśibhūṣaṇamīśvaram || 65||

सम्पूज्य स्नापयेद्देवमभिषेचनकक्रमैः ।गन्धं सुगन्धमालिप्य धूपदीपसुमैः शिवे ॥ ६६॥

sampūjya snāpayeddevamabhiṣecanakakramaiḥ |gandhaṃ sugandhamālipya dhūpadīpasumaiḥ śive || 66||

नैवेद्यैः फलमूलैश्च हविषाऽपूपसंयुतम् ।दृष्ट्वा प्रमुच्यते पापैर्बुद्धिपूर्वं कृतैरपि ॥ ६७॥

naivedyaiḥ phalamūlaiśca haviṣā'pūpasaṃyutam |dṛṣṭvā pramucyate pāpairbuddhipūrvaṃ kṛtairapi || 67||

पुण्डरीकपुरे वापि पश्येन्नृत्यन्तमीश्वरम् ।रौद्रर्क्षे चापसंयुक्ते मास्यस्मिन् पूर्णिमातिथौ ॥ ६८॥

puṇḍarīkapure vāpi paśyennṛtyantamīśvaram |raudrarkṣe cāpasaṃyukte māsyasmin pūrṇimātithau || 68||

स्नात्वाऽथ शिवगङ्गायां पश्येद्देवं पिनाकिनम् ।ब्रह्महत्यादिभिर्मुक्तो भक्तो मुक्तिं च विन्दति ॥ ६९॥

snātvā'tha śivagaṅgāyāṃ paśyeddevaṃ pinākinam |brahmahatyādibhirmukto bhakto muktiṃ ca vindati || 69||

॥ इति शिवरहस्यान्तर्गते ईश्वरप्रोक्तं मार्गशीर्षमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः २२ मार्गशीर्षार्चनम् । ५४६९॥

|| iti śivarahasyāntargate īśvaraproktaṃ mārgaśīrṣamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 22 mārgaśīrṣārcanam | 5469||

– ॥ श्रीशिवरहस्यम् ।महादेवाख्यः एकादशमांशः ।अध्यायः २२ मार्गशीर्षार्चनम् ।५४-६९॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 22 mārgaśīrṣārcanam | 54-69||